TITUS
Kartlis Cxovreba
Part No. 69
Previous part

Text: Sumb.Dav._Vita_Bagrat.  
Sumbat Davidi filius

Vita Bagratidorum




Part: _  
King: _ 
Page of ed.: 372  
სუმბატ დავითის-ძე

Line of ed.: 1  
ცხოვრება და უწყება ბაგრატონიანთა

Line of ed.: 2  
ჩუენ ქართველთა მეფეთასა, თუ სადათ მოიწივნეს ამას ქუეყანასა იგინი, ანუ რომლით
Line of ed.: 3  
ჟამითგან უპყრიეს მათ მეფობა ქართლისა, რომელი აღწერა

Line of ed.: 4  
სუმბატ ძემან დავითისმან


Line of ed.: 5        ადამ შვა სეით. სეით შვა ენოს. ენოს შვა კაინან. კაინან შვა მალელ. მალელ შვა
Line of ed.: 6     იარედ. იარედ შვა ენოქ. ენოქ შვა მათუსალა. მათუსალა შვა ლამექ. ლამექ შვა ნოე.
Line of ed.: 7     ნოე შვა სემ. სემ შვა არფაქსად. არფაქსად შვა კაინან. კაინან შვა სალა. სალა შვა
Line of ed.: 8     ებერ. ებერ შვა ფალეგ. ფ/ალეგ შვა რაგავ. რაგავ შვა სერუქ. სერუქ შვა ნაქორ. ნაქორ
Line of ed.: 9     შვა თარა. თარა შვა აბრამ. / აბრამ შვა ისაკ. ისაკ შვა იაკობ. იაკობ შვა იუდა. იუდა
Line of ed.: 10     შვა ფარეზ. ფარეზ შვა ესრომ. ესრომ შვა არამ. არამ შვა ამინადაბ. ამინადაბ შვა
Line of ed.: 11     ნაასონ. ნაასონ შვა სალმონ. სალმონ შვა ბოოს. ბოოს შვა იობედ. იობედ შვა იესე.
Line of ed.: 12     იესე შვა დავით მეფე. დავით მეფემან შვა სოლომონ. სოლომონ შვა რობუამ. რობუამ
Line of ed.: 13     შვა აბია. აბია შვა ასაფ. ასაფ შვა იოსაფატ. იოსაფატ შვა იორამ. იორამ შვა ოზია.
Line of ed.: 14     ოზია შვა იოთამ. იოთამ შვა აქაზ. აქაზ შვა ეზეკია. ეზეკია შვა მანასე. მანასე შვა
Line of ed.: 15     ამონ. ამონ შვა იოსია. იოსია შვა იოვაკიმ. იოვაკიმ შვა იექონია, იექონია შვა სალათაელ.
Line of ed.: 16     სალათაელ შვა ზორაბაბელ. ზორაბაბელ შვა აბიუდ. აბიუდ შვა ელიაკიმ. ელიაკიმ
Line of ed.: 17     შვა აზორ. აზორ შვა სადუკ. სადუკ შვა აქიმ. აქიმ შვა ელიუდ. ელიუდ შვა ელიაზარ.
Line of ed.: 18     ელიაზარ შვა მატათან. მატათან შვა იაკობ. იაკობ შვა იოსებ, ქმარი მარიამისი
Line of ed.: 19     და ძმა კლეოპასი. კლეოპა შვა ნაომ. ნაომ შვა სალა. სალა შვა რობუამ. რობუამ შვა
Line of ed.: 20     მოხთარ. მოხთარ შვა ელიაკიმ. ელიაკიმ შვა ბენიამენ. ბენიამენ შვა იერობემ. იერობემ
Page of ed.: 373   Line of ed.: 1     შვა მოსე. მოსე შვა იუდა, იუდა შვა ელიაზარ. ელიაზარ შვა ლევი. ლევი შვა იორამ.
Line of ed.: 2     იორამ შვა მანასე. მანასე შვა იაკობ. იაკობ შვა მიქია. მიქია შვა იოვაკიმ. იოვაკიმ
Line of ed.: 3     შვა იერუბემ, იერუბემ შვა აბრაჰამ. აბრაჰამ შვა იობ. იობ შვა აქაბ. აქაბ შვა სჳმონ.
Line of ed.: 4     სჳმონ შვა იზაქარ. იზაქარ შვა აბია. აბია შვა გაად. გაად შვა ასერ. ასერ შვა ისაკ.
Line of ed.: 5     ისაკ შვა დან. დან შვა სოლომონ. სოლომონ შვა შჳდნი ძმანი, რომელნი-იგი მოსცნა
Line of ed.: 6     ღმერთმან ტყუეობასა შინა.

Line of ed.: 7        და ესენი შჳდნი ძმანი, / ძენი ამის სოლომონისნი, წარმოვიდეს ქუეყანით პილისტიმით,
Line of ed.: 8     ტყუეობით წარმოსულნი ჰურიანი, და მოიწივნეს / ეკლეცს წინაშე რაქაელ
Line of ed.: 9     დედოფლისა და მისგან ნათელ იღეს. და დაშთეს იგინი ქუეყანათა სომხითისათა და
Line of ed.: 10     მუნ დღეინდელად დღემდე შვილნი მათნი მთავრობენ სომხითს.

Line of ed.: 11        და ოთხნი ძმანი მათნი მოვიდეს ქართლს: ხოლო ერთი მათგანი, სახელით
Line of ed.: 12     გუარამ, განაჩინეს ერის-თავად, და ესე არს ერის-თავი ქართლისა და მამა ბაგრატიონთა. და
Line of ed.: 13     ესე ქართლისა ბაგრატონიან[ნ]ი შვილის შვილნი და ნათესავნი არიან მის
Line of ed.: 14     გუარამისნი.

Line of ed.: 15        ხოლო ძმა მისი, სახელით საჰაკ, წარვიდა კახეთს და დაემზახა იგი ნერსეს. და
Line of ed.: 16     სხუანი ორნი იგი ძმანი ამათნი, სახელით ასამ და ვარაზვარდ, წარვიდეს კამბეჩანს,
Line of ed.: 17     და მოკლეს მათ სპარსთა სპასალარი და დაიპყრეს კამბეჩანი, და დასხდეს იგინი მუნ
Line of ed.: 18     ცხოვრებად ხორნაბუჯს. და ამა ჟამამდე შვილნი მათნი მთავრობენ მას შინა.

Line of ed.: 19        ხოლო ვინათგან მოკლდა მეფობა შვილთა გორგასლისათა, მით ჟამითგან ეპყრა
Line of ed.: 20     უფლება ქართლისა აზნაურთა ვიდრე ამათადმდე. არამედ დაესრულა უფლება ქართლისა
Line of ed.: 21     აზნაურთა ბოროტთა საქმეთა მათგან.

Line of ed.: 22        მას ჟამსა მცხეთას კათალიკოსი იყო სჳმონ-პეტრე; და მცხეთა აღთხელდებოდა
Line of ed.: 23     და ტფილისი აღშენდებოდა, არმაზი შემცირდებოდა და კალაჲ განდიდდებოდა. და
Line of ed.: 24     სპარსნი უფლებდეს ქართლს, კახეთს, ჰერეთს, სომხითს, სივნეთს, ასპურანგს.

Line of ed.: 25        მოკუდა კათალიკოზი სჳმონ და დაჯდა კათალიკოზად სამოელ, კათალიკოზი მეცხრე.

Page of ed.: 374  
Line of ed.: 1        მას ჟამსა კათალიკოსი იყო მცხეთას სამოელ, და ერთად შეკრბა ყოველი ქართლი
Line of ed.: 2     და გამოარჩიეს გუარამ, დავითის ნათესავისაგან, მოწევნული ძმათა მისთა თანა,
Line of ed.: 3     ასამს და ვარაზვარდს, რომელნი იგი ზემო ვაჴსენენით. ესენი წარმოვიდეს ეკლეცით,
Line of ed.: 4     რომელნი მონათლნა რაქაელ დედ/ოფალმან, ძმანი შჳდნი ჰურიანი, ტყუეობით მოსრულნი
Line of ed.: 5     ქუეყანით / ფილისტიმით, და ნათელ-იღეს ეკლეცს ჴელითა რაქაელ დედოფლისათა.
Line of ed.: 6     რომელმან სამთა მათგანთა უცვალა სახელი: რამეთუ ერთსა სახელ-სდვა
Line of ed.: 7     მუშელ, და ერთსა ბაგრატ, რომელ არს მამა ბაგრატონიანთა, ერთსა აბგავარ; ერთი
Line of ed.: 8     შემოიყვანა სიძედ და ორნი მათგანნი ამზახნა სომხითის მეფეთა.

