TITUS
Udzv.iadg.
Part No. 124
Previous part

Date: M09_13   Link to lektpar
Line of ed.: 10  თთუესა იგ-სა სეკდემბერსა ენკენიაჲ


Line of ed.: 11       უფალო ღაღატყავსა ჴ̃ჲ ა

Line of ed.: 12       კლდესა ზედა სახარებისასა დაამტკიცე ეკლესიაჲ შენი, ქრისტე,
Line of ed.: 13    შეზღუდე იგი და სთქუ: ბჭენი ჯოჯოხეთისანი არა ერეოდიან
Line of ed.: 14    მას და ეგოს უკუნისამდე მტკიცედ და შეურყეველად, რამეთუ აქუნდი
Line of ed.: 15    შენ მას შინა ჴორციელ-ქმნული. მაცხოვარო ჩუენო, შეგუიწყალენ
Line of ed.: 16    ჩუენ.

Line of ed.: 17       დღესასწაულსა სატფურებისასა აღმასრულებელნი შენ, სიწმიდისა
Line of ed.: 18    მომცემელსა, უფალსა, გადიდებთ და გევედრებით: წმიდა ყავ
Line of ed.: 19    შესავედრებელი ესე ჩუენი სულთა და ჴორცთაჲ მეოხებითა
Line of ed.: 20    ღმრთისმშობელისაჲთა და დიდებულთა მოციქულთა შენთაჲთა, ქველისმოქმედ
Line of ed.: 21    და კაცთმოყუარე.

Line of ed.: 22       სული წმიდაჲ შენი გარდამოავლინე, კაცთმოყუარე, ტაძარსა
Line of ed.: 23    ამას. განსწმიდე და სამკურნალოდ გამოაჩინე, რომელნი მოივლტიან
Line of ed.: 24    შენსა დიდებასა. ამისა სატფურებასა აღვასრულებთ და ვღაღადებთ:
Line of ed.: 25    გუაცხოვნენ ჩუენ, ღმერთო ჩუენო, რამეთუ შენ მხოლოჲ ხარ წმიდაჲ
Line of ed.: 26    და განსწმედ ყოველთა.


Line of ed.: 27       სხუანი

Line of ed.: 28       მწუხრისა მსხუერპლსა შევსწირავთ შენდა, ქრისტე ღმერთო,
Line of ed.: 29    რომელმან მოციქულთა მოუვლინე ზეცით სული წმიდაჲ და მადლითა
Line of ed.: 30    აღავსე კათოლიკე ეკლესიაჲ, რომელსა შინა მოგუენიჭების
Line of ed.: 31    ჩუენ მოტევებაჲ ცოდვათაჲ შენითა ადგომითა,
Page of ed.: 288   Line of ed.: 1    მწუხრისა მსხუერპლსა შევსწირავთ შენადა, ქრისტე ღმერთო,
Line of ed.: 2    რომელმან მოციქულნი განანათლენ ღმრთეებითა და მათ მიერ ეკლესიაჲ
Line of ed.: 3    კლდესა ზედა დიდებულ ჰყავ, რომელსა შინა მოგუენიჭების
Line of ed.: 4    ჩუენ მოტევებაჲ ცოდვათაჲ შენითა ადგომითა,

Line of ed.: 5       ძუელ სამე სატფურებაჲ ყო ტაძრისაჲ მის სოლომონ, პირუტყუთა
Line of ed.: 6    ცოცხალთა მსხუერპლად მრგულიად დასაწუელად შესწირვი
Line of ed.: 7    და. ხოლო ოდეს სათო-იყავ, მაცხოვარ, სახეჲ იგი შეურაცხ-ყო
Line of ed.: 8    ფად და ცნობად ჭეშმარიტი, უსისხლოსა მას ზედა მსხუერპლსა
Line of ed.: 9    ყოველნი კიდენი ქუეყანისანი შესწირვენ შენდა ღაღადებასა: ყოველთა
Line of ed.: 10    ზედა უფლებ, ყოველთა განსწმედ სულითა წმიდითა შენითა.
Line of ed.: 11    შეგუიწყალენ ჩუენ.

Line of ed.: 12       მოვედით ერნო, ნათესავნო და ენანო, არა თუ ველსა მას დეირსა
Line of ed.: 13    სმენად შესხმასა ჴორციელებრსა, არცა ხატსა ოქროჲსასა
Line of ed.: 14    მოდრეკად მუჴლთა უღმრთოთასა, არამედ ტაძარსა შინა ყოლად
Line of ed.: 15    წმიდასა სულიერებრითა ჴმითა შემსგავსებულად უგალობდეთ, ვღაღადებდეთ
Line of ed.: 16    ქრისტეჲს ღმრთისა მიმართ, მშუიდობაჲ სოფელსა გარდამოვლინებად
Line of ed.: 17    და სულთა ჩუენთათუის დიდი წყალობაჲ,


Line of ed.: 18       ფსალმუნი

Line of ed.: 19       ყოველი ქუეყანაჲ თაყუანის-გცემდეს ვიდრე უფროჲს
Line of ed.: 20    ძეთა კაცთასა (ps. 65, 4-5 Link to psa),


Line of ed.: 21       დასადებელი

Line of ed.: 22       ღაღადებდით ღმრთისა [ყოველი თესლე (ps. 65, 1 Link to psa).


Line of ed.: 23       უგალობდითსა

Line of ed.: 24       დღესა სატფურებისასა დღესასწაულსა მორწმუნენი უგალობდეთ.

