TITUS
Hagiographical texts from ms. Ath. 8
Part No. 10
Previous part

Chapter: 2b  
Line of ed.: 3    პოსიდიოს სტრატიოტთ-მთავარმან თქუა: ღმერთსა შენსა ძჱ
Line of ed.: 4    უვისა? წმიდამან თევდორე თქუა: ჰე უვის ძჱ სიტყუაჲ იგი ჭეშმარიტებისა {!},
Line of ed.: 5    რომლისაგან ყოველი შეიქმნა: პოსიდიოს სტრატიოტთ
Line of ed.: 6    მთავარმან თქვა: შემძლებელ ვართა ცნობად ამისა? წმიდამან თედორე
Line of ed.: 7    თქუა: ვითარ იგი წეს იყო მოგცა თქუჱნ ღმერთმან ეგევითარი
Line of ed.: 8    გულისხმის ყოფაჲ, რათა იცოდით იგი. პოსიდიოს თქუა: უკუეთუ
Line of ed.: 9    ვიცოდით იგი, ნუ ჴელ-გუეწიფების დატევებად მეუფისა ჩუჱნისა და
Line of ed.: 10    მას მსახურებად. წმიდამან თედორე თქუა: არა რაჲ არს დამაბრკოლებელ {!}
Line of ed.: 11    თქუ{ე}ჲნდა, რათამცა დაუტევეთ ბნელი და მოხუედით ნათელსა,
Line of ed.: 12    რომლისაგან მცირედი განცხადებაჲ {!} გაქუს წუთ ჟამისაჲ და მოკუდავისათჳს
Line of ed.: 13    მეფისა თქუჱნისა და შევრდომად ღვთისა ცხოველისა და
Line of ed.: 14    უფლისაჲ საუკუნოჲსა სტრატიოტ {!} ყოფად, ვითარცა ესე მე. ბრინკა
Line of ed.: 15    აზრაპეტმან თქუა: დრო-უყავთ მაგას მცირედთა დღეთა, რათა ასწავოს
Line of ed.: 16    თავსა თჳსსა, და მოვიდეს მას ზედა, რომელი მაგას შეაშუნდეს.

Next part


This text is part of the TITUS edition of Hagiographical texts from ms. Ath. 8.

Copyright TITUS Project, Frankfurt a/M, 22.9.2017. No parts of this document may be republished in any form without prior permission by the copyright holder.