Line of ed.: 9        ხოლო ოთხნი ესე ძმანი წარმოემართნეს ქართლს, ვითა ზემო ვაჴსენეთ და
Line of ed.: 10     გუარამ განაჩინეს ერის-თავად და მოსცა ამას მეფემან ბერძენთამან პატივად კურაპალატობა
Line of ed.: 11     და წარმოგზავნა მცხეთას. და ამან დადვა საფუძველი ჯუარისა ეკლესიასა,
Line of ed.: 12     რომელ არს მცხეთას.

Line of ed.: 13        ხოლო სამნი ესე ძმანი წარვიდეს კახეთს და საჰაკ დაუზახა ბაკურს, ძესა ნერსესსა,
Line of ed.: 14     ხოლო ასამ და ვარაზვარდ წარვიდეს კამბეჩოანს, და გარდაუქციეს ერი ვეზანს,
Line of ed.: 15     ერის-თავსა ბაჰარ ჩუბინისსა, და ვეზან მოკლეს, და დაიპყრეს მათ კამბეჩოანი.

Line of ed.: 16        და იყო მას ჟამსა მცხეთას კათალიკოსი სამოელ. და ამის-ზე ტფილისისა მკჳდრთა
Line of ed.: 17     ეკლესიისა გებად იწყეს, რომლისა ნახევარსა ყოველი ერი აშენებდა, და ნახევარსა
Line of ed.: 18     ერთი ვინ-მე დედა-კაცი.

Line of ed.: 19        და კათალიკოსი იყო მცხეთას ბართლომე.

Line of ed.: 20        და შემდგომად ამის გუარამისსა ერისთაობდა ძე მისი სტეფანოზ და ძმა დემეტრესი.

Line of ed.: 21        და აშენებდეს ეკლესიასა ჯუარის[ასა] მცხეთას.

Line of ed.: 22        და ამის-ზე წარვლო ერეკლე მეფემან ბერძენთამან, და მივიდა ტფილისად, და დადგა
Line of ed.: 23     დამართებით ციხესა კალისასა. და ციხის-თავმან ჴმა-უყო ციხით გამოღმართ და რქუა ერეკლე
Line of ed.: 24     მეფესა: "რომელსა გასხენ წუერნი ვაცისანი და ვაც-ბოტისა კისერი გათქს". მაშინ [ვითარცა]
Line of ed.: 25     /ესმა [სიტყუა ესე] / ერეკლე მეფესა, განრისხნა მისთჳს, და აღმოიკითხა წიგნისაგან
Line of ed.: 26     დანიელ წინასწარმეტყუელისა სიტყუა იგი, ვითარმედ: "აღმოვიდეს ვაცი დასავლისა
Line of ed.: 27     და შემუსრნეს რქანი აღმოსავლისა ვერძისანი". და თქუა მეფემან: "უკეთუ იყო ჩემდა
Page of ed.: 375   Line of ed.: 1     სიტყუა ეგე კადნიერებისათჳს ჩემისა მისაგებელი ორკეცი დაგიტეო შენ." და დაუტევა
Line of ed.: 2     ტფილისს ჯიბღუ ერის-თავი ბრძოლად ციხესა ტფილისისასა, და თჳთ წარემართა
Line of ed.: 3     ბაღდადს. და მივიდა გარდაბანს, ვარაზ გაგელისასა, და დაილაშქრა ადგილსა მას,
Line of ed.: 4     რომელსა ჰქჳან ხუზაშენი, და ნათელ-სცა ერეკლე ვარაზ გაგელსა და ყოველსა ერსა
Line of ed.: 5     მისსა. და იწყო შენებად ეკლესიასა, რომელი იგი უბრწყინვალეს არს ყოველთა ეკლესიათა.
Line of ed.: 6     და წარვიდა ბერდუჯს და დადგა გულსა სოფლისასა. და აღმართა ჯუარი ქვისა
Line of ed.: 7     და დადვა საფუძველი წმიდისა ღმრთის-მშობელისა ეკლესიისა, და აღასრულა გუმბათი
Line of ed.: 8     მისი. ხოლო მან ჯიბღუ წარიღო კალა და ციხე იგი ტფილისისა გამოიღო, და
Line of ed.: 9     ციხის-თავი იგი შეიპყრა. და დრაჰკნითა პირი აღუვსო ამისთჳს, რამეთუ თქუა სადიდებელი
Line of ed.: 10     იგი მეფისა ერეკლესი. ხოლო კადრებისა მისთჳს ტყავი გაჰჴადა და მეფესა
Line of ed.: 11     მისწია იგი გარდაბანს ვარაზ გაგელისსა. და გარდაბანით მეფემან მიცვალა ლალს,
Line of ed.: 12     და უწოდა მეწეკევნელთა მთავარსა, ნათელ-სცა და წარვიდა ბაღდადს. და გამოიღო
Line of ed.: 13     ბაღდადი, და შეიპყრა ხუასრო მეფე, და მოაღებინა ძელი ცხოვრებისა, და იწყო შენებად
Line of ed.: 14     იერუსალემისა, და დასუა / მოდისტოს პატრიაქად და წარმოემართა აქათ-ვე, და მოვიდა
Line of ed.: 15     წელსა მეშჳდესა. / და ვიდრე მოსლვადმდე მისსა ტფილისის ეკლესია სიონი განესრულა,
Line of ed.: 16     ხოლო ჯუარისა ეკლესიასა აკლდა.

Line of ed.: 17        და მან ერეკლე მეფემან ტფილისს და მცხეთას და უჯარმოს ქადაგნი განავლინა,
Line of ed.: 18     რათა ყოველნი ქრისტეანენი ეკლესიასა შევიდენ, და ყოველნი მოგუნი და ცეცხლის-მსახურნი,
Line of ed.: 19     რომელნი-ცა-ღა არა მოინათლნენ, მოისრნენ. ხოლო მათ ნათლის-ღება არა
Line of ed.: 20     ინებეს, არამედ ზაკუვით აღერივნეს ქრისტიანეთა თანა. და მიაწიეს ყოველთა მათ
Line of ed.: 21     ზედა მახჳლი, და ეკლესიათა შინა მდინარენი სისხლთანი დიოდეს. და განწმიდა
Line of ed.: 22     სჯული ქრისტეს ღმრთისა ჩუენისა, და წარვიდა ერეკლე მეფე სამეფოდ-ვე თჳსად.

Line of ed.: 23        და მთავრობდა ქართლს იგი-ვე სტეფანოზ დიდი. კათალიკოსი იყო მეორე
Line of ed.: 24     ბართლომე.

Line of ed.: 25        მის ზედა-ვე და შემდგომად მისსა მთავრობდა ადარნასე, ძე მის სტეფანოზისი. და
Line of ed.: 26     მის ზედა სამნი კათალიკოსნი იცვალნეს: იოვანე, ბაბილა და თაბორ. და ამისა შემდგომად
Line of ed.: 27     მოკუდა ადარნასე მთავარი და მის წილ დაჯდა სტეფანოზ, ძე მისი. და მან
Line of ed.: 28     განასრულა ეკლესია [ჯუარისა], და განაწესა მუნ ჯუარისა კრება, და დაჯდა ტფილისს
Line of ed.: 29     ცხოვრებად. და კათალიკოსი იყო სამოელ და ენონ. და მის-ზე ქუეყანა ქართლისა
Page of ed.: 376   Line of ed.: 1     აღწერეს, და წარიღეს საბერძნეთს. და ამბავი მოიწია, ვითარმედ ბაღდადი დაიპყრეს
Line of ed.: 2     აგარის ნათესავთა-ო.

Line of ed.: 3        და ამის სტეფანოზისა შემდგომად ერისთაობდა ძე მისი გუარამ კურაპალატი.

Line of ed.: 4        და შემდგომად მისსა ვარაზ-ბაკურ, ძე მისი, ანთიპატ/ოსი, რომელმან გარდაბანელნი
Line of ed.: 5     მოაქცივნა. და მერმე ნერსე და ძენი მისნი, ფი/ლიპე და სტეფანოზ და ადარნასე.

Line of ed.: 6        და ძენი მისნი გურგენ ერის-თავი, აშოტ კურაპალატი.