Line of ed.: 25       მჴსნელსა ყოველთასა ვაქებდეთ და ვიტყოდით: უგალობდეთ უფალ
Line of ed.: 26    სა, რამეთუ დიდებით დიდებულ არს,

Line of ed.: 27       სატფურებისა კრებისა აღმასრულებელნი სარწმუნოებით
Line of ed.: 28    ვდღესასწაულობდეთ, ყოველთა მჴსნელსა ვაქებდეთ და ვიტყოდით:
Line of ed.: 29    უგალობდეთ უფალსა, რამეთუ დიდებით დიდებულ არს,

Line of ed.: 30       ტაძარსა შენსა დღეს მდგომარენი გიგალობთ შენ, ქრისტე,
Line of ed.: 31    ღმერთო ჩუენო, მოგუმადლე სულთა ჩუენთა მოტევებაჲ ცოდვათაჲ
Line of ed.: 32    მეოხებითა მშობელისა შენისაჲთა.

Page of ed.: 289  
Line of ed.: 1       სხუანი

Line of ed.: 2       უგალობდეთ ღმერთსა, დამბადებელსა, რომელმან მოავლინა
Line of ed.: 3    ძჱ თუისი მჴსნელად სოფლისა და ამისაგან გამოჩნდეს წმიდანი
Line of ed.: 4    მოციქულნი, რომელთა მიერ დაემტკიცა წმიდაჲ ეკლესიაჲ მართლმადიდებლობით
Line of ed.: 5    სიქადულად. უგალობდეთ უფალსა, რამეთუ დიდებით დიდებულ
Line of ed.: 6    არს.

Line of ed.: 7       შესაკრებელსა ბევრის-ბევრეულთასა ღირს ვიქმნენით გალობად
Line of ed.: 8    და თაყუანის-ცემად, რომელნი დაუცხრომელითა ჴმითა ვღაღადებთ
Line of ed.: 9    და ვიტყუით: უგალობდეთ უფალსა, რამეთუ დიდებით დიდებულ
Line of ed.: 10    არს.

Line of ed.: 11       სატფურებისა აღმასრულებელნი მორწმუნენი, დღეს ტაძარსა შინა მისა
Line of ed.: 12    მდგომარენი, მაცხოვარსა და ღმერთსა ვაქებდეთ და ვიტყოდით: უგალობდეთ
Line of ed.: 13    უფალსა, რამეთუ დიდებით დიდებულ არს.


Line of ed.: 15       მოიხილესა

Line of ed.: 16       მოიხილე, ცა[ო, და ვიტყოდით და უგალობდეთ ღმერთსა, მხოლოსა
Line of ed.: 17    კაცთმოყუარესა.

Line of ed.: 18       დიდებაჲ შენდა, დიდებაჲ შენდა, მეუფეო დიდებისაო, რომელ
Line of ed.: 19    სრულ-ჰყვენ წმიდანი მოციქულნი სულითა წმიდითა და მათ მიერ
Line of ed.: 20    ეკლესიაჲ შეამკვე სარწმუნოებითა.


Line of ed.: 21       სხუანი

Line of ed.: 22       მოიხილე, უფალო, წყალობითა შენითა და დაამტკიცე ეკლესიაჲ
Line of ed.: 23    შენი, რომელი აღაშეჲნე მადლითა მოციქულთა შენთაჲთა, რომელსა
Line of ed.: 24    შინა მორწმუნენი გიგალობთ მაცხოვარსა სულთა ჩუენთასა.

Line of ed.: 25       სარწმუნოებით აღვასრულებთ დღესასწაულსა ამას სატფურებისასა,
Line of ed.: 26    რომელსა შინა გიგალობთ შენ შიშით, მაცხოვარსა სულთა
Line of ed.: 27    ჩუენთასა.

Line of ed.: 28       მართალ და წმიდა ხარ, უფალო, რომელმან დაამტკიცე ეკლესიაჲ
Line of ed.: 29    შენი ძალითა შენითა უჴრწნელად და მიეც მას შინა მადლი
Line of ed.: 30    მორწმუნეთა მაცხოვარმან სულთა ჩუენთამან.

Line of ed.: 31       იხილეთ, იხილეთ უფალი, ღმერთი ჩუენი, რომელმან დაამტკიცა წმიდაჲ
Line of ed.: 32    ეკლესიაჲ კლდესა ზედა სარწმუნოებისასა და მას შინა ვნებანი სენთანი განიკურნებიან.

Line of ed.: 33       იხილეთ, იხილეთ უფალი, ღმერთი ჩუენი, რომელმან ჴორცითა მოციქულთაჲთა
Line of ed.: 34    დაამტკიცა ეკლესიაჲ მისი და მას შინა მორწმინეთა ასწავა მოციქულთა
Line of ed.: 35    მიერ ღმრთის-მეცნიერებაჲ.

Line of ed.: 36       იხილეთ, იხილეთ, იხილეთ უფალი, ღმერთი ჩუენი, რომელმან შეამკო
Line of ed.: 37    ეკლესიაჲ დიდებითა და მას შინა მორწმუნენი დღესასწაულისა აღმასრულებელად
Line of ed.: 38    შემოჰკრიბენ.

Page of ed.: 290  
Line of ed.: 1       განძლიერდასა

Line of ed.: 2       განაძრიელე, უფალო, ეკლესაჲ შენი,

Line of ed.: 3       დაამტკიცე, უფალო, ეკლესიაჲ შენი სარწმუნოებითა, ვითარცა
Line of ed.: 4    კლდეჲ. მიჰმადლებ, რომელთა ჰრწამს, შენდობასა ცოდვათასა.

Line of ed.: 5       გამოაჩინე, უფალო, სატფურებისა დღეჲ მორწმუნეთა სიხარულად,
Line of ed.: 6    რომელსა შინა ყოველნი ერთობით გიგალობთ ქველისმოქმედსა
Line of ed.: 7    უფალსა.


