TITUS
Udzv.iadg.
Part No. 193
Previous part

Date: M12_05   Link to lektpar
Line of ed.: 9  თთუესა დეკენბერსა ე დასადებელნი წმიდისა საბაჲსნი


Line of ed.: 10       [უგალობდითსა] დ გ̃ი

Line of ed.: 11       სიღრმჱ ზღჳსა მეწამულისაჲ პირველვე განაპო ქრისტემან
Line of ed.: 12    ღმერთმან და განიყვანა ისრაელი, ხოლო აწ, რაჟამს ჴორცნი შეისხნა
Line of ed.: 13    ქალწულისაგან, მოუწოდა სიმრავლესა ერისასა და აღუშეჲნა ეკლესიაჲ
Line of ed.: 14    მობაძავად წესთა ზეცისათა. ამისთჳსცა უგალობდეთ ღმერთსა
Line of ed.: 15    ჩუენსა, რამეთუ დიდებით.

Line of ed.: 16       ვითარცა ღმრთისაგან განეწესე, საბა, უდაბნოს მოძღურად სიბრძნისა
Line of ed.: 17    და აღიზარდე ყრმაჲ საწადელი, რამეთუ შეიყუარე სიწმიდჱ
Line of ed.: 18    სიყრმით შენითგან და ჴორცნი მიწისაგანნი დაამონენ სულსა. ამისთჳსცა
Line of ed.: 19    იქმენ სამკჳდრებელ ქრისტჱსა და ჭურ პატიოსან. უგალობდ
Line of ed.: 20    ღმერთსა ჩუენსა, რამეთუ დიდებით.

Line of ed.: 21       შფოთსა სოფლისა და სიმდიდრესა ქუეყანისასა განეშორე,
Line of ed.: 22    ევლტოდე, ღირსო, სიყუარულითა ღმრთისაჲთა მოხუედ ქალაქად
Line of ed.: 23    წმიდად და იყოფოდე ქუაბსა იწროებითა, მღჳძარებითა, შრომითა და
Line of ed.: 24    ღაღადებდ და უგალობდ ღმერთსა ჩუენსა, რამეთუ დიდებით დ.

Line of ed.: 25       სათნოებაჲ განადიდე და ვნებანი მოაკუდინენ ძალითა სულისა
Line of ed.: 26    წმიდისაჲთა. უდაბნოჲ ქალაქ ჰყავ და აღავსე ნაყოფითა რწყვითა
Line of ed.: 27    ცრემლთა შენთაჲთა და განამრავლე მოცემული შენდა მადლი სიბრძნითა.
Line of ed.: 28    ამისთჳსცა, ნეტრეულო, ევედრე ქრისტესა, რაჲთა ვიჴსნეთ
Line of ed.: 29    ჩუენ განსაცდელისაგან, რომელნი.


Line of ed.: 30       განძლიერდასა

Line of ed.: 31       შენ ხარ განმაძლიერებელი, რომელნი შენდა მოივლტიან, უფალო,
Line of ed.: 32    შენ ხარ ნათელი დაბნელებულთაჲ და გ.

Line of ed.: 33       აიღე საჭურველი ძლევისაჲ, ნიში ჯუარისაჲ და ქრისტესა უღაღადებდ
Line of ed.: 34    სარწმუნოებით: შენ ხარ ძალი ჩემი.

Line of ed.: 35       განზრახვაჲ ქუეყანისაჲ დაამონე სულსა იწროებითა, საბა საწადელო,
Line of ed.: 36    და აწ უჴორცოთა თანა იხარ.

Line of ed.: 37       საზღვარი დაუდევ ჴორცთა წარმავალთა და მღჳძარებითა შენითა
Line of ed.: 38    განჰნათლდი საღმრთოჲთა ხილვითა, ნეტრეულო.

Page of ed.: 553  
Line of ed.: 1       უფალო მესმასა

Line of ed.: 2       მესმა, უფალო, საიდუმლოჲსა შენისა განგებაჲ, გან.

Line of ed.: 3       სასოებითა მტკიცითა წარწყმიდე სიბოროტჱ წინა-აღმდგომთაჲ
Line of ed.: 4    და განასხენ სულნი უკეთურნი და აღუშჱნე ღმერთსა ტაძარი
Line of ed.: 5    წმიდაჲ.

Line of ed.: 6       რამეთუ მოიღე მაღლით, წმიდაო საბა, ნიჭი ღმრთისაგან, შეხებითა
Line of ed.: 7    ჴელისა შენისაჲთა განკურნე სისხლისა მცენარისაჲ.

