TITUS
Translated homiletic texts
Part No. 52
Previous part

Paragraph: 52  
Line of ed.: 7       იაკობ და იოვანე იტყოდეს: "დიდებაჲ ძესა და
Line of ed.: 8    სიტყუასა მამისასა, სიბრძნით სოფლად მოსრულსა, ქალწულისა
Line of ed.: 9    მარიამისგან ჴორც-შესხმულსა, ჩუენისა ჴსნისათჳს
Line of ed.: 10    განკაცებულსა, მონანულთა შემწყნარებელსა, სინანულისა შემწირველსა,
Line of ed.: 11    ცოდვათა მომტევებელსა, სულგრძელსა ძჳრ-უჴსენებელსა
Line of ed.: 12    მოწყალესა და მტერისა წარმტყუენველსა, წარწყმედულთა
Line of ed.: 13    მეძიებელსა, ცოდვილთაგან ჯუარ-ცუმულსა,
Line of ed.: 14    ნეფსით ჩუენთჳს ტანჯულსა და გუემულსა, ჩუენთჳს
Line of ed.: 15    საფლავსა დაფლულსა და მესამესა დღესა მკუდრეთით
Line of ed.: 16    აღდგომილსა, სასწაულთა მოქმედსა, მკუდართა აღმადგინებელსა,
Line of ed.: 17    ქველის-მოქმედსა და ჯოჯოხეთისა შემმოსრველსა
Line of ed.: 18    და ქრისტიანეთა ტყუეთა გამომჴსნელსა, მომცემელსა
Line of ed.: 19    ყოვლისა კეთილისასა და სიხარულისა, მომატყუებელსა
Line of ed.: 20    ნათლისა და კურთხევისა, მომანიჭებელსა თჳსისა
Line of ed.: 21    ჴორცისა და სისხლისა, შემმოსელსა თჳსითა მადლითა, მდიდებელსა
Line of ed.: 22    ძალისა და მადლისასა, დამცირემელსა მაღალთა
Line of ed.: 23    და ამპარტავანთასა და აღმადგინებელსა დაცემულთასა,
Line of ed.: 24    უხუებით გჳრგჳნოსან მყოფელსა მართლ-მორწმუნეთასა,
Line of ed.: 25    იესუს ქრისტეს ზეცად ამაღლებულსა, მარჯუენით მამისა
Page of ed.: 149   Line of ed.: 1    მჯდომარესა და კუალად მეორედ მომავალსა განსჯად
Line of ed.: 2    ცხოველთა და მკუდართა რაჲმეთუ არაჲვინ არს ღმერთი
Line of ed.: 3    სხუაჲ მისსა გარეშე. მოვედით მორწმუნენო ვითარცა ღმერთ
Line of ed.: 4    არს თაყუანის-ვსცემდეთ."

Next part


This text is part of the TITUS edition of Translated homiletic texts.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.