TITUS
Biblia Udica, Versio Nizhensis: Vetus Testamentum
Part No. 77
Previous part

Chapter: 27 

Boḳospsuni q̇urbaneynaḳ q̇urban ečala ga
Bok'ospsuni q'urbaneynak' q'urban eçala ga



(Č̣eys. 38:1-7Link to udntv)
(C'eys. 38:1-7Link to udntv)


Verse: 1  Link to rat Yasämäni duruṭaxun sa q̇urban ečala ga düzba. Barta šo biṗdönbäläq̇an baki, iz boxoyluġ q̇a gengluġ qo ä͑m, alloyluġ isä xib ä͑mq̇an * baki.
   Yasəməni durut'axun sa q'urban eçala ga düzba. Barta şo bip'dönbələq'an baki, iz boxoyluğ q'a gengluğ qo ə̌m, alloyluğ isə xib ə̌mq'an * baki.

Verse: 2  Link to rat Q̣urban ečala gane biṗ dönbineyal mu͑q̇ä͑q̇an baki, šoṭoġo ṭetär düzba ki, šorox q̇urban ečala ganuxun saq̇an baki. Oša ṭe ganu tunǯen buṭḳa.
   Q'urban eçala gane bip' dönbineyal mǔq'ə̌q'an baki, şot'oğo t'etər düzba ki, şorox q'urban eçala ganuxun saq'an baki. Oşa t'e ganu tuncen but'k'a.

Verse: 3  Link to rat Šoṭay žeq̇e q̇avurxo, isṭamxo, läänxo, čängälxo, xätängäzxo - bütüm šeyurxo misen düzba.
   Şot'ay jeq'e q'avurxo, ist'amxo, ləənxo, çəngəlxo, xətəngəzxo - bütüm şeyurxo misen düzba.

Verse: 4  Link to rat Q̣urban ečala ganeynaḳ rešotḳa - misäxun bakala seṭḳa düzba. Ṭe seṭḳin här biṗ dönbineynaḳal tunǯaxun halq̇a düzba.
   Q'urban eçala ganeynak' reşotk'a - misəxun bakala set'k'a düzba. T'e set'k'in hər bip' dönbineynak'al tuncaxun halq'a düzba.

Verse: 5  Link to rat Šoṭo q̇urban ečala gane zolaġaxun oq̇a ṭetär laxa ki, seṭḳa \ šoṭay qə͑ṭul ciriḳq̇an ṗaṗi.
   Şot'o q'urban eçala gane zolağaxun oq'a t'etər laxa ki, set'k'a \ şot'ay qı̌t'ul śirik'q'an p'ap'i.

Verse: 6  Link to rat Q̣urban ečala ganeynaḳ yasämäni xodaxun duruṭxo düzba, iz looxunal misen buṭḳa.
   Q'urban eçala ganeynak' yasəməni xodaxun durut'xo düzba, iz looxunal misen but'k'a.

Verse: 7  Link to rat Me duruṭxo q̇urban ečala gane börüġo bakala halq̇oġo lavḳeġale ki, iz ganu badalbaṭan šoṭoġoxun biq̇i tašaṭun.
   Me durut'xo q'urban eçala gane börüğo bakala halq'oğo lavk'eğale ki, iz ganu badalbat'an şot'oğoxun biq'i taşat'un.

Verse: 8  Link to rat Q̣urban ečala ga iz bošṭan amc̣i hamal daxṭaḳenq̇an baki. Šoṭo dägig va buruġo aḳesṭi ḳinäḳ düzba.
   Q'urban eçala ga iz boşt'an ams'i hamal daxt'ak'enq'an baki. Şot'o dəgig va buruğo ak'est'i k'inək' düzba.



ω͑vel čadəri määlä
Ǐvel çadıri məələ



(Č̣eys. 38:9-20Link to udntv)
(C'eys. 38:9-20Link to udntv)


Verse: 9  Link to rat ω͑vel čadəri määlinä ǯöybseynaḳ güneyi täräfäxun boxoyluġ sabać ä͑m * bakala näziḳ kätani ṭurinen ä͑leci pärdoox düzba.
   Ǐvel çadıri məəlinə cöybseynak' güneyi tərəfəxun boxoyluğ sabaç̌ ə̌m * bakala nəzik' kətani t'urinen ə̌leśi pərdoox düzba.

Verse: 10  Link to rat Šoṭoġoynaḳ q̇a dänä sütün saal šoṭoġoy oq̇a laxseynaḳ misäxun q̇a dänä laxala ga düzba. Q̣armaġxo q̇a halq̇oox isä gümüšäxunq̇an baki.
   Şot'oğoynak' q'a dənə sütün saal şot'oğoy oq'a laxseynak' misəxun q'a dənə laxala ga düzba. Q'armağxo q'a halq'oox isə gümüşəxunq'an baki.

Verse: 11  Link to rat Q̣uzeyi täräfeynaḳ bakala pärdin boxoyluġal sabać ä͑mq̇an baki; šoṭoġoynaḳal q̇a dänä sütün saal misäxun q̇a dänä laxala ga düzba. Sütünxoy q̇armaġxo q̇a halq̇oox isä gümüšäxunq̇an baki.
   Q'uzeyi tərəfeynak' bakala pərdin boxoyluğal sabaç̌ ə̌mq'an baki; şot'oğoynak'al q'a dənə sütün saal misəxun q'a dənə laxala ga düzba. Sütünxoy q'armağxo q'a halq'oox isə gümüşəxunq'an baki.

