TITUS
The Shatberd Codex
Part No. 154
Previous part

Chapter: XXVII  
Page of ed.: 240  
Line of ed.: 10              და რომელი-იგი შემოაბა და იტყჳს, ვითარმედ:
Line of ed.: 11     "საშო კურთხეულ მამისა და დედისა შენისა". ზრახვასა სულ[ი]ერებრსა წინაჲსწარ
Line of ed.: 12     უჩუენებს წინაჲსწარმეტყუელი იგი, რამეთუ შემძლებელ იყო თქუმად
Line of ed.: 13     "და საშო კურთხეულ დედისა შენისაჲ", რაჲთა მოჴსენებითა გამოაჩინოს მარიამი,
Line of ed.: 14     რომლისა მუცელსა შინა იზარდა სიტყუაჲ იგი. ხოლო არა ესე თქუა,
Line of ed.: 15     არამედ იტყჳს: "საშო Page of sec. ed.: 110  კურთხეულ მამისა და დედისა შენისაჲ". ორთა-ვე ერთად
Line of ed.: 16     შეყოფითა ვითარცა ერთი გამოაჩინა, რაჲთა გულისხმა-ყონ მისთჳს სულიერად-ცა
Line of ed.: 17     და ჴორციელად-ცა, რამეთუ იყო იგი სიტყუა მამისა და მუცლისა წმიდისაგან,
Line of ed.: 18     ვითარცა საშოჲსაგან მამისა შობილ. ვითარცა წინაჲსწარმეტყუელი
Line of ed.: 19     იგი იტყჳს: "აღმოთქუნ გულმან ჩემმან სიტყუაჲ კეთილი"*, არს მსგავს ჴორცთა-ცა
Line of ed.: 20     ქალწულისაგან შობილ, რაჲთა საშოჲსაგან დედისა შობილად გამოჩნდეს,
Line of ed.: 21     ვითარცა წინაჲსწარმეტყუელმან თქუა: "ესრე იტყჳს უფალი, რომელმან განმ[მ]ზადა
Line of ed.: 22     მე საშოჲთგან მონად თჳსა"*. და იერემიაჲს პირითა იტყჳს: "ვიდრე
Line of ed.: 23     ცნობად შენდამდე წინაჲსწარ მუცელსა შინა გიცან შენ და ვიდრე გამოსლვადმდე
Line of ed.: 24     შენდა საშოსა წინაჲსწარ შეგიყუარე შენ"*. რამეთუ სულიერად-ცა იყო
Line of ed.: 25     შობილ სიტყუაჲ იგი Ms. page: 155r   და ჴორცითა-ცა ღმრთად გამოჩნდა და კაცად ნანდჳლ-ვე
Line of ed.: 26     მართლად წინაჲსწარმეტყუელმან მან საშო დედისა და მამისა თქუა.

Line of ed.: 27        უკუეთუ ესრე არა ვინ გულისხმა-ყოს, საცინელ რომელთა-მე უჩნდეს წინაჲსწარმეტყუელი
Line of ed.: 28     იგი, რამეთუ საშოჲ დედაკაცისაჲ ხოლო შეჰგავს თქუმად.
Line of ed.: 29     ხოლო აქა იტყჳს, Page of sec. ed.: 112  ვითარმედ: "საშო კურთხეულ დედისა და მამისა შენისაჲ", რაჲთა
Line of ed.: 30     გულისხმა-ჰყო სიტყჳსა მის ორკერძო-ვე შობილ ღმრთისაგან და ქალწულისაგან,
Line of ed.: 31     რომლისათჳს-ცა შედგმულად იტყჳს: "განძლიერდა კურთხევითა უფროჲს
Line of ed.: 32     მთათა საუკუნეთა და უსაწადელეს ბორცუთა სამარადისოთა"*. უფროჲს
Line of ed.: 33     მამათა მათ მთავართაჲსა და უფროჲს მოციქულთა და წინაჲსწარმეტყუელთასა
Line of ed.: 34     განძლიერდა ამაღლებული ღმრთისა მიერ. ყოველნი იგი კურთხევანი
Line of ed.: 35     თავსა ზედა დაიკრიბნა, რამეთუ "თავ ყოველთა წმიდათა ქრისტე არს"*.

Line of ed.: 36        და რამეთუ იტყჳს, ვითარმედ: "დაადგრეს თავსა ზედა იოსებისსა და
Line of ed.: 37     ზედა თხემსა მისსა, რომელი-იგი უძღოდა ძმათა თჳსთა"*. რომელ-იგი "ძმათა
Line of ed.: 38     მისთა" თქუა, არა მათთჳს თქუა, რომელნი-იგი ჴორციელად ძმანი იყვნეს, არამედ
Line of ed.: 39     იგინი უვარ-ყვნა, არამედ მათთჳს თქუა, რომელნი-იგი სულიერად
Line of ed.: 40     შერაცხილ იყვნეს ძმანი, რომელთათჳს თქუა უფალმან: ძმანი ჩემნი და თანა-მკჳდრნი*.
Line of ed.: 41     ესევითართა მათთჳს თქუა იაკობ კურთხევითა მით მათ ზედა
Line of ed.: 42     მიფენითა, რომელნი თჳთ ქრისტემან ძმად თჳსა შეჰრაცხნეს.

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.