... გარდააქცევენ არაწმიდებად და მხოლოსა მფლობელსა უფალსა ჩუენსა იესუ ქრისტესა უარ-ჰყოფენ.
მო...
ანგელოზნი იგი, რომელთა არა დაიმარხეს თჳსი იგი სამთავროჲ, არამედ დაუტევეს სამკჳდრებელი მათი სასჯელად დიდისა მის დღისა საკრველებითა* მით სამარადისოჲთა წყუდიადსა ქუეშე დაჰმარხნა.
ვითარცა სოდომაჲ და გომორაჲ და გარემო მათსა ქალაქები იგი, ეგრევე სახედ მათსა ესენი ისიძვიდეს და მიდევნებულ იყუნეს შედგომად* ჴორცსა უცხოსა, წინა სხენან სახედ ცეცხლისა საუკუნისა, სასჯელი* მიუღებიეს.
ეგრევე მსგავსად ესენი საჩუენებელსა იხილვენ, ჴორცთა შეიბილწებენ*, უფლებასა შეურაცხ-ჰყოფენ და დიდებასა ჰგმობენ.
ოდეს-იგი მიქაელ მთავარანგელოზი ეშმაკსა მას ეშჯოდა, ეტყოდა მოსეს ჴორცთათჳს, ვერ იკადრა სასჯელი გმობისაჲ მოწევნად მის ზედა, არამედ ჰრქუა: შეგრისხენინ შენ უფალმან.
ხოლო ესენი, რომელ-იგი არა იციან, ჰგმობენ და რავდენი-იგი იციან გონებით, ვითარცა პირუტყუთა საცხოვართა, მათ შინა განიხრწნებიან.
ვაჲ მათდა, რამეთუ გზასა მას კაენისსა ვლენან და საცთურსა მას ბალამისსა სასყიდლისასა აღერინეს და ცილობითა მით კორესითა წარწყმდეს.
ესენი არიან, რომელნი სიყუარულთა მათ თქუენთა შებილწებულნი თქუენ თანა-შეგცხრებიან და უშიშად თავთა თჳსთა ჰმწყსიან. ღრუბელნი ურწყულნი ქარისაგან მიმოტაცებულნი, ხენი ზამთრისანი უნაყოფონი, ორ გზის მომწყდარნი, ძირითურთ მოფხურილნი.
ღელვანი განძჳნებულნი ზღჳსანი, რომელნი პერად აღმოაფქურევენ თავისა თჳსისათჳს სირცხჳლსა, ვასკულავნი ცთომილნი, რომელთათჳს წყუდიადი იგი ბნელისა საუკუნოჲსაჲ დამარხულ არს.
წინაწარმეტყუელა ამათთჳს მეშჳდემან ადამისითგან ენუქ და თქუა: აჰა ესერა, მოვიდა უფალი ბევრეულითა წმიდითა ანგელოზითა მისითა
ყოფად სასჯელისა ყოველთათჳს და მხილებად ყოველთა უღმრთოთა ყოველთათჳს საქმეთა უღმრთოებისა მათისათა, რომლითა შესცოდეს* და ყოველთათჳს სიტყუათა ფიცხელთა, რომელთა იტყოდეს ცოდვილნი და უღმრთონი.
ესე იგი არიან მტყუ[...], მაბრალობელნი გულის თქუმასა თავისა თჳსისასა მავალნი და პირი მათი იტყჳს გარდარეულსა. თუალთ...