Line of ed.: 8       სხუანი

Line of ed.: 9       რამეთუ ბერწსა მას ესხნეს შუიდ შვილ და წარემართა ეკლესიასა
Line of ed.: 10    და შვილ-მრავალი იგი მოუძლურდა -- შესაკრებელი ჰურიათაჲ.
Line of ed.: 11    საკუირველთ-მოქმედსა ღმერთსა ჩუენსა ყოველნი უგალობდეთ:
Line of ed.: 12    წმიდა ხარ შენ, უფალო, გუაცხოვნენ ჩუენ.

Line of ed.: 13       ჟამსა მას, რომელსა მოწყდებოდა ისრაელი, მაშინ უშეჲნა საკურთხეველი
Line of ed.: 14    დავით უფალსა, რაჲთამცა დააცხრვო რისხვაჲ იგი,
Line of ed.: 15    ხოლო ქრისტემან, ღმერთმან ჩუენმან, აღმართა საკურთხეველი,
Line of ed.: 16    რომელსა ზედა შეიწირვის უსისხლოჲ მსხუერპლი. საკუირველთმოქმედსა
Line of ed.: 17    ღმერთსა ჩუენსა ყოველნი უგალობდეთ: წმიდა ხარ შენ,
Line of ed.: 18    უფალო, გუაცხოვნენ ჩუენ.

Line of ed.: 19       განაგდო მისგან კარავი სელომისი, კარავი, რომელ დამკუიდრებულ
Line of ed.: 20    იყო შორის კაცთა. შეიყუარა წმიდაჲ ეკლესიაჲ ქრისტემან,
Line of ed.: 21    ღმერთმან ჩუენმან, რომელსა შინა სულმან წმიდამან დაიმკუიდრა
Line of ed.: 22    უკუნისამდე.

Line of ed.: 23       არავინ არს წმიდაჲ, ვითარ ქრისტე, ღმერთი ჩუენი, რომელმან დაამტკიცა
Line of ed.: 24    წმიდაჲ ეკლესიაჲ და მას შინა მორწმუნენი ღირს ყვნა მადიდებელად მისა.

Line of ed.: 25       გაქებთ შენ, მეუფესა, ღმერთსა ყოველთასა, რომელმან განსწმიდე ეკლესიაჲ
Line of ed.: 26    შენი დიდებულითა სისხლითა შენითა, მაცხოვარ, საკრველნი დაჴსნდეს
Line of ed.: 27    ურჩულოთანი და უმეტჱსად აღეშჱნა წმიდაჲ ეკლესიაჲ და მას შინა
Line of ed.: 28    მორწმუნეთა მოენიჭა უჴრწნელებაჲ.


Line of ed.: 29       უფალსა მესმასა

Line of ed.: 30       გამობრწყინდა მადლი შენი ტაძარსა შინა და ყოველნი შემოკრებულნი
Line of ed.: 31    გიგალობთ შენ: შენი მშუიდობაჲ მომეც ჩუენ, ქრისტე,
Line of ed.: 32    ღმერთო ჩუენო.

Line of ed.: 33       ტაძარი სალოცველად ჩუენდა განსწმიდე, რომელსა შინა ვედრებასა
Line of ed.: 34    შენდა შევსწირავთ. უფალო, ღმერთო ჩუენო, აცხოვნენ
Line of ed.: 35    სულნი ჩუენნი.

Line of ed.: 36       განსწმიდე ეკლესიაჲ შენი, ქრისტე მაცხოვარ, სისხლითა შენითა
Line of ed.: 37    წმიდითა, ვითარცა კაცთმოყუარე ხარ, და სუფევ მას შინა
Line of ed.: 38    და აცხოვნებ მორწმუნეთა შენთა.

Page of ed.: 291  
Line of ed.: 1       სხუანი

Line of ed.: 2       შორის ორთა მათ ცხოველთასა საცნაურ იქმენ ტაძარსა მას შინა
Line of ed.: 3    და ქუაბ ავაზაკთა უწოდე. ამისთუისცა განსწმიდე ეკლესიაჲ შენი
Line of ed.: 4    და უწოდე სახლად მამისა თუისისა, რომელსა შინა თაყუანისვსცემთ,
Line of ed.: 5    ვღაღადებთ და ვიტყუით: დიდებაჲ ძალსა შენსა.

Line of ed.: 6       ჟამსა მას სატფურებისასა ზამთარი იყო დიდისა მის ურწმუნოებისაჲ,
Line of ed.: 7    რომლისა ვენაჴისაგან გამონაღები არა იპოვა, ხოლო
Line of ed.: 8    ჩუენ, დანერგულნი სარწმუნოებითა ეკლესიასა შინა, ვღაღაებთ
Line of ed.: 9    და ვიტყუით: დიდებაჲ ძალსა შენსა,

Line of ed.: 10       წინაწარმეტყუელთა გჳქადაგეს შობაჲ შენი, მაცხოვარ, რომელმან
Line of ed.: 11    ღმრთეებით განკაცებაჲ უჩუენე სოფელსა და მორწმუნეთა მიერ ადიდე წმიდაჲ
Line of ed.: 12    ეკლესიაჲ. დიდებაჲ დიდად შუენიერებასა შენსა, მეუფეო ყოველთა
Line of ed.: 13    საუკუნეთაო.

Line of ed.: 14       იხარებს სიონი და უმეტჱსად აღორძინდების წმიდაჲ ეკლესიაჲ დღესასწაულსა
Line of ed.: 15    სატფურებისასა, რომელსა დღესასწაულობს ერი მორწმუნეთაჲ და
Line of ed.: 16    იხარებს. დიდებაჲ დიდად შუენიერებასა შენსა, მეუფეო ყოველთა
Line of ed.: 17    საუკუნეთაო.

