TITUS
Biblia Udica, Versio Nizhensis: Vetus Testamentum
Part No. 88
Previous part

Chapter: 38 

Boḳospsuni q̇urbaneynaḳ q̇urban ečala gane düzbsun
Bok'ospsuni q'urbaneynak' q'urban eçala gane düzbsun



(Č̣eys. 27:1-8Link to udntv)
(C'eys. 27:1-8Link to udntv)


Verse: 1  Link to rat Yasämäni daxṭaḳaxun boḳospsuni q̇urbaneynaḳ q̇urban ečala gaṭun düzbi. Šo biṗ dönbäläney, iz boxoyluġ q̇a gengluġ qo ä͑m, alloyluġ isä xib ä͑mey. *
   Yasəməni daxt'ak'axun bok'ospsuni q'urbaneynak' q'urban eçala gat'un düzbi. Şo bip' dönbələney, iz boxoyluğ q'a gengluğ qo ə̌m, alloyluğ isə xib ə̌mey. *

Verse: 2  Link to rat Q̣urban ečala gane
   Q'urban eçala gane

Verse: 25  Link to rat sanṭi, alloyluġ isä 1meṭrä
   sant'i, alloyluğ isə 1met'rə

Verse: 35  Link to rat sanṭi \ biṗ dönbineyal mu͑q̇o͑ġo ṭetärṭun düzbi ki, šorox q̇urban ečala ganuxun saṭun baki. Oša ṭe ganu misen buṭṭunḳi.
   sant'i \ bip' dönbineyal mǔq'ǒğo t'etərt'un düzbi ki, şorox q'urban eçala ganuxun sat'un baki. Oşa t'e ganu misen but't'unk'i.

Verse: 3  Link to rat Šoṭay žeq̇e q̇avurxo, isṭamxo, läänxo, čängälxo, xätängäzxo - bütüm šeyurxo misenṭun düzbi.
   Şot'ay jeq'e q'avurxo, ist'amxo, ləənxo, çəngəlxo, xətəngəzxo - bütüm şeyurxo misent'un düzbi.

Verse: 4  Link to rat Šoṭoġon q̇urban ečala ganeynaḳ misäxun rešoṭḳaṭun düzbi. Šoṭo q̇urban ečala gane zolaġaxun oq̇a ṭetärṭun laxi ki, rešoṭḳinen šoṭay qə͑ṭuxune duġsay.
   Şot'oğon q'urban eçala ganeynak' misəxun reşot'k'at'un düzbi. Şot'o q'urban eçala gane zolağaxun oq'a t'etərt'un laxi ki, reşot'k'inen şot'ay qı̌t'uxune duğsay.

Verse: 5  Link to rat Me misnä rešoṭkin biṗ dönbine duruṭxo č̣ovakesṭeynaḳ q̇äliben düzbaki biṗ dänä misnä halq̇ane buy.
   Me misnə reşot'kin bip' dönbine durut'xo c'ovakest'eynak' q'əliben düzbaki bip' dənə misnə halq'ane buy.

Verse: 6  Link to rat Yasämäni xodaxun duruṭxo düzbi iz looxun misen butṭunki.
   Yasəməni xodaxun durut'xo düzbi iz looxun misen butt'unki.

Verse: 7  Link to rat Duruṭxo q̇urban ečala gane ṗä͑ börine bakala halq̇oġo lavṭunḳi ki, šoṭo biq̇i tašes bakan. Q̣urban ečala ganu daxṭaḳaxunṭun düzbey, šoṭay bošṭan amc̣iney
   Durut'xo q'urban eçala gane p'ə̌ börine bakala halq'oğo lavt'unk'i ki, şot'o biq'i taşes bakan. Q'urban eçala ganu daxt'ak'axunt'un düzbey, şot'ay boşt'an ams'iney



Misnä läänä düzbsun
Misnə ləənə düzbsun



(Č̣eys. 30:18Link to udntv)
(C'eys. 30:18Link to udntv)


Verse: 8  Link to rat Oša pak bakseynaḳ sa misnä lään q̇a šoṭo laxseynaḳ gaṭun düzbi. Šoṭo ə͑vel čadəri baġala gala q̇ulluġbala čupuxxoy misnä güzgüġoxunṭun düzbi.
   Oşa pak bakseynak' sa misnə ləən q'a şot'o laxseynak' gat'un düzbi. Şot'o ı̌vel çadıri bağala gala q'ulluğbala çupuxxoy misnə güzgüğoxunt'un düzbi.



