Äfči äyit taramadanan. Äfčidän šahidluġbi haq̇suz amdara kömäymabanan. *
Šär äš biq̇ala amdarxoy bać̣anexun ma takinan. Mähḳäminä geleṭoġoy tay baki düzä ḳoribi äfči šahidluġmabanan.
Sa amdari sayǯä iz käsib baksuna görä mähḳäminä šoṭay täräf \ šahidluġmabanan. *
Efi düšmäni azmišaki araḳa nääl elema iräsṭeġayin, šoṭo iz q̇onʒ́uġo qaydanan.
Vä͑x nifrätbala amdari elema yüke oq̇a biti aḳayvax, šoṭo ketär ma efanan. Šoṭo kömäybanan ki, ṭe yüke oq̇axun č̣ereq̇an. *
Mähḳäminä efi azuḳaxun bakala käsib amdari äšlä be͑ġaṭan düzgün divanbanan.
Amdara mähḳäminä äfčidän taxsərkär č̣evksunaxun ä͑xil bakanan. Taxsərsuzṭoġoynaḳ q̇a düzgün amdarxoynaḳ šoṭoġo besṗesṭuni q̇ärar ma č̣evḳanan. Axəri pis amdara ǯazasuz tez barḳal.
Rüšvät ma haq̇anan, šoṭaynaḳ ki, rüšväten aḳalṭoġo ḳać̣i, düz äyitḳalṭoġoval äfčiduġale bon. *
Q̣äribä zülüm ma tadanan. Axəri vä͑nal Misirä q̇ärib bakaṭan, q̇äribluġin ḳä baksuna hisbenan. *
; Ḳan. 16:1-17)
; K'an. 16:1-17)
U͑q usen ef oćala biṭanan iz baral girbanan.
Vu͑ġu͑mǯi usenasṭa isä šoṭo kul ma duġanan. Ṭe vädä ef azuḳaxun bakala käsibxon ṭeṭiin ukesṭun bakon, avuz mandalṭu isä čölin heyvanxonq̇an käyi. Ef ṭulluġxo \ q̇a zeytunluġxoval metär banan. *
U͑q ġi ef äšurxo banan, vu͑ġu͑mǯi ġine isä ma äšbanan ki, ef kälurxo q̇a elemxo dinǯäyinšäkeq̇aṭun, ef ḳoya bakala nökärxo q̇a q̇äribxoval ičoġol hareq̇aṭun. *
Bezi vä͑x pi här šeya ämälbanan. Q̣eräz buxaʒ́uxxoy c̣iya ma duġanan, šoṭoġoy c̣iyurxo ef muzelal ma ečanan.
Bez c̣iyal usena xib axsibay č̣ovakesṭanan.
Ä͑yinsuz Šume axsibay * č̣ovakesṭanan: Zu vä͑x ämirbi ḳinäḳ aviv * xašasṭa vä͑ynaḳ täyinbaki vädine vu͑ġ ġi ä͑yinsuz śum ukanan. Šoṭaynaḳ ki, Misiräxun ṭe xašasṭanan č̣ere. Šuḳḳal kul amc̣i Za bul ḳoc̣bsa maq̇an hari.
Čöle bakala äkini süfṭin exaxun Exe axsibay č̣ovakesṭanan. \ Oćalen tadi bara bitova girbiṭuxun oša useni axərasṭa Bare axsibayal \ č̣ovakesṭanan. *
Metär, usena xib käräm ef bütüm išq̇arxo ičoġoy Q̣ONƷ́UX Buxaʒ́uġo bul ḳoc̣bala gala eġalṭun.
Zaynaḳ ečala q̇urbani ṗiya ä͑yinen śareci hiḳḳal lafṭimaq̇an. \ Zaynaḳ ečala axsibayi q̇urbanluġi piyal savaxeynaḳ emafanan.
Vi oćalaxun girbi nübärin än šaaṭṭu ef Buxaʒ́ux bakala Q̣ONƷ́UĠO bul ḳoc̣bala gala ečanan. \ Q̣uzina iz nanay muć̣anaq̇i boš ma aṗesṗanan. *
Mone, Zu ef be͑ś tayseynaḳ Bez angelaz yaq̇absa ki, šoṭin vä͑x yaq̇a q̇oriši Bezi vä͑ynaḳ häzirbi gala tašane.
Šoṭo fikir tadanan, iz äyitäl be͑ġanan. Šoṭay äyitäxun ma č̣ekinan - šoṭin tene baġəšlayinšal, šoṭaynaḳ ki, ḳä bsanesa Bez c̣iyene bsa.
Ägär šoṭo u͑mu͑xlaxi, Bezi uḳalṭuġoval ämälbaynan, Zu ef düšmänxoynaḳ düšmän bakoz, vä͑x nu čureġalṭoġo Zuval tez čureġal.
Bezi angel ef be͑ś taci vä͑x emorluġoy, xeṭluġoy, ṗerizluġoy, känanluġoy, xivluġoy saal yevusluġoy oćala ečale. Zuval šoṭoġo äfčiboz.
Šoṭoġoy buxaʒ́uxxo bul ma ḳoc̣banan, šoṭoġo q̇ulluġbiyal ičoġoy ädäten ma takinan. Ṭe \ buxaʒ́uxxo carpi äfčibanan, šoṭoġoy ə͑vel hesabbakala źe͑ne sütünxo ḳoṭor-ḳoṭor banan.
Vä͑n ef Buxaʒ́ux Q̣ONƷ́UĠO q̇ulluġbanan, Zuval ef śuma saal xena xeyir-bäräkät tadoz, azarxoval vä͑xun ä͑xilboz.
Ef ölkinä nä äyel sakala, nääl ärämiḳ čuux * tene bakal. Ef ömüräl boxoyboz.
Ef loxol eġala bütüm azuḳxo q̇ə͑yen q̇a välvälinen haq̇ale. Zuval šoṭoġoy arane gärgürčiluġ sakoz. Bütüm ef düšmänxoval ef be͑śṭan ṭiṭalṭun.
Zu ef be͑ś elemi ṭaṭe sürüġo yaq̇aboz ki, xivluġo, känanluġo saal xeṭluġo ef be͑śṭan šäṗeġaṭun.
Ama šoṭoġo sa usenen tez šäṗeġal, tene ölkä amc̣ine mandon, ä͑qnä heyvanxoval avuzbaki vä͑x hüǯumṭunbon.
Zu šoṭoġo vä͑n avuzbaki ölkin q̇onʒ́ux bakes bakala vädinäl ciriḳ yavaš-yavaš ef be͑śṭan šäṗeġoz.
Ef zahmana Ć̣oć̣a dänizäxun Filisṭ * dänizäl ciriḳ, amc̣i oćalaxun Yevfrat oqal ciriḳ zaṗḳoz. Ṭe ölkinä yäšäyinšalṭoġo ef kiyel tadoz, vä͑nal šoṭoġo ef ṭo͑o͑xun šäṗeġalnan.
Nä šoṭoġoxun, nääl šoṭoġoy buxaʒ́uxxoxun iräziluġ ma ġaćekinan.
Šoṭoġo ef ölkinä yäšäyinšbsuna iǯaza ma tadanan, šoṭaynaḳ ki, šoṭoġon vä͑x Bezi äyitäxun č̣eysuna q̇a ičoġoy buxaʒ́uxxo bul ḳoc̣bsuna zaṗḳalṭun. \ Moval vä͑ynaḳ tälä bakale".