Line of ed.: 8       რაჟამს მოვიდა შენ ზედა ავაზაკი იგი ურჩულოჲ ამპარტავანებით,
Line of ed.: 9    მსახურო ქრისტჱსო ნეტრეულო, დაინთქა ვითარცა დათან
Line of ed.: 10    წინა-აღმდგომი, უფალო.

Line of ed.: 11       რაჟამს მოაკლდა წყალი მოწაფეთა შენთა, მამაო, ჟამსა სიცხისასა,
Line of ed.: 12    შუამდგომელობითა შენითა მოეც ამათ წჳმაჲ ზეცით, ღმერთსა
Line of ed.: 13    ადიდებდეს.


Line of ed.: 14       ღამითგანსა

Line of ed.: 15       რად განმიშორენ პირისა შენისაგან, ნათელო წარუვალო, და
Line of ed.: 16    დამფარა ბნელამან გარესკ.

Line of ed.: 17       დღეთა მათ სიცხისათა, რომელ მიწევნულ იყო რისხვისაგან
Line of ed.: 18    ღმრთისა ზედა მთასა სიონსა, რაჟამს კაცნი იგი მოწყდებოდეს გუემითა
Line of ed.: 19    მით ფიცხელითა, შეწევნითა ლოცვათა შენთაჲთა მოეც ამათ
Line of ed.: 20    წჳმაჲ და უნაყოფოებაჲ იგი წყ.

Line of ed.: 21       ხჳდოდე გზათა სათნოებისათა დაუბრკოლებელად და მიემსგავსე
Line of ed.: 22    დიდსა დანიელ ღმრთისმსახურებითა, წმიდაო საბა, და განერი
Line of ed.: 23    პირისაგან მჴეცთაჲსა უვნებელად საჭურველითა სარწმუნოებისაჲთა.

Line of ed.: 24       მღჳძარე იქმენ საღმრთოთა შინა ხილვითა და განსძლიერდი ჭეშმარიტითა
Line of ed.: 25    მეცნიერებითა სამთა მათ თანა მოწაფეთა შენთა, რომელთა
Line of ed.: 26    ასწავებდ და შეერაცხე შენ მათ.


Line of ed.: 27       ღაღატყავსა

Line of ed.: 28       ვედრებასა ჩემსა უფლისა მიმართ განვჰფენ და მას მიუთხრობ
Line of ed.: 29    ჭირსა ჩემსა, რამეთუ.

Line of ed.: 30       შეამკვენ საცნობელნი შენნი განზრახვითა კეთილითა, ნეტრეულო,
Line of ed.: 31    და განგებითა სულისა წმიდისაჲთა იყავ შეზღუდვილ და განანათლე
Line of ed.: 32    სიმრავლჱ მოწაფეთაჲ მღჳძარებითა შენითა, წმიდაო საბა.

Line of ed.: 33       უდაბნოჲ უქმი, რომელი პირველ არა შობდა, ცრემლითა შენითა
Line of ed.: 34    მოირწყო და ბერწმან შეიწყნარა თესლი და იქმნა იგი სამოთხე
Line of ed.: 35    ცხოვართა შენთა პირმეტყუელთა.

Line of ed.: 36       განსწმიდენ საცნობელნი შენნი ვნებათაგან, მომაკუდინებელთა
Line of ed.: 37    ამის ქუეყანისათა, და განანათლე გულის-სიტყუაჲ შენი და იხილე
Line of ed.: 38    სუეტი ცეცხლისაჲ და მას შინა ჰპოე ქუაბი, რომელი ჰყავ ტაძარ
Line of ed.: 39    სალოცველ.

Page of ed.: 554  
Line of ed.: 1       \ კურთხეულარსა

Line of ed.: 2       ყრმანი ჰურიასტანით რაჟამს მიიწივნეს ბაბილონს და განძლიერდეს
Line of ed.: 3    სარწმუნოებით, საჴუმილი ცეცხლისაჲ დაშრიტეს და.

Line of ed.: 4       სიტყუაო ღმრთისაო, რომელმან მოუვლინე ცუარი წყალობისა
Line of ed.: 5    შენისაჲ ყრმათა საჴუმილსა შინა, განმარინენ ჩუენცა ცეცხლისა მისგან
Line of ed.: 6    საუკუნოჲსა, მოწყალეო, რომელნი ვღაღადებთ და ვიტყჳთ:
Line of ed.: 7    ღმერთო.

Line of ed.: 8       ჟამსა ქარისა სასტიკისასა განჰვლე ზღუაჲ ამის სოფლისაჲ უვნებელად
Line of ed.: 9    და მიიწიე ნავთსადგურსა მას ზეცისასა და კადნიერებით
Line of ed.: 10    ვღ.

