TITUS
The Shatberd Codex
Part No. 125
Previous part

Chapter: XXI  
Page of ed.: 219  
Line of ed.: 3        და ასერს ჰრქუა: "კურთხეულ ძ[ე]თა შორის, ასერ, და შემწყნარებელ
Line of ed.: 4     იყოს ძმათა. შეისოლვნენ ფერჴნი მისნი ზეთითა. და რკინის და სპილენძის
Line of ed.: 5     ჴამლნი მისნი. და შემსგავსებულ დღეთა ძალი მისი. და არავინ არს ღმერთ,
Line of ed.: 6     ვითარცა საყუარელისაჲ მის, რომელი აღვალს ზეცად შემწედ შენდა, და
Line of ed.: 7     დიდსა მას თავ-ყოფილსა დამტკიცებაჲ მისი, და დაფარულსა მას ღმრთისა
Line of ed.: 8     ჴელმწიფებასა. და ძლიერებასა მკლავთა მათ სამარადისოთა განაოტნეს
Line of ed.: 9     პირისა შენისაგან მტერნი"*.

Line of ed.: 10        და ჰრქუას, ვითარმედ: "წარწყმდით და Page of sec. ed.: 188  დაიმკჳდროს ისრაჱლმან სასოვებით
Line of ed.: 11     ქუეყანასა მას იაკობისსა შორის იფქლსა და ღჳნოსა, და ცანი მისა
Line of ed.: 12     ცუარ\განრეულ Ms. page: 138v   ღრუბლითა"*. და ძეთა ასერისთასა იტყჳს სიწმიდესა,
Line of ed.: 13     რომელნი სახელისათჳს ქრისტესა ნაშობ ღმრთის იწოდნეს, ვითარცა
Line of ed.: 14     მახარებელი იგი იტყჳს, რამეთუ: "რომელთა შეიწყნარეს ჴელმწიფებაჲ იგი,
Line of ed.: 15     მისცა მათ ჴელმწიფებაჲ ნაშობ ღმრთის ყოფად, რომელთა ჰრწამს სახელი
Line of ed.: 16     მისი"*. და იოვანე იტყჳს: "შემძლებელ არს ღმერთი ქვათაგან-ცა აღდგინებად
Line of ed.: 17     შვილად აბრაჰამისა"*.

Line of ed.: 18        და ესაია იტყჳს: "მაშინ თქუას, ვითარმედ: "აჰა ესერა მე და ყრმანი, რომელნი
Line of ed.: 19     მომცნა მე ღმერთმან"*. ამას მოგუასწავე[ბ]ს წინაჲსწარმეტყუელი
Line of ed.: 20     მოსე სულითა განმზადებულისა მის ყოფადისა შობად ძისა სოფელსა შინა
Line of ed.: 21     ღმრთისა მიერ, რამეთუ თქუა: "კურთხეულ ძმათა შორის ასერ"*. და ასერ
Line of ed.: 22     იწოდების სიმდიდრე, ვითარცა წინაჲსწარ ითქუა, ვითარმედ: "სიმდიდრჱ
Line of ed.: 23     ზღჳსაჲ გაწოვებდეს შენ"*, რომელ არიან ნათესავნი, რომელნი გამოსწოვენ
Line of ed.: 24     მცნებათაგან უფლისათა.

Line of ed.: 25        ამისთჳს იტყჳს, ვითარმედ: "იყოს შეწყნარებულ შორის ძმათა თჳსთა"*.
Line of ed.: 26     არა თუ რომელთა მიმართ მჴსნელი-ცა იტყოდა, ვითარმედ: "ძმანი და თანა-მკჳდრნი
Line of ed.: 27     ჩემნი"*. ამათა იქმნებოდა შეწყნარებულ სიტყუაჲ იგი, ვითარცა
Line of ed.: 28     კაცი ჴორცითა ქუეყანასა ზედა გამოჩინებულ, არამედ ღმრთად-ცა მათ მიერ
Line of ed.: 29     აღიარებ[ი]ს, რამეთუ თომა იტყჳს: "უფალი ჩემი და ღმერთი ჩემი"*. ესე
Line of ed.: 30     ჴორციელად ძმათა მათ მიერ-ვე ცნობილ შეურაცხ-ყვეს Page of sec. ed.: 190  და ვითარცა კაცი
Line of ed.: 31     გლახაკი და შეურაცხ-ყოფილი აგინეს. რომლისათჳს წინაჲსწარ-ვე ღაღადებით
Line of ed.: 32     წინაჲსწარმეტყუელი იგი იტყჳს: "შვილ ვისხენ და აღვიმაღლენ და მათ მე
Line of ed.: 33     შეურაცხ-მყვეს. იცნა ჴარმან მომგებელი თჳსი და ვირმან ბაგაჲ უფლისა
Line of ed.: 34     თჳსისაჲ და ისრაჱლმან მე არა მიცნა და ერმან ჩემმან ჩემი არა გულისხმა-ყო"*.

