TITUS
Udzv.iadg.
Part No. 192
Previous part

Date: M08_15   Link to lektpar
Line of ed.: 14  დასადებელნი მარიამობისანი


Line of ed.: 15       უფალო ღაღატყავსა ჴ̃ჲ ა

Line of ed.: 16       ეჰა საკჳრველი საკჳრველებათაჲ, რამეთუ თუალი ცხორებისაჲ
Line of ed.: 17    საფლავსა დაიდების და იქმნების კიბედ ზეცისად სამარჱ. იხარებდ,
Line of ed.: 18    გესმანიაო, ტაძარო წმიდაო ღმრთისმშობელისაო. ვღაღადებდეთ
Line of ed.: 19    მორწმუნენი, მგალობელნი გაბრიელის თანა მთავარანგელოზისა, და
Line of ed.: 20    ვიტყოდით: გიხაროდენ, სახარულევანო, უფალი შენ თანა, რომელი
Line of ed.: 21    მოსცემს სოფელსა შენ მიერ დიდსა წყალობასა.

Line of ed.: 22       ეჰა საიდუმლოსა შენსა, ქალწულო, რამეთუ მაღლისა საყდრად
Line of ed.: 23    გამოსჩნდი, დედოფალო, და ქუეყანით ზეცად მიიცვალე დღეს, დიდებაჲ
Line of ed.: 24    შენი საკჳრველ არს და გამოაბრწყინვებს ნათელსა, მადლსა მას
Line of ed.: 25    საღმრთოსა. ქალწულნო, ამაღლდით დედასა თანა მეუფისასა და ღაღადებდით:
Line of ed.: 26    გიხაროდენ, სახარულევანო, უფალი შენ თანა, რომელი
Line of ed.: 27    მოსცემს სოფელსა შენ მიერ დიდსა წყალობასა.

Line of ed.: 28       გარდაცვალებასა შენსა, უბიწოო, ადიდებენ ჴელმწიფებანი,
Line of ed.: 29    საყდარნი და მთავრობანი, უფლებანი და ძალნი, ქერობინნი და შეშინებულნი
Line of ed.: 30    სერაბინნი. იხარებენ ქუეყანისანი, დიდებითა შენითა
Line of ed.: 31    საღმრთოჲთა, მოქადულნი, თაყუანის-სცემენ მეუფებანი მთავარანგელოზთა
Line of ed.: 32    თანა და ანგელოზთა და იტყჳან: გიხაროდე, სახარულევანო,
Line of ed.: 33    უფალი შენ თანა, რომელი მოსცემს სოფელსა შენ მიერ დიდსა
Line of ed.: 34    წყალობასა.


Line of ed.: 35       უგალობდითსა ჴ̃ჲ ა

Line of ed.: 36       პირად-პირადად შემკობილმან დიდებითა საღმრთოჲთა, წმიდამან
Line of ed.: 37    და დიდებულმან, ქალწულო, დღესასწაულმან შენმან ყოველნი
Line of ed.: 38    მორწმუნენი სიხარულად შემოკრიბნა. უპირატჱსო მარიამ, განწყობითა
Line of ed.: 39    და ძნობითა ძესა შენსა უგ.

Page of ed.: 548  
Line of ed.: 1       გუამმან შენმან ღმრთის-შემწყნარებელმან, აღმავალმან ზეცად,
Line of ed.: 2    სიონს შინა განწყობილი უსხეულოთაჲ მოიყვანა და მყის კრებული
Line of ed.: 3    მოციქულთაჲ შემოკრიბა კიდით ქუეყანისაჲთ წინაშე შენსა. ყოველნი
Line of ed.: 4    მათ თანა, უხრწნელო ქალწულო, ღმრთისმშობელო, დღესასწ.

Line of ed.: 5       მოსაგებელი ძლევისაჲ მიიღე ბუნებასა ზედა, უბიწოო, ღმერთი
Line of ed.: 6    შევ და მიემსგავსე დამბადებელსა და ძესა შენსა, უზეშთაეს ბუნებისა
Line of ed.: 7    დაემორჩილე რჩულთა ბუნებისათა. ამისთჳსცა მოჰკუედ
Line of ed.: 8    ქრისტჱს თანა და ასდეგ მის თანა სა.