Line of ed.: 18       სიხარულითა აღივსნენ დღეს შენნი მორწმუნენი, ქრისტე, ღმერთო
Line of ed.: 19    ჩუენო, რამეთუ დიდებულსა ტაძარსა შენსა ღირს ყვენ იგინი აღმასრულებელად
Line of ed.: 20    დღესასწაულისა და ღაღადებად შენდამი. დიდებაჲ დიდად შუენიერებასა
Line of ed.: 21    შენსა, მეუფეო ყოველთა საუკუნეთაო,

Line of ed.: 22       შენ გაქებთ, უჴრწნელო ქალწულო, სანატრელო და უბიწოო, რამეთუ
Line of ed.: 23    ცათა დაუტევნელი ღმერთი დატევნულ იქმნა მუცელსა შენსა, ვითარცა
Line of ed.: 24    კაცი, და შენგან ჴორცნი შეიმოსნა მზემან სიმართლისამან ... წესისაებრ მისისა.
Line of ed.: 25    უფროჲსად ვღაღადებთ და ვიტყჳთ: გუაცხოვნენ მორწმუნენი შენნი,
Line of ed.: 26    მეუფეო ყოველთა საუკუნეთაო.


Line of ed.: 27       ღამითგანსა

Line of ed.: 28       ღამითგან ავიმსთობთ, შენდა დიდებასა შევსწირავთ, უფალო,
Line of ed.: 29    ღმერთო ჩუენო. შენი მშუიდობაჲ მომეც ჩუენ დღესა სატფურებისასა
Line of ed.: 30    და აცხოვნენ სულნი ჩუენნი.

Line of ed.: 31       ნათელი გამოგუიბრწყინდა ჩუენ ცხორებისაჲ ტაძარსა შენსა,
Line of ed.: 32    უფალო, რამეთუ ამით განსწმედ შენთა მორწმუნეთა და ყოველნი
Line of ed.: 33    გიგალობთ შენ, კაცთმოყუარე მაცხოვარო ჩუენო,

Line of ed.: 34       ტაძარსა შენსა მოსრულნი, უფალო, შევსწირავთ შენდა ვედრებასა,
Line of ed.: 35    კაცთმოყუარე მაცხოარო ჩუენო. აცხოვნენ სულნი ჩუენნი,
Line of ed.: 36    მრავალმოწყალე.


Line of ed.: 38       სხუანი

Line of ed.: 39       სატფურებასა აღვასრულებთ და რომელნი-იგი რჩეული მოსეჲს
Line of ed.: 40    მიერ ... ხოლო აწ უფროჲსად და უმეტეჲს აღვასრულებთ სატფურებასა
Line of ed.: 41    ეკლესიასა შინა. ვღაღადებთ და ვიტყუით. რამეთუ ნათელ ხარ
Line of ed.: 42    შენ, რომელმან დაჰბადე ნათელი.

Page of ed.: 292  
Line of ed.: 1       განახლდებოდეთ ჭალაკნი ღმრთისა მიმართ, ვითარცა თქუა
Line of ed.: 2    ესაია. ამას განმზადებულ ვართ და საწრმუნოებაჲ შეგუიმოსიეს
Line of ed.: 3    ქრისტეჲს მიმართ. ამისთუისცა მოწევნულსა ამას სატფურებასა
Line of ed.: 4    ვდღესასწაულობთ და გალობით ვიტყუით, რამეთუ: ნათელ ხარ შენ,
Line of ed.: 5    რომელმან დაჰბადე ნათელი.

Line of ed.: 6       შენდამი აღვიმსთობთ, ქრისტე, ღმერთო ჩუენო, ამსთობასა ჭეშმარიტსა,
Line of ed.: 7    რომელმან მტკიცედ და შეურყეველად წმიდაჲ და ყოლად დიდებული
Line of ed.: 8    სამკჳდრებელი სულისა წმიდისაჲ დაამტკიცე შესავედრებელად მორწმუნეთა, ვითარცა მოწყალე ხარ.

Line of ed.: 9       ვითარცა მიჰმადლე მშვიდობაჲ და შეურყეველობაჲ ეკლესიასა, ეგრჱთვე
Line of ed.: 10    მადიდებელთა ტაძარისა შენისათა, რომელ დააფუძნეს მოციქულთა. ქრისტე,
Line of ed.: 11    ღმერთო ჩუენო, აცხოვნენ სულნი ჩუენნი, მრავალმოწყალეო.

Line of ed.: 12       იხარებენ ცანი და მხიარულ არს ერი მორწმუნეთაჲ, მათ თანა იხარებს
Line of ed.: 13    წმიდაჲ ეკლესიაჲ, რომელი დააფუძნე სამკჳდრებელად სულისა წმიდისა, ვითარცა
Line of ed.: 14    მრავალმოწყალე ხარ.

Line of ed.: 15       დიდებულითა სისხლითა შენითა, ქრისტე, ღმერთო ჩუენო, განსწმიდე
Line of ed.: 16    ტაძარი შენი და ერი ესე ახალი, რომელ მოიგე, რომელნი მას შინა დიდების-მეტყუელებით
Line of ed.: 17    ვღაღადებთ და ვიტყჳთ: ... მომეც ჩუენ,

Line of ed.: 18       ცუარი მშვიდობისაჲ მოგუმადლე მადიდებელთა ტაძრისა შენისათა და
Line of ed.: 19    ნაყოფი სიმართლისაჲ მოავლინე შენთა მორწმუნეთა, ვითარცა მოწყალე
Line of ed.: 20    ხარ.


Line of ed.: 21       ღაღატყავსა ჴ̃ჲ ა გ̃ი

Line of ed.: 22       ვღაღატ-ყავ ჭირ[სა ღმრთისა მიმართ მოწყალისა, სიტყუაჲ
Line of ed.: 23    გამოავლინა.

