TITUS
Biblia Iberica: Psalterium et Odae
Part No. 43
Previous part

Chapter: 43 
Verse: 2  Link to mcat Link to sept Link to armat   ღმერთო, ყურთა ჩუენთა გუესმა, რომელი მამათა ჩუენთა გჳთხრეს ჩუენ საქმე იგი, რომელ ჰქმენ დღეთა მათთა, დღეთა მათ პირველთა.

Verse: 3  Link to mcat Link to sept Link to armat   ჴელმან შენმან მოსრნა წარმართნი და დააშენა იგინი, ბოროტი უყავ ერსა მას, და განასხნეს იგინი.

Verse: 4  Link to mcat Link to sept Link to armat   რამეთუ არა მახუილითა მათითა დაიმკჳდრეს ქუეყანაჲ, არცა მკლავმან მათმან იჴსნნა იგინი. არამედ მარჯუენემან შენმან და მკლავმან. ხოლო შენმან და ნათელმან პირისა შენისამან, რამეთუ სათნო-იყვენ შენ იგინი.

Verse: 5  Link to mcat Link to sept Link to armat   შენ თავადი ხარ მეუფე ჩუენი და ღმერთი ჩუენი, რომელმან ჰბრძანე ცხორებაჲ იაკობისი.

Verse: 6  Link to mcat Link to sept Link to armat   შენ გამო მტერნი ჩუენნი დავსცნეთ, და სახელითა შენითა შეურაცხ-ვყვენით იგინი, რომელნი აღდგომილ არიან ჩუენ ზედა.

Verse: 7  Link to mcat Link to sept Link to armat   რამეთუ არა მშუილდსა ჩემსა ვესავ, არცა მახუილმან ჩემმან მაცხოვნოს მე.

Verse: 8  Link to mcat Link to sept Link to armat   არამედ შენ მაცხოვნენ ჩუენ მაჭირებელითა ჩუენითაგან, და მოძულეთა ჩუენთა არცხჳნე.

Verse: 9  Link to mcat Link to sept Link to armat   ღმრთისა მიმართ ვიქადოდით ჩუენ მარადღე და სახელსა მისსა უგალობდეთ უკუნისამდე.

Verse: 10  Link to mcat Link to sept Link to armat   ხოლო აწ შენ განმიშორენ ჩუენ, მარცხჳნენ ჩუენ და არა გამოხუედ ღმერთი ძალად ჩუენდა.

Verse: 11  Link to mcat Link to sept Link to armat   მართლუკუნ მაქციენ ჩუენ უფროჲს ყოველთა მტერთა ჩუენთასა, და მოძულენი ჩუენნი მიმოდამიტაცებდეს ჩუენ.

Verse: 12  Link to mcat Link to sept Link to armat   მიმცენ ჩუენ ვითარცა ცხოვარნი საჭმლად და წარმართთა შორის განმაბნიენ ჩუენ.

Verse: 13  Link to mcat Link to sept Link to armat   მიეც ერი შენი უსასყიდლოდ და არა იყო რისხუი ღაღადებისა ჩუენისაჲ.

Verse: 14  Link to mcat Link to sept Link to armat   მყვენ ჩუენ საყუედრელ მოძმეთა ჩუენთა, საცინელ და საკიცხელ გარემოჲსთა ჩუენთა .

Verse: 15  Link to mcat Link to sept Link to armat   მყვენ ჩუენ იგავ წარმართთა და თავის სახრელად ერისა.

Verse: 16  Link to mcat Link to sept Link to armat   მარადღე კდემულებაჲ ჩემი ჩემ წინაშე არს მარადის და სირცხუილმან პირისა ჩემისამან და[მ]ფარა მე.

Verse: 17  Link to mcat Link to sept Link to armat   ჴმისაგან მაყუედრებელისა, ძჳრის-მეტყუელისა, პირისაგან მტერისა და მდევარისა.

Verse: 18  Link to mcat Link to sept Link to armat   ესე ყოველი მოვიდა ჩუენ ზედა და ჩუენ არავე დაგივიწყეთ შენ; არა ვეცრუენით ჩუენ აღთქუმასა შენსა;

Verse: 19  Link to mcat Link to sept Link to armat   არცა უკუნვიქეცით გულითა ჩუენითა, მისდრიკენ ალაგნი ჩუენნი გზისაგან შენისა.

Verse: 20  Link to mcat Link to sept Link to armat   რამეთუ დამამდაბლენ ჩუენ ადგილსა ბოროტსა და დამფარნა ჩუენ აჩრდილმან სიკუდილისამან.

Verse: 21  Link to mcat Link to sept Link to armat   უკუეთუმცა დავივიწყეთ ჩუენ სახელი ღმრთისა ჩუენისაჲ, ანუ გან-თუმცა-ვიპყრენით ჴელნი ჩუენნი კერპთა მიმართ,

Verse: 22  Link to mcat Link to sept Link to armat   ღმერთმან სამემცა იძია ესე; რამეთუ მან უწყის საიდუმლოჲ გულისაჲ.

Verse: 23  Link to mcat Link to sept Link to armat   შენთჳს მოვსწყდებით ჩუენ მარადღე და შევირაცხებით ჩუენ, ვითარცა ცხოვარნი კლვადნი.

Verse: 24  Link to mcat Link to sept Link to armat   განიღუიძე, რად გძინავს, უფალო? აღდეგ და ნუ დამაგდებ ჩუენ სრულიად.

Verse: 25  Link to mcat Link to sept Link to armat   რად გარე-მიიქცევ პირსა შენსა ჩემგან, დაივიწყებ გლახაკებასა ჩუენსა და ჭირსა ჩუენსა?

Verse: 26  Link to mcat Link to sept Link to armat   რამეთუ დამდაბლდა მიწამდე სული ჩუენი, და ქუეყანად მიიწია მუცელი ჩუენ.

Verse: 27  Link to sept Link to armat   აღდეგ, ღმერთო, შემეწიენ ჩუენ და მიჴსნენ ჩუენ სახელისა შენისათჳს.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.