TITUS
Biblia Udica, Versio Nizhensis: Vetus Testamentum
Part No. 175
Previous part

Chapter: 45 

45-ǯi ω͑vel mä͑ġ
45-ci Ǐvel mə̌ğ



Farḳalxoy däsṭin kalaṭaynaḳ. Goraxi ġarmoġoy "Ge͑śe vard ḳinäḳ gözäl bakala iräziluġ" uḳala faren mä͑ġe͑ġala ω͑vel mä͑ġ.
Fark'alxoy dəst'in kalat'aynak'. Goraxi ğarmoğoy "Gěše vard k'inək' gözəl bakala irəziluğ" uk'ala faren mə̌ğěğala Ǐvel mə̌ğ.

Laśḳoyi mä͑ġ
Lašk'oyi mə̌ğ


Verse: 1    Bez üḳ šaaṭ äyitmoġon buye,
   Bez ük' şaat' əyitmoğon buye,
    Padčaġeynaḳez mä͑ġe͑!
    Padçağeynak'ez mə̌ğě!
    Bez źomoxun č̣eġala mä͑ġ
    Bez ǰomoxun c'eğala mə̌ğ
    Bašaraġlu šairi q̇älämäxun č̣eġala šeir ḳinäḳe!
    Başarağlu şairi q'ələməxun c'eğala şeir k'inək'e!

Verse: 2    Vi loxol be͑ġaṭan amdari üḳe q̇ayesa, ay padčaġ,
   Vi loxol běğat'an amdari ük'e q'ayesa, ay padçağ,
    Vi źomoxun uć̣e barsṭa,
    Vi ǰomoxun uč'e barst'a,
    Buxaʒ́uġoy xeyir-bäräkät hämišäluġ ičuxun bakalonu hun!
    Buxačuğoy xeyir-bərəkət həmişəluğ içuxun bakalonu hun!

Verse: 3    Exṭa vi q̇ələnǯa, vi bə͑yex ġaćṗa, ay q̇oččaġ!
   Ext'a vi q'ılınca, vi bı̌yex ğaç̌p'a, ay q'oççağ!
    Vi zora, vi kalaluġa aḳesṭa!
    Vi zora, vi kalaluğa ak'est'a!

Verse: 4    Vi e͑ken taci davoġo taša, barta vi kala c̣i ṭaṗeceq̇an!
   Vi ěken taśi davoğo taşa, barta vi kala s'i t'ap'eśeq'an!
    Faġərxoy täräf baki düzgünluġi q̇a düzgün divanbsuni ḳä baksuna aḳesṭa,
    Fağırxoy tərəf baki düzgünluği q'a düzgün divanbsuni k'ə baksuna ak'est'a,
    Šoṭo görä ki, Vi kiyexun nu ayeġala äš tene bu!
    Şot'o görə ki, Vi kiyexun nu ayeğala əş tene bu!

Verse: 5    Barta vi šiš oxurxo taci düšmäni üḳeq̇an ṭä͑q̇eci,
   Barta vi şiş oxurxo taśi düşməni ük'eq'an t'ə̌q'eśi,
    Barta azuḳxo vi turin oq̇aq̇aṭun biti.
    Barta azuk'xo vi turin oq'aq'at'un biti.

Verse: 6    Buxaʒ́uġon va tadi taxṭ Iz taxṭallariḳ hämišäluġe,
   Buxačuğon va tadi taxt' İz taxt'allarik' həmişəluğe,
    Düzgünluġen efale vi padčaġluġa.
    Düzgünluğen efale vi padçağluğa.

