TITUS
Old Georgian Hagiographical Texts, vol. II
Part No. 19
Previous part

Chapter: VII  
Page of ed.: 48  
Paragraph: 12 
Line of ed.: 25        12. 7. და ამისა შემდგომად განიზრახეს მამათა ჩუენთა და
Line of ed.: 26     თქუეს, ვითარმედ: "აქა ყოფაჲ ჩუენი შეუძლებელ არს, კაცნი
Line of ed.: 27     ვართ სახელოვანნი და ქართველნი მოგუმართებენ". და ესე გამოარჩიეს,
Line of ed.: 28     რაჲთა კიდე თავისუფლად თჳსი მონასტერი აღაშენონ.
Page of ed.: 49   Line of ed.: 1     დაღათუ უძნდა საქმე ესე იოვანეს, გარნა ქართველთა განსუენებისათჳს
Line of ed.: 2     და უფროჲს ხოლო თორნიკის აშენებისათჳს თავს-იდვა
Line of ed.: 3     ამისი ჴელ-ყოფაჲ. და ღმრთისა მომადლებითა პოვეს ადგილი
Line of ed.: 4     შუენიერი შუა მთა-წმიდისა და აღაშენეს მონასტერი და ეკლესიანი
Line of ed.: 5     წმიდისა ღმრთის-მშობელისა სახელსა ზედა და წმიდისა
Line of ed.: 6     იოვანე ნათლის-მცემელისასა ფრიადითა ოფლითა და ღუაწლითა.
Line of ed.: 7     და ადგილნი მრავალნი, მონასტერნი და სადაყუდებულონი
Line of ed.: 8     Ms. page: L_14r   გარემოჲს დიდისა მონასტრისა ვიდრე იმერად ზღუადმდე
Line of ed.: 9     თჳსითა საფასითა იყიდნეს, რომელნი-იგი შუენიერ არიან და საწადელ
Line of ed.: 10     და მომზავებელ სულიერთა მონაზონთა საყოფლად.

Line of ed.: 11        და ეგრეთ-ვე ღმრთის-მსახურთა მეფეთა, ვინაჲთგან ესევითარნი
Line of ed.: 12     მსახურებანი ჰმსახურნეს და დიდნი საქმენი უქმნნეს, რომელნი-ცა
Line of ed.: 13     ადგილნი და სოფელნი სთხოვნეს, ყოველნი ოქრობეჭდითა
Line of ed.: 14     დაუმტკიცნეს, რომელნი-იგი მრავალ-ცა არიან და რჩეულ ფრიად,
Line of ed.: 15     ვითარცა ამას ქუეყანასა შეჰგავს.

Paragraph: 13 
Line of ed.: 16        13. ხოლო იყო რაჲ თორნიკ აღმოსავალეთს, მრავალნი ფიჩოსანნი
Line of ed.: 17     და სახელოვანნი მონაზონნი ჩამოიტანნა, სიმრავლე არა-მცირედი,
Line of ed.: 18     და ენება, რაჲთა ქართველნი ოდენ იყვნენ მონასტრისა
Line of ed.: 19     ამის მკჳდრნი ყოველნი გარნა, ვინაჲთგან ამისი ქმნაჲ შეუძლებელ
Line of ed.: 20     იყო, 2ძულნეს Ms. page: L_14v   ბერძენთა-ცა შემოყვანებაჲ, რამეთუ
Line of ed.: 21     ჩუენ, ვითარცა ხედავთ, ზღჳსა რაჲთურთით გამოცდილებაჲ არაჲ
Line of ed.: 22     გუაქუს, და ჩუენი ყოველი გასარომელი ზღჳთ შემოვალს, და მერმე
Line of ed.: 23     თჳნიერ მჭედელთა და ხუროთა და გალატოზთა და მევენაჴეთა
Line of ed.: 24     და ნავის-მოქმედთა და სხუათა ესევითართა ამის ესევითარისა ვრცელისა
Line of ed.: 25     ლავრისა დამჭირვაჲ უღონო არს. და ესე ყოველი გამონახეს
Line of ed.: 26     წმიდათა მამათა ჩუენთა და, თუ უნდა და თუ არა, ვითარცა
Line of ed.: 27     ვთქუთ. შეიწყნარნეს იგინი-ცა. და ესრეთ ღმრთისა შეწევნითა
Line of ed.: 28     სრულ იქმნა შენებაჲ მონასტრისაჲ.