Line of ed.: 9       განძლიერდასა

Line of ed.: 10       დამბადებელი ყოვლისაჲ და მპყრობელი ყოვლისაჲ, სიბრძნჱ
Line of ed.: 11    ღმრთისაჲ და ძალი მისი, შეუძრავად და შეურყეველად ეკლესიაჲ
Line of ed.: 12    განაძლიერე, ქრისტე. შენ -- მხოლოჲ წმიდაჲ, რომელი წმიდათა შინა
Line of ed.: 13    განისუენებ.

Line of ed.: 14       დედაკაცი მომკუდარი უზეშთაეს ბუნებისა დედად ღმრთისად
Line of ed.: 15    აგიარეს, ყოლად წმიდაო. მგალობელთა მოციქულთა ჴელითა შეძრწუნებულითა
Line of ed.: 16    შეგახეს ნათლითა ბრწყინვალესა და, ვითარცა სადგური
Line of ed.: 17    ღმრთივ-შემწყნარებელი, გ.

Line of ed.: 18       შურის-გებაჲ მიეწიფა ჴელთა მათ კადნიერთა მაგინებელთა და
Line of ed.: 19    მიიღეს მოკუეთაჲ. ხოლო ღმერთმან დაიცვა პატივი კიდობნისაჲ მის
Line of ed.: 20    სულიერისაჲ დიდებითა საღმრთოჲთა, რომელსა შინა სიტყუაჲ ჴორციელ
Line of ed.: 21    იქმნა.


Line of ed.: 22       უფალო მესმასა

Line of ed.: 23       სიტყუამან წინაწარმეტყუელთამან და იგავთა მათთა განკაცებაჲ
Line of ed.: 24    შენი ქალწულისაგან გამოაჩინეს, ქრისტე. ბრწყინვალებაჲ ნათლისა
Line of ed.: 25    შენისაჲ ნათესავსა წარმართთასა გამოუბრწყინდა. ღაღადებდეს
Line of ed.: 26    უსკრული სიხარულით და იტყოდეს: ძალსა დიდებაჲ, კაცთმოყუარე.

Line of ed.: 27       იხილეთ, მორწმუნენო, და გიკჳრდინ: მთაჲ ღმრთისაჲ და საშინელი
Line of ed.: 28    ზედა მთასა ცათასა აიმაღლა და ცაჲ ქუეყანისაჲ ცასა ცათასა
Line of ed.: 29    და ქუეყანასა უხრწნელსა დაემკჳდრა, რომლისათჳსცა ვღაღადებთ
Line of ed.: 30    სიხარულით და ვიტყჳთ: ძალსა დიდებაჲ, კაცთმოყუარე.

Line of ed.: 31       ცხორებისაგან განხრწნადისა და უნდოჲსა გექმნა შენ სიკუდილი
Line of ed.: 32    აღმომყვანებელ, უბიწოო. წარმავალისაგან საკჳრველსა მას
Line of ed.: 33    და სამარადისოსა მიგცვალა, უხრწნელო, ცხორებასა, რაჲთა იხილო
Line of ed.: 34    სიხარულით ძჱ შენი და ღმერთი შენი და ღაღადებდე: ძალსა შენსა
Line of ed.: 35    დიდებაჲ, კაცთმოყუარე.

Line of ed.: 36       განგეხუნეს შენ ბჭენი ცათანი და ადიდებდეს ანგელოზნი და
Line of ed.: 37    შეიწყნარა ქრისტემან სამკჳდრებელი თჳსი დედობრივი ქალწულებით.
Line of ed.: 38    ქერობინნი დაგემორჩილნეს შიშით და სერაბინნი სიხარულით
Line of ed.: 39    იტყოდეს: ძალსა შენსა დიდებაჲ, კაცთმოყუარე.

