TITUS
Biblia Udica, Versio Nizhensis: Vetus Testamentum
Part No. 76
Previous part

Chapter: 26 

ω͑vel čadəra düzbsuni yön
Ǐvel çadıra düzbsuni yön



(Č̣eys. 36:8-38Link to udntv)
(C'eys. 36:8-38Link to udntv)


Verse: 1  Link to rat Q̣ONƷ́UĠON saal pine: "ω͑vel čadəra vic̣ pärdinäxun düzba. Pärdoġo göyin, mumuśaḳi saal tünd ć̣oć̣a irängen bakala näziḳ kätani ṭuriġon ä͑leci parčoġon düzba, iz loxolal angelxoy šikilen q̇äšäng laxeci naxəšxoq̇an \ baki.
   Q'ONČUĞON saal pine: "Ǐvel çadıra vis' pərdinəxun düzba. Pərdoğo göyin, mumušak'i saal tünd č'oč'a irəngen bakala nəzik' kətani t'uriğon ə̌leśi parçoğon düzba, iz loxolal angelxoy şikilen q'əşəng laxeśi naxışxoq'an \ baki.

Verse: 2  Link to rat Barta bütüm pärdoox sa boydaq̇an baki. Här pärdin boxoyluġ saq̇o muġ ä͑m, gengluġ isä biṗ ä͑mq̇an * baki.
   Barta bütüm pərdoox sa boydaq'an baki. Hər pərdin boxoyluğ saq'o muğ ə̌m, gengluğ isə bip' ə̌mq'an * baki.

Verse: 3  Link to rat Pärdoġoy qo däno sunaxun, ṭe soġo qoval sunaxunq̇an e͑beci.
   Pərdoğoy qo dəno sunaxun, t'e soğo qoval sunaxunq'an ěbeśi.

Verse: 4  Link to rat Samǯi qo e͑beci pärdin börine bakala pärdin ṭo͑o͑x göyin irängen ṭurinen halq̇oox düzba. Ṭe soġo e͑beci qo pärdin börine bakala pärdin ṭo͑o͑xal haṭetär halq̇oox düzba.
   Samci qo ěbeśi pərdin börine bakala pərdin t'ǒǒx göyin irəngen t'urinen halq'oox düzba. T'e soğo ěbeśi qo pərdin börine bakala pərdin t'ǒǒxal hat'etər halq'oox düzba.

Verse: 5  Link to rat Samǯi e͑beci qo pärdin börine älli dänä ṭurin halq̇a, ṭe soġo e͑beci qo pärdin börineyal šoṭoġoxun düz eġala älli dänä ṭurin halq̇a düzba.
   Samci ěbeśi qo pərdin börine əlli dənə t'urin halq'a, t'e soğo ěbeśi qo pərdin börineyal şot'oğoxun düz eğala əlli dənə t'urin halq'a düzba.

Verse: 6  Link to rat Q̣əzəlaxun älli dänä q̇armaġ düzba. Ṭe q̇armaġxon pärdoġo osṭaarbi sun-sunaxun ǯalaġba ki, čadər saq̇an baki.
   Q'ızılaxun əlli dənə q'armağ düzba. T'e q'armağxon pərdoğo ost'aarbi sun-sunaxun calağba ki, çadır saq'an baki.

Verse: 7  Link to rat ω͑vel čadəri looxun buṭkseynaḳ kečin xayen sac̣c̣e dänä pärdä düzba.
   Ǐvel çadıri looxun but'kseynak' keçin xayen sas's'e dənə pərdə düzba.

Verse: 8  Link to rat Pärdoġoy sac̣c̣oval sa boydaq̇an baki: boxoyluġ otuz ä͑m, gengluġ isä biṗ ä͑m. *
   Pərdoğoy sas's'oval sa boydaq'an baki: boxoyluğ otuz ə̌m, gengluğ isə bip' ə̌m. *

Verse: 9  Link to rat Qo pärdinä ǯöy, ṭə͑yä͑mi u͑q pärdinä ǯöy e͑ba. U͑qu͑mǯi pärdinä čadəri baġala gane be͑ś ṗä͑qä͑tba.
   Qo pərdinə cöy, t'ı̌yə̌mi ǔq pərdinə cöy ěba. Ǔqǔmci pərdinə çadıri bağala gane běš p'ə̌qə̌tba.

Verse: 10  Link to rat Samǯi e͑beci qo pärdin börine bakala pärdin ṭo͑o͑x älli dänä, ṭe soġo e͑beci u͑q pärdin börine bakala pärdin ṭo͑o͑xal älli dänä ṭurinen halq̇a düzba.
   Samci ěbeśi qo pərdin börine bakala pərdin t'ǒǒx əlli dənə, t'e soğo ěbeśi ǔq pərdin börine bakala pərdin t'ǒǒxal əlli dənə t'urinen halq'a düzba.

Verse: 11  Link to rat Misäxun älli q̇armaġ düzbi šoṭoġo halq̇oġoxun č̣ovakesṭi pärdoġo sun-sunaxun ǯalaġba ki, \ čadər saq̇an baki.
   Misəxun əlli q'armağ düzbi şot'oğo halq'oğoxun c'ovakest'i pərdoğo sun-sunaxun calağba ki, \ çadır saq'an baki.