Line of ed.: 24       ყოლად დიდებულად გამოჩნდა ტაძარი შენი, უფალო, რომელსა
Line of ed.: 25    შინა შენ დიდებით გიგალობთ კაცთმოყუარესა ღმერთსა.

Line of ed.: 26       დღესა სატფურებისასა ერი შენი, უფალო, სარწმუნოებით
Line of ed.: 27    დღესასწაულობს და იხარებს და გადიდებს მხოლოსა, ქველისმოქმედსა
Line of ed.: 28    უფალსა.


Line of ed.: 29       სხუანი

Line of ed.: 30       დღეს დაგლახაკნეს საყოფელნი კერპთანი და უმეტეჲსად აეშეჲნა
Line of ed.: 31    წმიდაჲ ეკლესიაჲ, რომელსა შინა გიგალობთ კაცთმოყუარესა
Line of ed.: 32    უფალსა.

Line of ed.: 33       დღეს იხარებენ ყოველნი მორწმუნენი და გუირგუინოსან იქმნების
Line of ed.: 34    წმიდაჲ ეკლესიაჲ, რამეთუ სულმან წმიდამან მას შინა
Line of ed.: 35    დაიმკუიდრა.

Line of ed.: 36       დღეს მოენიჭა მადლი ეკლესიათა და სიხარული მორწმუნეთა, რამეთუ
Line of ed.: 37    ანგელოზთა თანა მოსავ იქმნნეს და სამებასა წმიდასა
Line of ed.: 38    უგალობდეს.

Page of ed.: 293  
Line of ed.: 1    ამას დღესა იხარებენ წმიდანი ეკლესიანი და იხარებს სიმრავლჱ მორწმუნეთაჲ
Line of ed.: 2    და გადიდებს შენ მხოლოსა, ქრისტე,

Line of ed.: 3       ხოლო ჩუენ, მორწმუნენი, ქებასა შენდა შევსწირავთ, წმიდისა ტაძრისა
Line of ed.: 4    შენისანი და ვღაღადებთ: დიდებაჲ შენდა, ქრისტე, რომელმან ვნებათაგან
Line of ed.: 5    იჴსენ სოფელი.


Line of ed.: 6       კურთხეულარსა ჴ̃ჲ ა

Line of ed.: 7       ტაძარსა შინა გიგალობთ შენ, უფალო, ღმერთო მამათა
Line of ed.: 8    ჩუენთაო.

Line of ed.: 9       ეკლესიასა შინა გაკურთხევთ შენ, უფალო, ღმერთო მამათა
Line of ed.: 10    ჩუენთაო.

Line of ed.: 11       სატფურებისა აღმასრულებელნი მორწმუნენი გადიდებთ შენ,
Line of ed.: 12    უფალო, ღმერთო მამათა ჩუენთაო.

Line of ed.: 13       კურთეულ ხარ უკუნისამდე.


Line of ed.: 14       სხუანი

Line of ed.: 15       მოვედით, სარწმუნოებისა მკუიდრნო ერნო, ძესა მამისა თანა
Line of ed.: 16    ვაკურთხევდეთ, რომელმან დღეს მორწმუნენი ტაძარსა შინა მისსა
Line of ed.: 17    ღირს გუყუნა მადლობად მისა და თქუმად: რომელი ხარ პირველ
Line of ed.: 18    საუკუნეთა ღმერთი, კურთხეულ ხარ,

Line of ed.: 19       ტაძარსა შენსა დღეს მდგომარენი გიგალობთ შენ, რომელი დაამტკიცე
Line of ed.: 20    შესავედრებელად სულთა და ჴორცთა, რომელნი სატფურებისა
Line of ed.: 21    კრებასა გადიდებთ და მადლობით ვღაღადებთ და ვიტყუით:
Line of ed.: 22    რომელი ხარ პირველ საუკუნეთა ღმერთი, კურთხეულ ხარ,

Line of ed.: 23       ანგელოზებრსა გალობასა შევსწირავთ შენდა სულიერითა ჴმითა,
Line of ed.: 24    ღმრთისა ეკლესიაო, რომელი დაემტკიცე კაცთა სიქადულად და სულითა
Line of ed.: 25    წმიდითა განათლდეს მორწმუნენი. ამისთჳს დღეს დამტკიცებისა შენისათჳს
Line of ed.: 26    ვღაღადებთ და ვიტყჳთ: რომელი ხარ პირველ საუკუნეთა ღმერთი, კურთხეულ
Line of ed.: 27    ხარ.

Line of ed.: 28       უფალო მამათა ჩუენთაო, მჴსნელო და დამბადებელო ყუველთაო, მშჳდობა
Line of ed.: 29    ყავ მგალობელთა შენთათჳს, რომელნი ტაძარსა შინა წმიდასა ზიარობითა
Line of ed.: 30    ანგელოზთა თანა ქებად შენდა ღირსად გამოგუაჩინენ. რომელი ხარ პირველ
Line of ed.: 31    საუკუნეთა ღმერთი, კურთხეულ ხარ,

Line of ed.: 32       სამებასა განუყოფელსა, ერთარსებასა, ერთითა პირითა უგალობდეთ და
Line of ed.: 33    ვიტყოდით: რომელი ხარ პირველ საუკუნეთა ღმერთი, კურთხეულ ხარ.


