TITUS
Lamprecht, Alexander (Basler Bearbeitung)
Part No. 8
Previous part

Chapter: 12  
Alexanders Geburt


Verse: 367     Nun begunde nachen die zit,
Verse: 368    als es die natture git,

Verse: 369    daz die küngine solt geberen,
Verse: 370    und die wetag sy des begunden bewern.

Verse: 371    sy bat mit heimlichen sinen
Verse: 372    ir Nektanibum gewinen.

Verse: 373    als do der komen was,
Verse: 374    zuͦ im sprach Ollipyas

Verse: 375    'meister, mir ist unmassen wee,
Verse: 376    rat, wie daz an mir zerge.'

Verse: 377    an den selben stunden
Verse: 378    der sternen luͦff begunde

Verse: 379    messen und reitten.
Verse: 380    'von den arbeitten

Verse: 381    kunst du scheire, küngin,
Verse: 382    richt dich uff, kungin,

Verse: 383    wand all din ding an dire frist
Verse: 384    betrüebet sind, ... daz ist.'

Verse: 385    do nun daz für kam,
Verse: 386    der fruͦwen es alle we benam.

Verse: 387    er sprach 'sicz wider, fruͦwe min.'
Verse: 388    des was gehorsam die küngin.

Verse: 389    als si do gesas,
Verse: 390    des kindes scheire [si] genas.

Verse: 391    do daz zer welt was komen,
Verse: 392    an der zit ward vernomen

Verse: 393    erdbidem und dorn blik.
Verse: 394    daz beschach so stark so dik,

Verse: 395    daz alle liutte begunden jhehen,
Verse: 396    es wer ein grosses wunder beschehen

Verse: 397    die nacht uncz uf brun zit,
Verse: 398    daz beschach niemer sid.

Verse: 399    als küng Pilip daz ersach,
Verse: 400    er erschrak und het sin ungemach,

Verse: 401    doch gelichet er froͤlich ze sin.
Verse: 402    er gie für daz bet hin in,

Verse: 403    er wunste in beden selig sin
Verse: 404    die frouw und daz kindlin.

Verse: 405    er sprach 'ich han gedacht
Verse: 406    (alle die zit so daz kind wurde bracht

Verse: 407    zer welt) daz man es niut zug
Verse: 408    in minem namen durch die geschicht

Verse: 409    daz es eins gottes ist;
Verse: 410    daz man mag merken sunder list,

Verse: 411    wand an sinem brütlichen tag
Verse: 412    (daz ich für wor sagen mag

Verse: 413    und sin offenlichen gich)
Verse: 414    die ellimentten verkertten sich.

Verse: 415    doch ziuch es mit flise und mit zart
Verse: 416    und als min eigen kint bewart.

Verse: 417    la dir nich wessen swer
Verse: 418    und heis es Allexander.'

Verse: 419    als daz vernam die küngin,
Verse: 420    si zoch mit flis daz kindelin.





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.