... განიწმიდენით და განიფრთხვეთ ლოცვად.
ყოვლისა წინა ურთიერთას სიყუარული განმარტებული გაქუნდინ, რამეთუ სიყუარულმან დაფარის სიმრავლჱ ცოდვათაჲ.
სტუმრის მოყუარე იყვენით ურთიერთას თჳნიერ დრტუინვისა.
კაცად-კაცადმან ვითარცა მიიღო ღმრთისაგან მადლი, მას ეგრევე ურთიერთას ამსახურებდით, ვითარცა კეთილნი მნენი მრავალფერისა ნიჭისა ღმრთისანი.
რომელი-იგი ვინ იტყოდის, ვითარცა სიტყუათა ღმრთისათა, რომელი ჰმსახურებდეს*, ვითარცა ძალისაგან, რომელსა მოსცემს ღმერთი, რაჲთა ყოველსა შინა იდიდებოდის ღმერთი.
საყუარელნო, ნუ გიკჳრნ თქუენ თანა განჴურვებაჲ ეგე, რომელი განსაცდელ იქმნების თქუენ შორის, რეცა* თუ უცხოჲ რაჲმე შეგემთხჳვის* თქუენ.
არამედ რავდენ-ეგე ეზიარებით ...
... ღმერთსა სახელითა მით.
რამეთუ ჟამმან პირველად საშჯელისა სახლისაგან ღმრთისაჲსა იწყოს*; უკუეთუ პირველად ჩუენგან, რაჲ-მე იყოს აღსასრული ურჩთა მათ სახარებისა ღმრთისათა?
და უკუეთუ მართალი ძნიად განერეს, უღმრთოჲ და ცოდვილი სადაღა-მე იპოვოს?
ამიერითგან რომელთა ევნებოდის ნებითა ღმრთისაჲთა, სარწმუნოებისა დამბადებელსა უფალსა შეჰვედრენით სულნი თჳსნი საქმითა კეთილითა.
