TITUS
The Shatberd Codex
Part No. 58
Previous part

Chapter: 2  
Page of ed.: 175  
Line of ed.: 26        ბ̂. ვიწყო ლომისათჳს, რამეთუ შარავანდედ არს ყოველთა მჴეცთა
Line of ed.: 27     ზედა და ყოველთა პირუტყუთა.

Line of ed.: 28        იაკობ რაჟამს აკურთხევდა იუდას, ჰრქუა ესრჱთ: "ლეკუ ლომის, იუდა,
Line of ed.: 29     მორჩად აღმოცენებულ, შვილო ჩემო!"* და სხუანი იგი თითოვეულად
Line of ed.: 30     აკურთხნა.

Line of ed.: 31        სახის-მეტყუელმან თქუა: სამი სახჱ არს ლომისაჲ. პირველი სახჱ: რაჟამს
Line of ed.: 32     ვალნ იგი, გინა თუ ზუაობნ, სული ეცის მონადირეთაჲ და კუდითა თჳსითა
Line of ed.: 33     ძუალსა მას შეჰრყუნინ, ნუუკუე იკულევდენ Page of sec. ed.: 3  მონადირენი და პოვონ Ms. page: 106v  
Line of ed.: 34     იგი სადგურსა თჳსსა და შეიპყრან იგი.

Line of ed.: 35        შენ, რომელი გფარავს გულს-მოდგინედ გამოუჩინებელი ლომი იესუ
Line of ed.: 36     ქრისტე, რომელმან სძლო სოფელსა*, ნათესავით იუდაჲსით გამობრწყინდა,
Page of ed.: 176   Line of ed.: 1     ძირით იესესით, რომელი მოვიდა სამარადისოჲსა მამისაგან. გამობრწყინდა
Line of ed.: 2     და დაეფარა გამოუჩინებელად საგონებელი კუალი, რომელ არს ღმრთეებაჲ;
Line of ed.: 3     ანგელოზთა თანა ანგელოზ ჩან, საყდართა თანა საყდარ ჩან, მთავრობათა
Line of ed.: 4     თანა მთავარ ჩანნ ვიდრე ჟამადმდე მოსლვისა მისისა, რამეთუ გარდამოჴდა
Line of ed.: 5     საშოდ მარიამისა, რაჲთა იჴსნნეს შეცთომილნი ნათესავნი კაცთანი, "და სიტყუაჲ
Line of ed.: 6     იგი ჴორციელ-იქმნა და დაემკჳდრა ჩუენ თანა"*, უცნაურად გარდამოჴდა
Line of ed.: 7     ზესკნელ ძალთაჲ, რამეთუ გარდამოჴდა ქუეყანად და თქუეს: "ვინ
Line of ed.: 8     არს ეგე, მეუფჱ დიდებისაჲ?"* მაშინ თქუა სულმან პირითა დავით წინაჲსწარმეტყუელისაჲთა:
Line of ed.: 9     "ესე არს მეუფჱ დიდებისაჲ"*.

Line of ed.: 10        მეორჱ სახჱ ლომისაჲ: რაჟამს სძინავნ, მღჳძარე არიედ თუალნი მისნი,
Line of ed.: 11     რამეთუ ზე უხილვედ.

Line of ed.: 12        ვითარცა კურთხევასა მგალობელთასა თქუა: "მე მძინავს და Page of sec. ed.: 4  სული ჩემი
Line of ed.: 13     მღჳძარე არს"*.

Line of ed.: 14        უკუეთუ გუამსა მას ტაძარსა ეძინა ოდეს-მე, ხოლო ღმრთეებაჲ იგი
Line of ed.: 15     მღჳძარე არს მარადის. მარჯულ მამისა არს მღჳძარე და უძილ, ვითარ "არა
Line of ed.: 16     დაიძინის მცველმან ისრაჱლისამან."*.

Line of ed.: 17        მესამჱ სახჱ ლომისაჲ: რაჟამს შვნის ძუმან ლომმან ლეკუნი, მკუდარნი
Line of ed.: 18     სხნის, და ზინ და სცავნ ლეკუთა მათ, ვიდრე მოსლვადმდე მამისა მის დღესა
Line of ed.: 19     მესამესა, ჰბერის შუბლსა და აღადგინნის ლეკუნი იგი.

Line of ed.: 20        ეგრე-ცა ყოვლისა მპყრობელმან ღმერთმან, მამამან ყოველთამან აღადგინა
Line of ed.: 21     მკუდრეთით დღესა მესამესა ძჱ იგი პირმშოჲ, ყოველთა დაბადებულთაჲ*
Line of ed.: 22     უფალი ჩუენი იესუ ქრისტე, უკუე Ms. page: 137r   კეთილად სამე თქუა იაკობმან,
Line of ed.: 23     ვითარმედ: "ლეკო ლომისაო, აწ უკუე ვინ განაღჳძოს იგი?"*.

Line of ed.: 24        კეთილად თქუა სახის-მეტყუელმან ლომისა მისთჳს და ლეკჳს ლომისაჲსა.

Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.