TITUS
The Shatberd Codex
Part No. 201
Previous part

Chapter: III  
Page of ed.: 270  
Page of sec. ed.: 74 
Line of ed.: 17        3. ვითარცა-იგი რომელ წინა-ვე ნეტართა მათ წინაჲსწარმეტყუელთა გამოეცხადა
Line of ed.: 18     ღმრთისა იგი სიტყუაჲ, [...] რომელი იგი დასაბამითგან სიტყუაჲ იყო, ხოლო
Line of ed.: 19     აწ ჩუენთჳს კაცად-ცა ქუეყანასა ზედა გამოჩნდა, გამოგიცხადებს შენ ამას
Line of ed.: 20     რომლისა მის მიერ ლოცვის-ყოფითა წარწევნად წადიერ ვართ გამოძიებად. არამედ
Line of ed.: 21     რამეთუ თჳსითა მით მოწყალებითა დაურიდებელად მიაუწყებს ყოველთა
Line of ed.: 22     წმიდათა სიტყუაჲ იგი მართლ თავისა თჳსისა ჴელითა ყოველთა წმიდათაჲთა,
Line of ed.: 23     ვითარცა მეცნიერ შემწე ჩუენისა სარგებლისათჳს, გულისხმის-მყოფელ კაცობრივისა
Line of ed.: 24     ამის უძლურებისათჳს, რაჲთა რომელნი იგი უცებნი იყვნენ სწავლნეს
Line of ed.: 25     და შეცთომილნი მოაქცინეს ჭეშმარიტსა გზასა თჳსსა, და რომელნი იგი სარწმუნოვებით
Line of ed.: 26     ეძიებდენ ადვილად პოვონ, რომელნი წმიდითა ჴორცითა და უბიწოჲთა
Line of ed.: 27     გულითა რეკად კართა განმზადებულ არიან მუნქუეს-ვე განეღოს. რამეთუ
Line of ed.: 28     არა შეურაცხ ვინ ყვნის თჳსთა მსახურთაგანნი და არცა მოიძაგის, ვითარ-მცა
Line of ed.: 29     არა ვინ ღირს იყო საღმრთოჲსათა მათ ზრახვათა; არცა
Line of ed.: 30     მდიდარი უშერაცხილჱს და უპატიოსნჱს შეურაცხიეს გლახაკისა,
Line of ed.: 31     და არცა გლახაკსა უპოვარებისათჳს შეურაცხ-ჰყოფს, და არცა დუჟსა მას ვითარცა უგულისჴმოსა
Line of ed.: 32     აყუედრებს, და არცა საჭურისსა ვითარცა კერძო-კაცსა განაგდებს, და
Line of ed.: 33     არცა დედაკაცსა დედლობისა და დასაბამისა მის შეცოდებისათჳს განაგდებს,
Line of ed.: 34     და არცა მამაკაცთა მცნებისა გარდასლვისა მისთჳს აგინებს, არამედ ყოველთა
Line of ed.: 35     სწყალობს და ყოველთა-ვე განრინებად ჰნებავს და ყოველთა-ვე ძედ ღმრთისად
Line of ed.: 36     სრულ ყოფად სწადის და ყოველთა მათ წმიდათა ერთად კაცად აღსრულებულად
Line of ed.: 37     უწესს. რამეთუ ერთ არს ძჱ იგი ღმრთისაჲ, რომლისა მიერ ჩუენ-ცა, მიწევნულ
Line of ed.: 38     სულითა Page of sec. ed.: 75  წმიდითა ზესკნელსა მას შობასა, ერთად აღსრულებულ და
Line of ed.: 39     ზეცისასა მას კაცსა ყოველთა-ვე მოსლვად და მოწევნად გუწადის.

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.