Verse: 7    Hun düzgünluġan č̣äḳṗi, pisluġa isä nifrätenbi.
   Hun düzgünluğan c'ək'p'i, pisluğa isə nifrətenbi.
    Koṭaynaḳal, Buxaʒ́uġon, vi bakala Buxaʒ́uġon,
    Kot'aynak'al, Buxačuğon, vi bakala Buxačuğon,
    Va kala mu͑qluġen č̣äḳṗi
    Va kala mǔqluğen c'ək'p'i
    Ṭiyä͑minṭoġoxun bitoṭoġoxun üsṭüne bi. *
    T'iyə̌mint'oğoxun bitot'oğoxun üst'üne bi. *

Verse: 8    Vi paltaraxun mirrinen, aloyen saal ḳassinen tadala šaaṭ adurxone adesa,
   Vi paltaraxun mirrinen, aloyen saal k'assinen tadala şaat' adurxone adesa,
    File u͑q̇enen bäzäyinšäki sarayxoy boše mu͑qsṭa va
    File ǔq'enen bəzəyinşəki sarayxoy boşe mǔqst'a va
    Arfinaxun č̣eġala säsen.
    Arfinaxun c'eğala səsen.

Verse: 9    Padčaġxoy xuyärmuxe bu vi čuux baksuni hörmätä layiġ bakalṭoġoy arane,
   Padçağxoy xuyərmuxe bu vi çuux baksuni hörmətə layiğ bakalt'oğoy arane,
    Vi yön täräf čuux-padčaġ bakseynaḳ č̣äḳeciyone arce,
    Vi yön tərəf çuux-padçağ bakseynak' c'ək'eśiyone arśe,
    Än šaat q̇əzəlxo laxine arce vi ṭo͑ġo͑l.
    Ən şaat q'ızılxo laxine arśe vi t'ǒğǒl.

Verse: 10    Ibaka, ay xuyär, uḳalṭoġo yönbäri u͑mu͑xlaxa!
   İbaka, ay xuyər, uk'alt'oğo yönbəri ǔmǔxlaxa!
    Vi azuḳa, vi bavay ḳoža ene eyexun č̣evḳa,
    Vi azuk'a, vi bavay k'oja ene eyexun c'evk'a,

Verse: 11    Padčaġi äyiten taki, šone vi q̇onʒ́ux!
   Padçaği əyiten taki, şone vi q'ončux!
    Barta vi gözälluġa aḳi va samalal geleq̇an čureci.
    Barta vi gözəlluğa ak'i va samalal geleq'an çureśi.

Verse: 12    Sur oćalaxun bakalṭoġon vaynaḳ payur ečalṭun,
   Sur oç̌alaxun bakalt'oğon vaynak' payur eçalt'un,
    Azuḳxoy än dövlätlüyorox vi piyes šaaṭ aḳesun čureġalṭun.
    Azuk'xoy ən dövlətlüyorox vi piyes şaat' ak'esun çureğalt'un.

Verse: 13    Mone, padčaġi xuyär tamtaraġen,
   Mone, padçaği xuyər tamtarağen,
    Iz loxol q̇əzəlen bäzäyinšäki paltaren sarayane baysa!
    İz loxol q'ızılen bəzəyinşəki paltaren sarayane baysa!

Verse: 14    Gözäl naxəšxo laxeci palṭarin boše eysa šo padčaġi ṭo͑ġo͑l,
   Gözəl naxışxo laxeśi palt'arin boşe eysa şo padçaği t'ǒğǒl,
    Iču kömäybala xuyärmuxal iz bać̣anexunṭun baysa!
    İçu köməybala xuyərmuxal iz bač'anexunt'un baysa!

Verse: 15    Axśumen, qay üḳenṭun tur ćaxe
   Axšumen, qay ük'ent'un tur ç̌axe
    Padčaġi saraya šoṭoġon!
    Padçaği saraya şot'oğon!

Verse: 16    Vi bavoġoxun mandi taxṭa vi ġarmux arcale, ay padčaġ!
   Vi bavoğoxun mandi taxt'a vi ğarmux arśale, ay padçağ!
    Me oćala kalaluġbal laxalnu hun šoṭoġo.
    Me oç̌ala kalaluğbal laxalnu hun şot'oğo.

Verse: 17    Vi c̣i vaxun oša eġala näsilxoy źomoxunal tene bital,
   Vi s'i vaxun oşa eğala nəsilxoy ǰomoxunal tene bital,
    Millätxon me mä͑ġä͑ mä͑ġpi vi c̣iya alabalṭun hämišä!
    Millətxon me mə̌ğə̌ mə̌ğpi vi s'iya alabalt'un həmişə!



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.