TITUS
Biblia Mcxetica
Part No. 560
Previous part

Chapter: 33 
Verse: 1  Link to sept   ფსალმუნი დავითისი, რაჟამს-იგი იცვალა პირი თჳსი წინაშე აბიმელიქისა და განუტევა იგი და წარვიდა

Verse: 2  Link to psa Link to sept   ვაკურთხო უფალი ყოველსა ჟამსა, მარადის ქებაჲ მისი პირსა ჩემსა.

Verse: 3  Link to psa Link to sept   უფლისა მიერ იქოს სული ჩემი, ესმოდის მშჳდთა და ახარებდენ.

Verse: 4  Link to psa Link to sept   განადიდეთ უფალი ჩემ თანა და აღვამაღლოთ სახელი მისი მის თანა.

Verse: 5  Link to psa Link to sept   გამოვიძიე უფალი და ისმინა ჩემი და ყოველთა ჭირთა ჩემთაგან მიჴსნა მე.

Verse: 6  Link to psa Link to sept   მოედით მისა და განათლდით და პირსა თქუენსა არა ჰრცხუნეს.

Verse: 7  Link to psa Link to sept   მან გლახაკმან ჴმა-ყო და უფალმან ისმინა მისი და ყოველთა ჭირთა მისთაგან იჴსნა იგი.

Verse: 8  Link to psa Link to sept   დაიბანაკებს ანგელოზი უფლისა გარემოს მოშიშთა მისთა და იჴსნნეს იგინი.

Verse: 9  Link to psa Link to sept   განიცადეთ და იხილეთ, რამეთუ ტკბილ არს უფალი; ნეტარ არს კაცი, რომელი ესავს მას.

Verse: 10  Link to psa Link to sept   გეშინოდენ უფლისა ყოველთა წმიდათა მისთა, რამეთუ არა არს ნაკლულევანებაჲ მოშიშთა მისთა.

Verse: 11  Link to psa Link to sept   მდიდარნი დაგლახაკდეს და შეემშია, ხოლო რომელნი ეძიებენ უფალსა, არა ნაკლულევან იქმნენ ყოვლისაგან კეთილისა.

Verse: 12  Link to psa Link to sept   მოვედით, შვილნო, ისმინეთ ჩემი, შიში უფლისაჲ გასწავო თქუენ.

Verse: 13  Link to psa Link to sept   ვინ არს კაცი, რომელსა ჰნებავს ცხორებაჲ და უყუარან ხილვად დღენი კეთილნი?

Verse: 14  Link to psa Link to sept   დააცხრვე ენაჲ შენი ბოროტისაგან და ბაგენი ჩენნი ნუ იტყჳან ზაკვასა;

Verse: 15  Link to psa Link to sept   მოიქეც ბოროტისაგან და ქმენ კეთილი, მოიძიე მშჳდობაჲ და მისდევდი მას.

Verse: 16  Link to psa Link to sept   თუალნი უფლისანი მართალთა ზედა და ყურნი მისნი ლოცვასა მათსა ზედა;

Verse: 17  Link to psa Link to sept   პირი უფლისაჲ მოქმედთა ზედა ძჳრისათა მოსპოლვად ქუეყანით საჴსენებელი მათი.

Verse: 18  Link to psa Link to sept   ჴმობდეს მართალნი და უფალმან ისმინა მათი და ყოველთა ჭირთა მათთაგან იჴსნნა იგინი.

Verse: 19  Link to psa Link to sept   მახლობელ არს უფალი შემუსრვილთა გულითა და მდაბალნი სულითა აცხოვნნეს.

Verse: 20  Link to psa Link to sept   მრავალ არიან ჭირნი მართალთანი და ყოვლისავე მისგან იჴსნნეს იგინი უფალმან.

Verse: 21  Link to psa Link to sept   დაიცვნეს უფალმან ყოველნი ძუალნი მათნი და ერთიცა მათგანი არა შეიმუსროს.

Verse: 22  Link to psa Link to sept   სიკუდილი ცოდვილთა ბოროტ არს და, რომელთა სძულდეს მართალი, უსჯულოებენ.

Verse: 23  Link to psa Link to sept   იჴსნნეს უფალმან სულნი მონათა მისთანი და არა ცოდონ ყოველთა, რომელნი ესვენ მას. დიდება



Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.