TITUS
The Shatberd Codex
Part No. 161
Previous part

Chapter: VI  
Page of ed.: 243  
Line of ed.: 15        6. ესე ვითარცა იხილეს უცხოთესლთა მათ, აღიძრნეს; და ვითარცა იხილეს
Line of ed.: 16     ძლიერებაჲ მისი, დაჰკჳრდეს. და შეკრიბეს ბანაკი მათი ბრძოლად სოქოთს ჰურიასტანისასა,
Line of ed.: 17     და განეწყვნეს საშუვალ სოქოთსა და აზეკსა კაფარნაიმს. და
Line of ed.: 18     საულ და ყოველი ერი ისრაჱლისაჲ შეკრბეს ჴევსა მას და განემზადნეს ბრძოლად
Line of ed.: 19     უცხოთესლთა მათ მიმართ; და უცხოთესლნი იგი დგეს მთასა მას ერთკერძო, \
Line of ed.: 20     {და ისრაიტელნი იგი დგეს მთასა მას ერთკერძო;} და უბჱ ერთი იყო საშუვალ მათსა.

Line of ed.: 21        და წარმოდგა კაცი ერთი ნათესავისა მისგან უცხოთესლთაჲსა, სახელი ერქუა
Line of ed.: 22     მას გოლიად გეთელ. სიმაღლჱ მისი -- ოთხ წყრთა და მტკაველ; და ჩაფხუტი
Line of ed.: 23     რვალისაჲ ზედა თავსა მისსა; და ჯაჭუსა მისსა ქაშქანი ვითარცა ჯაჭჳსა
Line of ed.: 24     დასადებელისაჲ რომელ შთაეცუა, და სასწორი ჯაჭჳსა Page of sec. ed.: 8  მისისაჲ სამ ათას სიკლა
Line of ed.: 25     სპილენძისაჲ; და საწმერთულნი სპილენძისანი ბარკალთა მისთა, და ფარი სპილენძისაჲ
Line of ed.: 26     ბეჭთა მისთა, და ბუნი ჰორლისა მისისაჲ ვითარცა ლვილი ქსლისაჲ,
Line of ed.: 27     ექუსას სასწორ რკინის ჰორლის პირი მისი. და რომელსა აქუნდა ჯაჭუჭური
Line of ed.: 28     მისი ვიდოდა წინაშე მისა, და დგა და ჴმა-ყო ბანაკისა მიმართ ისრაიტელთაჲსა
Line of ed.: 29     და თქუა: "რაჲსა მოხუალთ ბრძოლად ჩუენდა? არა მე ვარ-ა უცხოთესლი, და
Line of ed.: 30     თქუენ ებრაელნი საულისნი? გამოირჩიეთ თქუენ კაცი რომელი გამომიჴდეს
Line of ed.: 31     მე; და თუ იყოს, და მძლოს მე, ვიყვნეთ თქუენდა მონა; და უკუეთუ მე ვსძლო
Line of ed.: 32     და მოვკლა იგი, ხართ-მცა თქუენ ჩუენდა მონა და გუმონებდით ჩუენ".

Line of ed.: 33        და ეტყოდა უცხოთესლი იგი: "აჰა ესერა მე გაყუედრებ დღეს თქუენ; აწ
Line of ed.: 34     გამოავლინეთ კაცი და შევიმთხჳნეთ ურთიერთას". და ესმა საულს და ყოველსა
Line of ed.: 35     ისრაჱლსა სიტყუაჲ იგი უცხოთესლისაჲ მის, და შეეშინა ფრიად.
Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.