Page of ed.: 549  
Line of ed.: 1       ღამითგანსა

Line of ed.: 2       ვითარცა ღრუბელთა ზედა კრებული მოციქულთაჲ მსხდომარჱ,
Line of ed.: 3    ქალწულო, კიდით ქუეყანისაჲთ სიონდ მოიწივნეს მსახურებად შენდა,
Line of ed.: 4    ღრუბლისა აღმატებულისა, რომლისაგან განჴორციელდა ღმერთი
Line of ed.: 5    მაღალი და გამოუბრწყინდა მყოფთა ბნელისათა და აჩრდილისათა
Line of ed.: 6    მზჱ სიმართლისაჲ.

Line of ed.: 7       შუენიერებასა ბრწყინვალებისა შენისა ღმრთეებისა, ქრისტე,
Line of ed.: 8    მიუთხრობთ დიდებისაგან დაუსაბამოჲსა. ბრწყინვალებაჲ ბუნებითი,
Line of ed.: 9    დაუსაბამოჲ მის თანა გამობრწყინდი, საშოჲსაგან ქალწულისა განჴორციელდი
Line of ed.: 10    და რომელნი სხდეს ბნელსა და აჩრდილსა.

Line of ed.: 11       ენანი ცეცხლისანი კაცთა ღმრთისმეტყუელთანი უაღრჱს არიან
Line of ed.: 12    ჴმათა ნესტჳსათა. ღმრთისმშობელსა უღაღადეს გალობაჲ შემურვისაჲ
Line of ed.: 13    ჴმითა სულიერითა: გიხაროდენ, წყაროო უხრწნელო, რომლისაგან
Line of ed.: 14    ღმერთი განჴორციელდა, განმაცხოელებელი და მჴსნელი ყოველთაჲ.


Line of ed.: 15       ღაღატყავსა

Line of ed.: 16       ამაო იქმნა ცეცხლი იგი მუცლისაჲ ვეშაპისა მის პონტუელისაჲ
Line of ed.: 17    და სახედ განმაცხოელებელისა დაფლვისა შენისა იონა წინაწარმეტყუელი
Line of ed.: 18    გამოჩნდა, რამეთუ განერა შთანთქუმისაგან უვნებელად და
Line of ed.: 19    ღაღატ-ყო ჴმითა ქებისაჲთა.

Line of ed.: 20       განიკუთნა შენ უაღრჱსი ბუნებისაჲ მეუფემან ყოველთამან და
Line of ed.: 21    ვითარცა შობასა დაგიცვა ქალწულად, ეგრჱთვე სასუფეველსა შინა
Line of ed.: 22    დაჰმარხა გუამი შენი უხრწნელად და ადიდა მიცვალებითა მით
Line of ed.: 23    საკჳრველითა, და მიგანიჭა შენ პატივი, ვითარცა ძემან დედასა თჳსსა.

Line of ed.: 24       ჭეშმარიტად შენ ხარ სასანთლჱ ბრწყინვალჱ ნათლისა უსხეულოჲსაჲ,
Line of ed.: 25    სასაკუმევლჱ ოქროჲსაჲ ცეცხლისა მის საღმრთოჲსაჲ. წმიდასა
Line of ed.: 26    წმიდათასა დაგამკჳდრა ტაკუკი და კუერთხი და ფიცარნი
Line of ed.: 27    ღმრთივ-წერილნი, კიდობანი სიწმიდისაჲ და ტაბლაჲ სიტყჳსა ცხორებისაჲ,
Line of ed.: 28    ქალწულო, ძემან შენმან.


Line of ed.: 29       კურთხეულარსა

Line of ed.: 30       გულისწყრომასა მძლავრისასა და ცეცხლსა შური საღმრთოჲ წინა-აღუდგა
Line of ed.: 31    და გარდააქცია ცეცხლი იგი ცუარად და გულისწყრომაჲ
Line of ed.: 32    -- ღიმილად, და ღმრთივ-სულიერითა ებნითა და სამძალითა
Line of ed.: 33    მეტყუელითა წმიდათა მიერ სიტყუა-უგო ყოველსა სახიერებასა და
Line of ed.: 34    ღაღატ-ყო: დიდებულო ღმერთო მამათა ჩუენთაო, კურთხეულ ხარ
Line of ed.: 35    შენ.