Paragraph: 14 
Page of ed.: 50  
Line of ed.: 1     14. ხოლო თორნიკ, ვინაჲთგან იოტა სკლიაროსი და კუალად
Line of ed.: 2     აქა-ვე მოიქცა ურიცხჳთა საფასითა და განძითა, - რამეთუ უფროჲს
Line of ed.: 3     ათორმეტისა კენდინარისა მოიღო განძი ოდენ, სხუათა
Line of ed.: 4     ტურფათაგან კიდე, - რომელი-იგი ყოველი-ვე მამისა თჳსისა სულიერისა
Line of ed.: 5     Ms. page: L_15r   იოვანეს ჴელთა მისცა და თავი თჳსი სრულიად
Line of ed.: 6     უარ-ყო და არცა თუ მცირედი რაჲმე დაუტევა ჴელმწიფებასა
Line of ed.: 7     ქუეშე თჳსსა, არამედ ეგევითარმან მან განთქუმულმან და
Line of ed.: 8     საჩინომან კაცმან ყოველი-ვე ნებაჲ თჳსი მოიკუეთა და სრულებით
Line of ed.: 9     შეუდგა მორჩილებასა მისსა. და ესეზომი მჴურვალებაჲ აჩუენა,
Line of ed.: 10     რომელ, უკუეთუ-მცა შესაძლებელ იყო, თჳნიერ მისისა ბრძანებისა
Line of ed.: 11     არცა-მცა წყლისა გემოჲ იხილა და არცა-მცა სიტყუაჲ ერთი აღმოთქუა
Line of ed.: 12     და არცა თუ ფოლსა ერთსა ზედა უფალ იყო, არამედ
Line of ed.: 13     ყოველსა-ვე მამაჲ იოვანე განაგებნ და მისცემნ, ვითარცა ენების
Line of ed.: 14     და სადა-ცა ჯერ-იყვის.

Line of ed.: 15        ხოლო ვინაჲთგან სათნოებითა ყოველთა თავი მორჩილებაჲ არს
Line of ed.: 16     სულიერთა მამათაჲ და ნებისა თჳსისა განკუეთაჲ, და ესე ესრეთ
Line of ed.: 17     აქუნდა, Ms. page: L_15v   ვითარცა ვაუწყეთ ღმრთის-მოყუარებასა თქუენსა,
Line of ed.: 18     და ფრიად უმაღლესად, რამეთუ უნდოთა-ცა გულის-სიტყუათა
Line of ed.: 19     ტირილით გამოუცხადებნ ნეტარსა იოვანეს და კანონსა და შენდობასა
Line of ed.: 20     ითხოვნ. სხუათა მათ სათნოებათა მისთა გამოწულილვით
Line of ed.: 21     აღწერასა ნეფსით თანა-წარვჰჴედით, რამეთუ ჭეშმარიტად
Line of ed.: 22     ყოვლითა-ვე სათნოებითა სავსე იყო ნეტარი ესე: სიმდაბლითა, სიწრფოებითა
Line of ed.: 23     და უმანკოებითა. და მარადის ეტყჳნ დიდსა იოვანეს,
Line of ed.: 24     ვითარმედ: "მამაო, თჳთ იცი, რომელ დიდად ცოდვილ ვარ და სიკუდილი
Line of ed.: 25     ჩემი მოახლებულ არს და უნებელი სიწმიდისა თქუენისაჲ
Line of ed.: 26     არა ვარ, არამედ ნებაჲ ჩემი და თავი ჩემი შემდგომად ღმრთისა
Line of ed.: 27     შენდა მომიცემია, ვითარცა გნებავს, აცხოვნე სული ჩემი".

Paragraph: 15 
Line of ed.: 28        15. ამას რაჲ ესევითარსა მჴურვალებასა მისსა ხედვიდა Ms. page: L_16r  
Line of ed.: 29     ნეტარი მამაჲ ჩუენი იოვანე, ფრიად მოსწრაფე იყო, რაჲთა
Page of ed.: 51   Line of ed.: 1     არარაჲ იპოვოს რაჲთურთით მის თანა ნაკლულევანებაჲ რაჲმე
Line of ed.: 2     და ჯეროვნად პატივ-სცემნ მას და ერიდებინ და განუსუენებნ და
Line of ed.: 3     სწყალობნ სიბერესა მისსა.