ω͑vel čadəri määlnä düzbsun
Ǐvel çadıri məəlnə düzbsun



(Č̣eys. 27:9-19Link to udntv)
(C'eys. 27:9-19Link to udntv)


Verse: 9  Link to rat Oša ə͑vel čadəri määlin güney \ täräfeynaḳ boxoyluġ sabać ä͑m * bakala näziḳ kätani ṭurinen ä͑leci pärdooxṭun düzbi.
   Oşa ı̌vel çadıri məəlin güney \ tərəfeynak' boxoyluğ sabaç̌ ə̌m * bakala nəzik' kətani t'urinen ə̌leśi pərdooxt'un düzbi.

Verse: 10  Link to rat Šoṭoġoynaḳ q̇a dänä sütün saal šoṭoġoy oq̇a laxseynaḳ misäxun q̇a dänä laxala gaṭun düzbi. Q̣armaġxo q̇a halq̇oġo isä gümüšäxunṭun düzbi.
   Şot'oğoynak' q'a dənə sütün saal şot'oğoy oq'a laxseynak' misəxun q'a dənə laxala gat'un düzbi. Q'armağxo q'a halq'oğo isə gümüşəxunt'un düzbi.

Verse: 11  Link to rat Q̣uzeyi täräfeynaḳal bakala pärdin boxoyluġ sabać ä͑mey; šoṭoġoynaḳal q̇a dänä sütün saal misäxun q̇a dänä laxala gaṭun düzbi. Sütünxoy q̇armaġxo q̇a halq̇oox isä gümüšäxuney.
   Q'uzeyi tərəfeynak'al bakala pərdin boxoyluğ sabaç̌ ə̌mey; şot'oğoynak'al q'a dənə sütün saal misəxun q'a dənə laxala gat'un düzbi. Sütünxoy q'armağxo q'a halq'oox isə gümüşəxuney.

Verse: 12  Link to rat Määlin be͑ġ batḳala täräfeynaḳ bakala pärdoġoy boxoyluġ isä älli ä͑mey; * šoṭoġoynaḳ vic̣ dänä sütün saal vic̣ dänä laxala gaṭun düzbi. Q̣armaġxo q̇a halq̇oġo isä gümüšäxunṭun düzbi.
   Məəlin běğ batk'ala tərəfeynak' bakala pərdoğoy boxoyluğ isə əlli ə̌mey; * şot'oğoynak' vis' dənə sütün saal vis' dənə laxala gat'un düzbi. Q'armağxo q'a halq'oğo isə gümüşəxunt'un düzbi.

Verse: 13  Link to rat Määlin be͑ġ č̣eġala täräfiyal boxoyluġ älli ä͑mey.
   Məəlin běğ c'eğala tərəfiyal boxoyluğ əlli ə̌mey.

Verse: 14  Link to rat Baġala gane sa täräf, härṭay iz laxala ga bakala xib sütüni loxol, ičoġoy boxoyluġ qoc̣c̣e ä͑m * bakala pärdooxe buy.
   Bağala gane sa tərəf, hərt'ay iz laxala ga bakala xib sütüni loxol, içoğoy boxoyluğ qos's'e ə̌m * bakala pərdooxe buy.

Verse: 15  Link to rat Ṭe soġo täräfäl härṭay iz laxala ga bakala xib sütüni loxol ičoġoy boxoyluġ qoc̣c̣e ä͑m pärdooxe buy.
   T'e soğo tərəfəl hərt'ay iz laxala ga bakala xib sütüni loxol içoğoy boxoyluğ qos's'e ə̌m pərdooxe buy.

Verse: 16  Link to rat Määlin härrämine bakala bütüm pärdoox näziḳ kätani parčinaxuney.
   Məəlin hərrəmine bakala bütüm pərdoox nəzik' kətani parçinaxuney.

