TITUS
Epistulae Pauli georgice (CD)
Part No. 100
Previous part

Book: Phile. 
პავლე მოციქულისა წიგნი ფილიმონის მიმართ

Chapter: 1 
1


Verse: 1  Link to pavleni Link to gnt   პავლე, კრული ქრისტე იესუჲსი, და ტიმოთე ძმაჲ ფილიმონს, საყუარელსა და თანაშემწესა ჩუენსა.

Verse: 1V    ქრისტე იესუჲსი T.


Verse: 2  Link to pavleni Link to gnt   და აპფიას დასა და საყვარელსა, და არქიპოსს, თანამოსაგრესა ჩუენსა, და სახლისა შენისა კრებულთა.

Verse: 2V    და (2) ] -- T.


Verse: 3  Link to pavleni Link to gnt   მადლი თქუენდა და მშჳდობაჲ ღმრთისა მიერ მამისა ჩუენისა და უფლისა იესუ ქრისტესა.

Verse: 3V    ქრისტესსა T.


Part: 1 
(1̂)


Verse: 4   Link to pavleni Link to gnt   ვჰმადლობ ღმერთსა ჩემსა, მარადის და ჴსენებასა შენსა ვჰყოფ ლოცვათა შინა ჩემთა.


Verse: 5   Link to pavleni Link to gnt   მესმის შენი ეგე სიყუარული და სარწმუნოებაჲ, რომელი გაქუს უფლისა მიმართ იესუ ქრისტესა და ყოველთა მიმართ წმიდათა,

Verse: 5V     რომელ FT, ქრისტესსა T.


Verse: 6   Link to pavleni Link to gnt   რაჲთა ზიარებაჲ ეგე სარწმუნოებისა შენისაჲ შეწევნულ იყოს მეცნიერებითა ყოვლისა კეთილისაჲთა, რომელ არს ჩუენ შორის ქრისტე იესუჲს მიმართ.

Verse: 6V     შენისა F, ქრისტეს T.


Verse: 7   Link to pavleni Link to gnt   რამეთუ სიხარული დიდი მაქუს და ნუგეშინის-ცემაჲ სიყუარულისა შენისათჳს, რამეთუ ნაწლევნი წმიდათანი განსუენებულ არიან შენთჳს, ძმაო.


Part: 2 
(ბ̂)


Verse: 8   Link to pavleni Link to gnt   ვინაჲცა მრავალი კადნიერებაჲ მაქუს ქრისტეს მიერ ბრძანებად შენდა ჯეროვნისა;


Verse: 9   Link to pavleni Link to gnt   სიყუარულისათჳს უფროჲსღა გლოცავ ესევითარი ესე, ვითარცა პავლე მოხუცებული, ხოლო აწ კრულიცა ქრისტე იესუჲსი.


Verse: 10   Link to pavleni Link to gnt   გლოცავ შენ შვილისა ჩემისათჳს, რომელი ვშევ კრულებათა შინა ონისიმე,


Verse: 11   Link to pavleni Link to gnt   რომელი-იგი ოდესმე უჴმარ შენდა, ხოლო აწ ჩემდა და შენდა საჴმარ, რომელი-იგი მივავლინე შენდა,


Verse: 12   Link to pavleni Link to gnt   ხოლო შენ შეიწყნარე, ესე-იგი არს ნაწლევი ჩემნი,


Verse: 13   Link to pavleni Link to gnt   რომლისაჲ მეგულებოდა დაყენებად ჩემ თანა, რაჲთა შენ წილ მმსახურებდეს მე კრულებათა ამათ შინა სახარებისათა.

Verse: 13V     დაყენებაჲ FT.


Verse: 14   Link to pavleni Link to gnt   ხოლო თჳნიერ ცნობისა შენისა არა ვინებე ყოფად, რაჲთა არა უნებლებით კეთილი იგი შენი იყოს, არამედ ნებსით.

Verse: 14V     ნებსით T.


Verse: 15   Link to pavleni Link to gnt   ვინ უწყის, გან-ვე=ამისთჳს-გეშორა ჟამერთ, რაჲთა საუკუნოდ მიიყვანო იგი


Verse: 16   Link to pavleni Link to gnt   არღარა ვითარცა მონაჲ, არამედ უფროჲსღა მონისა, საყუარელი ძმაჲ. ვინაჲთგან ჩემდა ესრეთ, რაოდენ უფროჲს შენდა ჴორციელადცა და უფლისა მიერცა!

Verse: 16V     არღა T, საყუარელისა T, რავდენ Z.


Verse: 17   Link to pavleni Link to gnt   უკუეთუ შეგირაცხიე მე თანაზიარად, შეიწყნარე ეგე, ვითარცა მე.


Verse: 18   Link to pavleni Link to gnt   ხოლო უკუეთუ რაჲმე შეგცოდა გინა თანა-აც, იგი მე შემირაცხე.


Verse: 19   Link to pavleni Link to gnt   მე, პავლე, დავწერე ჴელითა ჩემითა: მე გარდავიჴადო; რაჲთა არა გრქუა შენ, ვითარმედ თავიცა შენი თანა-გაც ჩემდა.


Verse: 20   Link to pavleni Link to gnt   ჰე, ძმაო, მე მოგიპოვე შენ უფლისა მიერ; განუსუენე ნაწლევთა ჩემთა ქრისტეს მიერ.

Verse: 20V     ჰჱ F, მოგიპოვე V.


Verse: 21   Link to pavleni Link to gnt   სასოებითა მორჩილებისა შენისაჲთა მივწერე შენდა, უწყი, რამეთუ რომლისათჳს-ესე გეტყჳ, ჰყოცა.


Verse: 22   Link to pavleni Link to gnt   და მის თანა განმიმზადე მე ვანიცა; რამეთუ ვესავ, ვითარმედ ლოცვითა თქუენითა მიგემადლო თქუენ.

Verse: 22V     ვანიცა ] სავანეცა T.


Verse: 23   Link to pavleni Link to gnt   გიკითხავს შენ ეპაფრა, თანატყუე ჩემი ქრისტე იესუჲს მიერ,

Verse: 23V     თანა-ტყუე ჩემი ] ჩემთანა ტყუე VZFT.


Verse: 24   Link to pavleni Link to gnt   მარკოზ, არისტარხოს, დიმა, ლუკა, თანაშემწენი ჩემნი.

Verse: 24V     მარკოს V.


Verse: 25   Link to pavleni Link to gnt   მადლი უფლიასა ჩუენისა იესუ ქრისტესი სულისა თქუენისა თანა. ამინ.



Verse: col     ფილიმონის მიმართ მიწერა1 ჰრომით ონისიმე მონისა მიერ. მუჴლი ოც და ათჩჳდმეტი.

Verse: colV     ონისიმეს მიერ მონისა + რაჟამს ერთ-გზის განკითხულ იყო ნერონის მიერ T, ოც და ათჩჳდმეტი ] ლ̂ზ ZFT + თავნი ბ̂ T.

Verse: col-1N     ასეა.


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.