TITUS
Udzv.iadg.
Part No. 65
Previous part

Date: WMagn._1   Link to lektpar
Line of ed.: 6  ბზობასა


Line of ed.: 7       უფალო ღაღატყავსა ჴ̃ჲ ა

Line of ed.: 8       \ მწუხრისა მსხუერპლსა შევსწირავთ შენდა, ქრისტე ღმერთო,
Line of ed.: 9    რომელმან ჯერ-იჩინე კიცუსა ზედა დაჯდომაჲ და ყრმათაგან ებრაელთა
Line of ed.: 10    ბაიაჲ შეიწირე, და დაგიფენდეს ყრმანი შტოებსა წმიდასა
Line of ed.: 11    ქალაქსა გზასა ზედა, სიმრავლეჲ მო[რწმუნეთაჲ].

Line of ed.: 12       ყრმანი ებრაელნი ბაიაჲთა მიგეგებოდეს შენ, ქრისტე, მაცხოვარსა
Line of ed.: 13    სოფლისასა. გიღაღადებდეს და იტყოდეს: ოსანა მაღალთა
Line of ed.: 14    შინა, კურთხეულ არს მომავალი სახელითა უფლი[საჲთა].

Line of ed.: 15       კიცუსა ზედა მჯდომარესა ქრისტესა \ მეუფესა ყოველნი \ უგალობდეთ,
Line of ed.: 16    ვღაღადებდეთ და ვიტყოდით: დიდებაჲ მაღალთა შინა
Line of ed.: 17    ღმერთსა, ქუეყანასა ზედა მშუიდობაჲ, კაცთა შორის სათნოებაჲ,
Line of ed.: 18    რომელი მოვიდა ცხორებად ჩუენდა.

Line of ed.: 19       \ დაუფენდა ერი იგი გზასა ზედა შტოებსა და რომელნიმე სამოსელსა.
Line of ed.: 20    გიღაღადებდეს და იტყოდეს: ჵსანასა მაღალთა შინა, კურთხეულ
Line of ed.: 21    ხარ შენ, მაცხოვარ.

Line of ed.: 22       \ ბაიაჲ აქუნდა ყრმებსა მას ძლევისა გალობასა წინაშე შენსა,
Line of ed.: 23    უფალო, რომელმან ჯერ-იჩინე ცხორებისათუის ჩუენისა ვნებაჲ
Line of ed.: 24    და წარმართთა მოწოდებაჲ კიცუსა ზედა დაჯდომითა წინა-აუწყე.

Line of ed.: 25       გიგალობდეს შენ, მაცხოვარ: ჵსანა მაღალთა შინა, კურთხეულ
Line of ed.: 26    არს მომავალი სახელითა უფლისაჲთა, რომელნი აცხოვნებს შეცთომილთა,
Line of ed.: 27    მხოლოჲ მრავალმოწყალეჲ.

Line of ed.: 28       რომელმან ჯერ-იჩინე სიმდაბლით ქალაქად წმიდად შესლვაჲ იერუსალემდ
Line of ed.: 29    აღსრულებად წერილისა, და ყრმანი ებრაელთანი შესხმით გიღაღადებდეს
Line of ed.: 30    და იტყოდეს: ოსანა მაღალთა შინა, კურთხეულ არს მომავალი სახელითა
Line of ed.: 31    უფლისაჲთა.

Page of ed.: 166  
Line of ed.: 1       სხუანი ჴ̃ჲ დ

Line of ed.: 2       კურთხეულ არს მომავალი დიდებითა და ანგელოზთა თანა
Line of ed.: 3    ძრიელებითა და მაცხოვარებითა, რომელი აცხოვნებს ნათესავსა
Line of ed.: 4    კაცთასა.

Line of ed.: 5       კიცუსა ზედა მჯდომარესა რტოებითა მიგეგებოდეს ყრმანი
Line of ed.: 6    ებრაელნი, ჴმითა მაღლითა მეუფესა გიგალობდეს შენ: ოსანა ძესა
Line of ed.: 7    დავითისსა, რომელი მომავალ არს ჴორცითა ვნებად, აჴოცად
Line of ed.: 8    ცოდვათა სოფლისათა და ცხორებად ნათესავისა კაცთაჲსა.


Line of ed.: 9       \ უგალობდითსა

Line of ed.: 10       \ ფარაო [ეტლებითურთ ქრისტემან, ღმერთმან ჩუენმან, ზღუასა
Line of ed.: 11    დაათქა და გამოიყვანა ერი თჳსი, სიხარულით ღაღადებდეს და იტყოდეს:
Line of ed.: 12    უგალობდით უფალსა, რამეთუ დიდებით დიდებულ არს].

Line of ed.: 13       \ რომელი ჴორციელ იქმნა ჩუენთუის ქალწულისაგან ღმრთისა
Line of ed.: 14    სიტყუაჲ, ვადიდებდეთ მჴსნელსა ყოველთა[სა, ვაქებდეთ და ვიტყოდით:
Line of ed.: 15    უგალობდით უფალსა, რამეთუ დიდებით დიდებულ არს].

Line of ed.: 16       რომელი კიცუსა ზედა დღეს დასჯედი და მოწოდებაჲ აუწყე წარმართთა
Line of ed.: 17    ეკლესიასა, რაჲთა ყოველნი ვღაღადებდეთ და ვიტყოდით:
Line of ed.: 18    უგა[ლობდით უფალსა, რამეთუ დიდებით დიდებულ არს].

Line of ed.: 19       \ რომელმან სიტყუითა ღმერთი [უთესლოდ შვა].


Line of ed.: 20       სხუანი

Line of ed.: 21       უგალობდეთ გალობითა ახლითა დაუსაბამოსა ღმერთსა, მჴსნელსა
Line of ed.: 22    ისრაელისასა, რომელი მოვიდა დღეს სიმდაბლით კარაულითა
Line of ed.: 23    იერუსალემდ, რომელსა ყრმანი ებრაელნი ბაიაჲთა მიეგებოდეს და
Line of ed.: 24    სიხარულით იტყოდეს: უგალობდეთ (უფალსა).

