TITUS
Biblia Udica, Versio Nizhensis: Vetus Testamentum
Part No. 215
Previous part

Chapter: 85 

85-ǯi ω͑vel mä͑ġ
85-ci Ǐvel mə̌ğ



Farḳalxoy däsṭin kalaṭaynaḳ. Goraxi ġarmoġoy ω͑vel mä͑ġ.
Fark'alxoy dəst'in kalat'aynak'. Goraxi ğarmoğoy Ǐvel mə̌ğ.


Verse: 1    Ay Q̣ONƷ́UX, Vi üḳ boḳospsun ḳä baksuna aḳene Vi azuḳen,
   Ay Q'ONČUX, Vi ük' bok'ospsun k'ə baksuna ak'ene Vi azuk'en,
    Vi kula boxodi mu͑q ġinan č̣evḳey Iaḳovi näsilä Hun!
    Vi kula boxodi mǔq ğinan c'evk'ey İak'ovi nəsilə Hun!

Verse: 2    Vi azuḳi taxsərxo baġəšlayinšenuy,
   Vi azuk'i taxsırxo bağışlayinşenuy,
    Šoṭay bito günaxxon oc̣ḳi tašerey.
    Şot'ay bito günaxxon os'k'i taşerey.

Verse: 3    Basḳesṭenuy Vi äǯuġo Hun,
   Bask'est'enuy Vi əcuğo Hun,
    Ten barey šo bäč̣üḳeci Va haq̇layinšane.
    Ten barey şo bəc'ük'eśi Va haq'layinşane.

Verse: 4    Ay yax čarḳesṭala Buxaʒ́ux, yax süfṭin ḳinäḳ bäxṭävär ba,
   Ay yax çark'est'ala Buxačux, yax süft'in k'inək' bəxt'əvər ba,
    Beš loxol biq̇i hirsä Vaxun ä͑xilba.
    Beş loxol biq'i hirsə Vaxun ə̌xilba.

Verse: 5    Yäni Vi äǯuġ hämišäluġe?
   Yəni Vi əcuğ həmişəluğe?
    Yäni šo näsiläxun-näsilä č̣ovakiyal tene čaxeġal?
    Yəni şo nəsiləxun-nəsilə c'ovakiyal tene çaxeğal?

Verse: 6    Hevaxṭ ṗurum ġi aksa burqalyan yan?
   Hevaxt' p'urum ği aksa burqalyan yan?
    Vi beš ṭo͑ġo͑l baksuna aḳi hevaxṭ beš üḳ qayeġale?
    Vi beş t'ǒğǒl baksuna ak'i hevaxt' beş ük' qayeğale?

Verse: 7    Ay Q̣ONƷ́UX, kammaba yaxun Vi nu badalbakala čuresuna,
   Ay Q'ONČUX, kammaba yaxun Vi nu badalbakala çuresuna,
    Čarḳesṭa yax!
    Çark'est'a yax!

Verse: 8    Mone, izbaksa zu Q̣ONƷ́UX Buxaʒ́uġoy uḳalṭoġo,
   Mone, izbaksa zu Q'ONČUX Buxačuğoy uk'alt'oğo,
    Male mande Šoṭay azuḳi aḳala mä͑yin ġineynaḳ,
    Male mande Şot'ay azuk'i ak'ala mə̌yin ğineynak',
    Č̣eġale Šoṭay yaq̇en taġalorox šaaṭ ġina.
    C'eğale Şot'ay yaq'en tağalorox şaat' ğina.
    Sayǯä axmaġluġ bi ṗurum ičoġoy yaq̇a nu aćesṗayṭun!
    Saycə axmağluğ bi p'urum içoğoy yaq'a nu aç̌esp'ayt'un!

Verse: 9    ω͑śane, hari ṗaṗene Šoṭo čalxalṭoġoynaḳ Šoṭoxun eġala čarḳesun,
   Ǐšane, hari p'ap'ene Şot'o çalxalt'oğoynak' Şot'oxun eğala çark'esun,
    Ṭaṗeġale Šoṭay c̣i me oćala!
    T'ap'eğale Şot'ay s'i me oç̌ala!

Verse: 10    Buxaʒ́uġoy nu badalbakala čuresun bakale amdarxo düzgün yaq̇en tašalo,
   Buxačuğoy nu badalbakala çuresun bakale amdarxo düzgün yaq'en taşalo,
    Ṭe yaq̇axun nu č̣eysunenal šoṭoġoynaḳ serluġ ečale.
    T'e yaq'axun nu c'eysunenal şot'oğoynak' serluğ eçale.

Verse: 11    Šoṭoxun ġaćeci iräziluġa ämälbsunen e͑qevḳale šoṭoġo,
   Şot'oxun ğaç̌eśi irəziluğa əməlbsunen ěqevk'ale şot'oğo,
    Be͑ġale šoṭoġoy loxol Buxaʒ́uġon alaxun, aḳesṭale šoṭoġo Iz düzgünluġa.
    Běğale şot'oğoy loxol Buxačuğon alaxun, ak'est'ale şot'oğo İz düzgünluğa.

Verse: 12    Mu͑qṭale yax Q̣ONƷ́UĠON Iz xeyir-bäräkäten,
   Mǔqt'ale yax Q'ONČUĞON İz xeyir-bərəkəten,
    Oćalenal yax iz mähsula tadale.
    Oç̌alenal yax iz məhsula tadale.

Verse: 13    Düzgünluġen Šoṭoxun be͑ś hari Šoṭaynaḳ yaq̇ häzirbale.
   Düzgünluğen Şot'oxun běš hari Şot'aynak' yaq' həzirbale.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.