TITUS
Biblia Mcxetica
Part No. 731
Previous part

Chapter: 7 
7


Verse: 1  Link to oskijerLink to igavnigLink to bakaratLink to sept   ასულნი და დედოფალნი ეტყჳან სიძესა: "რასა ჰხედავთ, სულამიტელნო? შორის მომავალი, ვითარცა მწყობრი ბანაკთა.

Verse: 2  Link to oskijerLink to igavnigLink to bakaratLink to sept   რაჲსა განშუენდეს კუალნი შენნი საჴამლობითა, ასულო ამინადიბისო? ნაწევრებულებაჲ წვივთა შენთაჲ, მსგავსი მელევანდისაჲ, ნაქმარ ჴელოვნისა.

Verse: 3  Link to oskijerLink to igavnigLink to bakaratLink to sept   უპე შენი - ტაკუკ წახნაგებულ, არამოკლებულ ზავებულისაგან; მუცელი შენი - ხუავი იფქლისაჲ, მოკრძალული შროშნითა;

Verse: 4  Link to oskijerLink to igavnigLink to bakaratLink to sept   ორნი ძუძუნი შენნი, ვითარცა ორნი მარჩბივნი თიკანნი ქურციკისანი;

Verse: 5  Link to oskijerLink to igavnigLink to bakaratLink to sept   კისერი შენი, ვითარცა გოდოლი პილოსძუალისაჲ; თუალნი შენნი, ვითარცა ტბანი ესებონისანი, ცხჳრნი შენნი, ვითარცა გოდოლი ლიბანისაჲ პირისპირ დამასკისა;

Verse: 6  Link to oskijerLink to igavnigLink to bakaratLink to sept   თავი შენი შენ ზედა, ვითარცა კარმელი და ნათხზენი თავისა შენისა, ვითარცა პორფირი, მეფე შეკრული თანაწარმვლელთა შორის.

Verse: 7  Link to oskijerLink to igavnigLink to bakaratLink to sept   სიდიდე შენი ემსგავსა ფინიკსა და ძუძუნი შენნი ტევანთა.

Verse: 8  Link to oskijerLink to igavnigLink to bakaratLink to sept   რაბამ განშუენდი და რაბამ დასტკბა სიყუარული შუებათა შენთა?!

Verse: 9  Link to oskijerLink to igavnigLink to bakaratLink to sept   და ვთქუ: აღვიდე ფინიკსა და ვიპყრა სიმაღლე მისი. და იყვნენ ძუძუნი შენნი, ვითარცა ტევანნი ვენაჴისანი, და ორთქლი ცხჳრთა შენთა, ვითარცა ვაშლი,

Verse: 10  Link to oskijerLink to igavnigLink to bakaratLink to sept   სასა შენი, ვითარცა ღჳნო კეთილი. მომვლელი ძმისწულისა მიერ ჩემისა სიწრფოებად, კმასაყოფელად ბაგეთა ჩემთა და კბილთა.

Verse: 11  Link to oskijerLink to igavnigLink to bakaratLink to sept   მე ძმისწულისა ჩემისა და ჩემდა მომართ მოქცევაჲ მისი.

Verse: 12  Link to oskijerLink to igavnigLink to bakaratLink to sept   მოვედ, საყუარელო ჩემო, განვიდეთ აგარაკად, ვიქცეოდეთ დაბათა შინა;

Verse: 13  Link to oskijerLink to igavnigLink to bakaratLink to sept   ვიმსთოთ ვენაჴთა შინა, ვიხილოთ, უკუეთუ აღყვავნა ვენაჴი, უკუეთუ აღყუავნა ბუტკოვნებაჲ, უკუეთუ აღყუავნეს ბროწეულნი. მუნ მოგცნე ძუძუნი ჩემნი შენ.

Verse: 14  Link to oskijerLink to igavnigLink to bakaratLink to sept   მანდრაგორთა შენთა გამოსცეს სულნელებაჲ და კართა ზედა ჩუენთა შენნი მწუერვალნი ხეთანი, ახალნი ძუელთა თანა, რომელი მომცა დედამან ჩემმან, ძმისწულო ჩემო, დაგიმარხო შენ".



Verse: 1V    რაჲსა S; ბაჲნაკთა S;

Verse: 2V    განშუჱნდეს S; წვივთაჲ S; ჴელოვნისაჲ S.

Verse: 3V    შროშნითაჲ S.

Verse: 5V    ლიბაჲნისაჲ S; დამასკისაჲ S. ლიბანისაჲ + ვითარცა S.

Verse: 7V    რაჲბამ S; დასტკბინ S; შუჱბაჲთა S.

Verse: 8V    ფინიკსაჲ S.

Verse: 9V    ვიპყრაჲ S; ცხჳრთაჲ S.

Verse: 10V    სიწრფოებაჲდ S; კმაჲსაყოფელად S; კბილთაჲ S.

Verse: 11V    ძმისწულსა ჩემსა S.

Verse: 12V    დაბაჲთა S.

Verse: 14V    შენი S; მწუჱრვალნი S; ძუჱლთა S.

Section:  




Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.