Verse: 12  Link to rat Čadəri pärdoġoxun avuzin mandi pärdin q̇ə͑yo ə͑vel čadəri bać̣ani täräfäxun suruḳeceq̇an.
   Çadıri pərdoğoxun avuzin mandi pərdin q'ı̌yo ı̌vel çadıri bač'ani tərəfəxun suruk'eśeq'an.

Verse: 13  Link to rat ω͑vel čadəri looxun buṭeġala pärdoġoy avuzin mandi sa ä͑m * parča isä čadəri ṗä͑ täräfäxun suruḳeci šoṭo tam buṭḳeq̇an.
   Ǐvel çadıri looxun but'eğala pərdoğoy avuzin mandi sa ə̌m * parça isə çadıri p'ə̌ tərəfəxun suruk'eśi şot'o tam but'k'eq'an.

Verse: 14  Link to rat Čadəri looxun ć̣oć̣a gombi eġeli ṭolen saal q̇eräz sa näziḳ ṭolen xibimǯi q̇atenal buṭḳa.
   Çadıri looxun č'oč'a gombi eğeli t'olen saal q'erəz sa nəzik' t'olen xibimci q'atenal but'k'a.

Verse: 15  Link to rat ω͑vel čadəreynaḳ yasämäni duruṭaxun tik čurḳala čärčüvox düzba.
   Ǐvel çadıreynak' yasəməni durut'axun tik çurk'ala çərçüvox düzba.

Verse: 16  Link to rat Här čärčüvin boxoyluġ vic̣ ä͑m, gengluġ isä sä͑nqə͑ ä͑mq̇an * baki.
   Hər çərçüvin boxoyluğ vis' ə̌m, gengluğ isə sə̌nqı̌ ə̌mq'an * baki.

Verse: 17  Link to rat Här čärčüvin oq̇a šoṭo iz laxala gala osṭaarbseynaḳ ṗä͑ dänä turq̇an baki. ω͑vel čadəri bütüm čärčüvoġo metär düzba.
   Hər çərçüvin oq'a şot'o iz laxala gala ost'aarbseynak' p'ə̌ dənə turq'an baki. Ǐvel çadıri bütüm çərçüvoğo metər düzba.

Verse: 18  Link to rat ω͑vel čadəri güney täräfeynaḳ q̇a čärčüvä
   Ǐvel çadıri güney tərəfeynak' q'a çərçüvə

Verse: 19  Link to rat saal šoṭoġo osṭaarbseynaḳ gümüšäxun q̇ərx dänä laxala ga düzba: här čärčüvin oq̇a ṗä͑ dänä laxala ga, ičoġoy duruṭin saya görä.
   saal şot'oğo ost'aarbseynak' gümüşəxun q'ırx dənə laxala ga düzba: hər çərçüvin oq'a p'ə̌ dənə laxala ga, içoğoy durut'in saya görə.

Verse: 20  Link to rat ω͑vel čadəri q̇uzey täräfeynaḳal q̇a čärčüvä
   Ǐvel çadıri q'uzey tərəfeynak'al q'a çərçüvə

Verse: 21  Link to rat saal šoṭoġo osṭaarbseynaḳ gümüšäxun q̇ərx dänä laxala ga, här duruṭi oq̇a ṗä͑ dänä laxala ga.
   saal şot'oğo ost'aarbseynak' gümüşəxun q'ırx dənə laxala ga, hər durut'i oq'a p'ə̌ dənə laxala ga.

Verse: 22  Link to rat ω͑vel čadəri bać̣aneynaḳ, be͑ġ batḳala täräfeynaḳ u͑q čärčüvä düzba.
   Ǐvel çadıri bač'aneynak', běğ batk'ala tərəfeynak' ǔq çərçüvə düzba.

Verse: 23  Link to rat ω͑vel čadəri bać̣ani dönbineynaḳ isä ṗä͑ čärčüvä düzba.
   Ǐvel çadıri bač'ani dönbineynak' isə p'ə̌ çərçüvə düzba.

Verse: 24  Link to rat Morox oq̇axun čüt hari ala sa halq̇ina osṭaarbakalaṭun. Här ṗä͑ dönbineynaḳ haketär ṗä͑ \ čärčüväq̇an baki.
   Morox oq'axun çüt hari ala sa halq'ina ost'aarbakalat'un. Hər p'ə̌ dönbineynak' haketər p'ə̌ \ çərçüvəq'an baki.

Verse: 25  Link to rat Metär, me muġ čärčüvin u͑qe͑c̣c̣e dänä gümüšäxun laxala gaq̇an baki: här čärčüvin oq̇a ṗä͑ dänä laxala ga.
   Metər, me muğ çərçüvin ǔqěs's'e dənə gümüşəxun laxala gaq'an baki: hər çərçüvin oq'a p'ə̌ dənə laxala ga.