Line of ed.: 34       სხუანი

Line of ed.: 35       სიხარულით ვდღესასწაულობდეთ ტაძარსა შენსა ყოლად წმიდასა,
Line of ed.: 36    გალობით შევასხმიდეთ შემოქმედსა, ყოველთა მომცემელსა
Page of ed.: 294   Line of ed.: 1    ცხორებისასა, რომელმან შეამკო ეკლესიაჲ დიდებითა და აღავსო
Line of ed.: 2    იგი მადლითა სულისა წმიდისაჲთა, და მას შინა გამოაჩინნა წმიდანი
Line of ed.: 3    მოციქულნი, რომელნი დაუცხრომელითა ჴმითა ღაღადებენ და
Line of ed.: 4    იტყუიან: რომელი ყოველთა მთავრობათა ზედა უფალ ხარ, კურთხეულ
Line of ed.: 5    ხარ.

Line of ed.: 6       მოსე აღმართა კარავი და მას შინა განწმიდა ეზოჲ იგი, ხოლო
Line of ed.: 7    ქრისტემან, მაცხოვარმან ჩუენმან, თუისითა სისხლითა განწმიდა
Line of ed.: 8    ეკლესიაჲ და მას შინა გამოაჩინნა წმიდანი მოციქულნი, რომელი
Line of ed.: 9    დაუცხრომელითა ჴმითა ღაღადებენ და იტყუიან: რომელი
Line of ed.: 10    ყოველთა მთავრობათა ზედა უფალ ხარ, კურთხეულ ხარ,


Line of ed.: 11       აკურთხევდითსა

Line of ed.: 12       გალობასა შენდა შევსწირავთ ანგელოზთასა ტაძარსა შინა
Line of ed.: 13    ყოლად წმიდასა, აგ[ამაღლებთ და ვიტყჳთ: აკურთხევდით ყოველნი საქმენი
Line of ed.: 14    უფლისანი უფალსა.

Line of ed.: 15       შენ, ქრისტე, გაკურთხევთ, ვითარცა მოწყალე ხარ, ტაძარსა
Line of ed.: 16    შინა ყოლად წმიდასა, აგამაღ[ლებთ და ვიტყჳთ: აკურთხევდით ყოველნი
Line of ed.: 17    საქმენი უფლისანი უფალსა,

Line of ed.: 18       სატფურებასა ვდღესასწაულობთ საიდუმლოჲსა შენისა საკურთეველისასა.
Line of ed.: 19    აგ[ამაღლებთ და ვიტყჳთ: აკურთხევდით ყოველნი
Line of ed.: 20    საქმენი უფლისანი უფალსა.


Line of ed.: 21       სხუანი

Line of ed.: 22       რომელი გარდამოჴდა ზეცით, ჯუარსა დაემსჭუალა, ადგომითა
Line of ed.: 23    მისითა ეკლესიანი გუირგუინოსან ყვნა, უფალსა უგა[ლობდით
Line of ed.: 24    და უფროსად ამაღლებდით მას უკუნისამდე,

Line of ed.: 25       რომელმან დაამტკიცა ეკლესიაჲ ზედა კლდესა სარწმუნიებისასა,
Line of ed.: 26    შეზღუდა იგი საჭურველითა ჯუარის[აჲთა, უფალსა უგალობდით
Line of ed.: 27    და უფროჲსად ამაღლებდით მას უკუნისამდე.

Line of ed.: 28       რომელმან ყოლად წმიდაჲ ტაძარი სალოცველად ჩუენ მოგუანიჭე,
Line of ed.: 29    რომელსა შინა სულმან წმიდამან დაიმკუიდრა, უფალსა [უგალობდით
Line of ed.: 30    და უფროჲსად ამაღლებდით მას უკუნისამდე.

Line of ed.: 31       რომელმან მადლი ზეცისაჲ ტაძარსა თუისსა გარდამოავლინა
Line of ed.: 32    განსანათლებელად მორწმუნეთა, უფალსა უგალობდით და უფროჲსად
Line of ed.: 33    ამაღლებდით მას უკუნისამდე,

Line of ed.: 34       სამთა მათ ყრმა.

Line of ed.: 35       რომელი სამებით და ერთარსებით იდიდების მაღალთა შინა ღმერთი.


Line of ed.: 36       ადიდებდითსა

Line of ed.: 37       შენ, ყოლად ქებულო უბიწოო [ღმრთისმშობელო, რომელი შემდგომად
Line of ed.: 38    მეორედ ეზოჲ ტაძრისაჲ ხარ, რომელსა ჰრქჳან წმიდაჲ წმიდათაჲ,
Line of ed.: 39    გალობით გადიდებთ.

Page of ed.: 295  
Line of ed.: 1       შენ, რომელი იქები ცათა შინა ანგელოზთაგან და ეკლესიასა
Line of ed.: 2    შინა ღმერთი, მხოლოსა ყოველთა უფალსა გალობით გადიდებთ.

Line of ed.: 3       შენ, წმიდამყოფელსა და მომანიჭებელსა ჩუენდა ტაძარსა შინა,
Line of ed.: 4    რომელი ადიდე, მაცხოვარ, რომელსა შინა ყოველთა უფალსა
Line of ed.: 5    გალობით გადიდებთ.


Line of ed.: 6       სხუანი

Line of ed.: 7       დღეს გამოგუიჩნდა მეუფეჲ მეუფეთაჲ და უფალი უფლებათაჲ
Line of ed.: 8    წმიდასა ეკლესიასა, რომელსა შინა იდიდების სული წმიდაჲ
Line of ed.: 9    და იხარებს სიმრავლეჲ ანგელოზთაჲ. გალობით ვადიდებთ მამასა
Line of ed.: 10    მოწყალესა.

Line of ed.: 11       დღეს დაემტკიცა წმიდაჲ საკურთხეველი წმიდასა ეკლესიასა
Line of ed.: 12    შინა, რომელსა ზედა შეიწირვის ცხოველსმყოფელი ჴორცი და სისხლი
Line of ed.: 13    ქრისტეჲსი მოსატევებელად ცოდვათა და ცხორებად საუკუნოდ.