Line of ed.: 7        ხოლო აშოტ კურაპალატი მთავრობდა ქუეყანასა მას შინა და სახლად მისა იყო
Line of ed.: 8     ბარდავი და ტფილისი, და ჰქონდა მას ქუეყანა, რომელ არს გარემოს მისსა. და მაშინ
Line of ed.: 9     გაძლიერდა ჴელმწიფება აგარიანთა და იწყეს ძიება აშოტ კურაპალატისა. და ვერ
Line of ed.: 10     უძლო წინა-აღდგომად მათდა აშოტ. და ივლტოდა მათგან. და წარემართა, რათა წარვიდეს
Line of ed.: 11     საბერძნეთად და თანა ჰყვეს მას დედა და ცოლი და ორნი ძენი ასაკითა ჩჳლნი,
Line of ed.: 12     უხუცესი ადარნასე და შედეგი ბაგრატ. ხოლო უმრწემესი ძე გუარამ ჯერეთ არა ესუა.
Line of ed.: 13     და ერი თჳსი მცირედ ჰყვა თანა, მკჳდრნი მისნი, დედა-წულითურთ და შვილითურთ.
Line of ed.: 14     მოიწივნეს მთასა ჯავახეთისასა, კიდესა დიდისა ტბისა ფარავნისასა დამაშურალნი სლვისაგან,
Line of ed.: 15     და გარდაჰჴდეს განსუენებად კიდესა მის ტბისასა. ჭამეს რა პური, და მცირედ
Line of ed.: 16     მიერულა. და მძინარეთა ეწივნეს დიდნი ლაშქარნი სარკინოზნი. მაშინ შეეწია ღმერთი
Line of ed.: 17     აშოტ კურაპალატსა, და კნინსა მას ლაშქარსა მისსა მოსცა ძლევა მათ ზედა, და
Line of ed.: 18     მოსრნეს სიმრავლენი ურიცხუნი. წარმოვიდეს მუნით და მოიწივნეს ჴევსა შავშეთისასა.

Line of ed.: 19        ხოლო ჴევი შავშეთისა უშენებელი იყო მაშინ, გარეშე მცირედთა სოფელთასა.
Line of ed.: 20     რამეთუ ჟამთა სპარსთა უფლებისასა აოჴრდა, ოდეს-იგი ყრუმან ბაღდადელმან შემუსრნა
Line of ed.: 21     ყოველნი ც/იხენი და მოვლო შავშეთი-ცა და ღადონი. და კუალად შემდგომად მისსა
Line of ed.: 22     სრვამან სატლობისამან მოაოჴრა შავშეთი, კლარჯეთი და მცირედ-ღა დაშთეს / კაცნი
Line of ed.: 23     ადგილ-ადგილ. ხოლო დაშთომილთა მათ მკჳდრთა შავშეთისათა შეიწყნარეს იგი სიხარულითა
Line of ed.: 24     და სიყუარულითა, და დაემკჳდრა მუნ. და მისცა ღმერთმან გამარჯუება და
Line of ed.: 25     აჴელმწიფა იგი შავშეთ-კლარჯეთსა ზედა. და მან სოფლები ზოგი იყიდა საფასოთა,
Line of ed.: 26     და ზოგი ოჴერი აღაშენა, და განამრავლა სოფლები აშოტ კურაპალატმან ქუეყანათა მათ
Line of ed.: 27     შინა. და მისცა ღმერთმან და განამტკიცა ჴელმწიფება მისი ნებითა ბერძენთა მეფისათა.

Page of ed.: 377  
Line of ed.: 1        და ამან აშოტ კურაპალატმან პოვა კლარჯეთის ტყეთა შინა კლდე ერთი, რომელი
Line of ed.: 2     პირველ ვახტანგ გორგასალს ციხედ აღეშენა, სახელით არტანუჯი; და აოჴრებულ იყო
Line of ed.: 3     ბაღდადელისა მის ყრუობითგან. იგი განაახლა აშოტ და აღაშენა ეგრეთ-ვე ციხედ, და
Line of ed.: 4     წინა-კერძო მისსა ქუეშეთ აღაშენა ქალაქი. და აღაშენა ციხესა მას შინა ეკლესია წმიდათა
Line of ed.: 5     მოციქულთა პეტრესი და პავლესი, და შექმნა მას შინა საფლავი თჳსი, და დაემკჳდრა ციხესა მას
Line of ed.: 6     შინა ცხოვრებად. და მერმე კუალად ეუფლა ქუეყანათა ვიდრე
Line of ed.: 7     კარადმდე ბარდავის ქალაქისა. და მრავალ-გზის მოსცა ღმერთმან აშოტს კურაპალატსა
Line of ed.: 8     ძლევა და დიდი დიდება ბრძოლათა შინა.

Line of ed.: 9        და იყო ერთსა შინა ჟამსა, განვიდა აშოტ, რათა-მცა შეკრიბა ლაშქარი ბრძოლისათჳს
Line of ed.: 10     სარკინოზთასა. მოვიდა იგი ადგილსა რომელსა-მე და განავლინა ლაშქრის-მაწუეველნი.
Line of ed.: 11     და ვიდრე არღარა შეკრებულ იყო / ლაშქარი იგი მისი მის თანა, დაესხნეს
Line of ed.: 12     მას სარკინოზნი უცნაურად და აოტეს იგი. წარმოემართა და მოიწია ჴევსა ნიგალისასა
Line of ed.: 13     და იწყო ძებნად ერისა, რათა-მცა ვითა განიმრავლა ლაშქარი თჳსი. და წარმოემართნეს
Line of ed.: 14     მოსლვად მის წინაშე იგინი, რომელთა მან უბრძანა, ხოლო იგინი მოვიდოდეს
Line of ed.: 15     კლვად / მისსა. მაშინ ვიდრე მოწევნადმდე მათდა კარად მისსა არა უწყოდა აშოტ ზაკუა,
Line of ed.: 16     მათი, და რაჟამს მოიწივნეს იგინი კარად მისსა, მაშინ-ღა აგრძნა რაჲ-იგი ეგულვებოდა
Line of ed.: 17     მათ. და არა ჰყვა მას ერი თჳსი თჳნიერ მცირედთასა. ვერ წინა-აღუდგებოდა
Line of ed.: 18     იგი მათ. ამისთჳს-ცა შეივლტოდა აშოტ კურაპალატი ეკლესიად, და მოწყლეს იგი
Line of ed.: 19     მახჳლითა საკურთხეველსა ზედა და შეისუარა საკურთხეველი იგი სისხლითა მისითა,
Line of ed.: 20     რამეთუ დაკლეს იგი მუნ, ვითარცა ცხოვარი, აღსავალსა საკურთხევლისასა და სისხლი
Line of ed.: 21     იგი მისი დათხეული დღეს-ცა საჩინოდ სახილველ არს.

Line of ed.: 22        ხოლო ესმა რა ესე ამბავი ერსა მისსა, რომელნი-იგი იყვნეს დოლისყანასა,
Line of ed.: 23     ვითარმედ მოიკლა უფალი იგი მათი აშოტ ჴელითა ოროზ-მოროზის ძეთათა, წარვიდეს
Line of ed.: 24     დოლისყანით და დევნა უყვეს მკლველთა მათ უფლისა თჳსისათა, დაეწივნეს მათ
Line of ed.: 25     სავანესა ზედა ჭოროხისასა, მოსრნეს იგინი ბოროტად, ვიდრემდის არა დაუშთა ერთი
Line of ed.: 26     მათგანი, და წარმოიღეს მკუდარი აშოტ კურაპალატი და დაფლეს მისსა მას საფლავსა
Line of ed.: 27     შინა ციხესა არტანუჯისასა, ეკლესიასა წმიდათა მოციქულთასა. რამეთუ მოიკლა ესე აშოტ
Line of ed.: 28     კურაპალატი დასაბამითგან წელთა ხ^ჳლ, ქრონიკონსა მეათცამეტედ მოქცეულსა შინა
Line of ed.: 29     მ^ვ, თუესა იანვარ/სა ოცდაცხრასა.

Line of ed.: 30        და დაუტევნა სამნი ძენი: უხუცესი ადარნასე და შედეგი მისი ბაგრატ. ესე ორნი
Page of ed.: 378   Line of ed.: 1     თანა ჰყვეს მას, რაჟამს-იგი მოიწია შავშეთ-კლარჯეთად. ხოლო უმრწემესი გუარამ
Line of ed.: 2     არტანუჯის მოსლვას-ღა შინა დაებადა.