Line of ed.: 25       აქუნდა რტოები ბაიაჲსაჲ ყრმებსა, წინა-მიგეგებოდეს და
Line of ed.: 26    რომელნიმე სამოსელსა მათსა დაუფენდეს, რომელი მაღალთა შინა
Line of ed.: 27    ანგელოზთა მიერ იქების, და სიხარულით იტყოდეს: უგალობდეთ
Line of ed.: 28    უფალსა.


Line of ed.: 29       მოიხილესა

Line of ed.: 30       მოიხილე, ცა[ო, და ვიტყოდით და უგალობდეთ ღმერთსა მხოლოსა,
Line of ed.: 31    კაცთმოყუარესა].

Line of ed.: 32       დაიცვენ შენნი მოსავნი, რომელმან კიცუსა ზედა დაჯდომაჲ
Line of ed.: 33    ჯერ-იჩინე, ქრისტე ღმერთო.

Line of ed.: 34       მართალ და წმიდა არს უფალი, რომელმან ყრმათაგან ებრაელთა
Line of ed.: 35    ბაიაჲ შეიწირე.

Line of ed.: 36       დიდებაჲ შენდა, დიდებაჲ შენდა, მეუფეო დიდებისაო, რომელმან
Line of ed.: 37    დაიმდაბლე თავი თუისი გ[ანზრახვით, რაჲთა მონისა ხატისა
Line of ed.: 38    შემოსითა განათავისუფლო ადამ].

Page of ed.: 167  
Line of ed.: 1       იხილეთ, იხილეთ უფალი, ღმერთი ჩუენი, რომელი ანგელოზთა \ მიერ
Line of ed.: 2    მამისა თანა იქების და ყრმათაგან ებრაელთა ბაიაჲ შეიწირა.

Line of ed.: 3       იხილეთ, იხილეთ უფალი, ღმერთი ჩუენი, რომელი მაღალთა შინა მარადის
Line of ed.: 4    მყოფ არს მამისა თანა, კიცუსა ზედა დაჯდა და აცხოვნა კაცი.


Line of ed.: 5       სხუანი

Line of ed.: 6       მიეცით, ერნო, დიდებაჲ ღმერთსა, ცათა შინა ანგელოზთა მიერ
Line of ed.: 7    ქებულსა, და ქუეყანასა ზედა ყრმათა თანა რტოებითა \ მივეგებოთ
Line of ed.: 8    და ვიტყოდით, რამეთუ: მართალ და წმიდა არს უფალი.

Line of ed.: 9       უფალი ღმერთი ჩუენი, რომელი გარდამოჴდა ზეცით, ქალწულისაგან
Line of ed.: 10    უბიწოჲსა ჴორციელ იქმნა უქცეველად და საყდართა
Line of ed.: 11    წილ ჯერ-იჩინა დაჯდომაჲ კიცუსა ზედა, რაჲთა ჩუენ მოგუიწოდოს.
Line of ed.: 12    და ყრმათა თანა [რტოებითა მივეგებოთ და ვიტყოდით, რამეთუ:
Line of ed.: 13    მართალ და წმიდა არს უფალი].

Line of ed.: 14       დიდებაჲ შენდა, დიდებაჲ შენდა, უფალო, რომელმან ჯერიჩინე
Line of ed.: 15    დაჯდომაჲ კიცუსა ზედა, შეხუედ იერუსალემდ და ებრაელთა
Line of ed.: 16    ყრმანი წინა-მიგეგებოდეს და იტყოდეს, რამეთუ: მართალ და
Line of ed.: 17    წმიდა ხარ, შეგუიწყალენ ჩუენ, უფალო.


Line of ed.: 18       განძლიერდასა

Line of ed.: 19       განმაძრიელე მე, ქრისტე, [რომელი ქალწულისაგან იშევ უთესლოდ
Line of ed.: 20    და მიჴსნენ ჩუენ მრავალთაგან ცოდვათა ჩუენთა, ვითარცა კაცთმოყუარე
Line of ed.: 21    ხარ].

Line of ed.: 22       კიცუსა ზედა დასჯედი, ქრისტე, დღეს და შეიწირე ყრმათაგან
Line of ed.: 23    ქებაჲ. ოსანა, გიღაღადებდეს, კურთხეულ ხარ შენ, მაცხოვარ.

Line of ed.: 24       \ დაგიფენდეს ყრმანი შტოებსა წმიდასა ქალაქსა წინა გზასა
Line of ed.: 25    შენსა და ესენი აღავსენ შე\ნითა სარწმუნოებითა, უფალო.


Line of ed.: 26       \ სხუანი

Line of ed.: 27       განაძრიელენ, უფალო, გულნი ჩუენნი გალობად შენდა, მეუფისა
Line of ed.: 28    დიდებისაჲსა, რომელი მონებრივითა ხატითა კიცუსა ზედა
Line of ed.: 29    მჯდომარეჲ იხილვე დღეს. რამეთუ არა[ვინ არს წმიდა].

Line of ed.: 30       ძლევად შემოსილნი ყრმანი რტოებითა ბაიაჲსაჲთა ქებასა შესწირვიდეს,
Line of ed.: 31    ღაღადებდეს და იტყოდეს: გუაცხოვნენ ჩუენ, რომელი
Line of ed.: 32    მოხუედ შეცთომილთათუის, რამეთუ არავინ არს წმიდა.


Line of ed.: 33       უფალო მესმასა

Line of ed.: 34       \ გამოუბრწყინდა მადლი შენი წარმართთა და ყრმანი რტოებითა
Line of ed.: 35    გაქებდეს შენ. ოსანა, გიღაღადებდეს შენ, მაცხოვარ.