Line of ed.: 14       გალობითა ვადიდებდეთ მამასა მოწყალესა,

Line of ed.: 15       დღეს წარავლინნა ქრისტემან წმიდანი მოციქულნი განათლებად
Line of ed.: 16    სოფლისა და დამტკიცებად ეკლესიათა და მოქცევად შეცთომილთა.
Line of ed.: 17    გალობით ვადიდებდეთ მამასა მოწყალესა,


Line of ed.: 18       აქებდითსა

Line of ed.: 19       ქებითა და დიდებითა შემკობილ არს ეკლესიაჲ შენი, ქრისტე
Line of ed.: 20    ღმერთო, რომელსა შინა გამობრწყინდა მადლი ჯუარისა შენისაჲ
Line of ed.: 21    და დაჴსნდა ჯოჯოხეთისა ძალი,

Line of ed.: 22       მსგავსად ნათლისა გამობრწყინდა ეკლესიაჲ შენი, ქრისტე,
Line of ed.: 23    საყოფელად წმიდათა შენთა მოციქულთა, რომელსა შინა იდიდების
Line of ed.: 24    სული წმიდაჲ და იხარებს სიმრავლეჲ ანგელოზთაჲ.

Line of ed.: 25       აივსო დიდებითა ქუეყანაჲ შენი, უფალო, რომელ შეჰქმენ
Line of ed.: 26    მარჯუენითა შენითა. მოციქულნი ახარებენ, სახარებაჲ დამტკიცნების,
Line of ed.: 27    ეკლესიაჲ ამაღლდების უმეტეჲს, ცოდვილნი ჰპოვებენ შენგან
Line of ed.: 28    წყალობასა.

Line of ed.: 29       მოადეგით, ერნო, სიონსა და მოიცევით იგი და მიეცით დიდებაჲ
Line of ed.: 30    ღმერთსა მას შინა, რამეთუ ესე არს დედაჲ ყოველთა ეკლესიათაჲ,
Line of ed.: 31    რომელსა შინა სულმან წმიდამან დაიმკუიდრა.

Line of ed.: 32       უფალი ნათელ ჩემდა, უფალი მაცხოვარ ჩემდა, რომელმან
Page of ed.: 296   Line of ed.: 1    განანათლა სოფელი დიდებით და დაამტკიცნა ეკლესიანი ჯუარითა
Line of ed.: 2    პატიოსნითა.

Line of ed.: 3       გიხაროდენ ეკლესიასა წმიდასა და შესაკრებელსა ბევრის-ბევრეულთასა,
Line of ed.: 4    რომელსა შინა სული წმიდაჲ გამოჩნდა და ეტყოდა
Line of ed.: 5    მოციქულთა: აამაღლეთ ჴმაჲ ქებისა თქუენისაჲ სიონს შინა და მიეცით
Line of ed.: 6    დიდებაჲ ღმერთსა მას შინა.

Line of ed.: 7       ანგელოზებრსა ჴმასა შევსწირავთ შენდა, წმიდაო ღმრთისა
Line of ed.: 8    ეკლესიაო, რომელი დაგაფუძნეს წმიდათა მოციქულთა. გიხაროდენ,
Line of ed.: 9    უფალი შენ თანა. დაგამტკიცა შენ მშუიდობით ქრისტემან, მხოლოდშობილმან
Line of ed.: 10    მაუფემან საუკუნეთამან.

Line of ed.: 11       ეკლესიაჲ შენი, ქრისტე მჴსნელო, დიდებითა შეამკვე და სამკურნალოდ
Line of ed.: 12    გამოაჩინე, განაწესე საყოფელად წმიდათა შენთა მოციქულთა,
Line of ed.: 13    რომელთა ქადაგეს აღდგომაჲ შენი.


Line of ed.: 14       სხუანი

Line of ed.: 15       ცანი ცათანი, შემკულნი ვარსკულავითა, და ქუეყანაჲ, შემოსილი
Line of ed.: 16    ყუავილითა, მობაძავ ცათა იქმნების დღეს, რამეთუ ჯუარი
Line of ed.: 17    აემართა ეკლესიასა, რომლითა განმიჴუნა ჩუენ სამოთხისა ბჭენი
Line of ed.: 18    და მიჩუენა ჩუენ მამისა მიერ ათქმული. აწ, მოვედით ქრისტეჲსშემოსილნო
Line of ed.: 19    ერნო, ამას უკუდავსა მეუფესა ვაქებდეთ და ვიტყოდით:
Line of ed.: 20    წმიდაო ღმერთო, შეგუიწყალენ ჩუენ.

Line of ed.: 21       დაეცა მტერი და დაითრგუნა სიკუდილი, რამეთუ ჯუარი აემართა
Line of ed.: 22    ეკლესიასა, რომლითა გონებანი ჩუენნი გუირგუინოსან იქმნებიან.
Line of ed.: 23    აწ მოვედით, ქრისტეჲს შემოსილნო ერნო, ამას უკუდავსა
Line of ed.: 24    მეუფესა ვაქებდეთ და ვიტყოდეთ: წმიდაო ძრიელო, შეგუიწყალენ
Line of ed.: 25    ჩუენ.

Line of ed.: 26       ვითარცა მთანი გარემოჲს იერუსალემსა, ეგრეჲთვე დიდებული
Line of ed.: 27    ეკლესიაჲ შენი მოციქულთა გარემოჲს შემოკრებულ არიან წმიდასა
Line of ed.: 28    ეკლესიასა შენსა, რომელსა შინა შეიწირვის ჴორცი და სისხლი
Line of ed.: 29    ქრისტეჲსი ცოდვათა ჩუენთათვის და ცხორებად საუკუნოდ. აწ
Line of ed.: 30    მოვედით, ქრისტეჲს-შემოსილნო ერნო, ამას უკუდავსა მეუფესა
Line of ed.: 31    ვაქებდეთ და ვიტყოდით: წმიდაო უკუდაო, შეგუიწყალენ ჩუენ.

