TITUS
Notker, Psalter
Part No. 134
Previous part

Chapter: 134  

p. 501    

Line: 9     ALLELVIA .

Line: 10     LAVDATE NOMEN DOMINI . Lóbont des hêrren

Line: 11     námen . Laudate serui dominum . Lóbônt ir scálcha

Line: 12     iúuueren hêrren . Ir bínt imo ís scúldig . Qui sta\tis

Line: 13     in domo domini . in atriis domus dei nostri . Ír stânten in sînemo hûs

Line: 14     unde in sînen frîthóuen . ir súlent ín lóbôn . uuanda ir êr

Line: 15     uuârent lígende . unde nû bínt ûf ir-ríhte . Laudate dominum

Line: 16     quoniam bonus dominus . Lóbont in uuanda er guôt ist . unde ímo

Line: 17     ne-hein guôt kelîh ne-íst . Psallite nomini eius quoniam suauis est .

Line: 18     Sálmosángont imo . uuanda er suôze ist . Er ist panis angelorum .

Line: 19     sô ist er ouh hominum . also iz chit . PANEM ANGELORVM MAN\DVCAVIT

Line: 20     HOMO . Panis angelorum uuas uerbum in prin\cipio .

Line: 21     panis hominum uuard uerbum caro factum . Vuanda siê

Line: 22     beîde sîn lébent . pediû ist er bêidero brôt . unde beîden suôze .

Line: 23     Kesah sie Got . die rehto gechóront . uuiêo suôze ér ist . Quoniam ia\cob

Line: 24     elegit sibi dominus . israhel in possessionem sibi . Vuanda truhten

Line: 25     eruuéleta iacob . unde israhelem ímo selbemo ze_besízzenne .

Line: 26     Andere gentes pefálch er angelis . israhelem nam er in sîn selbes


p. 502    

Page: 502  
Line: 1     inphlít . Quoniam ego cognoui quia magnus est dominus . et deus noster prę

Line: 2     omnibus diis . Vuanda ih hábo bechennet . daz er máhtîg hêr\ro

Line: 3     ist . unde Góten . Andere Gota ne-sint . âne diê

Line: 4     er sô námot per gratiam . die ne-múgen niêht in-ében ímo sîn .

Line: 5     Omnia quęcumque uoluit dominus fecit in cęlo et in terra . in mari et

Line: 6     in omnibus abyssis . Vnser truhten téta alliu diû er uuolta

Line: 7     in himele unde in erdo . unde in allên uuázeren . âne nôt . Su\scitans

Line: 8     nubes ab extremis terrę . Diu uuolchen récchende fó\ne

Line: 9     ende dero érdo . So iz hêiter ist unde man íro mínnest

Line: 10     uuânet . so stîgent siû alles káhes ûf . Fulgura in pluuiam fecit .

Line: 11     Den blig pechêret er in_régen . Also ofto gesciêhet . daz plíg fó\re

Line: 12     gât . unde régen nâh kât . Qui educit uentos de thesauris

Line: 13     suis . Der den uuínt ûz fuôret fone sînemo tríseuue . uuir ne\uuízen

Line: 14     uuélichemo . noh uuánnân . Qui percussit primogenita

Line: 15     egypti . ab homine usque ad pecus . Der in egypto sluôg diû êrist\pórnen .

Line: 16     ánafáhendo ze démo ménniscen . unde so gândo únz

Line: 17     ze démo féhe . Inmisit signa et prodigia in medio tui egypte . in

Line: 18     pharaonem et in omnibus seruis eius . Er frúmeta dára in dîna

Line: 19     míttî zeîchen unde uuúnder egypte . án den chúning unde

Line: 20     an álle sîne man . Qui percussit gentes multas . et occidit reges

Line: 21     fortes . Seon regem amorreorum . et og regem basan . et omnia re\gna

Line: 22     chanaan . Der oûh after des tána fárentên sinên liûten

Line: 23     mánige diête sluôg . Vnde iro chuninga sluôg . also ér téta

Line: 24     ánderhalb iordanis . alliû diû rîche chanaan . Et dedit terram

Line: 25     eorum hereditatem israhel seruo suo . Vnde er gab iro lant so er

Line: 26     iz irrûmda . sinemo scalche israhel . Domine nomen tuum in sęculo .


p. 503    

Page: 503  
Line: 1     Truhten . din námo uuérêt iêmer . Domine memoriale tuum in ge\neratione

Line: 2     et generatione . Din gehúgeda uuérêt in_chúnne unde

Line: 3     in_chúnne . Vuanda nû gehúgest du fideles ze geuuúnnenne

Line: 4     unde noh uuanne gehúgest dû coronam ze gebenne . Quia iu\dicabit

Line: 5     dominus plebem suam . Vuanda truhten ertêilet úber sînen

Line: 6     liût . uuéliche er súle illuminare . alde cęcare . Also er chad . IN

Line: 7     IVDICIVM VENI IN HVNC MVNDVM . UT QVI NON VI\DENT

Line: 8     VIDEANT . ET QVI VIDENT CECI FIANT . Et in seruis suis

Line: 9     aduocabitur . Vnde in sînen scalchin uuirt er geládôt . Vuan\da

Line: 10     genuôge compuncti íro danches chóment . unde bítent dé\ro

Line: 11     toûfi . unde bétônt in . Idola gentium . argentum et aurum . opera

Line: 12     manuum hominum . Os habent et non loquentur . oculos habeNT

Line: 13     et non uidebunt . Aures habent et non audient . neque enim est spiritus

Line: 14     in ore ipsorum . Got ist der diz allez îu téta . unde noh tuôt .

Line: 15     Vuaz sint aber idola gentium? Vuaz sint iro Gota? Gold unde

Line: 16     silber menniscon hántuuerch . Siê hábent munt . unde ne-spré\chent .

Line: 17     hábent oûgen unde ne-gesêhent . habent ôren unde ne\gehôrent .

Line: 18     noh âtem ne-ist in iro múnde . Similes illis fiant qui faci\uNT

Line: 19     ea . et omnes qui confiduNT in eis . Kelîh uuerden in . die siû uuurchent . unde alle

Line: 20     diê síh ze ín fersêheNT . Daz siNT diê . diê nieht ne-hábeNT oculos fidei . noh aures audi\endi .

Line: 21     °Domus israhel benedicite domino . Ir uuâren israhelite lóboNT in . Domvs aaron benedicite

Line: 22     domino . Ir prępositi lobont ín . Domvs leui benedicite domino . Ir ministri lobôNT in .

Line: 23     QVI TIMETIS DOMINVM BENEDICI\te

Line: 24     domino . Ir-dir Got furhtent . chédent álle_sáment sus . Benedictvs

Line: 25     dominus ex syon . qui habitat in ierusalem . Kelóbôt sî fóne syon

Line: 26     der-dir buet in ierusalem . Diê sînero chúmfte bîtent . unde dára


p. 504    

Page: 504  
Line: 1     ingágene uuártênt . diê lóbônt in ex syon . daz chit fone uuár\to .

Next part


This text is part of the TITUS edition of Notker, Psalter.

Copyright TITUS Project, Frankfurt a/M, 15.10.2021. No parts of this document may be republished in any form without prior permission by the copyright holder.