Page of ed.: 168  
Line of ed.: 1       კიცუსა დასჯედი ჴორციელად, ქრისტე, რომელი თანაარსი მამისაჲ
Line of ed.: 2    ხარ ღმრთეებითა, რომლისათუისცა სიმდაბლესა ფლობისა
Line of ed.: 3    \ შენისასა ვადიდებთ.

Line of ed.: 4       ქალწულო გიხაროდენ, უბიწოო, რომელმან გამოუთქუმელად ქრისტე
Line of ed.: 5    ღმერთი.


Line of ed.: 6       სხუანი

Line of ed.: 7       გამოუბრწყინდა მადლი შენი ებრაელთა ყრმათა და რტოებითა
Line of ed.: 8    ბაიაჲსაჲთა წინა-მიგეგებოდეს და იტყოდეს: ოსანა მაღალთა შინა.
Line of ed.: 9    კურთხეულ არს, რომელი \ მოვალს დღეს სიმდაბლით და კუალად
Line of ed.: 10    მოსლვად არს დიდებითა ღმრთეებისაჲთა {!}.

Line of ed.: 11       კიცუსა ზედა მჯდომარეჲ რაჲ გიხილეს ებრაელთა ყრმათა, დაგიფენდეს
Line of ed.: 12    სამოსელსა მათსა გზასა ზედა და ღაღადებით იტყოდეს:
Line of ed.: 13    ოსანა ძესა დავითისსა. დიდებაჲ მაღალთა შინა ღმერთსა, რომელი
Line of ed.: 14    [მოვალს დღეს სიმდაბლით და კუალად მოსლვად არს დიდებითა
Line of ed.: 15    ღმრთეებისაჲთა].

Line of ed.: 16       მოვედით, მორწმუნენო, ვისწაოთ ღმრთის-მეცნიერებისა ესე
Line of ed.: 17    გალობაჲ ყრმათაჲ. განვფინნეთ გულნი ჩუენნი \ სამოსელთა მათ
Line of ed.: 18    წილ, სიხარულით მივეგებოდით მეუფესა, კიცუსა ზედა მჯდომარესა,
Line of ed.: 19    და ვიტყოდით: გუაცხოვნენ ჩუენ, მგალობელნი შენნი, მაცხოვარ,
Line of ed.: 20    რომელი მოხუედ დღეს სიმდაბლით და კუალად მოსლვად
Line of ed.: 21    ხარ დიდებითა ღმრთე[ებისაჲთა].


Line of ed.: 22       \ ღამითგანსა

Line of ed.: 23       ღამითგან აღვიმსთობთ, შენდა დიდებასა შევსწირავთ, უფალო,
Line of ed.: 24    რომელი კიცუსა დასჯედი დღეს და შენითა ღმრთეებითა აღავსენ
Line of ed.: 25    ყოველნი კიდენი.

Line of ed.: 26       \ რომელი რჩულისა მდებელ ხარ და რჩულისა აღმასრულებელ,
Line of ed.: 27    საუნჯეჲ სიხარულისაჲ სოფელსა გამოუჩნდი, ამას თაყუანის-გცემთ.

Line of ed.: 28       თაყუანის-გცემთ შენ, ქრისტე, მამისა და სულისა წმიდისა
Line of ed.: 29    თანა. \ ძლევისა გალობასა ყრმათა თანა შევსწირავთ, ვითარცა მძლესა
Line of ed.: 30    სიკუდილისასა, და შენ, ქრისტე, გადიდებთ.

Page of ed.: 169  
Line of ed.: 1       სხუანი

Line of ed.: 2       ღამისა ამსთობილნი ვემსგავსნეთ ყრმათა მგალობელთა, რომელნი
Line of ed.: 3    წინა-მიგეგებოდეს რტოებითა ბაიაჲსაჲთა, სიხარულით გიგალობდეს
Line of ed.: 4    და გაკურთხევდეს, ქებით შეგასხმიდეს \ ქრისტესა, ჴორციელად
Line of ed.: 5    მომავალსა ვნებად ნეფსით. შენი მშუიდობაჲ მოგუმადლე
Line of ed.: 6    ჩუენ, ქრისტე ღმერთო, რომელნი დაუცხრომელად გიგალობთ შენ.

Line of ed.: 7       ნათლად გამოუბრწყინდი ყრმათა დღეს, რომელთა გიხილეს
Line of ed.: 8    განკაცებული და ღმრთად აგიარეს შენ, ხოლო დაბრმეს თუალნი
Line of ed.: 9    გონებათა მამათა მათთანი, რამეთუ მოხუცებულნი იძლინეს და
Line of ed.: 10    ყრმანი მეცნიერ იქმნნეს \ გალობად შენდამი, მომავალსა ვნებად ნეფსით
Line of ed.: 11    თუისით. შენი მშუიდობაჲ [მოგუმადლე ჩუენ, ქრისტე
Line of ed.: 12    ღმერთო, რომელნი დაუცხრომელად გიგალობთ შენ].


Line of ed.: 13       ღაღატყავსა

Line of ed.: 14       ვღაღატ-ყავ ჭირი [გულისა ჩემი].

Line of ed.: 15       გიღაღადებდეს შენ ყრმანი ებრაელნი, კაცთმოყუარე\ბაჲ აქუნდა.
Line of ed.: 16    აცხოვნე, ქრისტე, რომელი ხარ მაღალთა შინა, შეცოდებული
Line of ed.: 17    ნათესავი კაცთაჲ.


Line of ed.: 18       სხუანი

Line of ed.: 19       \ ღაღადებაჲ იონაჲსი მუცლით გამო ვეშაპისაჲ ისმა სასმენელთა
Line of ed.: 20    შენთა, უფალო, რაჟამს შთავა\რდა იგი სიღრმესა ზღუისასა,
Line of ed.: 21    ხოლო შენ მრავალმოწყალებითა შენითა აღმოიყვანე იგი უფსკრულთაგან
Line of ed.: 22    ჯოჯოხეთისათა უვნებელად.