Line of ed.: 3        და შემდგომად აშოტის სიკუდილისა, მამისა მათისა, რომელ გარეთ ქუეყანა ჰქონდა
Line of ed.: 4     ძეთა აშოტისთა -- წარუღეს სარკინოზთა, რამეთუ იყვნეს იგინი უსრულ ასაკითა.
Line of ed.: 5     ხოლო რაჟამს სრულ-ასაკ იქმნეს იგინი, კუალად-ცა მოსცა ღმერთმან მათ-ვე ყოველი-ვე
Line of ed.: 6     იგი ნაქონები მამისა მათისა. და ვიდრე უსრულო-ღა იყვნეს იგინი ასაკითა, იზარდებოდეს
Line of ed.: 7     ციხესა შინა არტანუჯისასა, და იყვნეს ხარკის-მიმცემელ სარკინოზთა ყოველნი-ვე
Line of ed.: 8     ჴევნი შავშეთ-კლარჯეთ-ნიგალისანი. ხოლო არტანუჯით გამოღმართ დაიპყრეს
Line of ed.: 9     მათი ნაქონები იგი მამულები მამისა მათისა, დასუეს ბაგრატ კურაპალატად. / და
Line of ed.: 10     წარმართა ღმერთმან ჴელმწიფება მათი.

Line of ed.: 11        / და იყვნეს ძენი უხუცესისა მის ძმისა მათისა, აშოტის ძისა ადარნასესნი, სამნი:
Line of ed.: 12     გურგენ, რომელი-იგი დღეთა სიბერისა მისისათა კურაპალატად დასუეს, და ძმანი
Line of ed.: 13     მისნი აშოტ კეკელაჲ და სუმბატ არტანუჯელი, რომელი ჴელმწიფობასა მისსა დასუეს
Line of ed.: 14     ანთიპატოს-პატრიკად. და ძენი ბაგრატ კურაპალატისანი სამნი: დავით, რომელი შემდგომად
Line of ed.: 15     მამისა თჳსისა დასუეს კურაპალატად, ადარნასე და აშოტ. და ძენი უმრწემესისა
Line of ed.: 16     აშოტის ძისა გუარამისნი ორნი: ნასრა და აშოტ.

Line of ed.: 17        ხოლო აშოტ კეკელაჲ, ძე ადარნასესი, გარდაიცვალა ქრონიკონსა პ^ზ, და დაუტევა
Line of ed.: 18     გურგენ, რომელი შემდგომად კურაპალატად დასუეს, და სუმბატ არტანუჯელი
Line of ed.: 19     ანთიპატრიკი.

Line of ed.: 20        /გარდაიცვალა აშოტ, ძე მამფლისა გუარამისა, უწინარეს მამისა თჳსისა ქრონიკონსა
Line of ed.: 21     პ^თ. არა დაუტევა ძე.

Line of ed.: 22        გარდაიცვალა ადარნასე, ძე ბაგრატ კურაპალატისა, ქრონიკონსა ჟ^დ; სიცოცხლესა-ვე
Line of ed.: 23     მამისა თჳსისასა, და არა დაუტევა შვილი. და მამა მისი, ბაგრატ კურაპალატი,
Line of ed.: 24     ძე აშოტ კურაპალატისა, გარდაიცვალა ქრონიკონსა ჟ^ვ, და დაუტევნა ძენი: დავით,
Line of ed.: 25     რომელი შემდგომად მისსა კურაპალატ ყვეს; და მოიკლა იგი ჴელითა მამის ძმის-წულისა
Line of ed.: 26     თჳსისა ნასრა გუარამის ძისითა, სიცოცხლესა-ვე შინა გუარამისსა, ქრონიკონსა
Line of ed.: 27     რ^ა, სუფევასა შინა გუარამისსა, ხოლო გუარამ მამფალი, მამის ძმა მისი, მამა ნასრესი,
Line of ed.: 28     უბრალო იყო სისხლისაგან დავით კურაპალატისათა; და დაუტევა ამან დავით
Page of ed.: 379   Line of ed.: 1     მოკლულმან ძე / მცირე ადარნასე, მოუწიფებელი ასაკითა, ხოლო ნასრ მკლველი ივლტოდა
Line of ed.: 2     სამეფოსა კოსტანტინეპოლედ და იყო მუნ მრავალ წელ.

Line of ed.: 3        და ამისსა შემდგომად დასუეს გურგენ ძე ადარნასესი კურაპალატად, დიდისა აშოტ
Line of ed.: 4     კურაპალატის ძისა.

Line of ed.: 5        გარდაიცვალა გუარამ მამფალი, ძე აშოტ დიდისა, მამა ნასრისა, ქრონიკონსა რ^ბ.

Line of ed.: 6        და გარდაიცვალა აშოტ, ძე ბაგრატ კურაპალატისა, ქრონიკონსა რ^ე.

Line of ed.: 7        და ამისსა შემდგომად გამოვიდა ნასრ სამეფოთ და მოვიდა აფხაზეთს. და / იყო
Line of ed.: 8     მაშინ აფხაზთა მეფე ბაგრატ, დი-სიძე ნასრესი, და შესწია მან დიდითა ლაშქრითა,
Line of ed.: 9     მეფემან აფხაზთამან, და მუნით გარდამოვიდა ნასრ სამცხეს და შეკრიბა სხუა-ცა ლაშქარი
Line of ed.: 10     ურიცხჳ. ხოლო ადარნასე, ძე მოკლულისა კურაპალატისა, განვიდა ბრძოლ/ად
Line of ed.: 11     მისა, და მიჰყვა მის თანა შეწევნად ადარნასესა გურგენ კურაპალატი და შვილნი მისნი.
Line of ed.: 12     და ყვეს ბრძოლა და ომი დიდი ნასრის ზედა. და შეეწია ღმერთი მცირეთა ამათ ადარნასეს-კერძთა
Line of ed.: 13     და სძლეს ნასრას, მეოტ-ქმნეს, შეიპყრეს და მოკლეს ნასრა ჴევსა სამცხისასა,
Line of ed.: 14     სოფელსა ასპინძას, ქრონიკონსა რ^ე. და არა დაუშთა შვილი ნასრას, და აღიჴოცა
Line of ed.: 15     საჴსენებელი მისი.

Line of ed.: 16        ადარნასე, ძე დავით კურაპალატისა, დასუეს ქართველთა მეფედ [ნაცვლად] მის
Line of ed.: 17     მოკლულისა. და ამან ადარნასე, ძემან დავით მოკლულისამან, აღაშენა ბანა ჴელითა
Line of ed.: 18     კჳრიკე ბანელისათა, რომელი-იგი იქმნა პირველ ეპისკოპოს ბანელ.

Line of ed.: 19        და მამფალი სუმბატ არტანუჯელი, ძე ადარნასესი, ძისა აშოტ დიდისა, გარდაიცვალა
Line of ed.: 20     ქრონიკონსა რ^თ, და დაუტევნა ძენი ორნი: ბაგრატ მამფალი არტანუჯელი
Line of ed.: 21     [და დავით მამფალი].

Line of ed.: 22        /და სიცოცხლესა-ვე შინა სუმბატ არტანუჯელისასა მოისრა ნასრ; და ქუეყანა ნასრისი
Line of ed.: 23     დაიპყრეს სხუათა ამათ მთავართა.

Line of ed.: 24        ხოლო გურგენ კურაპალატი წარვიდა ტაოთ, კალმახით, მამულით თჳსით, ცხოვრებად
Line of ed.: 25     შავშეთს და არტანს. და ამისსა შემდგომად შეიმტერნეს ურთიერთას და შეკრიბეს
Line of ed.: 26     ლაშქარი ერთმან-ერთსა ზედა ერთ-კერძო გურგენ კურაპალატმან და ერთა მისთა,
Line of ed.: 27     მეორე-კერძ ადარნასე ქართველთა მეფემან და ბაგრატ არტანუჯელმან. მოვიდეს ესენი
Line of ed.: 28     ჴევსა არტანისასა, სოფელსა მგლინავსა, / და ჰბრძოლეს ერთმან-ეთსა. და მეოტ იქმნა
Line of ed.: 29     გურგენ კურაპალატი, წყლეს და შეიპყრეს. და მოკუდა წყლულებითა მისითა გურგენ
Line of ed.: 30     კურაპალატი, ძე ადარნასესი, მისა აშოტ დიდისა, ქრონიკონსა რ^ია. და დაუტევნა
Line of ed.: 31     /ორნი ძენი: ადარნასე და აშოტ ერის-თავთ-ერის-თავი.

Page of ed.: 380  
Line of ed.: 1        შემდგომად გურგენ მამისა თჳსისა კურაპალატისა გარდაიცვალა [ადარნასე] ქრონიკონსა
Line of ed.: 2     რ^ივ, და დაუტევნა ორნი ძენი მცირენი: დავით ერის-თავთა-ერის-თავი და
Line of ed.: 3     გურგენ, რომელი შემდგომად, მერმე, დიდი ერის-თავთა-ერის-თავი იყო.

