Page of ms. P: 48R ანუ არა უწყით, რამეთუ რომელთა-ესე ნათელ-ვიღეთ ქრისტე იესუს მიერ, სიკუდილისა მისისა მიმართ ნათელ-ვიღეთ?
და თანადავეფლენით ნათლის-ღებითა მით სიკუდილსა მისსა, რამეთუ ვითარცა აღდგა ქრისტე მკუდრეთით დიდებითა მამისაჲთა, ეგრეცა ჩუენ განახლ...
Page of ms. P: 345R ნუუკუე სუფევნ ცოდვაჲ მოკუდავთა მაგათ ჴორცთა თქუენთა მორჩილებად გულისთქუმათა მისთა,
ნუცა წარუდგინებთ ასოთა თქუენთა საჭურველად Page of ms. P: 345V სიცრუვისა ცოდვასა, არამედ წარუდგინენით თავნი თქუენნი ღმერთსა, ვითარცა მკუდრეთით ცხოველთა, და ასონი ეგე თქუენნი -- საჭურველად სიმართლისა ღმერთსა.
ცოდვაჲ თქუენ ზედა არა უფლებს, რამეთუ არა ხართ თქუენ შჯულსა ქუეშე, არამედ მადლსა.
აწ უკუე ვცოდვიდეთმეა, რამეთუ არა ხართ შჯულსა ქუეშე, არამედ მადლსა? ნუ იყოფინ!
არა უწყითა, რამეთუ რომელთა-ეგე წარუდგინენით თავნი თჳსნი მონებად მორჩილებისა, მონანი ხართ, რომელსაცა-იგი ერჩით; გინა თუ ცოდვასა სიკუდიდ ანუ თუ მორჩილებასა სიმართლედ?
მადლი ღმერთსა, რამეთუ იყვენით მონა ცოდვისა და მორჩილ იქმნენით გულითა, რომელსაცა მიეცენით სახედ მორჩილებისა.
ხოლო აწ განთავისუფლებულ ხართ ცოდვისაგან და მონა ყოფილ ხართ სიმართლისა.
კაცობრივ ვიტყჳ უძლურებისათჳს ჴორცთა თქუენთაჲსა: ვითარცა-ეგე წარუდგინენით ასონი თქუენნი მონებად არაწმიდებასა და უსჯულოებად უსჯულოებასა, ეგრევე აწ წარუდგინენით ასონი ეგე თქუენნი მონებად სიმართლესა სიწმიდედ.
ოდეს-იგი მონანი იყვენით ცოდვისანი, თავისუფალ იყვენით სიმართლისაგან.
რაჲ უკუე ნაყოფი გაქუნდა მაშინ, რომლისათჳს აწ ეგერა გრცხუენის? რამეთუ აღსასრული მათი სიკუდილი არს.
ხოლო აწ განთავისუფლებულ ხართ ცოდვისაგან და დამონებულ ხართ ღმრთისა, გაქუს თქუენ ნაყოფი სიმართლისაჲ და აღსასრული საუკუნოჲ.
რამეთუ სამართალ ცოდვისა სიკუდილი არს, ხოლო ნიჭი იგი ღმრთისაჲ ცხორებაჲ საუკუნოჲ არს ქრისტე იესუჲს მიერ ღმრთისა ჩუენისა.