Line of ed.: 36       ღმრთისა მიერ შექმნულნი ფიცარნი, ღმრთივ-სულიერად წერილნი,
Line of ed.: 37    მოსე გულისწყომით შემუსრნა, ხოლო უფალმან მისმან მშობელი
Line of ed.: 38    თჳსი უვნებელად დაიცვა და საყოფელსა ცათასა აწ დაამკჳდრა.
Line of ed.: 39    მის თანა ვიხარებდეთ მორწმუნენი და ვიტყოდით: დიდებულო ღმერთო
Line of ed.: 40    მამათა ჩუენთაო, კურთხეულ ხარ შენ.

Page of ed.: 550  
Line of ed.: 1       ღმრთის-მეცნიერი ერი შეკრბა, რამეთუ სამკჳდრებელი საღმრთოჲსა
Line of ed.: 2    დიდებისაჲ სიონით მიიცვალა საყოფელსა ცათასა, სადა-იგი
Line of ed.: 3    არს გალობაჲ წმიდათაჲ. რომელნი დღესასწაულობენ ჴმითა გამოუთქუმელითა
Line of ed.: 4    სიხარულისაჲთა, დაუცხრომელად უღაღადებენ ქრისტესა:
Line of ed.: 5    დიდებულო ღმერთო მამათა ჩუენთაო, კურთხეულ ხარ შენ.

Line of ed.: 6       ბაგითა წმიდითა, ვითარცა ბობღნითა და სახიობითა ებნისა
Line of ed.: 7    მის გულისაჲთა და ნესტჳსა ჴმითა გონებისა აღმატებულისაჲთა,
Line of ed.: 8    გარდაცვალებასა წმიდისა ქალწულისასა, ვითარცა დღესა განწესებულსა,
Line of ed.: 9    ჴელითა სულიერითა აღვიტყუელნეთ ყოველთა და ვიტყოდით:
Line of ed.: 10    დიდებულო ღმერთო მამათა ჩუენთაო, კურთხეულ ხარ შენ.


Line of ed.: 11       აკურთხევდითსა

Line of ed.: 12       ალი მაგრილობელად წმიდათა და შემწუველად უღმრთოთა ანგელოზმან
Line of ed.: 13    ღმრთეებისამან, ყოლად ძლიერმან, აჩუენა ყრმათა და ყო
Line of ed.: 14    ღმრთისმშობელი თავად წყარო ცხორებისად და გამხრწნელად სიკუდილისა
Line of ed.: 15    და აღმომაცჱნებელად ცხორებისა. რომელნი ვღაღადებთ და
Line of ed.: 16    ვიტყჳთ: დამბადებელსა ყოვლისასა, მხოლოსა უგალობდეთ გამოჴსნილნი
Line of ed.: 17    და უფროჲსად ავამაღლებდეთ.

Line of ed.: 18       სიტყჳთა უგალობს კიდობანსა სიწმიდისასა საღმრთოსა ყოველი
Line of ed.: 19    კრებული ღმრთისმეტყუელთაჲ სიონს შინა. ეჰა, კარაო და სამკჳდრებელო
Line of ed.: 20    ღმრთისა ცხოველისაო, ნუ დამივიწყებ მანათა შენთა, რომელნი
Line of ed.: 21    სარწმუნოებით ვიტყჳთ: დამბადებელსა ყოვლისასა, მხოლოსა
Line of ed.: 22    უგალობდეთ გამოჴსნილნი და უფროჲსად ავამაღლებდეთ.

