ცისკარსა განტივენ, განვარდა მეფჱ ისრაჱლისაჲ, რამეთუ ჩჩჳლ იყო ყრმა ისრაჱლი, და მე შევიყუარე იგი, და ეგჳპტით მოუწოდე შვილთა მისთა.
ვითარცა მოუწოდე მათ, ეგრეთვე წარვიდოდა პირისაგან ჩემისა, ხოლო იგინი ბაალიმს უგებდეს, და გამოქანდაკებულთა უკუმევდეს.
მე შევაბრკოლე ეფრემ; აღვიღე იგი მკლავთა ჩემთა, და არა ცნეს, რამეთუ მე განვჰკურნებ მათ. Page of ms. O: 375ვ
განრყუნილებასა კაცთასა/ განვჰმარტენ იგინი საკრველითა სიყუარულისაჲთა, და ვეყო მათ ვითარცა კაცი, რომელი სცემნ ღაწუსა მათსა, და მივხედო მას.
დაეშჱნა ეფრემ ეგჳპტეს, და ასური იგი მეფჱ მისი, რამეთუ არა ინება მოქცევად.
და მოუძლუ<რ>და მახჳლი ქარქაშთა მისთაჲ, და ღასცხრა ჴელთა შინა მისთა, და ჭამდინ ზრახვათაგან მათთა.
და ერი მისი დამოკიდებულ სამკჳდრებელისაგან მისისა, და ღმერთი პატივსა მისსა ზედა განრისხნა, და არა აღმაღლოს იგი.
რაჲ მე აღგითქუა შენ ეფრემ, შეგეწიო შენ ისრაჱლ, რაჲ აღგითქუა შენ,აჲითარცა ადამაჲ დაგდვა შენ, და ვითარცა ზებოიმი; გარდაიქცა გული ჩემი ერთბამად, შემიძრწუნდა სინანული ჩემი.
არა ვყო რისხვისა-ებრ გულის-წყრომისა ჩემისა; არა უტევო მე აღჴოცად ეფრემი, რამეთუ ღმერთი ვარი მე და არა კაცი შენ შორის, და არა შევიდე ქალაქად.
შემდგომად უფლისა ვიდოდი, ვითარცა ლომი იზახებდეს, რამეთუ იგი იმრუშებდეს, და განჰკრთენ ნაშობნი წყალთანი.
<, , ,> ვითარცა მფრინველნი ეგჳპტით, და ვითარცა ტრედნი ქუეყანით ასურასტანით, და კუალად მოვაგნე იგინი სახლთა მათთა; იტყჳს უფალი.:
