TITUS
The Shatberd Codex
Part No. 10
Previous part

Chapter: 9  
Page of ed.: 80  
Line of ed.: 13  
თავი თ̂

Line of ed.: 14  
და თქუა მეცხრისა თავისათჳს, რამეთუ: გუამი კაცისაჲ დაებადა ჭურად
Line of ed.: 15  
საზრახავისათჳს


Line of ed.: 16        რამეთუ დამბადებელმან ჩუენმან მოგუანიჭა ჩუენ ბუნებასა შინა ჩუენსა
Line of ed.: 17     მადლი იგი საღმრთოჲ, რაჟამს ყო მსგავსსა შინა მისსა საკუთრებაჲ კეთილთაჲ
Line of ed.: 18     მათ, რომელნი-იგი არიან მისნი, ხოლო ჩუენ ვიტყჳთ, რამეთუ მოგუცა
Line of ed.: 19     ჩუენ სიბრძნჱ და გონიერებაჲ და სახიერებითა მისითა მოგუანიჭა ჩუენ
Line of ed.: 20     მსგავსებაჲ თჳსი და შუენიერებაჲ შუენიერებისა თჳსისაჲ. რამეთუ გონებაჲ
Line of ed.: 21     გულისხმის-საყოფელ არს და ჴორციელ და ვერ შესაძლებელ იყო გამოჩინებაჲ
Line of ed.: 22     ძრვისა მის მადლისა თჳსისაჲ, გარნა ღონით. და მისთჳს დაებადა გუამი
Line of ed.: 23     მისი ამას სახესა ზედა, რაჲთა იყოს იგი ჴმეან და შემზადებაჲ დაბადებულისა
Line of ed.: 24     მისისაჲ მოასწავებს სახესა ძრვისა მისისასა. და ვითარ-იგი მძნობარმან Ms. page: 14r  
Line of ed.: 25     ჴელოვანმან ძნობასა მას შინა თჳსსა ინების, რაჲთა გამოაცხადოს ჴელოვნებაჲ
Line of ed.: 26     თჳსი, აჩუენოს იგი ჴმასა მას შინა თჳსსა. და რაჟამს ვერ შეუძლის იგი
Line of ed.: 27     მედგრობითა ჴმისა თჳსისაჲთა, მაშინ აჩუენის ჴელოვნებაჲ თჳსი სხუათა მიერ
Line of ed.: 28     ჴმათა ჭურჭერთა მათგან, რომელნი იჴმინის ჟამსა ძნობისასა და უსულოთა
Line of ed.: 29     მათგან გამოსცის ჴმაჲ შეზავებული სტჳრისაგან გინა თუ ებნისა და მსგავსთა
Line of ed.: 30     მათთა. ეგრე-ცა გონებამან კაცისამან, რამეთუ ვერ შეუძლოს, რაჲთა აჩუენოს
Line of ed.: 31     საქმჱ თჳსი თითოსახჱ, გარნა საგრძნობელთაგან. და ამისთჳს დაეპატიჟა, რაჲთა
Line of ed.: 32     იყოს ჭურჭერი ესე ჴმეან და მით აჩუენოს მოგონებაჲ დაფარული და გამოაცხადნეს
Line of ed.: 33     საქმენი შინაგანნი.

Line of ed.: 34        და იქმნა სახჱ ესე ძნობისაჲ კაცსა შინა შეზავებულ სახედ ებნისა და
Line of ed.: 35     სტჳრისა, ვითარ-იგი ჴმა-სცემედ ურთიერთას. ესრე-სახედ, რამეთუ ქარმან
Line of ed.: 36     გამოსცის ადგილით თჳსით და განვლის ჴორჴი კაცისაჲ, რაჟამს-იგი ენების
Line of ed.: 37     ჴმობად და ჰნებავნ ხდად ჴმაჲ Page of sec. ed.: 159  თჳსი. მაშინ აგრგჳნდის ძრვითა მით შინაგანითა
Line of ed.: 38     ნესტჳთა მით, რომელ არს ჴორჴი მიმსგავსებული ნასხივთა მათ
Line of ed.: 39     სტჳრისათა. და არს ესე, ვითარცა სტჳრი ჴმისა გამომცემელი ლართაგან,
Line of ed.: 40     რომელთა მიერ შეცვულ არს. და მოიზიდის, რომელი-იგი გამოვალნ ყიისაგან,
Line of ed.: 41     ჴორჴმან სტჳრსა მას შინა ორთა მათგან ნესტუთა, რომელნი არიან
Line of ed.: 42     საყნოსელსა შინა ღრტილისასა და მით განუზოგის ჴმაჲ და იქმნის ჴმა სასმენელ.
Page of ed.: 81   Line of ed.: 1     ხოლო ღაწუნი და ენაჲ და Ms. page: 14v   ქმნულებაჲ იგი, რომლითა იძრვის
Line of ed.: 2     ნიყბერი მოფოლხუებითა და მოჭირებითა, განმარტებითა და შემოკრებითა,
Line of ed.: 3     ესე ყოველი მსგავს არს ძრვასა მას ძალთა ებნისათა ჴმასა შინა და ჟამსა, რომელსა
Line of ed.: 4     ენების შეზავებად მწრაფლ ჴმასა მას შინა. ხოლო ახუმაჲ ბაგეთაჲ და
Line of ed.: 5     დაწებვაჲ მსგავს არს ძრვასა მას თითთასა ჴურელთა ზედა სტჳრთასა გამოყვანებასა
Line of ed.: 6     ჴმისასა.

