TITUS
Notker, Psalter
Part No. 156
Previous part

Chapter: Lk._1  

p. 567    

Line: 17     CANTICVM SANCTĘ MARIAE .

Line: 18     MAGNIFICAT ANIMA MEA DOMINVM . °ET EX\ultauit

Line: 19     spiritus meus in deo salutari meo . Mîn sêla

Line: 20     lóbot Got . Vnde min muôt froûta sih an mîne\mo

Line: 21     haltare . Ih ne-mag uz-uuert ke-oûgen daz ih ínuuert ha\bo .

Line: 22     Mîna mendi begrîfent chûmo alle chrefte mînero sêlo .

Line: 23     Officia linguę ne-genuogent ze sagenne . uuaz ih fréuui hábo

Line: 24     ínne . Quia respexit humilitatem ancillę suę . Vuanda er irsah .

Line: 25     daz chit ke-uuerdlîcheta die nideri sinero diûuue . Er ne-fer\sah

Line: 26     mîna smâhi . nube er uuolta uuídertuôn an mînero diê\muôti .


p. 568    

Page: 568  
Line: 1     die alten tâte dero ubermuôtun euę . Ecce enim ex hoc

Line: 2     beatam me dicent omnes generationes . Síno . ánauuert chédent

Line: 3     mih sâliga . daz chit heizent mih diê sâligun . alle gebúrte .

Line: 4     Den namen gebent mir . al diê noh chumftig sint . Quia fecit mi\hi

Line: 5     magna qui potens est . et sanctum nomen eius . Vunda mir

Line: 6     geliez michel ding der mahtig ist . unde des námo hêilig ist .

Line: 7     Ane mîne uuírde . skeinda er mir sunderlicha genâda . Et misericordia

Line: 8     eius a progenie in progenies timentibus eium . Vnde sin genada

Line: 9     ne-ist mir êinun gelâzen . nube allen . diê ín fúrhtent . fone

Line: 10     chunne ze chunne . Fecit potentiam in brachio suo . dispersit su\perbos

Line: 11     mente cordis sui . Máhtigo téta er mit sineno arme .

Line: 12     uuanda er ze-treîb hôhfertige in iro herzon . Deposuit po\tentes

Line: 13     de sede et exaltauit humiles . Mahtige irualta ér . níde\re

Line: 14     irhôhta ér . Esurientes repleuit bonis . et diuites dimisit in\anes .

Line: 15     Cuôtes kesatota er húngerge . die rîchen liêz ér lâre .

Line: 16     Suscepit israhel puerum suum . recordatus misericordię suę . Sîn chíNT

Line: 17     israhelen inphiêng er . sînero genâdo irhúgende . So chad

Line: 18     osee propheta . QVIA PVER ISRAHEL . ET DILEXI EVM .

Line: 19     Humilitas ketuôt in uuesen Gote liêbez chint . Sicut locutvs

Line: 20     est ad patres nostros . abraham et semini eius in sęcula . Also er spráh

Line: 21     ze únseren fórderon . also er gehiêz abrahę . unde sînemo sâ\men .

Line: 22     fone demo er chad . IN SEMINE TVO BENEDICENTVR

Line: 23     OMNES GENTES . Vuiê lango sol daz uuésen? In sęcula . In alle uuérl\te .

Line: 24     hier unde in êuuon . FIDES SANCTI ATHANA\SII EPISCOPI .

Line: 25     QVICVMQVE VVLT

Line: 26     saluus esse . ante omnia opus est . ut teneat catho\licam


p. 569    

Page: 569  
Line: 1     fidem . Souuér gehalten uuíle sîn . demo ist durft fóre

Line: 2     allen díngen . daz er habe die gemeinun geloûba . Quam nisi

Line: 3     quisque integram inuiolatamque seruauerit . absque dubio in ęter\num

Line: 4     peribit . Souuer sîa ne-habet ó-langa unde úniruuárta !

Line: 5     der uuirt ze êuuon ferlorn . Fides autem catholica hęc est . ut u\num

Line: 6     deum in trinitate . et trinitatem in unitate ueneremur . Neque

Line: 7     confundentes personas . neque substantiam separantes . Daz ist diû

Line: 8     állîcha geloûba . daz uuir eînen Gót êreen an trinitate . un\de

Line: 9     trinitatem an unitate . noh personas mískente . noh substantiam

Line: 10     scêidente . Vngescêideniu substantia ouget uns eînen Got . Trî

Line: 11     gescêidene personę . ougent uns trî gágennémmeda dero tri\nitatis .

Line: 12     Vuaz sint gagennemmeda . âne daz latine sint rela\tiones?

Line: 13     Ein relatio ist patris ad filium . ánderiû ist filii ad pa\trem .

