TITUS
The Shatberd Codex
Part No. 137
Previous part

Chapter: X  
Page of ed.: 228  
Line of ed.: 33           ხოლო წინაჲსწარმეტყუელებით ისაკ ყოფადთა მათთჳს
Line of ed.: 34     იტყოდა: "აჰა, აწ სიპოხისაგან ქუეყანისა იყო მკჳდრობაჲ შენი და ზესკნელს
Line of ed.: 35     ცუარისაგან ცისაჲსა. და მახჳლითა შენითა სცხოვნდებოდი და ძმასა შენსა
Line of ed.: 36     ჰმონებდე. ხოლო იყოს, ოდეს-მე განიჴსნე [და განაგდო] უღელი მისი ქედისაგან
Line of ed.: 37     შენისა"*. აწ სიტყუასა მას ნეტარისა ისაკისსა კურთხევისა ხოლო-მე
Line of ed.: 38     ძალი აქუნ ანუ წინაჲსწარმეტყუელებისაჲ-ცა? რამეთუ თანა-გუაც გულისხმის-ყოფად
Line of ed.: 39     ყოფადთა მათთჳს, რამეთუ თქუა: "აჰა ესერა სიპოხისაგან
Line of ed.: 40     ქუეყანისაჲსა იყოს მკჳდრობაჲ შენი, და ცუარისაგან ცისაჲსა ზეგარდამო"*.
Page of ed.: 229   Line of ed.: 1     რამეთუ იყო დამკჳდრებაჲ ერისაჲ მის ქუეყანასა Ms. page: 146r   მას ქამისსა,
Line of ed.: 2     რომელ-იგი განუნაწილა მათ ისუ, ძემან ნავესმან, და რომელ-იგი თქუა, ვითარმედ:
Line of ed.: 3     "ცუარისგან Page of sec. ed.: 42  ზეცისაჲსა", რამეთუ წინაჲსწარმეტყუელნი იგი ვითარცა
Line of ed.: 4     ღრუბლისაგან ცუარსა გარდმოუტევებდეს მათ ზედა სიტყუასა მას ღმრთისასა.
Line of ed.: 5     ხოლო რომელ-იგი თქუა, ვითარმედ: "მახჳლითა შენითა სცხოვნდებოდი-ო"*,
Line of ed.: 6     რამეთუ მარადის ერი იგი არა დასცხრებოდა წყობად და ბრძოლად გარემოჲს
Line of ed.: 7     ნათესავთა მათ, რომელნი დამკჳდრებულ იყვნეს, ვითარცა წიგნნი გჳჩუენებენ.
Line of ed.: 8     და რომელ-იგი თქუა, ვითარმედ: "ძმასა შენსა ჰმონებდე", მოასწავა
Line of ed.: 9     ამათ ჟამთათჳს, რომელსა მახლობელ იყო ქრისტე მოხედვითა ძმათა თჳსთა, რომელ
Line of ed.: 10     მსგავსად ჴორცთა, რომლისათჳს წინაჲსწარმეტყუელი იგი ასწავებს დამორჩილებად
Line of ed.: 11     და მონებად. ამისთჳს ჰრქუა, ვითარმედ: "განჰჴსნდე და განაგდო
Line of ed.: 12     უღელი მისი ქედისაგან შენისა"*. არამედ რომელი უღელი, არამედ შჯულისაჲ
Line of ed.: 13     მის ედვა მას ზედა, რაჲთა ვითარცა მონანი უღელსა ქუეშე შჯულითა მით
Line of ed.: 14     ცხოვნდებიან, არამედ ვითარცა განთავისუფლებულნი სახარებისა მის სარწმუნოვებითა
Line of ed.: 15     ცხოვნდებიან, ვითარცა ნეტართა მათ წინაჲსწარმეტყუელთა ნათესავითი-ნათესავად
Line of ed.: 16     ქრისტეს ზრახვასა მას წინაჲსწარ ქადაგებდეს და სამართალი
Line of ed.: 17     ჩუენდა მომართ Page of sec. ed.: 44  განცხადებულად გჳჩუენა. ვინ-მე შეორგულდეს ესევითართა
Line of ed.: 18     განცხადებულთა თქუმულთა, უკუეთუ წარსრულთა მათთჳს და მომავალთა
Line of ed.: 19     ჩუენგან ეძიებენ, რავდენ არა უფროჲს ყოფადთა მათთჳს წინაჲსწარ ჰრწმენეს?

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.