Verse: 17  Link to rat Määlin sütünxoy laxala ganxo misäxun, ġaćesunxo q̇a q̇armaġxo isä gümüšäxuney; sütünxoy bulurxo gümüšenṭun buṭḳey. Määlin bütüm sütünxoy ġaćesunxo gümüšäxuney.
   Məəlin sütünxoy laxala ganxo misəxun, ğaç̌esunxo q'a q'armağxo isə gümüşəxuney; sütünxoy bulurxo gümüşent'un but'k'ey. Məəlin bütüm sütünxoy ğaç̌esunxo gümüşəxuney.

Verse: 18  Link to rat Määlin baġala ganeynaḳ boxoyluġ \ q̇a ä͑m, alloyluġ isä määlin pärdoġoy alloyluġallariḳ qo ä͑m * bakala pärdäṭun düzbi. Šo göyin, mumuśaḳi, tünd ć̣oć̣a irängen ṭuriġon saal näziḳ kätani ṭuriġone ä͑lecey, iz loxol naxəšxoval buney.
   Məəlin bağala ganeynak' boxoyluğ \ q'a ə̌m, alloyluğ isə məəlin pərdoğoy alloyluğallarik' qo ə̌m * bakala pərdət'un düzbi. Şo göyin, mumušak'i, tünd č'oč'a irəngen t'uriğon saal nəzik' kətani t'uriğone ə̌leśey, iz loxol naxışxoval buney.

Verse: 19  Link to rat Baġala gane biṗ sütüne buy, härṭay oq̇al izi misnä laxala gane buy; šoṭoġoy ġaćesunxo q̇a q̇armaġxo isä bütüm gümüšäxuney. Sütünxoy bulurxoval gümüšenṭun buṭḳey.
   Bağala gane bip' sütüne buy, hərt'ay oq'al izi misnə laxala gane buy; şot'oğoy ğaç̌esunxo q'a q'armağxo isə bütüm gümüşəxuney. Sütünxoy bulurxoval gümüşent'un but'k'ey.

Verse: 20  Link to rat ω͑vel čadəri mixčoox isä määlin härrämine bakala pärdoġo ġaćbseynaḳ äšeġala bütüm mixčoġollariḳ misäxuney.
   Ǐvel çadıri mixçoox isə məəlin hərrəmine bakala pərdoğo ğaç̌bseynak' əşeğala bütüm mixçoğollarik' misəxuney.



ω͑vel čadəreynaḳ äšṗesṭi šeyurxo
Ǐvel çadıreynak' əşp'est'i şeyurxo


Verse: 21  Link to rat Moiseyi ämiren be͑yinś Aaroni ġar Iṭamari kalaluġen leviġon ə͑vel iräziluġi čadəreynaḳ äšṗesṭiṭoġoy siyäyinäṭun biq̇i.
   Moiseyi əmiren běyinš Aaroni ğar İt'amari kalaluğen leviğon ı̌vel irəziluği çadıreynak' əşp'est'it'oğoy siyəyinət'un biq'i.

Verse: 22  Link to rat Hametär, Iuday tayfinaxun Xure nävä bakala Urin ġar Besalelen Q̣ONƷ́UĠON Moiseya ämirbi här šeya düzbi čarḳeney.
   Hametər, İuday tayfinaxun Xure nəvə bakala Urin ğar Besalelen Q'ONČUĞON Moiseya əmirbi hər şeya düzbi çark'eney.

Verse: 23  Link to rat Iču Dane tayfinaxun bakala usṭaluġa, kišbsuna saal göyin, mumuśaḳi, tünd ć̣oć̣a irängen ṭurinen näziḳ kätani parčin loxol naxəš laxsuni äšurxo bašarbala Ahiṭamaxi ġar Oholiabenal kömäybeney.
   İçu Dane tayfinaxun bakala ust'aluğa, kişbsuna saal göyin, mumušak'i, tünd č'oč'a irəngen t'urinen nəzik' kətani parçin loxol naxış laxsuni əşurxo başarbala Ahit'amaxi ğar Oholiabenal köməybeney.

Verse: 24  Link to rat ω͑vel ganu biq̇seynaḳ äšeci q̇əzəli čäki saq̇o vuy ṭalanṭ saal vu͑ġbać \ otuz šeḳeley. * Mo ə͑vel gala bakala šeḳeli čäkinä göräney. Me q̇əzəl Q̣ONƷ́UĠOYNAḲ sa pay baksuna aḳesṭeynaḳ alabaki q̇əzəley.
   Ǐvel ganu biq'seynak' əşeśi q'ızıli çəki saq'o vuy t'alant' saal vǔğbaç̌ \ otuz şek'eley. * Mo ı̌vel gala bakala şek'eli çəkinə görəney. Me q'ızıl Q'ONČUĞOYNAK' sa pay baksuna ak'est'eynak' alabaki q'ızıley.

