TITUS
Tatian, Gospel Harmony
Part No. 153
Previous part

Chapter: 152 
Sentence: 1    Link to gotnt
   Cum autem venerit filius hominis in maiestate sua et omnes angeli cum eo, tunc sedebit super sedem maiestatis suæ.
   Mit diu cumit ther mannes sun in sineru mihhilnessi inti alle engila mit imo, thanne sizzit her obar sedal sinera mihhilnessi.
Sentence: 2    Link to gotnt
   Et congregabuntur ante eum omnes gentes, et separavit eos ab invicem, sicut pastor segregat oves ab hedis, Link to gotnt et statuet oves quidam a dextris suis, hedos autem a sinistris.
   Inti gisamanot uuerdent furi inan allo thiota, inti thanne zisceidit her sie untar zuisgen, so hirti zisceidit scáf fon zigon, inti sezzit thiu scáf fon sineru zesavvun inti thio zigun fon sineru uuinistrun.
Sentence: 3    Link to gotnt
   Tunc dicet rex his qui a dextris eius erunt: venite, benedicti patris mei, possidete paratum vobis regnum a constitutione mundi. Link to gotnt Esurivi enim et dedistis mihi manducare, sitivi et dedistis mihi bibere, hospes eram et collegistis me, Link to gotnt nudus et operuistis me, infirmus et visitastis me, (267) in carcere et venistis ad me.
   Thanne quidit ther cunig then thie fon sineru zesavvun sint: quemet, ir gisegenoton mines fater, inti gisizzet íu garo ríhhi fon anaginne uueralti. Mih hungrita inti ir gabut mir ézzan, mih thursta inti ir gabut mir trincan, ih uuas gast inti ir halotut mih, nacot inti ir bithactut mih, ummahtic inti ir uuisotut min, (267) in carkere uuas inti ir quamut zi mir.
Sentence: 4    Link to gotnt
   Tunc respondebunt ei iusti dicentes: domine, quando te vidimus esurientem et pavimus, sitientem et dedimus tibi potum? Link to gotnt quando autem te vidimus hospitem et collegimus te, aut nudum et cooperuimus te? Link to gotnt aut quando te vidimus infirmum et in carcerem et venimus ad te?
   Tho antlingitun imo thie rehton inti quadun: trohtin, uuanne gisahun uuir thih hungrentan inti fuotritun thih, thurstentan inti gabunmes thir trinkan? uuanne gisahun uuir thih gast uuesentan inti gihalotunmes thih, oda nacotan inti bithactumes? oda uuanne gisahumes thih ummahtigan oda in carkere inti quamunmes zi thir?
Sentence: 5    Link to gotnt
   Et respondens rex dicet illis: amen dico vobis, quamdiu fecistis uni de his fratribus meis minimis, mihi fecistis.
   Inti antlingenti ther cunig quidit in: uuar quidih íu, so lango so ir tatut einemo fon thesen minen bruoderon minniston, thanne tatut ir iz mir.
Sentence: 6    Link to gotnt
   Tunc dicet et his qui a sinistris erunt: discedite a me, maledicti, in ignem aeternum, qui preparatus est diabulo et angelis eius. Link to gotnt Esurivi enim et non dedistis mihi manducare, sitivi et non dedistis mihi potum, Link to gotnt hospes eram et non collegistis me, nudus et non operuistis me, infirmus et in carcere et non visitastis me.
   Thanne quidit her then thie zi sineru uuinistrun sint: eruuizzet fon mir, ir foruuergiton, in euuin fiur, thaz dar garo ist themo diufale inti sinen engilon. Mih hungrita inti ir ni gabut mir ezzan, mih thursta inti ir ni gabut mir trincan, ih uuas gast iuti ir ni gihalotut mih, nacot inti ir ni bithactut mih, ummahtic inti in carkere inti ir ni uuisotut min.
Sentence: 7    Link to gotnt
   (268) Tunc respondebunt et ipsi dicentes: domine, quando te vidimus esurientem aut sitientem aut hospitem aut nudum aut infirmum vel in carcere et non ministravimus tibi?
   (268) Thanne antlingent sie inti quedent: trohtin, uuanne gisahun uuir thih hungrentan oda thurstentan oda gast oda nacotan oda ummahtigan oda in carkere inti ni ambahtitumes thir?
Sentence: 8    Link to gotnt
   Tunc respondebit illis dicens: amen dico vobis, quamdiu non fecistis uni de minoribus his, nec mihi fecistis.
   Thanne antlingit her in quedenti: uuar quidih íu, so lango so ir ni tatut einemo fon then minniron, noh mir ni tatut.
Sentence: 9    Link to gotnt
   Et ibunt hi in suplicium aeternum, iusti autem in vitam aeternam.
   Inti farent thie in euuinaz uúizzi, thie rehton in euuin líb.

Next part


This text is part of the TITUS edition of Tatian, Gospel Harmony.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.