Line of ed.: 23       საიდუმლოჲ ახალი ისწავეს ყრმათა, რომელი პირველ საუკუნეთა
Line of ed.: 24    წინაწარმეტყუელისაგან გუეუწყა, ვითარმედ: პირთაგან ჩჩუილთა
Line of ed.: 25    მწოვართაჲსა \ დაემტკიცოს ქებაჲ. დღეს ესმა ყოველსა სიმრავლესა
Line of ed.: 26    ერისასა, ყრმანი რაჲ შეგასხმიდეს და ძედ ღმრთისად შენ
Line of ed.: 27    გხადოდეს: მომავალსა დღეს მეუფესა უკუდავსა ერთობით ყოველნი
Line of ed.: 28    ვაკურთხევდეთ.

Line of ed.: 29       საკუირველი, უცხოჲ და სახეჲ წარმართთა მოწოდებისაჲ --
Line of ed.: 30    მაღალთა შინა მარჯულ მამისა მჯდომარემან \ დღეს ქუეყანასა ზედა
Line of ed.: 31    სათნო-იყო კიცუსა ზედა დაჯდომაჲ, რაჲთა წარმართნი გამოგუიჴსნეს
Line of ed.: 32    კერპთმსახურებისაგან და ებრაელნი სამოსელსა მათსა
Page of ed.: 170   Line of ed.: 1    დაუფენდეს და სიხარულით იტყოდეს: მომავალსა დღეს [მეუფესა
Line of ed.: 2    უკუდავსა ერთობით ყოველნი ვაკურთხევდეთ].


Line of ed.: 3       კურთხეულარსა

Line of ed.: 4       ყოველნი საქმენი შენნი ჭ[ეშმარიტებით არიან].

Line of ed.: 5       კიცუსა დასჯედი, მეუფეო, და ყრმანი ებრაელნი გიღაღადებდეს
Line of ed.: 6    შენ, ღმერთსა მამათა ჩუენთასა.

Line of ed.: 7       კიცუსა დასჯედი, მოწყალე, რაჲთა აცხოვნო შეცთომილი \ ნათესავი
Line of ed.: 8    კაცთაჲ და ყოველნი თაყუანის-გცემთ შენ, სარწმუნოებით
Line of ed.: 9    თანაარსსა \ მამისასა და სულისა წმიდისასა, ღმერთსა მამა[თა
Line of ed.: 10    ჩუენთასა].

Line of ed.: 11       ყრმათა ებრაელთა ბაიაჲ შენ მიგიპყრეს, მაცხოვარ, და გალობით გიღაღადებდეს
Line of ed.: 12    შენ, ღმერთსა მამათა ჩუენთასა.


Line of ed.: 13       სხუანი

Line of ed.: 14       \ სამთა ყრმათა ბაბილონს მძლავრსა არცხუინეს, რამეთუ იზრახეს
Line of ed.: 15    წარწყმედაჲ მათი და შესთხინეს საჴუმილსა მას, არამედ შენ გარდამოჰჴედ
Line of ed.: 16    მათ შორის და დაიცვენ იგინი ცუარითა უვნებელად. ხოლო
Line of ed.: 17    აქა დღეს ებრაელთა ყრმათა არცხუინეს მშობელთა მათთა, რამეთუ
Line of ed.: 18    გიცნეს შენ და ჴმითა მაღლითა ღაღადებდეს და იტყოდეს:
Line of ed.: 19    ღმერთო მამათა ჩ[უენთაო, კურთხეულ ხარ შენ].

Line of ed.: 20       დაუკუირდა მთავარანგელოზთა, რაჟამს გიხილეს შენ, ყოველთა
Line of ed.: 21    შემოქმედი ღმერთი, მჯდომარეჲ კიცუსა ზედა, და ყრმანი მათ
Line of ed.: 22    წილ მგალობელად შენ წინაშე, რომელთა აქუნდა ჴელთა მათთა
Line of ed.: 23    შტოები ბაიაჲსაჲ და ჴმითა მაღლითა [ღაღადებდეს და იტყოდეს:
Line of ed.: 24    ღმერთო მამათა ჩუენთაო, კურთხეულ ხარ შენ].

Line of ed.: 25       \ შეძრწუნდეს ქერობინნი და სერაბინნი დღეს, რამეთუ ჟესთა
Line of ed.: 26    საყდართა მსგავსად სათნო-იყავ დაჯდომაჲ კიცუსა ზედა ახლისა
Line of ed.: 27    მოწოდებისათუის წარმართთაჲსა, რაჲთა ჩუენ მომწყუდარნი
Line of ed.: 28    ახლად ერად შენდა გამოგუაჩინე, რომელნი დაუცხ[რომელად ვღაღადებთ
Line of ed.: 29    და ვიტყჳთ: ღმერთო მამათა ჩუენთაო, კურთხეულ ხარ შენ].

Line of ed.: 30       შენ, სამებაო წმიდაო, სამთა მათ ყრმათა შორის გამოსჩნდი
Line of ed.: 31    ალსა მას შინა ბაბილონს. გიხილა მძლავრმან მან მეოთხედ უბრწყინვალეჲს
Line of ed.: 32    მზისთუალისა და თაყუანის-გცა. ამასვე ღმრთეებით
Page of ed.: 171   Line of ed.: 1    განშორებასა მამისაგან და სულისა წმიდისა ძესა ყრმანი ჴორციელითა
Line of ed.: 2    ხილვითა, ვითარცა მეუფესა, ძღუენსა ბაიასა შესწირვიდეს,
Line of ed.: 3    ღაღადებდეს და იტყოდეს: ღმერთო მამათა [ჩუენთაო, კურთხეულ
Line of ed.: 4    ხარ შენ].