Line of ed.: 35        და იოვანე წამებს თქუმულთა ამათთჳს და იტყჳს: "და არცა ძმათა მისთა
Line of ed.: 36     ჰრწმენა მისი"*.

Line of ed.: 37        აწ რომელთა-მე ძმათა იქმნა შეწყნარებულ, არამედ ნათესავთა შორიელთა
Line of ed.: 38     მოწოდებულთა, რომელთა მიმართ-ცა იტყოდა: "მოვედით ჩემდა ყოველნი
Line of ed.: 39     ეგე მაშურალნი Ms. page: 139r   და ტჳრთ-მძიმენი და მე განგისუენო თქუენ. მიიღეთ
Line of ed.: 40     უღელი ჩემი, რამეთუ წმიდა ვარ და მდაბალ გულითა. და მიიღოთ განსასუენებელი
Line of ed.: 41     თავთა თჳსთა, რამეთუ უღელი ჩემი ტკბილ არს და ტვირთი ჩემი
Line of ed.: 42     სუბუქ?"*.

Page of ed.: 220  
Line of ed.: 1        რაჲთა გულისხმა-ჰყოთ, რომლისათჳს იტყოდა მოსე, შემობმით იტყჳს:
Line of ed.: 2     "დაასოლვნეს ფერჴნი თჳსნი ზეთითა"*, რომლისათჳს ძალისა მის თქუმულთაჲსა,
Line of ed.: 3     ვითარმედ: "შეისოლვოს ზეთითა ფერჴი თჳსი" არა სხუას რას იტყჳს,
Line of ed.: 4     ვითარმედ მისთჳს, რომელ-იგი ვნებათაჲ მათ იყო, რამეთუ სისხლი, რომელ
Line of ed.: 5     გუერდთა მათგან გამოეცა, წყალობაჲ ჩუენ [!] მოგუეთხრა. შეისოლვა უფლისა
Line of ed.: 6     ფერჴი, რაჲთა მეწამულის ფერი ნიში მის ზედა მას ჟამსა აღსრულებულ
Line of ed.: 7     გამოჩნდეს და ცხორებისა იგი კარი მოგუესწაოს. და კრავისაჲ მის სისხლი,
Line of ed.: 8     რომელთა ჰრწმენეს, ორთა მათ წირთხლთა ეცხოს და მომსრველი იგი მის
Line of ed.: 9     გამო მეოტ Page of sec. ed.: 192  იქმნეს. "შეისოლვოს ფერჴი თჳსი ზეთითა". ესე თავადი არს, რომლითა
Line of ed.: 10     წყალობა ყოველთა კაცთა ექმნა; წინაჲსწარ ქადაგებდა, რამეთუ იაკობ
Line of ed.: 11     ეგრე-ვე იტყჳს: "განრცხეს ღჳნითა სამკაული თჳსი და სისხლითა ყურძნისაჲთა
Line of ed.: 12     -- სამოსელი თჳსი"*, რაჲთა აჩუენოს ჴორცთაჲ მათ შემოსილ სისხლთაჲ
Line of ed.: 13     მათ. ვითარცა სამკაული სიტყვისაჲ მის, რომელ-იგი-ცა ვნებათა მათ მოვიდა,
Line of ed.: 14     რომელ-იგი უვნებელ და უგუემელ სიტყუაჲ იგი იყო.
Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.