TITUS
The Shatberd Codex
Part No. 206
Previous part

Chapter: VIII  
Page of ed.: 272  
Line of ed.: 8        8. აწ ესე გამოთქუმული გაუწყე შენ და მინდა კმა-ყოფად; არამედ რამეთუ
Line of ed.: 9     ეგე სიტყუანი გუაწუევენ სიტყუად და მერმე-ცა სიტყუად, არა-ვე დავდუმნეთ;
Line of ed.: 10     რამეთუ არიან ნანდჳლ-ვე საღმრთონი იგი სიტყუანი განმადიდებელ და შემძლებელ
Line of ed.: 11     სარგებლის \ ყოფად სულთა. რამეთუ "ლეკუს ლომის" იტყჳს წინაჲსწარმეტყუელი
Line of ed.: 12     იგი იუდაჲსთჳს და დავით ჴორციელად გამოჩინებითა მით ძედ
Line of ed.: 13     ღმრთისად იტყჳს. ხოლო რომელ იგი თქუა ვითარმედ "აღმოცენებისაგან გამოჰჴედ
Line of ed.: 14     შვილო" გჳჩუენა აღმოცენებული იგი ნაყოფი \ წმიდისაგან ქალწულისა,
Line of ed.: 15     არა თესლისაგან შობილ, არამედ სულისა მიერ მიდგომილ, და ესე ვითარცა
Line of ed.: 16     მცენარჱ წმიდისა ქუეყანისაგან აღმოცენებული; ესაია იტყჳს: "აღმოჴდეს
Line of ed.: 17     ყუავილი ძირთა მათგან იესესთა და ყუავილი მისგან გარდაეფინოს"; აწ
Line of ed.: 18     ესაია "ყუავილ" იტყჳს, ხოლო იაკობ -- "მცენარჱ", რამეთუ პირველად აღმოსცენდა
Line of ed.: 19     მუცელსა მას წმიდასა სიტყუაჲ იგი და მერმე ყუავილ გარდაფენილ
Line of ed.: 20     იქმნეს. ხოლო რომელ იგი თქუა "მიწოლით დაიძინოს ვითარცა ლომმან და ვითარცა Page of sec. ed.: 77 
Line of ed.: 21     ლეკუმან ლომისამან", წუთ ერთსა მას მიძინებასა ქრისტესსა იტყჳს, ვითარცა
Line of ed.: 22     ესაია იტყჳს: "ვითარ მეძავ იქმნა ქალაქი იგი სარწმუნოჲ სიონი, Page of sec. ed.: 78  რომელსა
Line of ed.: 23     შინა სიმართლემან დაიძინა, ხოლო აწ აღივსო მკლველებითა?".
Line of ed.: 24     და დავით ეგრე-ვე იტყჳს: "მე დავწევ. დავიძინე, განვიღჳძე, რამეთუ უფალი
Line of ed.: 25     მწე ჩემდა"; და გჳჩუენებს წერილითა მით დაძინებასა მას და აღდგომასა
Line of ed.: 26     რომელ იყო. ხოლო იაკობ იტყჳს: "ვინ აღადგინოს იგი?", არამედ თჳთ მამამან;
Line of ed.: 27     რომლისა მსგავსად პავლე-ცა იტყჳს: "და ღმრთისა მამისაჲ რომელმან
Line of ed.: 28     აღადგინა იგი მკუდრეთით".

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.