Line: 14     diu dritta ist spiritus sancti ad patrem et filium . Dero iêgelich habet

Line: 15     sina personam . Also iz hara nâh chit . Alia est enim persona pa\tris .

Line: 16     alia filii . alia est spiritus sancti . Ein persona ist patris . ánderiû fi\lii .

Line: 17     diu drítta spiritus sancti . Personę ne-uuerdent niêht so fernomen

Line: 18     an Gote . so an creaturis . In creaturis sint tres personę . tres sub\stantię .

Line: 19     aber in deo sint tres personę . ein substantia . Micha\hel

Line: 20     Gabrihel Raphahel . alde ouh abraham isaac iacob ! sint

Line: 21     tres personę unde tres substantię . aber pater . filius . spiritus sanctus . ne\sint

Line: 22     tres substantię . nube drî geoûgeda dero relationum

Line: 23     die an Gote fernomen uuerdent . Aber unsemfte ist ze diûten\ne

Line: 24     personam . uuanda der namo férrenan genómen ist . Do ue\teres

Line: 25     iû in skéna ze spíle sâzen . do uuas uuîlon iro delecta\tio

Line: 26     ze fernemenne luctuosa carmina diu tragedię heîzent .


p. 570    

Page: 570  
Line: 1     An diên uuurden geántrôt fletus miserorum . nah demo únder\skeîte

Line: 2     sexus et ętatis . daz man fictis uocibus ke-tâte represen\tationem

Line: 3     priami . alde hectoris . alde eccubę . alde andromachę .

Line: 4     alde ételiches fone des mísseburi diû fabula ságeta . Vuanda

Line: 5     diê ántrunga histriones tâten ora contorquendo . daz chit

Line: 6     flannendo . unde daz iro spectatoribus únzimig tuôhta .

Line: 7     dannan begondon sie iro ánasiûne ferlégen cauatis lignis .

Line: 8     diu latini nû laruas heîzent . V̂zer diên scullen sâr durh

Line: 9     diê hóli . lútreisteren stimma . unde fone diû hiêz_man siû

Line: 10     a personando personas . Dâr fiêng ana der námo personarum

Line: 11     diê greci prosopas heîzent . fone bedécchenne daz analiûte .

Line: 12     Dára nâh uuúrden geheizen personę singuli homines . unde iê\geliche

Line: 13     rationabiles creaturę . die sih an iro proprietate fone

Line: 14     ánderen skeîdent . also in skena mit mísselichi dero stim\mon

Line: 15     sexus unde etas kesceîden uuard . Fone diu heîzent

Line: 16     ouh in grammatica tres personę . ego . tu . ille . uuanda mit ín

Line: 17     alle representationes unde discretiones rationabilium uuer\dent .

Line: 18     Dára râmet oûh daz uuir lésen in euangelio . NON ENIM

Line: 19     RECIPIS PERSONAM HOMINVM . daz uuir diûten múgen .

Line: 20     dû ne-nímest uuára dero mánskeite . Also ist chomen unde

Line: 21     feruuállot propter similitudinem der namo personarum . ze démo

Line: 22     undersceîte sanctę trinitatis . Aber uns ist ze dénchenne uuaz

Line: 23     er bezeîchenne . nals uuannan er gespróchen si . unde ze

Line: 24     chédenne úbe iz muôza ist . tres personas . tres representa\tiones

Line: 25      . trî geoûgeda . Vues? dero relationum . also iz fóre

Line: 26     geságet ist . Sed patris et filii et spiritus sancti una est diuinitas . e\qualis


p. 571    

Page: 571  
Line: 1     gloria . coęterna maiestas . Aber eîn Gótehêit ist des

Line: 2     fater . unde des sunes . unde des heiligen Geîstes . kelîh kuôlli\chi .

Line: 3     ében-êuuig mágenchraft . Qualis pater talis filius talis spiritus

Line: 4     sanctus . Sólih der fater ist sinero máhte sinero chréfte sînero Gó\teheite

Line: 5      . solih ist der sun . sólih ist der hêiligo Geîst . Increatus

Line: 6     pater increatus filius increatus spiritus sanctus . Vngescáffen ist der

Line: 7     fater . úngescaffen ist der sun . ungescaffen der hêiligo Geist .

Line: 8     Inmensus pater . inmensus filius . inmensus et spiritus sanctus . Vnmâzig

Line: 9     ist der fater . unmâzig der sún . unmâzig der hêiligo Geîst .