Line of ed.: 23       აღიპყრნა ჴელნი თჳსნი მიცვალებასა ყოლად წმიდამან, ჴელნი,
Line of ed.: 24    რომელთა ეტჳრთა ღმერთი ჴორცთშესხმული, და კადნიერად, ვითარცა
Line of ed.: 25    დედამან, რქუა უფალსა: რომელნი მოიგენ ჩემთჳს, უკუნისამდე
Line of ed.: 26    დაიცვენ იგინი, რომელნი ღაღადებენ: დამბადებელსა ყოვლისასა,
Line of ed.: 27    მხოლოსა უგალობდეთ გამოჴსნილნი და უფროჲსად
Line of ed.: 28    ავამაღლებდეთ.


Line of ed.: 29       ადიდებდითსა

Line of ed.: 30       იძლივნეს განწესებანი ბუნებათანი შენ შორის, ქალწულო უხრწნელო.
Line of ed.: 31    შობაჲ შენი ქალწულებრივ და სიკუდილი შენი დაიწინდებს
Line of ed.: 32    ცხორებასა, რომელი შემდგომად შობისა ქალწულ და შემდგომად სიკუდილისა
Line of ed.: 33    ცხოველ ხარ. იჴსნენ, მარადის ღმრთისმშობელო, რომელნი
Line of ed.: 34    შენ გადიდებენ.

Line of ed.: 35       განკჳრდეს ანგელოზთა წესნი, რაჟამს იხილეს უფალი მათი სიონს
Line of ed.: 36    შინა წარმყვანებელად სულსა დედაკაცისასა, რომელი-იგი იშვა
Line of ed.: 37    მისგან შეუგინებელად, მიუწდომელად და ვითარცა შეჰგავს ძისა.
Line of ed.: 38    მოედ, უბიწოო, ძისა შენისა და ღმრთისა შენისა თანა მარადის
Line of ed.: 39    იდიდებოდე.

Line of ed.: 40       წარგრაგნა მოციქულთა კრებულმან გუამი შენი ღმრთივ-შემწყნარებელი.
Line of ed.: 41    შიშით გიხილეს და ჴმითა ძლიერითა ღაღად-ყვეს: სასძლოსა
Page of ed.: 551   Line of ed.: 1    ცათასა წარხუალ ძისა შენისა თანა. იჴსნენ, მარადის ღმრთისმშობელო,
Line of ed.: 2    რომელნი შენ გადიდებენ.


Line of ed.: 3       აქებდითსა

Line of ed.: 4       უღირდა მხედველთა სიტყჳსათა და მსახურთა, რაჲთა იხილა
Line of ed.: 5    ღმრთეებაჲ, რომელი-იგი ჴორცითა დედაჲ არს მისი, რამეთუ დასასრული
Line of ed.: 6    საიდუმლოჲსაჲ მას შინა დადგრომილ არს, რაჲთა არა ხოლო
Line of ed.: 7    ამაღლებასა მჴსნელისასა ქუეყანით ხედვენ, არამედ მიცვალებასა
Line of ed.: 8    შობელისა მისისასა იყვნენ მოწამე და მისთჳსცა ყოვლით კერძოვე
Line of ed.: 9    ძალითა საღმრთოჲთა აღიძრნეს და მოიწივნეს სიონდ და მყის
Line of ed.: 10    წარგზავნეს ცად, რომელი-იგი უმაღლეს არს ქერაბინთა, რომელსა
Line of ed.: 11    ჩუენცა მათ თანა თაყუანის-ვცემთ, ვითარცა მეოხ არს სულთა
Line of ed.: 12    ჩუენთათჳს.