Line of ed.: 4        და გარდაიცვალა ბაგრატ მამფალი არტანუჯელი ძე სუმბატისი ქრონიკონსა რ^კთ,
Line of ed.: 5     თუესა აპრილსა კ^, დღესა აღვსებასა, და დაუტევნა ძენი ოთხნი: ადარნასე, რომელი-იგი
Line of ed.: 6     მონაზონ იქმნა და ბასილი სახელ-იდვა, გურგენ ერის-თავი, აშოტ და დავით.

Line of ed.: 7        გარდაიცვალა დავით ერის-თავი, ძე ადარნასესი, ძისა გურგენ კურაპალატისა, ძმა
Line of ed.: 8     დიდისა გურგენისა, ქრონიკონსა რ^კჱ, და არა დაუტევა შვილი.

Line of ed.: 9        აშოტ ერის-თავთა-ერის-თავმან, ძემან გურგენ კურაპალატისამან, რომელსა ეწოდა
Line of ed.: 10     კუხი, აღაშენა ტბეთი შავშეთს და განასრულა იგი ყოვლითა განგებითა, და დასუა
Line of ed.: 11     პირველად ეპისკოპოსად სანატრელი სტეფანე / უწყებითა სულისა წმიდისათა. და გარდაიცვალა
Line of ed.: 12     ესე აშოტ კუხი ქრონიკონსა რ^ლჱ, და არა ესუა შვილი.

Line of ed.: 13        და ამისსა შემდგომად გურგენ, ძმის-წული მისი, ძე ადარნასესი, დასუეს
Line of ed.: 14     ერის-თავთა-ერის-თავად.

Line of ed.: 15        გარდაიცვალა დავით, ძე ბაგრატ არტანუჯელისა, ქრონიკონსა რ^მბ, და დაუტევა
Line of ed.: 16     ძე მუცელსა შინა ცოლისა თჳსისასა, რომელსა-იგი ეწოდა ბაგრატ.

Line of ed.: 17        გარდაიცვალა ადარნასე, ქართველთა მეფე, ძე დავით მოკლულისა, ქრონიკონსა
Line of ed.: 18     რ^მგ და დაუტევნა ძენი ოთხნი, დავით რომ/ელი შემდგომად მამისა / თჳსისა ქართველთა
Line of ed.: 19     მეფე იქმნა, აშოტ კურაპალატი, და ბაგრატ მაგისტროსი, და სუმბატ, რომელი
Line of ed.: 20     ძმათა შემდგომად კურაპალატად დასუეს.

Line of ed.: 21        გარდაიცვალა გურგენ ერის-თავი, ძე ბაგრატ არტანუჯელისა, ქრონიკონსა რ^მგ,
Line of ed.: 22     მას-ვე წელსა შინა, რომელსა შინა ქართველთა მეფე ადარნასე მიიცვალა, და დაუტევა
Line of ed.: 23     ამან გურგენ ძე მუცელსა შინა ცოლისა თჳსისასა, რომელსა ეწოდა გურგენ-ვე, სახელი
Line of ed.: 24     მამისა თჳსისა.

Line of ed.: 25        გარდაიცვალა დავით, ქართველთა მეფე, ძე ადარნასე მეფისა ქართველთასა,
Line of ed.: 26     ქრონიკონსა რ^ნზ, და არა ესუა ძე.

Line of ed.: 27        გარდაიცვალა აშოტ, ძე ბაგრატ არტანუჯელისა, ქრონიკონსა რ^ნთ, თუესა
Line of ed.: 28     ივნისსა, და არა ესუა ძე.

Line of ed.: 29        გარდაიცვალა გურგენ დიდი ერის-თავთა-ერის-თავი, ძე ადარნასესი, რომელმან უმეტესნი
Line of ed.: 30     სიმჴნენი და ბრძოლანი ქმნნა ყოველთა მამათა მისთასა, და დაიმორჩილნა
Line of ed.: 31     ყოველნი გარემოსნი, ქრონიკონსა რ^ჲა, თუესა თებერვალსა ი^დ. არა ესუა ძე.

Page of ed.: 381  
Line of ed.: 1        გარდაიცვალა მამფალი დავით, ძე სუმბატ ართანუჯელისა მონაზონობასა შინა,
Line of ed.: 2     ქრონიკონსა რ^ჲგ, თუესა თებერვალსა ოცსა, და დაუტევა ძე თჳსი სუმბატ, რომელი-იგი
Line of ed.: 3     დასუეს ერის-თავთა-ერის-თავად.

Line of ed.: 4        გარდაიცვალა ბაგრატ მაგისტროსი, ძე ადარნასე ქართველთა მეფისა, ქრონიკონსა რ^ჲე, თუესა
Line of ed.: 5     მარტსა, და დაუტევა ძე თჳსი ადარნასე, რომელი შემდგომად
Line of ed.: 6     მამისა თჳსისა მაგისტროსი იქმნა / და შემდგომად მამის ძმათა კურაპალატი იქმნა.

Line of ed.: 7        მას-ვე წელსა ბაგრატ მაგისტროსის გარდაცვალებისასა ბასილი მონაზონი კლარჯი
Line of ed.: 8     გარდ/აიცვალა, ძე ბაგრატ მამფლისა.

Line of ed.: 9        გარდაიცვალა აშოტ კურაპალატი, ძე ადარნასე ქართველთა მეფისა, ქრონიკონსა
Line of ed.: 10     რ^ოდ, და არა ესუა შვილი. და ამას-ვე წელსა აშოტ, ძე სუმბატისი, გარდაიცვალა
Line of ed.: 11     და არა ესუა ძე.

Line of ed.: 12        და შემდგომად აშოტ კურაპალატისა / ძმა მისი დასუეს კურაპალატად, სუმბატ.

Line of ed.: 13        და ესე სუმბატ კურაპალატი, ძე ადარნასე ქართველთა მეფისა, გარდაიცვალა ქრონიკონსა
Line of ed.: 14     რ^ოჱ, და დაუტევნა ძენი ორნი: ბაგრატ ერის-თავთ-ერის-თავი, რომელი ქართველთა
Line of ed.: 15     მეფედ დასუეს, რეგუენი, და ადარნასე კურაპალატი.

Line of ed.: 16        გარდაიცვალა [ადარნასე კურაპალატი], ძე ბაგრატ მაგისტროსისა, ქორონიკონსა
Line of ed.: 17     რ^პა, რომელი-ესე ძეთა შეიპყრეს და მონაზონ ქმნეს. მოკუდა უნებლიეთ ფიჩჳთა,
Line of ed.: 18     და დაუტევნა ძენი: ბაგრატ და დავით ერის-თავთა-ერის-თავი. გარდაიცვალა ესე ბაგრატ
Line of ed.: 19     ერის-თავთ-ერის-თავი, ძე ადარნასე კურაპალატისა, ქრონიკონსა რ^პვ, ხოლო ძმა მისი
Line of ed.: 20     დავით კურაპალატი იქმნა დიდად.

Line of ed.: 21        გარდაიცვალა გურგენ, ძე გურგენის, ძისა ბაგრატ მამფლისა, ქრონიკონსა რ^პჱ.

Line of ed.: 22        გარდაიცვალა ადარნასე, ძე სუმბატ კურაპალატისა, ძმა ბაგრატ რეგუნისა, ქრონიკონსა
Line of ed.: 23     ს^გ, და დაუტევა ძე დავით მცირე.

Line of ed.: 24        გარდაიცვალა სუმბატ ერის-თავთა-ერის-თავი, კაცი მართალი, ძე დავით მამფლისა,
Line of ed.: 25     არტანუჯელი, ქრონიკონსა ს^ჱ და დაუტევნა ძენი ორნი: დავით და ბაგრატ. და შემდგომად მიცვალებისა მისისა
Line of ed.: 26     დღესა მეორმოცესა გარდაიცვალა ძე მისი ბაგრატ, და
Line of ed.: 27     დაუტე/ვნა ძენი ორნი: სუმბატ / და გურგენ.

Line of ed.: 28        გარდაიცვალა სუმბატ, ძე ბაგრატ რეგუნისა, ქართველთა მეფისა, ქრონიკონსა
Line of ed.: 29     ს^იბ, და არა ესუა შვილი.