Line of ed.: 11       გამოჰბრწყინდი ჴორცთა მათ შინა ქუეყანისათა სწორად უჴორცოთა
Line of ed.: 12    თანა, წმიდაო მამაო საბა, და განსწმიდე მარხვითა მწიკულევანებაჲ
Line of ed.: 13    ვნებათაჲ და ღაღადებ: ღმერთო.

Line of ed.: 14       კრებულმან ანგელოზთამან შეიწყნარა სული შენი, რაჟამს მიიცვალე,
Line of ed.: 15    მამაო, და სიმრავლჱ წმიდათაჲ შენ თანა იხარებდა და ღაღადებდა:
Line of ed.: 16    ღმერთო.


Line of ed.: 17       აკურთხევდითსა

Line of ed.: 18       აკურთხევდით, ყრმანო, რიცხუნო სამებისა დამბადებელისანო,
Line of ed.: 19    მამასა ღმერთსა აკურთხევდით და სიტყუასა, რომელი გარდამოჴდა
Line of ed.: 20    თქუენ შორის და გარდააქცია ცეცხლი ცუარად. აღამაღლებდით
Line of ed.: 21    მომცემელსა ცხორებისასა სულსა წმიდასა უკუნისამდე.

Line of ed.: 22       მიემსგავსე, ნეტრეულო, ყრმათა მათ მგალობელთა, რაჟამს დაშრიტეს
Line of ed.: 23    საჴუმილი ვნებათაჲ ძალითა ღმრთეებისაჲთა მტკიცითა, და
Line of ed.: 24    შეჰმუსრე მანქანებაჲ ეშმაკისაჲ, და აწ უჴორცოთა თანა შესწირავ
Line of ed.: 25    სამგზის წმიდასა სამებასა უკუნისამდე.

Line of ed.: 26       სიგლახაკითა, ნეტრეულო, მოიგე სიმდიდრჱ, რამეთუ იქმენ ვითარცა
Line of ed.: 27    ვასკულავი უდაბნოს და გამოსჩნდი ჭურად რჩეულად, შემწყნარებელად
Line of ed.: 28    ღმრთისა. ამისთჳსცა მიიცვალე ნათელსა დაუსრულებელსა
Line of ed.: 29    და აწ ანგელოზთა თანა შესწირავ სამგზის წმიდასა გალობასა
Line of ed.: 30    უკუნისამდე.

Line of ed.: 31       მოიჴსენე, მამაო, სამწყსოჲ, რომელი შრომით შეიკრიბე და
Line of ed.: 32    სულიერად შევ, რომელთა აწ ხედავ და იხარებ. მეოხ გუეყავ, რაჲთა
Line of ed.: 33    ვიჴსნნეთ ჩუენ განსაცდელისაგან, მგალობელნი ნათლისა წმიდისა სამებისანი,
Line of ed.: 34    უკუნისამდე.


Line of ed.: 35       ადიდებდითსა

Line of ed.: 36       გიხაროდენ, მარიამ, კურთხეულო დედათა შორის, დედაო
Line of ed.: 37    მეუფისაო.

Line of ed.: 38       გიხაროდენ, მარიამ, კურთხეულო დედათა შორის, უმეტჱსო,
Line of ed.: 39    სარწმუნოებითა დამტკიცებულო, მორწმუნეთა სიქადულო და მეოხო.
Page of ed.: 555   Line of ed.: 1    შენ იტჳრთე უფალი ყოველთაჲ, მჴსნელი და მაცხოვარი ჩუენი
Line of ed.: 2    ქრისტე. შენდა მიმართ ვიტყჳთ დაუცხრომელითა ჴმითა: გალობით
Line of ed.: 3    ვადიდებთ.

Line of ed.: 4       ჭეშმარიტად იხარებ ცათა შინა უჴორცოთა თანა სოფელსა
Line of ed.: 5    მას ცხოველთასა, უბიწო, და ჰბრწყინავ ნათლითა გამოუთქმელითა,
Line of ed.: 6    და აწ მეოხებითა შენითა გამოგჳჴსნენ, რომელი აღვასრულებთ დღესასწაულსა
Line of ed.: 7    შენსა, ნეტრეულო.

Line of ed.: 8       მიემსგავსე ხატსა ღმრთეებისასა, ნეტარო, წმიდაო მამაო საბა,
Line of ed.: 9    და მოიგე პატივად ცხორებაჲ წარუვალი და აწ წინაშე პირსა ღმრთისასა
Line of ed.: 10    სდგა და იხარებ ანგელოზთა თანა. ამისთჳსცა გევედრებით:
Line of ed.: 11    მომიჴსენენ ჩუენ წინაშე ღმრთისა, ნეტრეულო.