Line of ed.: 13       ჯერ იყო მისსა, რომელმან-იგი უზესთაეს ბუნებათა შვა უჴრწნელი
Line of ed.: 14    და უაღრეჲს ბუნებისა შემდგომად სიკუდილისა აღივსო უხრწნელებითა,
Line of ed.: 15    რომელი-იგი არს ზესთა ბუნებასა კაცთასა, რაჲთა, ვითარცა
Line of ed.: 16    დედამან, პირველი ნაყოფი თჳსი მოისთულოს და მიიღოს ნაყოფი,
Line of ed.: 17    განმაცხოელებელი მუცლისა თჳსისაჲ. ამისთჳსცა ჴორცითა
Line of ed.: 18    საფლავისაგან უჩინოდ აღიტაცა და ზესთა ხრწნილებისა მკჳდრ იქმნა
Line of ed.: 19    და შემდგომად ღმრთისა, ვითარცა უმაღლჱსი ყოველთაჲ, იდიდების
Line of ed.: 20    კრებულისაგან ცათაჲსა, რომელსა ჩუენცა მათ თანა ვადიდებთ,
Line of ed.: 21    ვითარცა მეოხ არს სულთა ჩუენთათჳს.

Line of ed.: 22       გიხაროდენ, ღმრთისმშობელო უკუდავისა ბუნებისაო. გიხაროდენ,
Line of ed.: 23    სამკჳდრებელო ცხორებისაო, ყოლად დიდებულო ღმრთისმშობელო,
Line of ed.: 24    მიზეზო ადგომისა მკუდართაჲსაო. შენ მიერ ხრწნილებაჲ
Line of ed.: 25    განქარდა და სიკუდილი განიხრწნა. ამისთჳსცა სიკუდილი შენი გუამისაგან
Line of ed.: 26    განეშორა და ქუესკნელსა არა დაემკჳდრა და არცაღა უბიწონი
Line of ed.: 27    ჴორცნი შენნი საფლსავსა განიხრწნეს, არამედ ამაღლდი სავსჱ,
Line of ed.: 28    ვითარცა ტაძარი და საყდარი, ღირსი ღმრთისაჲ, შენგან შობილისა
Line of ed.: 29    ღმრთისა, რომლისა მიმართ, ვითარცა დედაჲ, ყოლად წმიდაო, ნუ
Line of ed.: 30    დასცხრები სულთა ჩუენთათჳს.


Line of ed.: 31       ოხითაჲ დ

Line of ed.: 32       რაჟამს მიიცვალე, ღმრთისმშობელო ქალწულო, მისსა, რომელიიგი
Line of ed.: 33    იშვა შენგან მიუწდომელად, მუნ იყო იაკობ, ძმაჲ უფლისაჲ და
Line of ed.: 34    პირველი მღდელთმთავარი, პეტრე, გამორჩეული კლდჱ და თავი
Line of ed.: 35    ღმრთისმეტყუელთაჲ, და ყოველი კრებული დიდებულთა მოციქულთაჲ.
Line of ed.: 36    სიტყჳთა ღმრთის-მეცნიერითა ადიდეს საიდუმლოჲ ღმრთისაჲ,
Line of ed.: 37    საკჳრველი სიყუარული ქრისტჱს, ღმრთისა ჩუენისაჲ, კაცთათჳს. რამეთუ
Line of ed.: 38    თავი ცხორებისაჲ და ღმრთის-შემწყნარებელი გუამი შენი შემოსეს
Page of ed.: 552   Line of ed.: 1    მახარებელთა, ყოლად საგალობელო, და ზესკნელნი ძალნი ანგელოზთანი
Line of ed.: 2    ყოლად წმიდანი, განკჳრვებულნი შიშით, თავმოდრეკით
Line of ed.: 3    ურთიერთას იტყოდეს: აღახუენით ბჭენი თქუენნი, მთავარნო, და
Line of ed.: 4    შეიწყნარეთ მშობელი დამბადებელისაჲ ცათა და ქუეყანისაჲ, გალობით
Line of ed.: 5    ვადიდებთ მის თანა წმიდასა გუამსა, რომელმან დაიტია უჩინოჲ
Line of ed.: 6    ჩუენგან და უფალი ჩუენი. ამისთჳსცა ჩუენ დღესასწაულსა შენსა
Line of ed.: 7    სიხარულით აღვასრულებთ და ვითხოვთ შენგან, ყოლად უხრწნელო:
Line of ed.: 8    აღამაღლე რქაჲ ქრისტიანეთაჲ და აცხოვნენ სულნი ჩუენნი.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.