TITUS
Udzv.iadg.
Part No. 68
Previous part

Date: WMagn._4   Link to lektpar
Line of ed.: 13  მე-ზ-სა ოთხშაბათსა


Line of ed.: 14       განძლიერდასა ჴ̃ჲ ა

Line of ed.: 15       \ რომელმან განგებულებაჲ ცხორებისა ჩუენისაჲ ჯუარითა
Line of ed.: 16    ჯერ-იჩინე, მო-რაჲ-ხუედ ვნებად ნეფსით თუისით, რამეთუ არ[ავინ
Line of ed.: 17    არს წმიდაჲ შენსა გარეშე, უფალო].

Line of ed.: 18       \ რომელი ღმერთ ხარ, იმსახურები ანგელოზთაგან, დღეს
Line of ed.: 19    ჴელთაგან ცოდვილისათა შეიხე ნელსაცხებელი, რამეთუ არ[ავინ
Line of ed.: 20    არს წმიდაჲ შენსა გარეშე, უფალო].

Line of ed.: 21       ერთმან ათორმეტთაგანმან განიზრახა მიცემაჲ შენი ურჩულოთა
Line of ed.: 22    მღდელთმოძღუართა, რომლითა დათმენაჲ სულგრძელებისა
Line of ed.: 23    შენისაჲ იქმნა ჩუენდა ცხორება, უფალო, [რამეთუ არავინ არს
Line of ed.: 24    წმიდაჲ შენსა გარეშე, უფალო].


Line of ed.: 25       აკურთხევდითსა

Line of ed.: 26       ყოველთა შემოქმედისა ღმრთისა კაცობრივისა ბუნებისა ვნებასა
Line of ed.: 27    მორწმუნენი \ გალობით და დიდების-მეტყუელებით აღვასრულებდეთ.
Line of ed.: 28    მღდელნი აკუ[რთხევდით, ერნი უფროჲსად ამაღლებდით
Line of ed.: 29    მას უკუნისამდე].

Line of ed.: 30       განზრახვაჲ ვნებისაჲ დღეს მოწაფისაჲთა დაამტკიცეს ქრისტეჲსთუის
Line of ed.: 31    ჰურიათა, რომლითა ჩუენ მძლავრებისაგან მტერისა ვიჴსნენით.
Line of ed.: 32    მღდელნი აკ[ურთხევდით, ერნი უფროჲსად ამაღლებდით
Line of ed.: 33    მას უკუნისამდე].

Line of ed.: 34       რომელმან კაცთმოყუარებისათუის პირველ დაფლვისა გამოსახა
Page of ed.: 184   Line of ed.: 1    ცოდვილისაგან \ სიმდაბლით ნელსაცხებლისა შეწირვითა, მღ[დელნი
Line of ed.: 2    აკურთხევდით, ერნი უფროჲსად ამაღლებდით მას უკუნისამდე].


Line of ed.: 3       \ ადიდებდითსა

Line of ed.: 4       გადიდებთ შენ, ზეცისა სძალსა, ღმრთისა დედასა და ქალწულსა,
Line of ed.: 5    რომელმან გამოუთქმელად შევ ქრისტე, ღმერთი ჩუენი. ამისთუისცა
Line of ed.: 6    ყოველი თესლები გნატრის შენ.

Line of ed.: 7       \ გადიდებთ შენ, ზეცისა სიძესა, შობილსა ქალწულისაგან, რომელი
Line of ed.: 8    ნეფსით ჴორცითა მოხუედ ვნებად ჯუარითა, რომლითა განგუათავისუფლენ
Line of ed.: 9    ჩუენ საუკუნოჲსა ბნელისაგან.

Line of ed.: 10       შენ საფასისათუის უკუდავებისა მიცემად ვნებისათუის განიზრახა
Line of ed.: 11    დღეს მოწაფემან ურჩულოთა მღდელთმოძღუართა, არამედ
Line of ed.: 12    მათ ექმნა დარჩილება, ხოლო ჩუენ -- დიდება და ცხორება.

Line of ed.: 13       წადიერებით ნელსაცხებლითა შენდა მოივლტოდა ცხებად, რომელი
Line of ed.: 14    შეიწირე, ქრისტე, ცოდვილისაგან სიმდაბლით. მის თანა ჩუენცა
Line of ed.: 15    მოგუანიჭე შენდობაჲ ცოდვათაჲ და დიდი წყალობაჲ.