Line of ed.: 32       უხილავთა მჴედრობაჲ დღეს იხარებს, რამეთუ მომატყუებელ
Line of ed.: 33    ჩუენდა ანგელოზნი და ზიარ კაცთა იქმნების წმიდაჲ ეკლესიაჲ,
Line of ed.: 34    რომლითა განიდევნა საცთური და დაემტკიცა სარწმუნოებაჲ ახალი.

Line of ed.: 35       აწ მოვედით, ღმერთ-შემოსილნო ერნო, ამას ყუავილ-განფენილსა
Line of ed.: 36    დღესა ვაქებდეთ და ვიტყოდით: წმიდაო სამებაო, შეგუიწყალენ
Line of ed.: 37    ჩუენ.

Page of ed.: 297  
Line of ed.: 1       სხუანი

Line of ed.: 2       რომელი ნათელ[სა დამკჳდრებულ ხარ მიუწდომელსა და გარემოჲს
Line of ed.: 3    დგანან ანგელოზნი, ქველისმოქმედი ღმერთი გარდამოჰჴედ სიმდაბლითა,
Line of ed.: 4    იშევ წმიდისაგან ქალწულისა უქცეველად, უჩუენე სოფელსა განკაცებაჲ,
Line of ed.: 5    რომლითა განათლდეს ეკლესიანი.

Line of ed.: 6       რომელი უფალ ხარ ცათაჲ და ქუეყანისაჲ [და შემოქმედ საუკუნეთა,
Line of ed.: 7    მოხუედი, ნებსით ჴორცნი თჳსნი ჯუარსა ზედა განიპყრენ და
Line of ed.: 8    პირველისა მამისა ცოდვაჲ ჯუარითა აჰჴოცე, ჯოჯოხეთით აღმოიყვანენ
Line of ed.: 9    დაბნელებულნი, რომლითა განათლდეს ეკლესიანი.

Line of ed.: 10       რომელმან სიტყუითა ცანი დაამყარენ და [ქუეყანაჲ წყალთა ზედა
Line of ed.: 11    დააფუძნე, კლდესა ზედა დაამტკიცე ეკლესიაჲ, ზაქარია ღაღადებდა სიონისათჳს:
Line of ed.: 12    განხმულ არიან ბჭენი სიონისანი და განფენილ არს მადლი
Line of ed.: 13    სულისა მიერ წმიდისა ზეგარდამო. დღეს განშუენდების ეკლესიაჲ.

Line of ed.: 14       რომელმან წინაწარმეტყუელთა ჴმანი.

Line of ed.: 15       რომელმან აღრაცხე სიმრავლეჲ.

Line of ed.: 16       დავითის მიერ თქმული.


Line of ed.: 17       ოხითაჲ ა

Line of ed.: 18       უფროჲს მზისთუალისა შემკობილი დიდებული შენი საფლავი
Line of ed.: 19    ყოლადვე ცხორება ექმნა სოფელსა, ქრისტე ღმერო, რამეთუ
Line of ed.: 20    პირველ, ოდეს დაიდვა ყოლად წმიდაჲ გუამი შენი მას შინა, მაშინ
Line of ed.: 21    განქარდა ჴრწნილებაჲ და შეიმუსრა საწერტელი სიკუდილისაჲ. ხოლო
Line of ed.: 22    ამას დღესა სატფურებისასა იხარებენ წმიდანი ეკლესიანი,
Line of ed.: 23    რამეთუ ამის მიერ მოგუენიჭების ლხინებაჲ და ცოდვილნი ჰპოვებენ
Line of ed.: 24    შენდობასა ცოდვათასა და დიდსა წყალობასა, რომლისა მიერ
Line of ed.: 25    მიჴსნენ ჩუენ, სახიერო და კაცთმოყუარეო უფალო. დიდებაჲ ცხოველს-მყოფელსა
Line of ed.: 26    ადგომასა შენსა.


Line of ed.: 27       ფსალმუნი ჴ̃ჲ ა გ̃ი

Line of ed.: 28       ყოველი თესლები, რავდე (ps. 85, 9 Link to psa).


Line of ed.: 29       დასადებელი

Line of ed.: 30       რამეთუ შენ, უფალი, ტკბილ [და მართალ (ps. 85, 5 Link to psa).


Line of ed.: 31       ალელუაჲ ჴ̃ჲ ა გ̃ი

Line of ed.: 32       აღვივსენით ჩუენ კეთილითა სახლისა (ps. 64, 5 Link to psa).


Line of ed.: 33       ჴელთაბანისაჲ ჴ̃ჲ ა გ̃ი

Line of ed.: 34       ჴმაჲ წინაწარმეტყუელთა შენთაჲ -- ესაიაჲსი და დავითისი აღესრულა,
Line of ed.: 35    ღმერთო, რომელსა იტყოდეს: მოვიდენ ყოველნი ნათესავნი
Line of ed.: 36    და თაყუანის-გცენ შენ წინაშე, რამეთუ აჰა ესერა ერი შენითა,
Line of ed.: 37    ქველისმოქმედ, მადლითა აღივსების ეზოთა შენთა. გევედრებიან
Page of ed.: 298   Line of ed.: 1    შენ, რომელმან ჯუარცუმაჲ დაითმინე და ცხოველსმყოფელითა შენითა
Line of ed.: 2    ადგომითა დაგუიცვენ და შეგუიწყალენ ჩუენ.


Line of ed.: 3       სიწმიდისაჲ ალელუაჲთა.



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.