Line of ed.: 5       აკურთხევდითსა

Line of ed.: 6       გალობასა შენდა შევსწირავთ ანგელოზთასა, ვითარცა ყრმანი
Line of ed.: 7    ბაიაჲთა შესხმით ვიტყოდით: კურთხეულ არს მომავალი [სახელითა
Line of ed.: 8    უფლისაჲთა].

Line of ed.: 9       \ მოვედით და მივეგებვოდით მომავალსა ვნებად ნეფსით თუისით
Line of ed.: 10    და გალ[ობით ვიტყოდით: კურთხეულ არს მომავალი
Line of ed.: 11    სახელითა უფლისაჲთა].

Line of ed.: 12       \ მოვიდა უფალი განთავისუფლებად რჩულისა ქუეშე დამონებულთათუის.
Line of ed.: 13    და გალობით [ვიტყოდით: კურთხეულ არს მომავალი
Line of ed.: 14    სახელითა უფლისაჲთა].


Line of ed.: 15       სხუანი

Line of ed.: 16       \ დღეს განმხიარულდა იერუსალემი, რაჟამს შეხუედ, მაცხოვარ,
Line of ed.: 17    მჯდომარეჲ კიცუსა ზედა ზეცისა მეუფეჲ, ხოლო კაცობრივი
Line of ed.: 18    ბუნებაჲ რაჲ იხილეს ყრმათა, ღმრთის-მეცნიერებით აღიარებდეს და
Line of ed.: 19    ძლევისა გალობასა ღაღადებდეს და იტყოდეს: მღდელნი აკურთხევდით
Line of ed.: 20    ღმერთსა, რომელი მოვიდა დღეს სიმდაბლით ჴსნად დაბადებულთა
Line of ed.: 21    თუისთათუის. ერნი უფროჲსად ამაღლებდით მეუფესა უკუდავსა
Line of ed.: 22    და ნეფსით ვნებად ჩუენთუის მოსრულსა, რამეთუ უფროჲსად
Line of ed.: 23    ამაღლებულ არს სახელი მისი უკუნისამდე.

Line of ed.: 24       დღეს აღესრულნეს წინაწარმეტყუელთა ჴმანი, რომელსა \ იტყოდეს
Line of ed.: 25    შემოსლვისათუის მაცხოვრისა ქალაქად წმიდად იერუსალემდ:
Line of ed.: 26    აჰა ესერა მოვალს მეუფეჲ შენი მშუიდობით, მჯდომარეჲ
Line of ed.: 27    კარაულსა ზედა, და ებრაელნი წინა-მიგეგებოდეს რტოებითა და სიხარულით
Line of ed.: 28    \ იტყოდეს: მღდელნი [აკურთხევდით ღმერთსა, რომელი
Line of ed.: 29    მოვიდა დღეს სიმდაბლით ჴსნად დაბადებულთა თუისთათუის.

Line of ed.: 30       ერნი უფროჲსად ამაღლებდით მეუფესა უკუდავსა და ნეფსით ვნებად
Line of ed.: 31    ჩუენთუის მოსრულსა, რამეთუ უფროჲსად ამაღლებულ არს სახელი
Line of ed.: 32    მისი უკუნისამდე].

Line of ed.: 33       დღეს აღივსნეს შურითა ურჩულონი ჰურიანი, რაჟამს შემოხუედ,
Line of ed.: 34    მაცხოვარ, იერუსალემდ, აღსრულებად წერილისა, და გულისწყრომით
Line of ed.: 35    იტყოდეს \ ყრმათა მიმართ მათთა, ვითარმედ: ესევითარი
Line of ed.: 36    ღმრთის-მეცნიერებისა გალობაჲ ისწავეს, რომელსა იტყოდეს
Page of ed.: 172   Line of ed.: 1    შენდა მიმართ: ოსანა ძესა \ დავითისსა, კურთხეულ არს მომავალი
Line of ed.: 2    სახელითა უფლისაჲთა მეუფეჲ ისრაელისაჲ. მღდ[ელნი
Line of ed.: 3    აკურთხევდით ღმერთსა, რომელი მოვიდა დღეს სიმდაბლით ჴსნად
Line of ed.: 4    დაბადებულთა თუისთათუის. ერნი უფროჲსად ამაღლებდით მეუფესა
Line of ed.: 5    უკუდავსა და ნეფსით ვნებად ჩუენთუის მოსრულსა, რამეთუ
Line of ed.: 6    უფროჲსად ამაღლებულ არს სახელი მისი უკუნისამდე].


Line of ed.: 7       ადიდებდითსა

Line of ed.: 8       ქრისტემან წარავლინნა მოწაფენი თუისნი დაჴსნად ურჩულოჲსა
Line of ed.: 9    ნათესავისა საცთურსა. კიცუსა ზედა მჯდომარესა ყრმათა თანა
Line of ed.: 10    შტოებითა ვადიდებდეთ.

Line of ed.: 11       რომელი მოვიდა აღდგინებად ბნელსა \ შინა მსხდომარეთა, ლაზარე
Line of ed.: 12    მომკუდარი სიტყუითა აღადგინა. კიცუსა [ზედა მჯდომარესა
Line of ed.: 13    ყრმათა თანა შტოებითა ვადიდებდეთ].

Line of ed.: 14       რომელმან საშოსა ქალწულისასა ადამ შეიმოსა, სიკუდილი
Line of ed.: 15    თავს-იდვა ჴორცითა ნეფსით თუისით. კი[ცუსა ზედა მჯდომარესა
Line of ed.: 16    ყრმათა თანა შტოებითა ვადიდებდეთ].


