TITUS
Tatian, Gospel Harmony
Part No. 165
Previous part

Chapter: 164 
Sentence: 1 
   Amen amen dico vobis, qui credit in me, opera quæ ego facio et ipse faciet, quia ego ad patrem vado, Link to gotnt et quodcumque petieritis in nomine meo hoc faciam, ut glorificetur pater in filio.
   Uuar uuar quidih íu, thie dar in mih giloubit, thiu uuerc thiu ih duon inti her duot, bithiu uuanta ih zi themo fater faru, inti so uuaz so ir bitit in minemo naman thaz duon ih, thaz si gidiurisot ther fater in themo sune.
Sentence: 2    Link to gotnt
   Si diligitis me, mandata mea servate, Link to gotnt et ego rogabo patrem, et alium paracletum dabit vobis, ut maneat vobiscum in aeternum,
   Ob ir mih minnot, thanne haltet ir min bibot, inti ih bitu then fater, inti anderan fluobreri gibit her íu, thaz her uuone mit iu zi euuidu,
Sentence: 3    Link to gotnt
   Spiritum veritatis, quem mundus accipere non potest, quia non videt eum nec scit eum: vos autem cognoscitis eum, quia apud vos manebit et in vobis erit.
   Geist uuares, then thisu uueralt intfahan ni mac, uuanta her inan ni gisihit noh ni uueiz inan: ir uuizzut inan, uuanta her mit íu uuonet inti in íu ist.
Sentence: 4    Link to gotnt
   Non relinquam vos orphanos: veniam ad vos. Link to gotnt Adhuc modicum et mundus me iam non videt, (280) vos autem videtis me, quia ego vivo et vos vivetis.
   Ni forlazzu iuuuih uueison: ih quimu zi íu. Noh nu ein luzil inti thisu uueralt mih iu ni gisihit: (280) ir gisehet mih, uuanta ih leben inti ir lebet.
Sentence: 5    Link to gotnt
   In illo die vos cognoscetis quia ego sum in patre meo et vos in me et ego in vobis.
   In themo tage forstantet ir thaz ih bin in minemo fater inti ir in mir inti ih in íu.
Sentence: 6    Link to gotnt
   Qui habet mandata mea et servat ea ille est qui diligit me, qui autem diligit me diligetur a patre meo, et ego diligam eum et manifestabo ei me ipsum.
   Therde habet min bibot inti heltit thiu ther ist therde mih minnot: therde mih minnot ther ist giminnot fon minemo fater, inti ih minnon inan inti ougozorhton imo mih selbon.

Next part


This text is part of the TITUS edition of Tatian, Gospel Harmony.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.