Line of ed.: 30        გარდაიცვალა დავით, ძე სუმბატ ერის-თავთა-ერის-თავისა დიდებულისა, კაცისა
Line of ed.: 31     მართლისა; და გარდაიცვალა ბაგრატ რეგუენი ქართველთა მეფე, ძე კურთხეულისა
Page of ed.: 382   Line of ed.: 1     სუმბატ კურაპალატისა, ქრონიკონსა ს^იდ, და დაუტევა ძე თჳსი უხუცესი გურგენ,
Line of ed.: 2     რომელსა უწოდეს მეფეთა-მეფე. და ამას გურგენს ესუა ბაგრატ დედით აფხაზთა მეფისა
Line of ed.: 3     დის-წული, დემეტრესი და თევდოსესი. ვიდრე გურგენის გამეფებამდე ესე ბაგრატ მეფე
Line of ed.: 4     იქმნა / აფხაზეთს, და ამისთჳს გურგენს მეფეთ-მეფობა ეწოდა.

Line of ed.: 5        გარდაიცვალა დავით დიდი კურაპალატი, ძე ადარნასე კურაპალატისა, ქრონიკონსა
Line of ed.: 6     ს^კა, და არა ესუა ძე.

Line of ed.: 7        და აოჴრდა იმიერ-ტაო; და გამოვიდა ბასილი ბერძენთა მეფე, და მისცნეს მას
Line of ed.: 8     ციხენი აზნაურთა ამა დავითისთა, და დაიპყრა ბასილი მეფემან მამული დავით კურაპალატისა. და
Line of ed.: 9     მივიდეს მის წინაშე ბაგრატ აფხაზთა მეფე და მამა მისი გურგენ. და
Line of ed.: 10     მოსცა მათ ბასილი მეფემან პატივი -- გურგენს მაგისტროსობა და ბაგრატს კურაპალატობა,
Line of ed.: 11     რათა-მცა ვითარ მტერ-ყვნა ერთმან-ერთისა მიმართ მამა-ძენი ესე, და ამით
Line of ed.: 12     ღონითა იძმაცუა. ხოლო გურგენ ჭეშმარიტი და მართალი იყო და ვერა აღძრა გული
Line of ed.: 13     მისი ზაკჳთა ამით მიზეზითა და ვერა უძლო ღონის-ძიებითა.

Line of ed.: 14        გარდაიცვალა ესე გურგენ მეფეთ-მეფე, ძე ბაგრატ ქართველთა მეფისა, ქრონიკონსა
Line of ed.: 15     ს^კჱ, და დაუტევა ძე ესე თჳსი ბაგრატ, აფხაზთა მეფე, კურაპალატი დიდი, და
Line of ed.: 16     ეუფლა ტაოს მამულსა თჳსსა, და დაიპყრა ყოველი კავკასია თჳთ-მპყრობელობითა
Line of ed.: 17     ჯიქეთითგან ვიდრე / გურგენადმდე. ხოლო ადარბადაგანი და შარვანი მოხარკე ყო, სომხითისა
Line of ed.: 18     ჴელმწიფებითა,. ნებიერად განაგებდა. მეფე სპარსთათჳს მეგობრად და ერთ-გულ
Line of ed.: 19     ყო სიბრძნითა და ძლიერებითა თჳსითა უფროს სახლეულთა თჳსთასა, და ბერძენთ
Line of ed.: 20     მეფესა-ცა შიში აქუნდა ამისი ყოვლად-ვე.

Line of ed.: 21        და ამან ბაგრატ კურაპალატმან მოიყვანნა კლარჯნი ჴელმწიფენი სუმბატ და
Line of ed.: 22     გურგენ, ძენი ბაგრატ არტანუჯელისანი, თჳსნი მამის დის-წულისანი, დარბაზობად მის
Line of ed.: 23     წინაშე ციხესა შინა ფანასკერტისასა, და მუნ შინა შეიპყრნა იგინი. და აღიხუნა ქუეყანანი
Line of ed.: 24     და ციხენი მათნი, რამეთუ იგინი / პატიმარ ყვნა ციხესა შიგა თმოგჳსასა. და
Line of ed.: 25     მუნ ციხესა შინა თმოგჳსასა გარდაიცვალა სუმბატ არტანუჯელი ქრონიკონსა ს^ლა.
Line of ed.: 26     და ეგრეთ-ვე მას-ვე წელსა შინა გურგენ-ცა გარდაიცვალა, ძმა სუმბატისი, ქრონიკონსა
Line of ed.: 27     ს^ლბ ხოლო შვილნი ამათნი წარვიდეს კოსტანტინეპოლედ, ძე სუმბატისი ბაგრატ
Line of ed.: 28     და ძე გურგენისი დემეტრე, ბასილი მეფისა წინაშე, და მათნი-ვე შვილნი კლარჯთა მეფეთანი
Line of ed.: 29     რომელ დაშთეს ამათ ქუეყანასა, მოისრნეს ყოველნი სიკუდილითა პატიმრობასა შინა.

Line of ed.: 30        ამისსა შემდგომად მოვლო ბაგრატ ყოველი სამეფო თჳსი, აფხაზეთი, ჰერეთი და
Line of ed.: 31     კახეთი, მოვიდა და დაიზამთრა ჴევთა ტაოსათა. და მო-რა-იწია ზაფხული, მოვიდა
Page of ed.: 383   Line of ed.: 1     მას-ვე ციხესა ფანასკერტისასა წელსა მესამესა. და მუნ შინა გარდაიცვალა ესე ბაგრატ
Line of ed.: 2     ქრონიკონსა / ს^ლდ, თუესა მაისსა ზ^, დღესა პარასკევსა. და დაუტევა ძე თჳსი
Line of ed.: 3     გიორგი და დაჯდა იგი მეფედ წლისა ი^ჱ.

Line of ed.: 4        ხოლო დაჯდა რა ესე გიორგი მეფედ, გან[უ]დგა ამას ქუეყანა ჰერეთ-კახეთისა,
Line of ed.: 5     და ღადრობითა აზნაურთათა შეპყრობილ იქმნეს ერის-თავნი. მათ ქუეყანათ კუალად-ვე
Line of ed.: 6     ეუფლნეს მათნი უფალნი, რომელთა პირველ აქუნდა იგი.

Line of ed.: 7        და ამის გიორგის მეფობისა მეშჳდესა წელსა გამოვიდა ბასილი ბერძენთა მეფე
Line of ed.: 8     ამას გიორგის მეფესა ზედა. ხოლო ესე გიორგი განვიდა ლაშქრითა დიდითა და
Line of ed.: 9     დაიბანაკეს ქუეყანასა ბასიანისასა ორთა-ვე მრავალ დღე, და არა მივიდეს ბრძოლად ერთმან-ერთსა
Line of ed.: 10     ზედა, არამედ მოერიდა გიორგი და მოვიდა და დაწუა ქალაქი ოლთისი.
Line of ed.: 11     [და მუნით მოვიდა კოლასა და] გამოუდგა კუალსა და მოუდგა უკანა მეფე ბერძენთა.
Line of ed.: 12     და შეკრბეს რა უკანა-მავალნი გიორგისნი და წინა-მავალნი ბასილისნი ლაშქარნი,
Line of ed.: 13     იქმნა ბრძოლა დიდი სოფელსა შინა, რომელსა ეწოდების / შირიმთა. და მრავლად
Line of ed.: 14     მოისრნეს ორ-კერძო-ვე და მოიკლნეს მუნ დიდნი ერის-თავნი: რატი ძე ლიპარიტისი
Line of ed.: 15     და ხურსი. და ვითარცა მოესმა ჴმა ომისა გიორგი მეფესა, აღბორგნეს, განვიდეს და მოვიდეს
Line of ed.: 16     ადგილსა მას, სადა იყვნეს ბრძოლად, და მოვიდა მუნ ბასილი მეფე-ცა სპითა დიდითა.