Line of ed.: 17       სხუანი

Line of ed.: 18       დავითის მიერ თქმულთა აღმასრულებელად ყრმანი გამოჩნდეს,
Line of ed.: 19    რომელთა შეურაცხ-ყვეს გულისწყრომაჲ მოხუცებულთა მათთაჲ და
Line of ed.: 20    შენ მიერ განბრძნობილნი გალობასა შესწირვიდეს \ შენდამი და იტყოდეს: გუაცხოვნენ
Line of ed.: 21       ჩუენ, ძეო დავითისო, რომელი მოხუედ ნეფსით
Line of ed.: 22    ვნებად.

Line of ed.: 23       ქებისა შენისა დამამტკიცებელად ყრმანი ღირს იქმნნეს, რომელთა
Line of ed.: 24    არად შეჰრაცხეს განრისხებაჲ \ მღდელთმოძღუართა მათთაჲ,
Line of ed.: 25    არამედ დაგიფენდეს გზასა ზედა სამოსელსა მათსა და იტყოდეს:
Line of ed.: 26    მოვედით, ერნო, ვადიდებდეთ, \ რომელი მოვალს ნეფსით ვნებად.

Line of ed.: 27       გალობის-მეტყუელნი ებრაელთა ყრმანი დაუდუმებელად დიდების-მეტყუელებით
Line of ed.: 28    წინა-მიგეგებოდეს შენ, უკუდავსა მეუფესა.

Line of ed.: 29       \ ჩუენცა მათ თანა გალობით ვღაღადებთ და ვიტყუით: მოვედით,
Line of ed.: 30    ერ[ნო, ვადიდებდეთ, რომელი მოვალს ნეფსით ვნებად].


Line of ed.: 31       ფსალმუნი სახარებასა წინა, ჴ̃ჲ დ

Line of ed.: 32       არავინ არს მსგავს შენდა ღმერთთა შორის, უფალო, და არაჲ არს საქმეთა
Line of ed.: 33    შენთაებრ. ყოველი თესლები, რავდენი ჰქმენ, მოვიდენ რტოებითა, ღაღადებდენ:
Line of ed.: 34    ჵსანა მაღალთა შინა (შდრ. ps. 85, 8-9 Link to psa).

Page of ed.: 173  
Line of ed.: 1       დასადებელი

Line of ed.: 2       მაშინ იხარებდენ ყოველნი ხენი \ მაღნარისანი ვიდრე მოვალს
Line of ed.: 3    (ps. 95, 12-13 Link to psa).


Line of ed.: 4       \ აქებდითსა

Line of ed.: 5       უფალო, რომელი მაღალთა შინა ანგელოზთა მიერ იქები და
Line of ed.: 6    ქუეყანასა ზედა დღეს, ვითარცა კაცი, კიცუსა დასჯედი და ყრმათაგან
Line of ed.: 7    ებრაელთა ბაიაჲ შეიწირე, რომელნი გიღაღადებდეს: ჵსანა
Line of ed.: 8    მაღალთა შინა, კურთხეულ ხარ შენ, მაცხოვარ.

Line of ed.: 9       [ქ]რისტე, მოსლვითა შენითა კერპთაგან წარმართთაჲსა \ და
Line of ed.: 10    საცთურისაგან ეშმაკისა იჴსენ სოფელი. მეუფეო მშუიდობისაო, შეიწირე
Line of ed.: 11    ქებაჲცა ჩუენი [და შეგჳწყალენ ჩუენ].

Line of ed.: 12       \ ანგელოზთა მიერ მამისა თანა ქებულსა და ქუეყანასა ზედა
Line of ed.: 13    ყრმათა მიერ, \ შენ \ გაქებთ, რაჲთა ქუეყანისანი თანა-შეგუაერთნე
Line of ed.: 14    ზეცისათადა, ვითარცა კაცთმოყუარე ხარ და მრავალმოწყალე.

Line of ed.: 15       ბაიაჲ შენ მიგიპყრეს ებრაელთა ყრმათა დღეს, რომლისათუის
Line of ed.: 16    ჩუენცა დაუცხრომელად შენ გაქებთ: ოსანა [მაღალთა შინა, კურთხეულ
Line of ed.: 17    ხარ შენ, მაცხოვარ].

Line of ed.: 18       დაჯდომაჲ კიცუსა ზედა რაჲ სათნო-იყავ, ქრისტე, ახლისა
Line of ed.: 19    ერისა შენისა მოწოდებასა აუწყებდ. დასცხრა სახეჲ აჩრდილისაჲ
Line of ed.: 20    პირველისა რჩულისაჲ მადლისა გამობრწყინებითა შენითა ჩუენდა
Line of ed.: 21    მომართ. ამისთუისცა გიღაღადებთ: კურთხეულ ხარ შენ, რომელი
Line of ed.: 22    მოხუედ ნეფსით ვნებად.

Line of ed.: 23       შენ, რომელმან ყრმათა ებრაელთა გალობაჲ შეიწირე, რომელნი გიღაღადებდეს
Line of ed.: 24    შენ: დიდებაჲ მაღალთა შინა ღმერთსა, მეუფესა მშჳდობისასა, და
Line of ed.: 25    ჩუენცა მათ თანა გაქებთ და გაკურთხევთ შენ.


Line of ed.: 26       სხუანი

Line of ed.: 27       ისწავეთ სიმართლეჲ, რამეთუ დაჰჴსნდა საცთური. მოვალს
Line of ed.: 28    მეუფეჲ \ ძრიელი, მთავარი მშუიდობისაჲ, რომელმან განგუწმიდნეს
Line of ed.: 29    ჩუენ ურჩულოებათა ჩუენთაგან.

Line of ed.: 30       \ მოსლვაჲ შენი, ქრისტე, წყარო ცხორების ექმნა მორწმუნეთა
Line of ed.: 31    შენთა, რამეთუ მეუფეჲ საუკუნეჲ გიხილეს კიცუსა ზედა მჯდომარეჲ,
Page of ed.: 174   Line of ed.: 1    რომელი განისუენებ ქერობინთა ზედა, რომელი მოვალს
Line of ed.: 2    სახელითა უფლისაჲთა.

