TITUS
Biblia Mcxetica
Part No. 623
Previous part

Chapter: 96 
დავითისი, ოდეს ქუეყანა მისი დაემკჳდრებოდა, წარუწერელი ებრაელთა შორის


Verse: 1  Link to psa Link to sept   უფალი სუფევს, იხარებდინ ქუეყანაჲ, და იშუებდედ ჭალაკნი მრავალნი.

Verse: 2  Link to psa Link to sept   ღრუბელი და ნისლი გარემო არს მისსა, სიმართლე და განკითხვა წარმართება საყდრისა მისისა.

Verse: 3  Link to psa Link to sept   ცეცხლი მის წინაშე ვიდოდის და შეწუნეს გარემოს მტერნი მისნი.

Verse: 4  Link to psa Link to sept   გამოჩნდეს ელვანი მისნი სოფელსა, იხილა და შეძრწუნდა ქუეყანაჲ.

Verse: 5  Link to psa Link to sept   მთანი, ვითარცა ცჳლი, დადნეს პირისაგან უფლისა, პირისაგან უფლისა ყოვლისა ქუეყანისა.

Verse: 6  Link to psa Link to sept   უთხრეს ცათა სიმართლე მისი, და იხილონ ყოველთა ერთა დიდებაჲ მისი.

Verse: 7  Link to psa Link to sept   ჰრცხუენოდენ ყოველთა, რომელნი თაყუანის-სცემენ ჴელითქმნულთა და რომელნი იქადიან კერპებითა მათითა. თაყუანის-ეცით მას ყოველთა ანგელოზთა მისთა.

Verse: 8  Link to psa Link to sept   ესმა და იხარებდა სიონი, და იშუებდეს ასულნი ჰურიასტანისანი სამართალთა შენთათჳს, უფალო.

Verse: 9  Link to psa Link to sept   რამეთუ შენ, უფალი, მაღალ ხარ ყოველსა ქუეყანასა ზედა, ფრიად ამაღლდი შენ უფროს ყოველთა ღმერთთა.

Verse: 10  Link to psa Link to sept   რომელთა გიყუარს უფალი, მოიძულეთ ბოროტი; დაიცვნეს უფალმან სულნი წმიდათა მისთანი. და ჴელთაგან ცოდვილისათა იჴსნნეს იგინი.

Verse: 11  Link to psa Link to sept   ნათელი გამოუბრწყინდა მართალსა და გულითა წრფელთა - სიხარული.

Verse: 12  Link to psa Link to sept   იხარებდით მართალნი უფლისა მიმართ და აუარებდით საჴსენებელსა სიწმიდისა მისისასა. დიდება



Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.