Line of ed.: 7        ეგრე-სახედ გონებამან ჭურჭრითა მით გამოსცა სიტყუაჲ ჩუენ შორის
Line of ed.: 8     და ვიპოვენით მეტყუელ და ვერ შესაძლებელ იყო ჩუენ შორის მადლი იგი
Line of ed.: 9     მეტყუელებისაჲ პოვნად, უკუეთუ-მცა იყო ჭამაჲ ჩუენი შრომითა ბაგეთაჲთა
Line of ed.: 10     მსგავსად პირუტყუთა, რომელნი მით დადრკებიან ჭამად. აწ ვინაჲთგან მიიქცა
Line of ed.: 11     მსახურებაჲ ესე ჴელითა კაცისაჲთა, იქმნა პირი მოცალებულ, განსაკუთრებულ
Line of ed.: 12     გამოცხადებად სიტყუათა.

Line of ed.: 13        და რამეთუ მოქმედებაჲ ჭურჭერსა ამას შინა მრჩობლი არს. ერთი იგი
Line of ed.: 14     ყოფისათჳს ჴმისა და მეორჱ იგი -- შეწყნარებისათჳს გაგონებისა მომავალისა
Line of ed.: 15     გარეშჱთ. და ესე შეურევნელ არიან ურთიერთას, არამედ დაადგრების საქმესა
Line of ed.: 16     ზედა, რომელი ბრძანებულ არს ბუნებისაგან -- თითოვეული მათი არა
Line of ed.: 17     ვნებად მოყუასსა თჳსსა. რამეთუ არა მსმენელ არს ჴმაჲ და არცა მეტყუელ
Line of ed.: 18     სმენაჲ. ხოლო ერთი ესე განმტევებელ და განმცემელ არს მარადის, რომელ
Line of ed.: 19     არს პირი, და მეორჱ ესე შემწყნარებელ და მიმღებელ არს მარადის მოუწყინებელად,
Line of ed.: 20     რომელ არს ყური, ვითარცა თქუა სოლომონ ბრძენმან და
Line of ed.: 21     საკჳრველ არს ესე ფრიად: Ms. page: 15r   რაჲ-მე სივრცე არს ადგილისაჲ მის, რომელსა
Line of ed.: 22     შინა შთადის ყოველი ესე ყურთაგან? ანუ ვინ-მე არიან მწიგნობარნი იგი,
Line of ed.: 23     რომელნი აღსწერენ, Page of sec. ed.: 160  რაჲ-იგი მიიწევიან ზრახვანი მრავალნი? და ვითარ-იგი
Line of ed.: 24     სიმრავლესა და განმრავლებასა მათსა ურთიერთას არა არს შორის მათსა
Line of ed.: 25     შფოთებაჲ, არცა დაწვალებაჲ? და ესე-ვე სახჱ იხილვების მოქმედებასა შინა
Line of ed.: 26     თუალისასა, რომელი განსაკჳრვებელ არს. და ამით-ვე გონებითა მიიწევის,
Line of ed.: 27     რომელი-იგი არს გარეშე გუამსა, და მოიზიდნის მისა საქმენი ხილულნი და
Line of ed.: 28     გამოიწერნის მას შინა სახენი უხილავნი, ვითარცა ვინ იხილის ქალაქი ვ[რ]ცელი,
Line of ed.: 29     რომელი შეიწყნარებნ მრავალთაგან კართა, აწ უკუე ყოველნი-მე ერთსა
Line of ed.: 30     ადგილსა დაადგრიან-ა? არა სამე, არამედ რომელნი-მე სავაჭროსა და რომელნი-მე
Line of ed.: 31     -- სახლებსა და რომელნი-მე -- ტაძრებსა გინათუ ფოლოცთა შინა,
Line of ed.: 32     გინათუ ყურეთა ანუ თუ პანდუქიონსა შინა თითოვეული მათი დაადგრის,
Line of ed.: 33     ვითარცა ვის ჰნებავნ და შეაშუნ. და მე ამას სახესა ზედა ვხედავ ქალაქსა მას
Line of ed.: 34     გონებისასა, რომელი-იგი დამკჳდრებულ არს ჩუენ შორის, რომლისანი შესავალნი
Line of ed.: 35     მრავალ არიან ფრიად საგრძნობელთაგან. და გონებაჲ განაზოგებს
Line of ed.: 36     თითოვეულსა მათსა და დაადგენს ადგილთა საცნაურთა.

Line of ed.: 37        და ვითარცა-იგი ვხედავთ მსგავსად სახითა მით, რომელი მოვაჴსენეთ
Line of ed.: 38     ქალაქისა კაცთა, რომელთა ესხნიან ნათესავნი და მეგობარნი და შევიდიან
Line of ed.: 39     ქალაქსა მას არა ერთისა კარისაგან ხოლო, არამედ არა განეშოვრნიან ნათესავთა
Line of ed.: 40     თჳსთა შესავალსა მას მათსა. და კუალად კაცნი უცხონი შევიდიან
Line of ed.: 41     ერთისაგან კარისა და რაჟამს შევიდიან შინა, Ms. page: 15v   განიბნინიან და არა შეკრბიან
Line of ed.: 42     ურთიერთას ესრე-სახედ გულისხმა-ვყავთ გონებისათჳს.



Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.