TITUS
Biblia Udica, Versio Nizhensis: Vetus Testamentum
Part No. 273
Previous part

Chapter: 143 

143-ǯi ω͑vel mä͑ġ
143-ci Ǐvel mə̌ğ



Davidi ω͑vel mä͑ġ.
Davidi Ǐvel mə̌ğ.


Verse: 1    Ay Q̣ONƷ́UX, bez afərəna ibaka!
   Ay Q'ONČUX, bez afırına ibaka!
    Aḳesṭa Vi düzgünluġi ḳä baksuna, za nu ibaksuna ma laxa,
    Ak'est'a Vi düzgünluği k'ə baksuna, za nu ibaksuna ma laxa,
    Axəri tadi äyiti loxol čurḳalonu Hun, za ǯoġab tada.
    Axıri tadi əyiti loxol çurk'alonu Hun, za coğab tada.

Verse: 2    Me Vi ḳula divanmaba,
   Me Vi k'ula divanmaba,
    Šoṭaynaḳ ki, Vi be͑ś šuḳḳal taxsərsuz tene me dünyäne. *
    Şot'aynak' ki, Vi běš şuk'k'al taxsırsuz tene me dünyəne. *

Verse: 3    Mone düšmän hari ṗaneṗi,
   Mone düşmən hari p'anep'i,
    Turin oq̇a laxi ćaxćuxepi za šoṭin.
    Turin oq'a laxi ç̌axç̌uxepi za şot'in.
    Zülmät bayinq̇unane exṭi boseri,
    Zülmət bayinq'unane ext'i boseri,
    Gele vaxṭin ṗuri ḳinäḳzu häysä zu.
    Gele vaxt'in p'uri k'inək'zu həysə zu.

Verse: 4    Boṭezu bez umuda här šeyaxun,
   Bot'ezu bez umuda hər şeyaxun,
    Čurene bez üḳ ene.
    Çurene bez ük' ene.

Verse: 5    Damna dööräsṭa baki äšurxoz eyex basṭa zu:
   Damna döörəst'a baki əşurxoz eyex bast'a zu:
    Vi biq̇i bito äšurxoy baradaz fikirbsa,
    Vi biq'i bito əşurxoy baradaz fikirbsa,
    Vi biṭoġoz bez piin be͑ś ešṭa.
    Vi bit'oğoz bez piin běš eşt'a.

Verse: 6    Bez bula alabi Vaz ḳale,
   Bez bula alabi Vaz k'ale,
    Bez ǯiǯirxone ṭo͑ṗṭo͑pe Vaynaḳ,
    Bez cicirxone t'ǒp't'ǒpe Vaynak',
    Xesuz mandi oćal ṭo͑ṗṭo͑ṗḳala ḳinäḳ.
    Xesuz mandi oç̌al t'ǒp't'ǒp'k'ala k'inək'.

Verse: 7    Ay Q̣ONƷ́UX, eki ṗaṗa za kul boxoda,
   Ay Q'ONČUX, eki p'ap'a za kul boxoda,
    Ene halnuxun bizasṭa!
    Ene halnuxun bizast'a!
    Vi ćoya zaxun ma tarada,
    Vi ç̌oya zaxun ma tarada,
    Ma barta oćalin oq̇a basḳi sa ṗuri ḳinäḳ bakaz!
    Ma barta oç̌alin oq'a bask'i sa p'uri k'inək' bakaz!

Verse: 8    Barta här savaxṭan Vi nu badalbakala čuresuni ḳä baksuna aḳes bakaz,
   Barta hər savaxt'an Vi nu badalbakala çuresuni k'ə baksuna ak'es bakaz,
    Axəri Vaz umudbaksa zu.
    Axıri Vaz umudbaksa zu.
    Za bez taġala yaq̇a aḳesṭa,
    Za bez tağala yaq'a ak'est'a,
    Axəri Vi kiyele bez elmux.
    Axıri Vi kiyele bez elmux.

Verse: 9    Ay Q̣ONƷ́UX, za bez düšmänxoy kiyexun čarḳesṭa,
   Ay Q'ONČUX, za bez düşmənxoy kiyexun çark'est'a,
    Kömäyeynaḳ Vi ṭo͑ġo͑lez eysa zu.
    Köməyeynak' Vi t'ǒğǒlez eysa zu.

Verse: 10    Zomba za Vi čureġalṭoġo bex ṗaṗesbsuna,
   Zomba za Vi çureğalt'oğo bex p'ap'esbsuna,
    Axəri bez Buxaʒ́ux Hunnu!
    Axıri bez Buxačux Hunnu!
    Barta Vi šaaṭ Urufq̇an baki zaynaḳ yaq̇ qaypi za tašalo.
    Barta Vi şaat' Urufq'an baki zaynak' yaq' qaypi za taşalo.

Verse: 11    Ay Q̣ONƷ́UX, aḳesṭa Vi Šu baksuna, yäšäyinšesṭa za,
   Ay Q'ONČUX, ak'est'a Vi Şu baksuna, yəşəyinşest'a za,
    Düzgün bakalonu Hun, čarḳesṭa za me bälinäxun!
    Düzgün bakalonu Hun, çark'est'a za me bəlinəxun!

Verse: 12    Aḳesṭa Vi nu badalbakala čuresuni ḳä baksuna,
   Ak'est'a Vi nu badalbakala çuresuni k'ə baksuna,
    Bez düšmänxo äfčiba!
    Bez düşmənxo əfçiba!
    Ḳac̣ṗa bez elmoġo haq̇sun čureġalṭoġo,
    K'as'p'a bez elmoğo haq'sun çureğalt'oğo,
    Axəri zu Vi ḳulzu.
    Axıri zu Vi k'ulzu.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.