Verse: 12  Link to rat Määlin be͑ġ batḳala täräfeynaḳ bakala pärdoġoy boxoyluġ isä älli ä͑mq̇an * baki. Šoṭoġoynaḳ vic̣ dänä sütün saal vic̣ dänä laxala ga düzba.
   Məəlin běğ batk'ala tərəfeynak' bakala pərdoğoy boxoyluğ isə əlli ə̌mq'an * baki. Şot'oğoynak' vis' dənə sütün saal vis' dənə laxala ga düzba.

Verse: 13  Link to rat Määlin be͑ġ č̣eġala täräfi gengluġal älli ä͑mq̇an baki.
   Məəlin běğ c'eğala tərəfi gengluğal əlli ə̌mq'an baki.

Verse: 14  Link to rat Baġala gane sa täräfeynaḳ här sunṭay iz laxala ga \ bakala xib sütünin loxol, iz boxoyluġ qoc̣c̣e ä͑m * bakala pärdooxq̇an baki.
   Bağala gane sa tərəfeynak' hər sunt'ay iz laxala ga \ bakala xib sütünin loxol, iz boxoyluğ qos's'e ə̌m * bakala pərdooxq'an baki.

Verse: 15  Link to rat Ṭe soġo täräfeynaḳal här sunṭay iz laxala ga bakala xib sütünin loxol, iz boxoyluġ qoc̣c̣e ä͑m bakala pärdooxq̇an baki.
   T'e soğo tərəfeynak'al hər sunt'ay iz laxala ga bakala xib sütünin loxol, iz boxoyluğ qos's'e ə̌m bakala pərdooxq'an baki.

Verse: 16  Link to rat Määlin baġala ganeynaḳ boxoyluġ q̇a ä͑m * bakala göyin, mumuśaḳi, tünd ć̣oć̣a irängen ṭuriġoxun q̇a näziḳ kätani ṭuriġon ä͑leci naxəšla pärdä düzba. Šoṭay biṗ sütün, ičoġoy oq̇a laxseynaḳal biṗ dänä laxala gaq̇an baki.
   Məəlin bağala ganeynak' boxoyluğ q'a ə̌m * bakala göyin, mumušak'i, tünd č'oč'a irəngen t'uriğoxun q'a nəzik' kətani t'uriğon ə̌leśi naxışla pərdə düzba. Şot'ay bip' sütün, içoğoy oq'a laxseynak'al bip' dənə laxala gaq'an baki.

Verse: 17  Link to rat Määlin ṭo͑ġu͑rġoy bütüm sütünxoy ġaćesunxo q̇a q̇armaġxo gümüšäxunq̇an baki, ičoġoy laxala ganxo isä misäxunq̇an baki.
   Məəlin t'ǒğǔrğoy bütüm sütünxoy ğaç̌esunxo q'a q'armağxo gümüşəxunq'an baki, içoğoy laxala ganxo isə misəxunq'an baki.

Verse: 18  Link to rat Määlin boxoyluġ sabać ä͑m, iz gengluġ isä älli ä͑mq̇an * baki, iz näziḳ kätani ṭurinen ä͑le͑ci pärdin alloyluġ isä qo ä͑m. * Sütünxoy laxala ganxo misäxunq̇an baki.
   Məəlin boxoyluğ sabaç̌ ə̌m, iz gengluğ isə əlli ə̌mq'an * baki, iz nəzik' kətani t'urinen ə̌lěśi pərdin alloyluğ isə qo ə̌m. * Sütünxoy laxala ganxo misəxunq'an baki.

Verse: 19  Link to rat ω͑vel čadəri boš q̇ulluġeynaḳ äšeġala bütüm šeyurxo misäxunq̇an baki. Määlin pärdoġo ġaćbseynaḳ äšeġala mixčooxal ə͑vel čadəri pärdoġo ġaćbseynaḳ äšeġala mixčoġollariḳ misäxunq̇an baki.
   Ǐvel çadıri boş q'ulluğeynak' əşeğala bütüm şeyurxo misəxunq'an baki. Məəlin pərdoğo ğaç̌bseynak' əşeğala mixçooxal ı̌vel çadıri pərdoğo ğaç̌bseynak' əşeğala mixçoğollarik' misəxunq'an baki.



Čiraġa bapseynaḳ bakala č̣äyin
Çirağa bapseynak' bakala c'əyin



(Lev. 24:1-4)
(Lev. 24:1-4)


Verse: 20  Link to rat Hun israilluġo ämirba ki, čiraġa bapseynaḳ vaynaḳ toxmaġen ć̣aḳṗi č̣evḳi, tämiz zeytuni č̣äyinq̇aṭun ečeri. Ṭe čiraġxo pisosi loxol hämišä boḳalane.
   Hun israilluğo əmirba ki, çirağa bapseynak' vaynak' toxmağen č'ak'p'i c'evk'i, təmiz zeytuni c'əyinq'at'un eçeri. T'e çirağxo pisosi loxol həmişə bok'alane.

Verse: 21  Link to rat Aaronen q̇a iz ġarmoġonal be͑ġalaṭun ki, me čiraġxo ə͑vel čadəri boš, iräziluġi sanduġ bakala än ə͑vel ganu ǯöybala pärdin be͑ś biyäsinäxun savaxṭinal ciriḳ boḳeq̇an. Barta mo israilluġoynaḳ näsiläxun näsilä č̣ovakala hämišäluġ sa q̇aydaq̇an baki.
   Aaronen q'a iz ğarmoğonal běğalat'un ki, me çirağxo ı̌vel çadıri boş, irəziluği sanduğ bakala ən ı̌vel ganu cöybala pərdin běš biyəsinəxun savaxt'inal śirik' bok'eq'an. Barta mo israilluğoynak' nəsiləxun nəsilə c'ovakala həmişəluğ sa q'aydaq'an baki.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.