TITUS
Martyrium Thomae
Part No. 16
Previous part

Paragraph: 146  
Line of ed.: 13        "ვენაჴი იგი შენი დაჰნერგე; ქუეყანასა ზედა, ძირნი
Line of ed.: 14     მისნი დაიბნა ღრმიად და რტონი მისნი მაღლად განეფინნეს
Line of ed.: 15     და ნაყოფი მისი ქუეყანასა ზედა განითესა, და მათ მიერ მხიარულ
Line of ed.: 16     არიან ღირსნი შენნი რომელნი იჩინენ. ვეცხლი იგი რომელი
Line of ed.: 17     მომეც შევწირე; რაჟამს ეძიებდე მას, მომეც აღნადგინებითურთ,
Line of ed.: 18     რომელმან აღმითქუ მე; ერთისა მის ქანქარისა აღნადგინები
Line of ed.: 19     ათად განვასრულე; შემძინე, რომელ იგი მაქუნდა;
Page of ed.: 527   Line of ed.: 1     ვითარცა იგი მიბრძანე, თანა-მდებსა მას მიუტევე ქანქარი იგი;
Line of ed.: 2     ნუ ჩემგან ეძიებ მას. პურად ვიჩინე და მოვედ; და სოფლისაგან,
Line of ed.: 3     და უღლვილთა ჴართაგან და ცოლის სუმისაგან განვეშორე,
Line of ed.: 4     რაჲთა-მცა არა მიბრკუმა მათ გამო. ქორწილად ვიჩინე და სპეტაკი
Line of ed.: 5     სამოსელი შევიმოსე, რაჲთა ღირს ვიყო მისა და რაჲთა არა
Line of ed.: 6     შეკრული ჴელითა და ფერჴითა ბნელსა მას გარესკნელსა
Line of ed.: 7     განვარდე. ნათელი სანთლისა მის მისისაჲ ბრწყინვალედ მოველოდე
Line of ed.: 8     უფლისა მას მოქცევასა ქორწილით, რაჲთა შეიწყნაროს
Line of ed.: 9     იგი; და ნუ-მცა ვიხილავ მას მწუხარედ ზეთისა მოკლებისათჳს;
Line of ed.: 10     თუალნი ჩემნი გხედვენ შენ და გული ჩემი მხიარულ
Line of ed.: 11     არს რამეთუ ვყავ ნებაჲ შენი და მცნებანი შენნი აღვასრულენ,
Line of ed.: 12     რაჲთა ვემსგავსო გულს-მოდგინესა მას და მოშიშსა მონასა,
Line of ed.: 13     რომელი გულს-მოდგინე იქმნა მღჳძარებითა; ყოველსა მას
Line of ed.: 14     ღამესა დავშუერ დაცვად სახლისა მის ჩემისა, რაჲთა არა კედელი
Line of ed.: 15     დაითხაროს.

Next part


This text is part of the TITUS edition of Martyrium Thomae.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.