Line of ed.: 16       აქებდითსა ჴ̃ჲ გ

Line of ed.: 17       \ დღეს შეკრბეს ურჩულონი ჰურიანი \ სიტყუად ამაოსა შენთუის
Line of ed.: 18    და იზრახეს ზრახვაჲ ურჩულოებისაჲ, რომელი ვერ
Line of ed.: 19    დაამტკიცეს.

Line of ed.: 20       დღეს შევიდა იუდა წინაშე მღდელთმოძღუართასა და ეტყოდა
Line of ed.: 21    მათ მიცემასა შენთუის და იგინი აუთქმიდეს მას წარწყმედისა ფასსა
Line of ed.: 22    სასწორითა.

Line of ed.: 23       დღეს დაუტევა იუდა საფასეჲ მოუკლებელი ნეფსით ცათა შინა
Line of ed.: 24    [და მოიღ]ებდა ურჩულოთა ჰურიათა[გან]წარწყმედისა ფასსა
Line of ed.: 25    სასწორ[ითა].


Line of ed.: 26       უფალო ღაღატყავსა ჴ̃ჲ გ

Line of ed.: 27       ჯუარისა მიერ ჩუენისა ჴსნისათუის განზრახვაჲ დღეს მოწაფისაჲთა
Line of ed.: 28    დაამტკიცეს ურჩულოთა \ ვნებისათუის უფლისა. აწ მოვედით,
Line of ed.: 29    მორწმუნენო, ამისა ქებასა შევსწირვიდეთ, რომელმან აცხოვნნა
Line of ed.: 30    სულნი ჩუენნი.

Line of ed.: 31       \ რომელი შეუხებელ და უხილავ ხარ ღმრთეებითა, იხილვე მონისა
Page of ed.: 185   Line of ed.: 1    ხატითა, შეიხე ჴელთაგან ცოდვილისათა ნელსაცხებელი და მოგუანიჭე
Line of ed.: 2    ჩუენ მის თანა შენდობაჲ ცოდვათაჲ და დიდი
Line of ed.: 3    წყალობაჲ.

Line of ed.: 4       ერთმან ათორმეტთაგანმან ურჩულოთა მღდელთმოძღუართა
Line of ed.: 5    [აუთქუა მიცემაჲ შენი, უფალო, და] ეძიებდა ჟამსა მარჯუესა. მათ
Line of ed.: 6    ექმნა საცთურ, ხოლო ჩუენდა -დიდება და ცხორება.


Line of ed.: 7       ოხითაჲ ჴ̃ჲ ა

Line of ed.: 8       ოდეს ცოდვილი იგი შესწირ\ვიდა ნელსაცხებელსა, \ მაშინ მოწაფეჲ
Line of ed.: 9    იგი შეეზრახა ურჩულოთა მათ. მას უხაროდა და დაასახმიდა
Line of ed.: 10    მრავალსასყიდლისასა მას, ხოლო იგი ისწრაფდა მიცემად უსასყიდლოსა
Line of ed.: 11    მას. ამან უფალი იცნა, ხოლო \ იგი უფალსა განეშორებოდა.
Line of ed.: 12    ესე განთავისუფლდებოდა და იუდა მონა იქმნებოდა მტერისა
Line of ed.: 13    ბოროტისა განზრახვითა. ვითარ დიდ არს სინანული, რომელი მომეც
Line of ed.: 14    ჩუენ, მაცხოარ, რომელმან ივნე ჩუენთუის და მაცხოვნენ
Line of ed.: 15    ჩუენ.


Line of ed.: 16       ფსალმუნი

Line of ed.: 17       გარე განვიდის [და მასვე იტყჳნ ვიდრე ზრახვიდეს ბოროტსა]
Line of ed.: 18    (ps. 40, 7-8 Link to psa).


Line of ed.: 19       დასადებელი

Line of ed.: 20       ნეტარ არს, რომელმან გ[ულის ვიდრე არა მისცეს იგი ჴელთა
Line of ed.: 21    მტერთა მისთასა]. (ps. 40, 2-3 Link to psa).



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.