Line: 10     Irmézzen unde begrîfen ne-mág ín ne-hêin sín . uuanda er

Line: 11     presens unde totus ist in állen stéten . Ęternus pater . ęternus

Line: 12     filius . ęternus et spiritus sanctus . Êuuîg der fáter . êuuîg der sun . êuuîg

Line: 13     der heîligo Geîst . daz chit . sine inicio . et sine fine . Et tamen

Line: 14     non tres ęterni . sed unus ęternus . Vnde doh niêht trî êuuí\ge

Line: 15      . nube eîner êuuiger . Sicut non tres increati nec tres in\mensi .

Line: 16     sed unus increatus . et unus inmensus . Also ouh ne-sint

Line: 17     trî ungescáffene . noh trî unmâzige . nube eîner ungescáffe\ner .

Line: 18     unde eîner unmâziger . Similiter omnipotens pater . om\nipotens

Line: 19     filius . omnipotens spiritus sanctus . So samo ist almahtig der

Line: 20     fater . almahtig der sún . almahtig der heiligo Geîst . Mahti

Line: 21     er ubelo tuôn . alde irsterben . alde ge-éndot uuerden . alde

Line: 22     betrógen uuerden . daz zúge ze únmáhten . Et tamen non

Line: 23     tres omnipotentes . sed unus omnipotens . Vnde doh niêht trî alma\htige .

Line: 24     nube eîner almáhtiger . Ita deus pater . deus filius . deus et spiritus

Line: 25     sanctus . Also ist der fater Got . ist der sun Got . ist der heiligo Geîst

Line: 26     Got . Et tamen non tres dii . sed unus est deus . Vnde doh ne-sint


p. 572    

Page: 572  
Line: 1     siê drî Góta . nube eîn Got . Ita dominus pater . dominus filius . dominus et spiritus

Line: 2     sanctus . Also ist der fáter herro . ist der sun hêrro . ist der heîligo

Line: 3     Geîst hêrro . Et tamen non tres domini . sed unus est dominus . Vnde

Line: 4     doh ne-sint sie drî hêrren . nube êin hêrro . Quia sicut sin\gillatim

Line: 5     unamquamque personam deum et dominum confiteri . christia\na

Line: 6     ueritate conpellimur . ita tres deos aut dominos dicere

Line: 7     catholica religione prohibemur . Vuanda also uuir iéhen suln

Line: 8     iêogelicha personam sunderiga Got uuesen unde herren . so ne\muôzen

Line: 9     uuir chéden drî Góta . alde dri herren . nah uuâr\heite

Line: 10      . unde nâh rehtero geloûbo . Pater a nullo est factus

Line: 11     nec creatus nec genitus . Der fáter ne-ist ketâner . noh kescáf\fener .

Line: 12     noh kebórner . Filius a patre solo est non factus nec cre\atus

Line: 13     sed genitus . Der sún ist fone einemo demo fater nals

Line: 14     ketâner . noh kescáffener . nube gebórner . Spiritus sanctus a patre et fi\lio

Line: 15     non factus . nec creatus nec genitus sed procedens . Der heî\ligo

Line: 16     Geîst íst fóne démo fater . unde fóne demo súne . nals ke\tâner .

Line: 17     noh kescáffener . noh keborner . nube chómener . Vnus

Line: 18     ergo pater non tres patres . unus filius non tres filii . unus

Line: 19     spiritus sanctus non tres spiritus sancti . Vnde ist eîn fater nals drî fátera . eîn

Line: 20     sun nals drî súne . eîn hêilig keist nals dri heîlige Geîsta . Et in

Line: 21     hac trinitate nihil prius aut posterius . nihil maius aut minus .

Line: 22     Vnde an dirro trinitate ne-íst ne-heîn daz fórderôra . ne-hêin

Line: 23     daz hínderôra . ne-hêin daz mêra . ne-heîn daz mínnera . Sed

Line: 24     tote tres personę coęternę sibi sunt et coequales . Núbe alle drî

Line: 25     personę sint ében-êuuig . unde ébenmâze . Ita ut per omnia sicut

Line: 26     iam supra dictum est . et trinitas in unitate . et unitas in trinita\te


p. 573    

Page: 573  
Line: 1     ueneranda sit . So daz in alle uuîs . so ouh fore geságet ist . ze

Line: 2     êrenne sî drîsgheit in_einigheîte . unde êinighêit in drísghêite .

Line: 3     Qui uult ergo saluus esse . ita de trinitate sentiat . Der gehalten

Line: 4     uuelle sîn . der ferneme iz so fone trinitate . Sed necessarium

Line: 5     est ad ęternam salutem . ut incarnationem quoque domini nostri iesu

Line: 6     CHRISTI fideliter credat . Sô ist áber durft ze déro êuuigun sâldo

Line: 7     daz er ouh keloube mit triúuon diê ménneskehêit unse\res

Line: 8     hêrren . des keuuiêhten haltâris . Est ergo fides recta ut

Line: 9     credamus et confiteamur . quia dominus noster IESVS CHRISTVS dei filius . deus

Line: 10     et homo est . Daz ist réhtiû triúuua . daz uuir geloûben un\de

Line: 11     iéhen daz únser hêrro der geuuiêhto haltâre Gótes sun .

