TITUS
Biblia Mcxetica
Part No. 602
Previous part

Chapter: 75 
Verse: 1  Link to sept   დასასრულსა გალობათასა, ასაფისი, გალობაჲ ასურასტანელისა მიმართ

Verse: 2  Link to psa Link to sept   განცხადებულ არს ჰურიასტანს ღმერთი და ისრაჱლსა ზედა დიდ არს სახელი მისი.

Verse: 3  Link to psa Link to sept   იქმნა მშჳდობით ადგილი მისი და სამკჳდრებელი მისი სიონს;

Verse: 4  Link to psa Link to sept   რამეთუ მუნ შემუსრნა ძალნი მშჳლდთანი, საჭურველი და მახჳლი და ბრძოლაჲ.

Verse: 5  Link to psa Link to sept   განანათლებ შენ საკჳრველად მთათაგან საუკუნეთა.

Verse: 6  Link to psa Link to sept   შეძრწუნდეს ყოველნი უგნურნი გულითა; დაიძინეს ძილი მათი, და არა პოვეს არარაჲ ყოველთა კაცთა სიმდიდრისა ჴელითა მათითა.

Verse: 7  Link to psa Link to sept   მრისხანებითა შენითა, ღმერთო იაკობისო, ჰრულოდა მათ, რომელნი ზესხდეს ჰუნებსა.

Verse: 8  Link to psa Link to sept   შენ საშინელ ხარ, და ვინ წინააღგიდგეს შენ? მიერითგან არს რისხვა შენი.

Verse: 9  Link to psa Link to sept   რაჟამს ზეცით სასმენელ-ჰყავ მშჯავრი, ქუეყანასა შეეშინა და დაყუდნა,

Verse: 10  Link to psa Link to sept   რაჟამს აღდგებოდა ღმერთი შჯად, განრინებად ყოველთა მშჳდთა ქუეყანისათა.

Verse: 11  Link to psa Link to sept   რამეთუ ზრახვამან კაცისამან აღგიაროს შენ, და ნეშტი გულისზრახვისა დღესასწაულებდეს შენდა.

Verse: 12  Link to psa Link to sept   ილოცეთ და მიეცით უფალსა ღმერთსა ჩუენსა, ყოველნი, რომელნი არიან გარემოს მისა, შეწირონ ძღუენი

Verse: 13  Link to psa Link to sept   საშინელისა მის, რომელმან მიუხუნის სულნი მთავართანი, უსაშინელესისა უფროს მეფეთა ქუეყანისათა.

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.