TITUS
Biblia Mcxetica
Part No. 601
Previous part

Chapter: 74 
Verse: 1  Link to sept   დასასრულსა, ნუ განხრწნი გალობათჳს, ასაფისი

Verse: 2  Link to psa Link to sept   აღგიაროთ შენ, ღმერთსა, აღგიაროთ შენ და ვხადოთ სახელსა შენსა; მიუთხრობდე ყოველთა საკჳრველებათა შენთა;

Verse: 3  Link to psa Link to sept   რაჟამს მოვიღო ჟამი მე სიწრფოებასა ვშჯიდე.

Verse: 4  Link to psa Link to sept   განკფდა ქუეყანა და ყოველნი მკჳდრნი მისნი, მე დავამტკიცენ სუეტნი მისნი.

Verse: 5  Link to psa Link to sept   ვარქუ უსჯულოთა: ნუ უსჯულოებთ, და მცოდველთა: ნუ აღიმაღლებთ რქასა;

Verse: 6  Link to psa Link to sept   ნუ აღიღებთ მაღლად რქასა თქუენსა და ნუცა იტყჳთ ღმრთისათჳს სიცრუესა.

Verse: 7  Link to psa Link to sept   რამეთუ არცა აღმოსავალით, არცა დასავალით, არცა უდაბნოთაგან მთათასა,

Verse: 8  Link to psa Link to sept   რამეთუ ღმერთი მსაჯულ არს: ესე დაამდაბლის და ესე აღამაღლის.

Verse: 9  Link to psa Link to sept   რამეთუ სასუმელი ჴელთა შინა უფლისათა ღჳნისა ურწყოსა სავსე არს სხმულითა; და მიდრკა ამიერ მუნ, ხოლო თხლე მისი არა წარმოიცალიერა; სუან იგი ყოველთა ცოდვილთა ქუეყანისათა.

Verse: 10  Link to psa Link to sept   ხოლო მე ვიხარებდე უკუნისამდე და უგალობდე ღმერთსა იაკობისსა.

Verse: 11  Link to psa Link to sept   და ყოველნი რქანი ცოდვილთანი შევმუსრნე, და ამაღლდეს რქაჲ მართლისა.

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.