Line of ed.: 3       ჴმითა მაღლითა ღაღადებდეს და იტყოდეს: ოსანა მაღალთა,
Line of ed.: 4    მოვედით, ერნო, მივეგებვოდეთ, რაჲთა განგუწმი[დნეს ჩუენ ურჩულოებათა
Line of ed.: 5    ჩუენთაგან].


Line of ed.: 6       ლიტანიად-ღა გავიდოდიან, ამათ იბაკოთა იტყოდიან.


Line of ed.: 7       ჴ̃ჲ ა

Line of ed.: 8       მონისა ხატითა ღმერთი განკაცებული [სიმდაბლით მოვიდა იერუსალემდ
Line of ed.: 9    ცოდვილთათჳს ჴსნისა, შეცთომილთათჳს მოქცევისა, დიდებისა
Line of ed.: 10    მიცემად ჭეშმარიტსა ღმერთსა. და აწ ჩუენ ყოველთა ერთობით ვთქუათ:
Line of ed.: 11    კურთხეულ არს, \ რომელი მოვალს სახელითა უფლისაჲთა, კურთხეულ
Line of ed.: 12    არს მეუფჱ ისრაელისაჲ.


Line of ed.: 13       მე-ბ, ჴ̃ჲ ბ

Line of ed.: 14       მხიარულ იყავ ასუ[ლი ეგე სიონისაჲ, ქადაგებდ ასული ეგე იერუსალემისაჲ.
Line of ed.: 15    აჰა ესერა მოვალს მეუფჱ შენი მართალი და მან გიჴსნეს შენ.
Line of ed.: 16    მშჳდ არს და მყუდრო და ზე ზის იგი კიცუსა ვირსა. ჴმითა მაღლითა ღაღადებდეს
Line of ed.: 17    და იტყოდეს: კურთხეულ არს, რომელი მოვალს სახელითა
Line of ed.: 18    უფლისაჲთა, კურთხეულ არს მეუფჱ ისრაელისაჲ].


Line of ed.: 19       სხუაჲ

Line of ed.: 20       რომელი ზის მარჯულ მამისა საყდართა დიდებისათა, ქუეყანასა
Line of ed.: 21    ზედა კაცთა შორის იქცეოდა, ვითარცა კაცი. რომელი ანგელოზთა
Line of ed.: 22    მიერ \ იდიდების მაღალთა შინა, კარაულსა ზედა მჯდომარეჲ დღეს
Line of ed.: 23    შემოვალს უფალი. გიხაროდენ, ასულო სიონისაო, რამეთუ აჰა ესერა,
Line of ed.: 24    რომელმან შეგქმნა შენ, მოვალს შენდა მშუიდობით. განახუენ
Line of ed.: 25    ბჭენი შენნი და შეიწყნარე ევმანუელ, მჴსნელი ჩუენი. ესრეჲთ ვღაღადებთ
Line of ed.: 26    და ვიტყუით: კურთხეულ არს, რომელი მოვალს სახელითა
Line of ed.: 27    უფლისაჲთა, კურთხეულ არს მომავალი.


Line of ed.: 28       ჴ̃ჲ დ

Line of ed.: 29       მარჯულ მამისა მჯდომარჱ კიცჳთა კაჰრაულისაჲთა მოვალს. გიხაროდენ,
Line of ed.: 30    ასულო სიონისაო, რამეთუ აჰა ესერა მეუფჱ შემოქმედი შენი მოგეახლების.
Line of ed.: 31    განახუენ ბჭენი შენნი, შეიწყნარე ენმანუელ, მჴსნელი ჩუენი.
Line of ed.: 32    კურთხეულ არს მომავალი სახელითა უფლისაჲთა, კურთხეულ არს მეუფჱ
Line of ed.: 33    დიდებისაჲ.

Page of ed.: 175  
Line of ed.: 1       სხუაჲ

Line of ed.: 2       დღეს აღესრულა წინაწარმეტყუელებაჲ ზაქარი[აჲსი წმიდისა
Line of ed.: 3    ქალაქისათჳს. კაჰრაულითა ჯერ-იჩინა \ მოსლვაჲ, რომელი ქერობინთა
Line of ed.: 4    ზედა იდიდების. გიხაროდენ, ასულო სიონისაო, მთაო დიდისა მეუფისაო.
Line of ed.: 5    მაშინ ყრმანი ებრაელნი რტოებითა ბაიაჲსაჲთა ღმრთივ-სწავლულნი ღაღადებდეს
Line of ed.: 6    დავითისსა ახალსა გალობასა და იტყოდეს: კურთხეულ არს
Line of ed.: 7    მომავალი სახელითა უფლისაჲთა, კურთხეულ არს მომავალი].

Line of ed.: 8       დღეს შევიდა მაცხოვარი ჩუენი ქალაქად წმიდად იერუსალემდ აღსრულებად
Line of ed.: 9    წერილისა, დაყოველთავე აქუნდა ჴელთა მათთა ბაიაჲ, რომელნიმე
Line of ed.: 10    სამოსელსა მათსა გზასა ზედა დაგიფენდეს, იტყოდეს, რამეთუ: ესე არს
Line of ed.: 11    მაცხოვარი ჩუენი.

Line of ed.: 12       ჵსანა მაღალთა შინა. კურთხეულ არს მომავალი სახელითა უფლისაჲთა
Line of ed.: 13    მეუფჱ ისრაელისაჲ.


Line of ed.: 14       \ ოხითაჲ ჴ̃ჲ ა

Line of ed.: 15       ყოველთა ადგომაჲ წინა ვნებისა შენისაჲ გურწმენა, მკუდრეთით
Line of ed.: 16    რაჲ აღადგინე ლაზარე, ქრისტე ღმერთო, რომლისათუის ჩუენცა,
Line of ed.: 17    ვითარცა ყრმანი, ძლევისა გალობასა შენდა შევსწირავთ, შენ
Line of ed.: 18    მძლესა სიკუდილისასა გიღაღადებთ: ჵსანა მაღალთა შინა, კურთხეულ
Line of ed.: 19    არს მომავალი სახელითა უფლისაჲთა.


