TITUS
Biblia Mcxetica
Part No. 506
Previous part

Chapter: 22 
Verse: 1  Link to oskijerLink to sept   მიუგო ელიფას თემანელმან და ჰრქუა:

Verse: 2  Link to oskijerLink to sept   აწ არამე უფალი არსა, რომელმან ასწავის გულისჴმის-ყოფაჲ და მეცნიერებაჲ?

Verse: 3  Link to oskijerLink to sept   რაჲმე უკუე ხარკ უფლისაჲ, შენ თუ იყავ საქმითა შენითა უბიწო? ანუ რაჲ სარგებელ, რამეთუ წრფელ იყავ გზათა შენთა?

Verse: 4  Link to oskijerLink to sept   ანუ სიტყუაჲმე ყოსა შენდა მიმართ და გამხილოს შენ და შენ თანა შევიდეს საშჯელად?

Verse: 5  Link to oskijerLink to sept   აწ არამეა უკეთურებანი შენნი მრავალ არიან? და ურიცხუ არიან ცოდვანი შენნი?

Verse: 6  Link to oskijerLink to sept   მო-სამე-იხუთევდ ძმათა შენთა ცუდად, სამოსელი შიშუელთა მოუღე,

Verse: 7  Link to oskijerLink to sept   არცა წყალი წყურიელთა ასუ, არამედ მშიერთა მოუღე პური.

Verse: 8  Link to oskijerLink to sept   თუალთვეამე-აღებ პირთა მათთა და მსხემ ჰქმნენ ქუეყანისანი,

Verse: 9  Link to oskijerLink to sept   ქურივნი განავლინენ ცალიერნი და ობოლთა ბოროტსა უყოფდ.

Verse: 10  Link to oskijerLink to sept   აწ უკუე გარემოგადგეს შენ საფრჴენი და მოიწია შენ ზედა ბრძოლაჲ განსაკჳრვებელი.

Verse: 11  Link to oskijerLink to sept   ნათელი შენი ბნელად გარდაგექცა და ძილსა შინა შენსა წყალმან დაგფარა შენ.

Verse: 12  Link to oskijerLink to sept   ანუ არა, რომელი-იგი მაღალთა მსტოარ არს, იგი ხედავს, და რომელნი-იგი გინებით იქცევიან, დაამდაბლნა?

Verse: 13  Link to oskijerLink to sept   ჩას თუ რაჲმე ცნა ძლიერმან მან, ანუ წყუდიადით სჯიდეს.

Verse: 14  Link to oskijerLink to sept   ღრუბელი არს საფარველ მისა და ვერ იხილა ვინ და გარემოჲს ცათა ვიდოდის.

Verse: 15  Link to oskijerLink to sept   ანუ ალაგნი საუკუნენი დაიცვნე, რომელსა-იგი ვიდოდეს კაცნი მართალნი,

Verse: 16  Link to oskijerLink to sept   რომელ-იგი შეიპყრეს უჟამოდ? მდინარე მოდინებულ საფუძველნი მათნი.

Verse: 17  Link to oskijerLink to sept   რომელთა თქჳან: უფალმან რაჲ მიყოს ჩუენ? ანუ რაჲ მოაწიოს ჩუენ ზედა ყოვლისა მპყრობელმან,

Verse: 18  Link to oskijerLink to sept   რომელმან აღავსნა სახლნი მათნი კეთილითა? ზრახვანი უღმრთოთანი შორს არიან მისგან.

Verse: 19  Link to oskijerLink to sept   * იხილეს მართალთა და განიცინნეს, ხოლო უმანკომან შეურაცხ-ყო;

Verse: 20  Link to oskijerLink to sept   რამეთუ განირყუნა ძალი მათი. და ნეშტი მათი შეჭამა ცეცხლმან.

Verse: 21  Link to oskijerLink to sept   იქმენღა ფიცხელ, უკუეთუ და-ვითარ-უთმო, გინათუ ნაყოფი შენი იყოს კეთილთა შინა.

Verse: 22  Link to oskijerLink to sept   გამოიხუენ პირისაგან მისისა სიტყუანი და დაიკრიბენ სიტყუანი მისნი გულსა შენსა.

Verse: 23  Link to oskijerLink to sept   უკუეთუ მოიქცე და დაიმდაბლო თავი შენი წინაშე უფლისა, მაშინ განიშორენ საყოფელთაგან შენთა სიცრუენი.

Verse: 24  Link to oskijerLink to sept   დაემტკიცე მიწასა ზედა კლდესა შინა, ვითარცა ჴევსა სოფირისასა.

Verse: 25  Link to oskijerLink to sept   და იყოს შენდა შემწე ყოვლისა მპყრობელი მტერთაგან შენთა. და წმიდად მოგაგოს შენ ვეცხლი გამოჴურვებული.

Verse: 26  Link to oskijerLink to sept   და მაშინ განცხადებულებაჲ ჰპოვო წინაშე უფლისა და აღიხილნე თუალნი ზეცად მხიარულებით.

Verse: 27  Link to oskijerLink to sept   ილოცვიდე რაჲ შენ მისსა მიმართ, ისმინოს შენი და მობცნეს შენ კუალად-გებად ლოცვანი შენნი.

Verse: 28  Link to oskijerLink to sept   და მოგაგოს შენ სასყიდელი სიმართლისა და გზათა შენთა შენ თანა იყოს ნათელი,

Verse: 29  Link to oskijerLink to sept   * რამეთუ დაამდაბლა იგი და სთქუა: ამპარტავანებდა. და მდაბალი იგი თუალითა აცხოვნოს,

Verse: 30  Link to oskijerLink to sept   იჴსნას უბიწოჲ იგი და განერეს წმიდითა ჴელითა შენითა.

Section:  

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.