TITUS
Biblia Udica, Versio Nizhensis: Vetus Testamentum
Part No. 276
Previous part

Chapter: 146 

146-ǯi ω͑vel mä͑ġ
146-ci Ǐvel mə̌ğ


Verse: 1    "Q̣ONƷ́UĠO halalq̇an baki" * upanan!
   "Q'ONČUĞO halalq'an baki" * upanan!
    Ay bez elmux, "Q̣ONƷ́UĠO halalq̇an baki" upa!
    Ay bez elmux, "Q'ONČUĞO halalq'an baki" upa!

Verse: 2    Bez ömüri axəral ciriḳ Q̣ONƷ́UĠO alxəšṗoz,
   Bez ömüri axıral śirik' Q'ONČUĞO alxışp'oz,
    Heq̇ädär ki buzu, bez Buxaʒ́uġo mä͑ġpi tärifläyinšoz zu!
    Heq'ədər ki buzu, bez Buxačuğo mə̌ğpi tərifləyinşoz zu!

Verse: 3    Kalaluġbalxo umudmabakanan,
   Kalaluğbalxo umudmabakanan,
    Šoṭo görä ki, šoroxal insanṭun,
    Şot'o görə ki, şoroxal insant'un,
    Vä͑x čarḳesṭun isä insani kiyexun ayeġala äš tene.
    Və̌x çark'est'un isə insani kiyexun ayeğala əş tene.

Verse: 4    Iz elmux iz bošṭan č̣eriṭuxun oša ḳula gärbaki taġala insani,
   İz elmux iz boşt'an c'erit'uxun oşa k'ula gərbaki tağala insani,
    Iz boš bakala niyätxoval ičuxun sagala oćalin oq̇a taġala insani äš tene mo.
    İz boş bakala niyətxoval içuxun sagala oç̌alin oq'a tağala insani əş tene mo.

Verse: 5    Iaḳovi Buxaʒ́uġon iz kiyexun biq̇alo,
   İak'ovi Buxačuğon iz kiyexun biq'alo,
    Iz Buxaʒ́ux bakala Q̣ONƷ́UĠO bać̣an taradalo he bäxṭäväre!
    İz Buxačux bakala Q'ONČUĞO bač'an taradalo he bəxt'əvəre!

Verse: 6    Göyurxo q̇a oćala yaratmišiyo,
   Göyurxo q'a oç̌ala yaratmişiyo,
    Dänizä q̇a dänizi boš bakalṭoġo yaratmišiyone Q̣ONƷ́UX!
    Dənizə q'a dənizi boş bakalt'oğo yaratmişiyone Q'ONČUX!
    Iz tadi äyiti loxol čurḳalone Šo.
    İz tadi əyiti loxol çurk'alone Şo.

Verse: 7    Faġərxoy taxsərsuz baksuna ćoyel č̣evḳalo,
   Fağırxoy taxsırsuz baksuna ç̌oyel c'evk'alo,
    Busaṭoġo boševḳalo,
    Busat'oğo boşevk'alo,
    Biq̇eciṭoġo čarḳesṭalone Q̣ONƷ́UX.
    Biq'eśit'oğo çark'est'alone Q'ONČUX.

Verse: 8    Ḳać̣iṭoġoy piyel išiġ ečala Q̣ONƷ́UX,
   K'ač'it'oğoy piyel işiğ eçala Q'ONČUX,
    Bitiṭu kul biq̇i alabala Q̣ONƷ́UX,
    Bitit'u kul biq'i alabala Q'ONČUX,
    Izi laxi yaq̇en taġalṭu čureġala Q̣ONƷ́UXE Šo.
    İzi laxi yaq'en tağalt'u çureğala Q'ONČUXE Şo.

Verse: 9    Q̣äribluġ zaṗḳalṭoġo q̇orišalone Q̣ONƷ́UX,
   Q'əribluğ zap'k'alt'oğo q'orişalone Q'ONČUX,
    Yetimxoy q̇a süpür čupuxxoy bać̣ane čurḳalone,
    Yetimxoy q'a süpür çupuxxoy bač'ane çurk'alone,
    Pisṭay taġala yaq̇ane azdərišon Šoṭin.
    Pist'ay tağala yaq'ane azdırişon Şot'in.

Verse: 10    Hämišäluġ padčaġluġbale Q̣ONƷ́UĠON, ay Sion, *
   Həmişəluğ padçağluğbale Q'ONČUĞON, ay Sion, *
    Näsilxoval hari badalbakayin, vi Buxaʒ́ux Iz taxṭe loxol bakale.
    Nəsilxoval hari badalbakayin, vi Buxačux İz taxt'e loxol bakale.
   \ "Q̣ONƷ́UĠO halalq̇an baki" upanan!
   \ "Q'ONČUĞO halalq'an baki" upanan!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.