Line of ed.: 20       ფსალმუნი

Line of ed.: 21       მთანი იხა[რებენ წინაშე უფლისა, რამეთუ] (ps. 97, 8 Link to psa).


Line of ed.: 22       დასადებელი

Line of ed.: 23       უგალობდით უფალსა გალ[ობითა ახლითა, რამეთუ სა] (ps.
Line of ed.: 24    97, 1 Link to psa).


Line of ed.: 25       ალელუაჲ ჴ̃ჲ ა გ̃ი

Line of ed.: 26       უფალო, უფალო ჩუენო, ვითარ [საკჳრველ არს სახელი ვიდრე
Line of ed.: 27    დაემტკიცოს ქებაჲ] (ps. 8, 2-3 Link to psa).


Line of ed.: 28       \ ჴელთაბანისაჲ ჴ̃ჲ ა

Line of ed.: 29       საკუირველი და დიდებული, რომელი იხილა დღეს ნათესავმან
Line of ed.: 30    კაცთამან, სიმდაბლით მჯდომარეჲ \ კიცუსა ზედა \ ზეცისა მეუფეჲ,
Line of ed.: 31    და ყრმანი ებრაელნი შტოებითა წინა-მიგეგებოდეს და სიხარულით
Line of ed.: 32    შეგასხმიდეს: ჵსანა მაღალთა შინა, კურთხეულ არს მომავალი სახელითა
Line of ed.: 33    უფლისაჲთა, რომელმან მოგუანიჭა ჩუენ მოტევებაჲ ცოდვათაჲ
Line of ed.: 34    ჯუარითა და სისხლითა თუისითა, ვითარცა მხოლოჲ მრავალმოწყალე
Line of ed.: 35    ხარ.

Page of ed.: 176  
Line of ed.: 1       სიწმიდისაჲ ჴ̃ჲ ბ გ̃ი

Line of ed.: 2       დღეს შემოვალს სიმდაბლით მეუფჱ დიდებისაჲ, დღეს აღივსების \ იერუსალემი
Line of ed.: 3    დიდებითა, დღეს უფროჲსად შეიმკვების სიონი ქებითა, რამეთუ
Line of ed.: 4    ჰხედავს შემოქმედსა, კიცუსა ზედა მჯდომარესა, და ყრმანი ებრაელნი ბაიაჲთა
Line of ed.: 5    წინა-მიეგებვოდეს და დაუფენდეს გზასა ზედა სამოსელსა მათსა და სიხარულით,
Line of ed.: 6    ჴმითა \ მაღლითა ამას იტყოდეს: კურთხეულ არს მომავალი სახელითა
Line of ed.: 7    უფლისაჲთა. ჵსანა, მაღალთა ზე დიდებაჲ. ანგელოზნი ცათა შინა
Line of ed.: 8    კურთხევით ამას იტყოდეს: წმიდა არს, წმიდა არს, წმიდა არს უფალი, მეუფჱ
Line of ed.: 9    დიდებისაჲ. ალელუაჲ, ალელუაჲ, ალელუაჲ.


Line of ed.: 10       მწუხრი


Line of ed.: 11       უფალო ღაღატყავსა ჴ̃ჲ ა გ̃ი

Line of ed.: 12       მოსლვასა მას შენსა დიდებით, რაჟამს დაიდგნე საყდარნი და
Line of ed.: 13    დასჯდე განკითხვად, შემიწყალე მე, ვღაღადებ შენდამი, ქრისტე.

Line of ed.: 14       რაჟამს დასცენ საყუირსა და აღდგებოდიან ყოველნი მკუდარნი
Line of ed.: 15    და ჰყოფდე განჩინებასა, შემიწყალე მე, [ვღაღადებ შენდამი,
Line of ed.: 16    ქრისტე].

Line of ed.: 17       \ რაჟამს გამოჩნდებოდიან საქმენი დაფარულნი და ცხადნი წინაშე
Line of ed.: 18    შენსა და ჰყო[ფდე განჩინებასა, შემიწყალე მე, ვღაღადებ
Line of ed.: 19    შენდამი, ქრისტე].

Line of ed.: 20       \ მას ჟამსა დაფარენ ცოდვანი ჩემნი და ნუ მოიჴსენებ ურჩულოებათა
Line of ed.: 21    ჩემთა, არამედ ღირს მყავ მე დადგომად მარჯუენეთა შენთა
Line of ed.: 22    თანა. შემიწყალე მე, ვღაღადებ [შენდამი, ქრისტე].


Line of ed.: 23       \ ოხითაჲ ჴ̃ჲ ა

Line of ed.: 24       მიძღოდე მე, მხოლოო ჭეშმარიტო, გზათა სიმართლისათა და
Line of ed.: 25    მაცხოვნე წყალობითა შენითა, რომელი მოხუედ და მოსლვად ხარ.


Line of ed.: 26       ფსალმუნი ჴ̃ჲ გ გ̃ი

Line of ed.: 27       კურთხეულ [არს უფალი ღმერთი ისრაელისაჲ, რომელმან ყვის
Line of ed.: 28    ვიდრე ყოველი ქუეყანაჲ] იყავნ, იყავნ (ps. 71, 18-19 Link to psa).


Line of ed.: 29       დასადებელი

Line of ed.: 30       ღმერთო, სარჩელი შენი [მეუფესა მიეც ვიდრე ძესა მეუფისასა].
Line of ed.: 31    (ps. 71, 1 Link to psa).



Next part


This text is part of the TITUS edition of Udzv.iadg..

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.