TITUS
Vetus Testamentum iberice: codd. Oshki & Jerusalem
Part No. 192
Previous part

Chapter: 10  
Verse: 1   Link to mcat Link to sept   ვენაჴი რქა შუენიერი ისრაჱლი, ნაყოფი წარმომართებული მისი, სიმრავლისა-ებრ ნაყოფისა მისისა განამრავლნა საკურთხეველნი, და სიმრავლისა-ებრ კეთილთა მისთა ქუეყანისა მისისა განამრავლა ძეგლები.

Verse: 2   Link to mcat Link to sept   განივთნეს Page of ms. O: 374v  გულნი მათნი,/ აწ განირყუნენ იგინი, თავადმან დაარღჳნეს საკურთხეველნი მათნი, უბადრუკ იქმნნენ ძეგლნი მათნი.

Verse: 3   Link to mcat Link to sept   ამისთჳს აწ თქუან; არა არს მეფჱ ჩუენდა, რამეთუ არა გუეშინოდა უფლისა, ხოლო მეფემან რაჲ მიყოს ჩუენ.

Verse: 4   Link to mcat Link to sept   იტყოდის სიტყუათა მიზეზით ტყუვილისაჲთა; აღ<თ>ქუას აღთქუმაჲ; აღმოს, ცენდეს ვითარცა კლერტი საშჯელი ოჴერსა ველსა.

Verse: 5   Link to mcat Link to sept   ჴბოსა სახლისა ონისსა მწირ იქმნნენ მკჳდრნი სამარიაჲსანი, რამეთუ იგლოვდა ერი მისი მის ზედა, და ვითარფა განამწარეს იგი, იხარებდეს დიდებასა მისსა.

Verse: 6   Link to mcat Link to sept   რამეთუ მიიცვალა იგი მისგან ასურასტ<ა>ნად, შეკრეს და მიჰგუარეს ძღუნად მეფესა იარამისასა მისაცემელად; ეფრემ მიიღოს, ჰრცხუენოდის ისრაჱლსა ზრახვითა თჳსითა.

Verse: 7   Link to mcat Link to sept   განაგდო სამარიამან მეფჱ თჳსი ვითარცა ქარქუეტი წინაშე პირსა წყლისასა,

Verse: 8   Link to mcat Link to sept   და აღიხუნენ ბომონნი ონისანი ცოდვაჲ ისრაჱლისაჲ; ეკალნი და კუროჲს-თავნი აღმოსცენდენ ბომონთა მათთა თანა, და ეტყოდიან მთათა; დამფარენით ჩუენ, და ბორცუთა; დამეცენით ჩუენ ზედა.

Verse: 9   Link to mcat Link to sept   ვინაჲთგანცა შესცოდა ისრაჱლმან, მუნ დაადგინნეს. ვერ ეწიოს მათ ბორცუსა მას ბრძოლაჲ შვილთა სიცრუვისათა; ზედა-მოუჴდა

Verse: 10   Link to mcat Link to sept   სწავლად მათა, და შეკრბენ მათ ზედა ერნი სწავლასა მას მათსა ორთა მათ სიცრუვეთა მათთჳს. Page of ms. O: 375რ 

Verse: 11   Link to mcat Link to sept   ეფრემ სამწყული/ წურთილი; უყუარს ძლევაჲ, ხოლო მე ზედა-მიუჴდე უკეთესსა ქედსა მისსა, ზედა-მიუჴდეს ეფრემს, დავიდუმო იუდაჲ; განვაძლიერო ისრაჱლი.

Verse: 12   Link to mcat Link to sept   ითესეთ თავისა თქუენისა სიმართლედ, მოისთულეთ ნაყოფად ცხორებისა; განინათლეთ თავისა თქუენისა ნათელი მეცნიერებისაჲ; გამოიძიეთ უფალი, ვიდრემდის მოვიდეს ნაყოფი სიმართლისა თქუენისაჲ.

Verse: 13   Link to mcat Link to sept   რაჲსათჳს დაიდუმეთ უკეთურებაჲ, და სიცრუვე მოისთულეთ, რამეთუ შჭამეთ ნაყოფი ტყუვილისაჲ, და ესევდი ეტლებსა შენსა სიმრავლითა ძალისა შენისაჲთა.

Verse: 14   Link to mcat Link to sept   და აღდგეს წარწყმედაჲ ერსა შენსა ზედა, და ყოველნი მოზღუდვილნი შენნი წარჴდენ, ვითარცა მთავარი სალამან სახლისაგან იერობოამისსა, დღეთა ბრძოლისათა დედაჲ შვილთა ზედა ქუე დახეთქეს

Verse: 15   Link to mcat Link to sept   ესრეთ გიყო შენ, სახლო ისრაჱლისაო, პირისაგან უკეთურებისა თქუენისა.:

Next part


This text is part of the TITUS edition of Vetus Testamentum iberice: codd. Oshki & Jerusalem.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.