Line of ed.: 12       აქებდითსა

Line of ed.: 13       აღჴედ ზედა სიმაღლესა, მიმყვანებელსა ზეცად, ნეტრეულო, და
Line of ed.: 14    მიიწიე სათნოებათაგან უმეტჱსად და უდაბნოჲსაგან მოქალაქე იქმენ
Line of ed.: 15    იერუსალემსა, უზესთაეს ამის სოფლისასა, და წინა-აღდგომითა
Line of ed.: 16    მოღუაწებისაჲთა ღირს იქმენ მოღებად პატივსა სიხარულით მთავართა
Line of ed.: 17    თანა ზეცისათა და მყოფთა კეთილისა საუკუნოჲსა სასუფეველისა
Line of ed.: 18    თანა-მკჳდრ იქმენ. არამედ მეოხ გუეყავ, ღმერთშემოსილო, ნეტრეულო,
Line of ed.: 19    ღმრთისა ჩუენისა მიმართ, საბა, მშჳდობისათჳს სოფლისა და
Line of ed.: 20    ცხორებად სულთა ჩუენთათჳს.

Line of ed.: 21       მადლითა სულისა წმიდისაჲთა მხიარულ იქმენ და იხილე თუალითა
Line of ed.: 22    შენითა, ნეტრეულო, წინაჲსწარ წინდი ნათლისაჲ, სუეტი
Line of ed.: 23    ბრწყინვალჱ ცეცხლისაჲ გამოსახული, რომელი აღიწეოდა ცამდე ადგილსა
Line of ed.: 24    მას ჯურღმულსა, სადა-იგი დაემკჳდრა გუამი შენი, ფრიად
Line of ed.: 25    დამაშურალი, და გარე-მოგადგან მოწაფენი შენნი, ვითარცა ქორწილისა
Line of ed.: 26    განმცხრომელნი, მომგებელნი შენნი შუვა-მდგომელად შორის
Line of ed.: 27    ღმრთისა და სიქადულად და ზღუდედ რჩულისა. არამედ მეოხ გუეყავ,
Line of ed.: 28    ღმერთშემოსილო, ნეტრეულო, ღმრთისა ჩუენისა მიმართ, საბა,
Line of ed.: 29    მშჳდობისათჳს სოფლისა და ცხორებად სულთა ჩუენთათჳს.

Line of ed.: 30       სიმჴნითა ღუაწლისაჲთა თჳნიერ გულისთქმისა, ნეტარო, შეიჭურე
Line of ed.: 31    მადლითა სულისა წმიდისაჲთა და სძლე და ყოველსა ძალსა
Line of ed.: 32    მტერისასა და განსწმიდე სიმაღლჱ ზრახვისა შენისაჲ და განაშიშულე
Line of ed.: 33    მაცთური და მოიღე ძლევაჲ მთავრისა მიმართ სულთაჲსა, ახოანო,
Line of ed.: 34    და იქმენ მკჳდრ ქრისტჱსა და თანა-მკჳდრ ანგელოზთა. არამედ
Line of ed.: 35    მეოხ გუეყავ, ღმერთშემოსილო, ნეტრეულო, ღმრთისა ჩუენისა მიმართ,
Line of ed.: 36    საბა, მშჳდობისათჳს სოფლისა და ცხორებად სულთა
Line of ed.: 37    ჩუენთათჳს.

Line of ed.: 38       ფრთოან იქმენ მადლითა სულისა წმიდისაჲთა, მარადის ჴსენებულო,
Line of ed.: 39    და გამობრწყინდი სათნოებითა, სავსჱ მადლითა და მოიგე
Page of ed.: 556   Line of ed.: 1    სიმშჳდჱ მოსჱსი და თავს-დებაჲ დავითისი და სიყუარული ყოველთა
Line of ed.: 2    მიმართ, მსგავსად ჭურისა მის რჩეულისა, ამისთჳსცა მიიცვალე
Line of ed.: 3    ჴორცითა ამათგან ქუეყანისათა და მიიწიე კადნიერებით ურცხჳნელად
Line of ed.: 4    და მოიღე გჳრგჳნი დამბადებელისაგან შენისა. არამედ მეოხ
Line of ed.: 5    გუეყავ, ღმერთშემოსილო, ნეტრეულო, ღმრთისა ჩუენისა მიმართ,
Line of ed.: 6    საბა, მშჳდობისათჳს სოფლისა და ცხორებად სულთა ჩუენთათჳს.



This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.