Line of ed.: 17        და შეკრბეს იგინი იმიერ და ამიერ. და იქმნა მუნ ბრძოლა დიდი და მოისრნეს
Line of ed.: 18     მუნ ბერძენნი დიდნი და ფრიადნი. და / წარმოიღეს გიორგისთა ავარი, და ეზომ
Line of ed.: 19     განდიდნა ბრძოლა იგი, რომელ სივლტოლა ეგულებოდა ბასილი მეფესა. გარნა
Line of ed.: 20     გიორგისნი-ვე სულ-მოკლე იქმნეს რამეთუ მორიდეს და წარმოვიდეს. ხოლო ბასილი
Line of ed.: 21     უკანა წარმოუდგა და მოვიდა არტანს, და დაწუა იგი; და რომელი პოვა, ტყუე ყო.
Line of ed.: 22     ხოლო გიორგი წარვიდა ნიალით კერძო სამცხედ, და მიუდგა მას უკანა ბასილი ჯავახეთით
Line of ed.: 23     კერძო, და მოაოჴრა ყოველი-ვე. გარდავიდა გიორგი თრიალეთად, და მოადგა
Line of ed.: 24     ბასილი-ცა თრიალეთად-ვე. და რა ეახლნეს ერთმან-ერთსა, კუალად განძლიერდა გიორგი
Line of ed.: 25     ლაშქრითა, რამეთუ მოიყვანნა წანარნი და შაქნი. ხოლო იხილა რა ესე ბასილი,
Line of ed.: 26     შეიქცა თრიალეთით და უკ-მოვლო ჯავახეთი და არტანი დღეთა შინა ზამთრისათა,
Line of ed.: 27     და კუალად უბოროტესადრე მოაოჴრა. და წარვიდა და დაიზამთრა ხალდიასა, ქალაქსა
Line of ed.: 28     ტრაპიზონთასა. და ვიდოდეს მოციქულნი ორთა-ვე ამათ მეფეთანი ზავისათჳს ერთმან-ერთისა
Line of ed.: 29     წინაშე და მშჳდობისა.

Line of ed.: 30        ხოლო იქმნა ამას ჟამსა შინა განდგომილება დიდი საბერძნეთს, რამეთუ შეირთნეს
Line of ed.: 31     ბასილის სპასპეტი და წარვეზი, ძე ფოკას განდგომილისა, და მეფე იქმნა ქსიფი,
Line of ed.: 32     და მიიდგინეს მათ ყოველი აღმოსავლეთით-კერძი ქუეყანა. ხოლო ღმერთმან ბასილის
Page of ed.: 384   Line of ed.: 1     დიდად შეშინებულსა-ვე პატივ-სცა, რამეთუ განუდგეს ქსიფენ წარვეზს, და ყოველნი-ვე
Line of ed.: 2     ერნი მისად მიმდგომელნი შეიტყუვნეს ციხესა შინა, შეიპყრ/ეს და ბასილის წინაშე
Line of ed.: 3     წარმოგზავნეს. და მან ექსორია ყო იგი კუნძულსა შინა და მიმდგომთა მისთა მრავალთა
Line of ed.: 4     თავი მოჰკუეთა, რომელთა თანა იყო ფერის ჯოჯიკის ძე ქართველი.

Line of ed.: 5        და კუალად შემოიქცა ბასილი მეფე / და მოვიდა ბასიანს. და ითხოვდა იგი
Line of ed.: 6     გიორგი მეფისაგან ციხე-ქუეყანათა და აღუთქმიდა ზავსა და მშჳდობასა. ხოლო გიორგი
Line of ed.: 7     მეფემან განავლინა ზჳადი ლაშქრითა დიდითა უწინარეს თჳსსა. და დაილაშქრა ზჳადმან-ცა
Line of ed.: 8     ამიერ კიდესა ბასიანისასა, რე-ცა ზამთრის სახედ. ხოლო თჳთ გიორგი მეფე
Line of ed.: 9     უკანა ისრე განვიდა ზავად წადიერი ლაშქრითა დიდითა და ძლიერითა. გარნა ორ-კერძო-ვე
Line of ed.: 10     მზაკუარნი იგი აზნაურნი არა მიეშუნეს გიორგის ყოფად ზავისა, რამეთუ არა
Line of ed.: 11     უნდოდა მშჳდობა, არამედ აზრახეს მას ბრძოლად. აწჳეს იგი ბასილის ზედა, რომელი-იგი
Line of ed.: 12     ზავად და მშჳდობად ჰგონებდა მისლვასა მათსა, და ჰგონებდა და მოელოდა. ხოლო
Line of ed.: 13     გიორგისთა იწყეს ბრძოლად და აოტეს ზოგი ბასილის ლაშქრისა. მაშინ უბრძანა
Line of ed.: 14     ბასილი მეფემან დამოკიდება წუერსა ჰოროლისასა დაწერილი მათი, რომელნი მისად
Line of ed.: 15     დაეწერნეს გიორგი მეფესა ჩუენსა სიმტკიცისა და ზავისანი. და ესრეთ ბასილი მეფემან
Line of ed.: 16     ჰოროლისა წუერითა ამართნა იგინი. მიუპყრა ღმერთსა და თქუა: "იხილე, უფალო,
Line of ed.: 17     წერილი ესე მათი და საქმე, რომელსა აწ იქმან".

Line of ed.: 18        და კუალად მოიღო ბასილი მეფემან ძელი / ცხოვრებისა მანდილითა წმიდითა,
Line of ed.: 19     და დასცა იგი ქუეყანასა ზედა და თქუა ესრეთ, ვითარმედ: "უკეთუ მიმცე მე ჴელთა
Line of ed.: 20     მტერთასა, არღარა თაყუანის-გცე უკუნისამდე". და ვითარ ესე ყო და თქუა, მყის მას-ვე
Line of ed.: 21     ჟამსა იძლივნეს და მეოტ იქმნეს სპანი გიორგისნი, რომელნი-იგი პირველ მივიდეს;
Line of ed.: 22     და გამოვიდეს მიერ-კერძო ტაღმანი მეფისანი რუსნი, და არა განერა ერთი-ცა პირველ
Line of ed.: 23     მოსრულთა მათ თჳნიერ მცირედთასა. რამეთუ თჳთ მეფე გიორგი და უძლიერესი
Line of ed.: 24     ლაშქარი მისი არღარა მისრულ იყო ჯერეთ ყოვლად-ვე, და მოიკლნეს მათგანი მას
Line of ed.: 25     დღესა შინა, რომელთა-ცა-იგი მშჳდობის-ყოფა არა ენებათ, და მეოტ იქმნეს ყოველნი.
Line of ed.: 26     და მოისრნეს ურიცხუნი პირითა მახჳლისათა და რომელნი-მე მეოტ იქმნეს. წარიღეს
Line of ed.: 27     ბერძენთა ავარი დიდ-ძალი და განძი სამეფო ყოველი სრულიად, რომელი აქუნდა.

Line of ed.: 28        და წარმოიძრა მცირედ ბასილი / მეფე და მოუდგა უკანა. და კუალად იწყო
Line of ed.: 29     ზავად და მშჳდობად პირველისაებრ-ვე, რამეთუ შიში აქუნდა საბერძნეთით კუალად-ცა
Line of ed.: 30     განდგომილებისა. და ყვეს მაშინ მშჳდობა და დაიზავნეს.

Line of ed.: 31        და მისცა გიორგი მეფემან მძევლად ძე თჳსი ბაგრატ, სამისა წლისა ყრმა ჩჳლი,
Line of ed.: 32     და მისცა ციხე ათორმეტი, და ქუეყანა დავით კურაპალატისა ნაქონები ტაოს, ბასიანს,
Page of ed.: 385   Line of ed.: 1     და ჯავახეთს, შავშეთს. და ესრეთ წარვიდა / ბერძენთა მეფე ბასილი, და თანა წარიტანა
Line of ed.: 2     ბაგრატ ყრმა მცირე. და შემდგომად სამისა წლისა შინა-ვე წარმოგზავნა აღუთქუა
Line of ed.: 3     გიორგის ბაგრატისი.

Line of ed.: 4        გარდაჴდეს რა სამნი წელნი, მაშინ წარმოგზავნა ბასილი მეფემან ქალაქით
Line of ed.: 5     კოსტანტინეპოლით ბაგრატ, ძე გიორგისი, ვითარცა-იგი აღეთქუა. და მოიწია ბაგრატ
Line of ed.: 6     ტაოს და შემოვიდა თჳსსა მამულსა ბანას თანა-მოყოლითა მისად კატაბანისა აღმოსავლისათა
Line of ed.: 7     ზღვრადმდე ბაგრატის მამულისა. ხოლო შე-რა-იქცა კატაბანი იგი, მოემთხჳვნეს
Line of ed.: 8     მას მანდატურნი წიგნითა ესრეთ წერილითა, ვითარმედ: "მიიცვალა ბასილი
Line of ed.: 9     მეფე, ძმა ჩემი, და ვიქმენ მე მეფე ყოვლისა საბერძნეთისა. და აწ სადა-ცა-ღა მოწევნულ
Line of ed.: 10     იყოს საჴელმწიფოსა შინა ძე გიორგისი ბაგრატ, გარე-ვე-აქციე იგი სწრაფით და
Line of ed.: 11     წინაშე ჩუენსა მოგზავნე". და ვითარცა აღმოიკითხა კატაბანმან, მსწრაფლ მოიქცა და
Line of ed.: 12     დევნა უყო ბაგრატს, გარნა ვერ ეწია მას, რამეთუ თჳსსა მამულსა შემოსრულ იყო
Line of ed.: 13     იგი და განძლიერებულ ლაშქრითა, რომლისა ბრძოლად ვერ-ღა-რა ეძლო კატაბანსა
Line of ed.: 14     მას, არამედ გარე-უკუნ-იქცა და წარვიდა. ეჰა, დიდი და საკჳრველი მოწყალება ღმრთისა/
Line of ed.: 15     ვითარ-ღა განერა მართალი ჴელთაგან შემპყრობელთა და მტერთა მისთასა, ქრონიკონსა
Line of ed.: 16     ს^მე.