Verse: 25  Link to rat Siyäyinä haq̇eci amdarxoy tadi gümüši čäki isä sabać ṭalanṭ saal sa hazar vu͑ġbać yetmiš qo šeḳeley. * Mo ə͑vel gala bakala šeḳeli čäkinä göräney.
   Siyəyinə haq'eśi amdarxoy tadi gümüşi çəki isə sabaç̌ t'alant' saal sa hazar vǔğbaç̌ yetmiş qo şek'eley. * Mo ı̌vel gala bakala şek'eli çəkinə görəney.

Verse: 26  Link to rat Siyäyinä haq̇eci här q̇a saal q̇a yäšäxun ala bakala u͑qbać xib hazar qobać älli išq̇ara qə͑ šeḳele kofṭey. Mo ə͑vel gala bakala šeḳeli čäkinä göräney. *
   Siyəyinə haq'eśi hər q'a saal q'a yəşəxun ala bakala ǔqbaç̌ xib hazar qobaç̌ əlli işq'ara qı̌ şek'ele koft'ey. Mo ı̌vel gala bakala şek'eli çəkinə görəney. *

Verse: 27  Link to rat Me gireci gümüši sabać ṭalanṭ * ə͑vel čadəri q̇a iz boš bakala ə͑vel ganu än ə͑vel ganuxun ǯöybala pärdin sütünxoy laxala ganxo q̇äliben düzbseynaḳe äšeci: sabać dänä laxala ganeynaḳ sabać ṭalanṭ, här laxala ganeynaḳ sa ṭalanṭ.
   Me gireśi gümüşi sabaç̌ t'alant' * ı̌vel çadıri q'a iz boş bakala ı̌vel ganu ən ı̌vel ganuxun cöybala pərdin sütünxoy laxala ganxo q'əliben düzbseynak'e əşeśi: sabaç̌ dənə laxala ganeynak' sabaç̌ t'alant', hər laxala ganeynak' sa t'alant'.

Verse: 28  Link to rat Sa hazar vu͑ġbać yetmiš qo šeḳel * isä sütünxoy ġaćesunxo q̇a q̇armaġxo düzbseynaḳ saal šoṭoġoy bula buṭḳseynaḳe äšeci.
   Sa hazar vǔğbaç̌ yetmiş qo şek'el * isə sütünxoy ğaç̌esunxo q'a q'armağxo düzbseynak' saal şot'oğoy bula but'k'seynak'e əşeśi.

Verse: 29  Link to rat Q̣ONƷ́UĠOYNAḲ alabaki pay tadeci mise čäki yetmiš ṭalanṭ saal ṗä͑ hazar biṗbać šeḳeley. *
   Q'ONČUĞOYNAK' alabaki pay tadeśi mise çəki yetmiş t'alant' saal p'ə̌ hazar bip'baç̌ şek'eley. *

Verse: 30  Link to rat Šoṭoxun ə͑vel čadəri baġala gane sütünxoy laxala ganxo, misnä q̇urban ečala \ ganu, šoṭay misnä rešoṭḳina saal me q̇urban ečala ganeynaḳ bütüm lazəm bakalṭoġoṭun düzbi.
   Şot'oxun ı̌vel çadıri bağala gane sütünxoy laxala ganxo, misnə q'urban eçala \ ganu, şot'ay misnə reşot'k'ina saal me q'urban eçala ganeynak' bütüm lazım bakalt'oğot'un düzbi.

Verse: 31  Link to rat Mandi misäxun isä määlin härrämine bakala sütünxoy oq̇a bakala laxala ganxo, baġala gane sütünxoy laxala ganxo, čadəreynaḳ saal määlin härrämineynaḳ äšeci bütüm mixčoġoṭun düzbi.
   Mandi misəxun isə məəlin hərrəmine bakala sütünxoy oq'a bakala laxala ganxo, bağala gane sütünxoy laxala ganxo, çadıreynak' saal məəlin hərrəmineynak' əşeśi bütüm mixçoğot'un düzbi.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.