TITUS
Lamprecht, Alexander (Basler Bearbeitung)
Part No. 7
Previous part

Chapter: 11  
Vogelei und Drachenjunges


Verse: 337    kurzlich dar nach geschach oͮch daz:
Verse: 338    da küng Pilipus alleine sas,

Verse: 339    ein klein huͦn kam geflogen dar,
Verse: 340    daz er sin nie wart gewar.

Verse: 341    es sas in die schos sin
Verse: 342    und leit vil eben ein ey dar in;

Verse: 343    us siner schuͦs viel daz ey
Verse: 344    uf einen stein und brach enzwei.

Verse: 345    do daz ey den bruch enpfieng,
Verse: 346    dar us ein gefüege slange gieng

Verse: 347    und wolt oͮch wider sin dar in,
Verse: 348    daz mocht vom bruch niut gesin.

Verse: 349    do es sin huͦbt dar gebot,
Verse: 350    do lag es vor dem ey dot.

Verse: 351    der geschit ward er unfro,
Verse: 352    nach sinen meistren sant er do,

Verse: 353    er nam si besunder
Verse: 354    und zeigt in daz wunder.

Verse: 355    do jeklicher daz wunder sach,
Verse: 356    ir einer under in do sprach

Verse: 357    'küng, la dir niut wesen zorn:
Verse: 358    ein sun wirt dir geborn,

Verse: 359    der nach dir gewalttig wirt
Verse: 360    und oͮch niemer verbirt,

Verse: 361    er bringe mit gewalt in sin hant
Verse: 362    grossi mengi witte lant.

Verse: 363    so er dene volendet sin not,
Verse: 364    ee er kume ze land, so lit er dot.

Verse: 365    dis betiuttet die geschach,
Verse: 366    die habe niut ze ungemach.'





Next part


This text is part of the TITUS edition of Lamprecht, Alexander (Basler Bearbeitung).

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.