Line of ed.: 17        და მოვიდა ბა/გრატ საბერძნეთით წინაშე მამისა თჳსისა გიორგი მეფისა და
Line of ed.: 18     დედისა თჳსისა მარიამ დედოფლისა ქალაქსა მათსა ქუთათისს. და ესრეთ შეკრბეს
Line of ed.: 19     იგინი მშჳდობით, და მისცეს დიდება და მადლობა / ღმერთსა მომადლებისათჳს მათდა
Line of ed.: 20     ესე-ვითარისა მის კეთილისა. და შემდგომად ამისსა რა გარდაჴდეს წელნი ორნი, გარდაიცვალა
Line of ed.: 21     გიორგი, მამა ამის ბაგრატისი, თრიალეთს, ადგილსა მას, რომელსა ეწოდების
Line of ed.: 22     მყინვარნი, ქრონიკონსა ს^მზ, თუესა აგჳსტოსა ი^ვ. და დამარხეს იგი ქუთათისს.

Line of ed.: 23        და დაჯდა შემდგომად მისსა მეფედ ძე მისი ბაგრატ ცხრისა წლისა. ხოლო აზნაურნი
Line of ed.: 24     ტაოელნი წარვიდეს საბერძნეთს: ვაჩე კარიჭის-ძე, და ბანელი ეპისკოპოსი
Line of ed.: 25     იოვანე, და ამათ თანა უმრავლესნი აზნაურნი ტაოსა, რომელნი-მე ციხოვანნი და
Line of ed.: 26     რომელნი-მე უციხონი, განუდგეს ბაგრატს და მიერთნეს კოსტანტინეს, ძმასა ბასილი
Line of ed.: 27     ბერძენთა მეფისასა, რომელი შემდგომად მისსა მეფე იყო.

Line of ed.: 28        და წელსა მეორესა გამოგზავნა კოსტანტინე მეფემან პარკიმანოსი თჳსი მიუუწდომელისა
Line of ed.: 29     ძალითა ლაშქრითა თჳსისათა და განძითა ურიცხჳთა ყოვლად უძლიერესად
Line of ed.: 30     ბასილი მეფისა-ცა. მოვლო და მოაოჴრა ქუეყანანი იგი, რომელნი პირველ მოეოჴრნეს
Line of ed.: 31     ქუეყანანი ბასილი მეფესა, და უმეტეს-ცა. რამეთუ მიიწია ესე თრიალეთს ციხესა ქუეშე
Line of ed.: 32     კლდე-კართასა, სადა-იგი იყვნეს მაშინ აზნაურნი ბაგრატისნი, და ბრძ/ოლა ყვეს, გარნა
Line of ed.: 33     არა დიდად. და განდგეს კუალად აზნაურნი, და მისცნეს ციხენი, ჩანჩახამან, ერის-თავმან
Line of ed.: 34     შავშეთისამან, მისცა ციხე წეფთისა, და თჳთ წარვიდეს იგინი საბერძნეთს.

Page of ed.: 386  
Line of ed.: 1        ხოლო აღაშენა სიმაგრე საბა მტბევარ ეპისკოპოსმან, მახლობელად ტბეთის
Line of ed.: 2     ეკლესიასა და სახელ-სდვა მას სუეტი. და შეკრიბა მაშინ მან ერი თჳსი და შევიდეს
Line of ed.: 3     მას შინა თჳთ საბა მტბევარ ეპისკოპოსი, და ეზრა ანჩელ ეპისკოპოსი, და შავშეთის
Line of ed.: 4     აზნაურნი, და განძლიერდა მას შინა.

Line of ed.: 5        ხოლო მოავლინა მუნ პარკიმანოსმან იოვანე ხ/არტულარი, სახელით ვალანგ,
Line of ed.: 6     ლაშქრითა დიდ-ძალითა, და თანა-მოსცა მას ძე გურგენ კლარჯისა დემეტრე, რე-ცა
Line of ed.: 7     შესატყუენელად ქუეყანისა მკჳდრთა, რომელი-ესე იქმნა ესრეთ. რამეთუ მიიქცეს ერნი,
Line of ed.: 8     სოფელნი უგუნურ-უსუსურნი ცნობითა და გონებითა. და გამოადგინეს ლაშქარნი
Line of ed.: 9     სუეტსა მას ტბეთისასა, და ჰბრძოდეს ძლიერად მრავალ-ღონედ. და ღმერთმან განაძლიერნა
Line of ed.: 10     მყოფნი იგი სუეტსა მას შინა მადლითა და მეოხებითა წმიდათა მოციქულთათა და
Line of ed.: 11     ლოცვითა წმიდათა ამათ მღდელთ-მოძღუართათა. და ვითარცა ერთ-გულნი
Line of ed.: 12     და ჭეშმარიტნი მარტჳლნი საღმრთონი თავთა თჳსთა სიკუდილად განსწირვიდეს, და
Line of ed.: 13     ჴორციელთა უფალთათჳს თავთა თჳსთა განსწირვიდეს, და სისხლთა დასთხევდეს
Line of ed.: 14     სიტყჳსაებრ მოციქულთასა, და / განძლიერდებოდეს. ყოველთა-ვე ეტყოდეს, ვითარმედ:
Line of ed.: 15     "ნუ-მცა შეგჳტყუებენ ჩუენ ლიქნანი ესე და საფასენი მსწრაფლ წარმავალნი, არამედ
Line of ed.: 16     მოვიგოთ მადლი ერთგულებისა და გჳრგჳნი ახოვნებისა". რამეთუ მბრძოლნი იგი გარე
Line of ed.: 17     მოდგომილნი მათდა ლიქნიდეს აღთქმითა და ქადაგებითა კეთილითა და საფასეთათა:

Line of ed.: 18        ხოლო ესე-ვითარად რა ღელვად აღტეხილად იგუემებოდა აღმოსავლეთი, მსწრაფლ
Line of ed.: 19     ეწია რისხვა უმსჯავროსა მას მეფესა კოსტანტინეს, მსგავსად-ვე ივლიანეს უსჯულოსა,
Line of ed.: 20     უწყალოებისათჳს ბაგრატ მეფისა ჩუენისა, მოოჴრებისათჳს მამულისა მისისა, და
Line of ed.: 21     მოსწრაფედ მოუწერა პარკიმანოსს პროედროსსა თჳსსა, რათა მსწრაფლ შეიქცეს იგი
Line of ed.: 22     ლაშქრით-ურთ თჳსით და მოვიდეს კოსტანტინეპოლედ. და წარვიდა იგი, ესმა რა ესე.
Line of ed.: 23     და ვითარცა გარდაიცვალა ესე კოსტანტინე მეფე, დაუტევა შემდგომად მისსა მეფობა
Line of ed.: 24     რომანოზს, ნათესავსა და მიმდგომსა-ვე თჳსსა.

Line of ed.: 25        ამისსა შემდგომად წელსა მესამესა სანატრელმან დედოფალმან მარიამ, დედამან
Line of ed.: 26     ბაგრატ მეფისამან, შეიმოსა სიმჴნე და ახოვნება, რამეთუ ნაშობი იყო ბრწყინვალეთა
Line of ed.: 27     მათ ძლიერთა და დიდთა / მეფეთა არშაკუნიანთა და წარვიდა კოსტანტინეპოლედ
Line of ed.: 28     წინაშე რომანოზ მეფისა, ვედრებად მისა, რათა მშჳდობა-ყოს აღმოსავლეთისათჳს და
Line of ed.: 29     რათა არღარა იყოს ბრძოლა ბერძ/ენთა და ქართველთა, და გლახაკნი დაწყნარებულ
Line of ed.: 30     და მყუდრო იყვნენ, და რათა მიუთხრეს პატივი ძესა თჳსსა ბაგრატს მეფესა წესისაებრ
Line of ed.: 31     სახელისა.



This text is part of the TITUS edition of Kartlis Cxovreba.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.