Page of ms. L: 417R და ვითარცა მოვლეს ანფიპოლიაჲ და პოლონიაჲ, მოვიდეს იგინი თესალონიკედ, სადაცა-იგი იყო შესაკრებელი ჰურიათაჲ.
და ვითარცა ჩუეულ იყო, პავლე შევიდა მათა და სამი საშაბათოი საკითხავი გამოურჩია მან წიგნთაგან,
გამოუთარგმანებდა და წინადაუდებდა, რამეთუ ქრისტესა ჯერ-იყო ვნებად და აღდგომად მკუდრეთით, რამეთუ ესე არს ქრისტე, რომელსა მე გახარებ თქუენ.
და რომელთამე მათგანთა Page of ms. L: 417V ჰრწმენა და შეუდგეს პავლეს და შილას და მსახურთა წარმართთა სიმრავლესა მრავალსა, დედათა მცირედთა.
ხოლო შური აიღეს ჰურიათა და მოიყვანნეს სავაჭროთაგანნი კაცნი ბოროტნი, და ერად კრბებოდეს და შფოთდებოდეს ქალაქსა ზედა; მიუჴდეს სახლსა იასონისსა, ეძიებდეს მათ გამოყვანებად ერსა წინაშე.
და ვითარცა არა პოეს იგინი, მიითრევდეს იასონს და სხუათა ვიეთმე ძმათა ქალაქისა მთავართა წინაშე და ღაღადებდეს, ვითარმედ: რომელთა ყოველი სოფელი აღუშფოთებიეს, იგინი აქა მოსრულ არიან,
რომელ შეუწყნარებიან იასონს; და ესე ყოველნი მჴდომად ბრძანებათა Page of ms. L: 418R კეისარისათა იქმან, მეუფესა ვისმე სხუასა იტყვიან ყოფად, იესუს.
Page of ms. L: _ Page of ms. P: 225R [და აღტეხეს ერი იგი] და ქალაქპეტნი იგი სიტყჳთა მით,
ვიდრემდის მოჰჴადეს თავს[მ]დები იასონს, და მაშინღა განუტევნეს იგინი.
Page of ms. P: 225V ვითარცა აგრძნეს თესალონიკელთა მათ ჰურიათა, ვითარმედ ბევრიასცა მიეთხრა სიტყუაჲ იგი ღმრთისაჲ პავლჱს მიერ, მოვიდეს და მუნცა იწყეს აღტეხად ერისა.
მუნთქუესვე გაინყვანეს ძმათა მათ პავლე და წარგზავნეს ზღჳთკიდით კერძო; შილა და ტიმოთე მუნვე დაადგრეს.
Page of ms. P: _ Page of ms. L: 420V რომელთა-იგი წარჰყვანდა პავლე, მოიყვანეს იგი ათენამდე; და მოიღეს მცნებაჲ პავლესგან შილაჲს და ტიმოთესა, რაჲთა ადრე წარეწინენ იგინი მას, და წარვიდეს.
ვიდრე იგი ათენა ქალაქსა შინა ელოდა მათ, ეძუინებოდა სულსა მისსა მის თანა, ხედვიდა რაჲ ქალაქსა მას კერპთმსახურებასა.
ეტყოდა მარადის კრებულსა მას შორის ჰურიათასა და რომელნი ჰმსახურებდეს, და უბანსა ზედა ყოველსა დღესა.
რომელთამე ეპიკურელთა და სტოის სიბრძნისმოყუარეთა სიტყუა ყვეს მისა; და რომელნიმე იტყოდეს: რაჲმე ჰნებავს თესლისმეტყუელსა მას სიტყუად? რომელნიმე იტყოდეს: უცხოთა ეშმაკთა ჩას მთხრობელი ესე, Page of ms. L: 421R რამეთუ იესუს აღდგომას ახარებდა მათ:
Page of ms. L: _ Page of ms. K: 300R . . . . . . . . . . . . . . . . . . ქუეყანი[სასა] . . . . . . . . . . . . . . . . . ბნი ჟამთანი [საზღვრის დ]ადებანი დამკჳ[დრებისა მ]ათისანი მოძიებად [ღმრთისა]
და უკუეთუმცა ეძიებ[და] ვინმე, პოვა იგი, რამეთუ არა შორს [ა]რს კაცად-კაცადისაგან ჩუენისა.
რამეთუ მის მიერ ვცხონდებით და ვიქცევით და ვართ სოფელსა ამას შინა. ვითარცა-იგი ვინმე თქუენგანნი ჴელოვანნი იტყუიან, ვითარმედ: რომლისაცა-იგი ნათესავ ვართ.
აწ უკუეთუ ნათესავნი ღმრთისანი ვართ, არა წეს არს, ვითარმცა ვჰმონებდით ოქროსა, გინა ვეცხლსა ანუ ანთრაკსა, გამოხატულსა ხუროებითა კაცთაჲთა, სამღრთოჲსა მის მსგავს ყოფად.
რამეთუ ჟამნი იგი უმეცრებისანი უგულებელს-ყვნა ღმერთმან [და ამ]იერითგან ამცნებს ყოველსა [კაც]სა ყოვლით ადგილით შენანებად.
[ვითარცა-იგი დ]აამტკიცა დღჱ იგი, რომელ[სა შინა ეგულებ]ის განკითხვად სოფლისა სიმართლით ჴელითა მის კაცისა ერ...ა, რომელმან განაჩინა სარწმ[უნო ყ]ოფად, რომელი მოსცა ყოველთა, [რამეთუ აღადგინა იგი] მკუდრეთით.