Line of ed.: 4        ხოლო ვინაჲთგან დიდი თორნიკ წყობათა შინა აღზრდილ
Line of ed.: 5     იყო და სალაშქროთა საქმეთა, ამათ ესევითართა პირთათჳს, უბნობაჲ
Line of ed.: 6     და ჰამბავი უყუარდა, და, ვითარცა ვთქუთ, მამაჲ იოვანე
Line of ed.: 7     ერიდებინ და არა უნდა, რაჲთა-მცა ამხილა მას, რაჲთა არა მოწყლას
Line of ed.: 8     გონებაჲ მისი. და ვითარცა იყვნეს მას ჟამსა კაცნი წარჩინებულნი
Line of ed.: 9     და პატიოსანნი, შევიდიან და ეუბნებოდიან მას ზემო-თქუმულთა
Line of ed.: 10     ამათ პირთათჳს. მაშინ, ვითარცა იხილა იოვანე,
Line of ed.: 11     რამეთუ სიწრფოებით იქმს ამას, შეეშინა, ნუუკუე ამის სახისათჳს
Line of ed.: 12     ზღვევაჲ რაჲმე სულიერი შეამთხჳოს ღირსსა მას და თჳსსა-ცა
Line of ed.: 13     სულსა. Ms. page: L_16v   ამისთჳს-ცა ჰრქუა მას მამამან იოვანე, ვითარმედ: "საყუარელო
Line of ed.: 14     ძმაო, ვხედავ, რომელ მადლითა ღმრთისაჲთა კეთილად
Line of ed.: 15     წარმართებულ ხარ მცნებათა შინა ღმრთისათა და არა მნებავს,
Line of ed.: 16     რაჲთა კრძალვისა გზითა ზღვევაჲ რაჲმე მოვატყუა სულსა შენსა.
Line of ed.: 17     აწ დააცადე სოფლიოთა მაგათ საქმეთა უბნობაჲ და ამიერითგან
Line of ed.: 18     სხუასა ნუ ვის ეუბნები, გარნა გაბრიელს ხოლო ხუცესსა.
Line of ed.: 19     ხოლო ხუცესი იგი ესევითარი კაცი იყო, რომელ პირსა მისსა
Line of ed.: 20     მსოფლიოჲ სიტყუაჲ არა გამოვიდოდა, არამედ ყოველი-ვე საღმრთოჲ
Line of ed.: 21     და სულიერი. ესე რაჲ ესმა ღირსსა მას, მეყსეულად დავარდა
Line of ed.: 22     ფერჴთა თანა მისთა და ცრემლით ეტყოდა, ვითარმედ:
Line of ed.: 23     "და რად დაიდუმე აქამომდე და არა მამხილე, წმიდაო და ღმერთ-შემოსილო
Line of ed.: 24     მამაო?" ხოლო მამამან იოვანე აღადგინა იგი და
Line of ed.: 25     ჰრქუა: "უფალმან შეგინდვენ, გარნა აწ ხოლო ეკრძალე" და
Line of ed.: 26     მიერი\თგან Ms. page: L_17r   მონასტრისა ძმათა არღარა ვის ეუბნებინ, გარნა თუ
Line of ed.: 27     უცხოჲ ვინ მოვიდის და მცირედი რაჲმე სიტყუაჲ მიუგის მას. და
Line of ed.: 28     ესრეთ ესევითარსა ამას სულიერსა ცხორებასა შინა აღასრულნა
Line of ed.: 29     დღენი თჳსნი და ღმრთისა მივიდა, და ჭეშმარიტად წამეს მამათა
Line of ed.: 30     ჩუენთა მისთჳს, ვითარმედ: "ღმერთმან შეუნდვნა ცოდვანი მისნი
Line of ed.: 31     და საუკუნესა ცხორებასა ღირს-ყო".

Next part


This text is part of the TITUS edition of Old Georgian Hagiographical Texts, vol. II.

Copyright TITUS Project, Frankfurt a/M, 31.10.2010. No parts of this document may be republished in any form without prior permission by the copyright holder.