Verse: 26  Link to rat ω͑vel čadəreynaḳ yasämäni duruṭaxun pešṭuvanxo düzba: här ṭo͑ġeynaḳ qo pešṭuvan,
   Ǐvel çadıreynak' yasəməni durut'axun peşt'uvanxo düzba: hər t'ǒğeynak' qo peşt'uvan,

Verse: 27  Link to rat saal be͑ġ batḳala täräf bakala čärčüvineynaḳ qo pešṭuvan.
   saal běğ batk'ala tərəf bakala çərçüvineynak' qo peşt'uvan.

Verse: 28  Link to rat Bə͑ġin pešṭuvan čadəri sa belxun ṭə͑yä͑mi bel ciriḳ baki čärčüvoġo sunaxun ġaćḳalane.
   Bı̌ğin peşt'uvan çadıri sa belxun t'ı̌yə̌mi bel śirik' baki çərçüvoğo sunaxun ğaç̌k'alane.

Verse: 29  Link to rat Čärčüvoġo q̇a pešṭuvanxo q̇əzəlen buṭḳa, pešṭuvanxo efala halq̇oġoval q̇əzəlaxun düzba.
   Çərçüvoğo q'a peşt'uvanxo q'ızılen but'k'a, peşt'uvanxo efala halq'oğoval q'ızılaxun düzba.

Verse: 30  Link to rat ω͑vel čadəra Zu va buruġo aḳesṭi ḳinäḳ laxa.
   Ǐvel çadıra Zu va buruğo ak'est'i k'inək' laxa.

Verse: 31  Link to rat Göyin, mumuśaḳi saal tünd ć̣oć̣a irängen bakala ṭuriġon q̇a näziḳ ä͑leci kätani parčinaxun sa pärdä düzba. Iz loxol isä bašaraġlu usṭan angeli šikilxon bakala naxəšxoq̇an düzbi.
   Göyin, mumušak'i saal tünd č'oč'a irəngen bakala t'uriğon q'a nəzik' ə̌leśi kətani parçinaxun sa pərdə düzba. İz loxol isə başarağlu ust'an angeli şikilxon bakala naxışxoq'an düzbi.

Verse: 32  Link to rat Šoṭo q̇əzəli q̇armaġxoxun biṗ sütüni loxol suruḳṗa. Sütünxo q̇əzəlen bäč̣üreci yasämäni duruṭaxunq̇an baki, ičoġoy oq̇a isä gümüšäxun laxala ga bakalane.
   Şot'o q'ızıli q'armağxoxun bip' sütüni loxol suruk'p'a. Sütünxo q'ızılen bəc'üreśi yasəməni durut'axunq'an baki, içoğoy oq'a isə gümüşəxun laxala ga bakalane.

Verse: 33  Link to rat Pärdinä q̇armaġxoxun suruḳṗa, iräziluġi sanduġal pärdin bać̣ane laxa. Me pärdinen ə͑vel ganuxun än ə͑vel bakala ganu ǯöybale. *
   Pərdinə q'armağxoxun suruk'p'a, irəziluği sanduğal pərdin bač'ane laxa. Me pərdinen ı̌vel ganuxun ən ı̌vel bakala ganu cöybale. *

Verse: 34  Link to rat Baġəšlayinšbsuni q̇apaġa än ə͑vel gala bakala iräziluġi sanduġi loxol laxa.
   Bağışlayinşbsuni q'apağa ən ı̌vel gala bakala irəziluği sanduği loxol laxa.

Verse: 35  Link to rat Isṭola pärdin ṭe soġo täräf ə͑vel čadəri q̇uzey täräfäxun laxa, pisosa isä šoṭoxun ćobaćo ə͑vel čadəri güney täräfäxun laxa.
   İst'ola pərdin t'e soğo tərəf ı̌vel çadıri q'uzey tərəfəxun laxa, pisosa isə şot'oxun ç̌obaç̌o ı̌vel çadıri güney tərəfəxun laxa.

Verse: 36  Link to rat Čadəri baġala ganeynaḳ göyin, mumuśaḳi, tünd ć̣oć̣a irängen bakala ṭuriġon q̇a näziḳ ä͑leci kätani parčinaxun sa pärdä düzba, iz loxolal e͑bunen naxəšxoq̇an baki.
   Çadıri bağala ganeynak' göyin, mumušak'i, tünd č'oč'a irəngen bakala t'uriğon q'a nəzik' ə̌leśi kətani parçinaxun sa pərdə düzba, iz loxolal ěbunen naxışxoq'an baki.

Verse: 37  Link to rat Me pärdineynaḳal yasämäni duruṭaxun qo dänä q̇əzəlen buṭeci sütün düzba. Šoṭoġoy loxol q̇əzəli q̇armaġxoq̇an baki. Sütünxoynaḳ misäxun q̇äliben düzeci qo dänä laxala ga düzba.
   Me pərdineynak'al yasəməni durut'axun qo dənə q'ızılen but'eśi sütün düzba. Şot'oğoy loxol q'ızıli q'armağxoq'an baki. Sütünxoynak' misəxun q'əliben düześi qo dənə laxala ga düzba.



Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 2.9.2025. No parts of this document may be republished in any form without prior permission by the copyright holder.