Line: 12     Got unde mennisco ist . Deus est ex substantia patris ante sę\cula

Line: 13     genitus . et homo est ex substantia matris in sęcula na\tus .

Line: 14     Er ist Got . êr uuerlte gebórner . fone des fater uuíste . un\de

Line: 15     ist mennisco hiêr in uuerlte gebórner . fone dero mûoter

Line: 16     uuíste . Perfectus deus perfectus homo . ex anima rationali et hu\mana

Line: 17     carne subsistens . Dúrnohte Got . durnohte ménnisco

Line: 18     fone rédehaftero mannes sêlo unde mannes fleîske bestân\der .

Line: 19     Diû zuêi machont ménnisken . Vuaz ist ánderes ménni\sco

Line: 20      . ane rationabilis anima in carne? Diu sint an CHRISTO . bediû

Line: 21     ist er uuâre ménnisco . Ęqualis patri secundum diuinitatem . minor

Line: 22     patre secundum humanitatem . Des fater genôz after Góteheite . sîn

Line: 23     úngenoz áfter mánheîte . Qui licet deus sit et homo . non duo

Line: 24     tamen sed unus est CHRISTVS . Vnde doh er Got si . unde ménnisco .

Line: 25     umbe daz ne-sint zeuuêne CHRISTI nube éiner . Vnus autem non

Line: 26     conuersione diuinitatis in carnem . sed assumptione humani\tatis


p. 574    

Page: 574  
Line: 1     in deum . Eîner ist er . nals daz diû Gótehêit sih uuéhselô\ti

Line: 2     in mánhêit . nube daz diu Gótehêit an síh nam diâ mán\hêit .

Line: 3     Vngeuuéhselote stânt peîde naturę Gótes ioh mán\nes .

Line: 4     íro ne-uuéderiu ne-uuard ze ánderro . Vnus omnino

Line: 5     non confusione substantię . sed unitate personę . Eîner ist er .

Line: 6     nals fóne mískelungo déro uuíste . nube fone uuordeni

Line: 7     eînero personę . An zuêin naturis ungeuuehseloten . unde ún\gemiskeloten

Line: 8     ist ein persona . Nam sicut anima rationalis et

Line: 9     caro unus est homo . ita deus et homo unus est christus . Vuanda

Line: 10     also redehaftiû sêla unde fleîsg eîn mennisco ist . so ist Got

Line: 11     unde mennisco êin CHRISTVS . Qui passus est pro salute nostra . descen\dit

Line: 12     ad inferos . resurrexit a mortuis . Der umbe unsera hêi\li

Line: 13     not leît . unde ze héllo fuôr . unde fóne tôten irstuônt .

Line: 14     Ascendit ad cęlos . sedet ad dexteram dei patris omnipoten\tis .

Line: 15     Ze hímele fuôr . dâr sízzet ze zeseuuun sînes fater des

Line: 16     almahtigen Gótes . Inde uenturus iudicare uiuos et mor\tuos .

Line: 17     Dannan chúmftiger ze irteîllenne lébende unde tô\te .

Line: 18     Ad cuius aduentum omnes homines resurgere habent

Line: 19     cum corporibus suis . Ze dés chúmfte suln álle ménniscen

Line: 20     irstân mit iro lîchamon . Allero menniscon sela suln dan\ne

Line: 21     iruuinden ad corpora . unde mit ín chomen ad iudici\um .

Line: 22     Et reddituri sunt de factis propriis rationem . Vnde suln

Line: 23     dâ réda irgében iro tâto . Et qui bona egerunt ibunt in ui\tam

Line: 24     ęternam . qui uero mala in ignem ęternum . Vnde diê

Line: 25     uuola tâten fárent ze êuuigemo lîbe . die úbelo tâten ze

Line: 26     êuuígemo fiûre . HAEC EST FIDES CATHOLICA


p. 575    

Page: 575  
Line: 1     QVAM NISI QVISQVE FIDELITER AC FIRMITER

Line: 2     CREDIDERIT . SALVVS ESSE NON POTERIT .

Line: 3     Diz ist diu gemeîna gelouba . souuér dîe fásto unde getriû\uuelicho

Line: 4     ne-hábet . der ne-mag kehalten uuerden .



Next part


This text is part of the TITUS edition of Notker, Psalter.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.