TITUS
Udzv.iadg.
Part No. 186
Previous part

Date: FComm.Defunct._d   Link to lektpar
Line of ed.: 30  ჴ̃ჲ დ


Line of ed.: 31       განსასუენებელსა შენსა, უფალო, სადა ყოველნი წმიდანი შენნი
Line of ed.: 32    განისუენებენ, განუსუენე, უფალო, სულსა შესუენებულთასა, რაჲთა
Line of ed.: 33    შენ გადიდებდენ, კაცთმოყუარე.

Line of ed.: 34       სულთა თანა მართალთა შესუენებულთა სულთასა სულსა შესუენებულთასა,
Line of ed.: 35    მაცხოვარ, განუსუენე და ღირს ყვენ იგინი სანატრელსა
Line of ed.: 36    ცხორებასა, კაცთმოყუარე.

Page of ed.: 526  
Line of ed.: 1       იცვნეს უფალმან სულნი შესუენებულთანი, უფალმან დაიცვნეს
Line of ed.: 2    ყოველნი ძუალნი მათნი და ერთიცა მათგანი არა შეიმუსროს და არა
Line of ed.: 3    ინანონ ყოველთა, რომელნი ესვენ მას.

Line of ed.: 4       მართალთაჲ არს სიხარული და რომელნი ემსგავსნენ საქმეთა
Line of ed.: 5    მათთა, მოიჴსენენ, უფალო, სულნი მათნი ზეცისა ცხორებასა და
Line of ed.: 6    არიანმცა მკჳდრ წარუვალსა შენსა სასუფეველსა.

Line of ed.: 7       იესუ, მეუფეო დიდებისაო, განუსუენე, ქრისტე, სულსა შესუენებულთასა
Line of ed.: 8    წმიდათა შენთა თანა სასუფეველსა ცათასა.

Line of ed.: 9       სული, რომელ შეივედრე, მჴსნელო, ანგელოზისა მიერ, სამოთხესა
Line of ed.: 10    ფუფუნებისასა დააწესე, მაცხოვარ, და განუსუენე.

Line of ed.: 11       განუსუენე, უფალო, სულსა შესუენებულთასა, მრავალმოწყალე.

Line of ed.: 12       ქებაჲ ჩუენი შეიწირე, ქრისტე, რომელმან ვნებითა შენითა საფლავთაგან
Line of ed.: 13    აღადგინენ მკუდარნი და განუღე მათ სამოთხჱ. მათ თანა
Line of ed.: 14    ღირს ყვენ, უფალო, სულნი შესუენებულთანი და მიეც მათ განსუენებაჲ,
Line of ed.: 15    ვითარცა მოწყალე ხარ.

Line of ed.: 16       სულთა თანა მართალთა აღსრულებულთა სულთა სულსა შესუენებულთასა,
Line of ed.: 17    მაცხოვარ, განუსუენე სასუფეველსა ცათასა.

Line of ed.: 18       ქველისმოქმედო ღმერთო, რომელ ადგომაჲ ხარ ცხოველთაჲ და
Line of ed.: 19    მკუდართა, სულსა შესუენებულთასა განსუენებაჲ მიჰმადლე სასუფეველსა
Line of ed.: 20    შენსა და დააწესენ, ვითარცა მხოლოჲ ქველისმოქმედ ხარ
Line of ed.: 21    და მრავალმოწყალე.

Line of ed.: 22       დაღაცათუ ხისა მისგან მცნებისა გარდასლვითა სიკუდილი მოიწია
Line of ed.: 23    ნათესავსა ზედა კაცთასა, არამედ ძალითა ჯუარისაჲთა ცხორებაჲ
Line of ed.: 24    მორწმუნეთა აღმოუბრწყინდა. რამეთუ ცოცხალთა და მკუდართა
Line of ed.: 25    მეუფჱ ხარ, ქრისტე, ღმერთო, მიჰმადლე მონათა შენთა ცხორებაჲ
Line of ed.: 26    საუკუნოჲ და განუსუენე.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.