TITUS
The Shatberd Codex
Part No. 204
Previous part

Chapter: VI  
Page of ed.: 271  
Line of ed.: 23        6. აწ, უფლისა მის და მჴსნელისა ჩუენისა იესუ ქრისტესთჳს ძისა მის უფლისაჲ
Line of ed.: 24     სამეუფოჲსა მის და დიდებულისა ვითარცა ლომისა წინაჲსწარ-ქადაგებულისა,
Line of ed.: 25     მსგავსად მისა ანტიქრისტესთჳს-ცა ვითარ [ლომისა] წინაჲსწარ თქუეს
Line of ed.: 26     წიგნთა სიფიცხლისა მისისათჳს და მძლავრებისა. რამეთუ ყოვლითა-ვე
Line of ed.: 27     ემსგავსოს მაცთური იგი ძესა მას ღმრთისასა. აწ ლომ ქრისტე ითქუმის
Line of ed.: 28     და ითქუმის ლომ ანტიქრისტე-ცა; გამოჩნდა კრავად ქრისტე, და იგი-ცა ეგრე-ვე
Line of ed.: 29     სახედ გამოჩნდეს ვითარცა კრავი და შინაგან იყოს მგელ დადარანებულ; მჴსნელი
Line of ed.: 30     იგი მოვიდა სოფლად, და იგი ეგრე სახედ-ვე მოვიდეს; წარავლინნა უფალმან
Line of ed.: 31     მოციქულნი იგი ყოველთა მიმართ წარმართთა, ეგრე-ცა მან წარავლინნეს
Line of ed.: 32     ცრუმოციქულნი; შეკრიბნა განბნეულნი იგი ცხოვარნი ქრისტემან, და ეგრე-ცა
Line of ed.: 33     მან შეკრიბოს განბნეული იგი ერი; ნათელ-სცა ქრისტემან რომელთა
Line of ed.: 34     ჰრწმენა იგი, და იგი-ცა ნათელ-სცემდეს; ხატად კაცთა გამოჩნდა უფალი, და
Line of ed.: 35     იგი-ცა კაცთა ხატად მოვიდეს; აღადგინნა მჴსნელმან მან თჳსნი იგი ჴორცნი და
Line of ed.: 36     გჳჩუენნა ვითარცა ტაძარი, და მან აღაშენოს იერუსალჱმისა იგი ტაძარი
Line of ed.: 37     დაჴსნილი. ესე არიან მისნი იგი მაცთურებისა მანქანებანი, რომელნი ამისა
Line of ed.: 38     შემდგომად-ცა გითხრნე; აწ მოვედით და ვიწყოთ დასაბამითგანსა მას.

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.