TITUS
Biblia Mcxetica
Part No. 505
Previous part

Chapter: 21 
Verse: 1  Link to oskijerLink to sept   მიუგო იობ და ჰრქუა:

Verse: 2  Link to oskijerLink to sept   ისმინეთ, ისმინეთ სიტყუათა ჩემთა, ნეტარ თუმცა არა იყოს თქუენ მიერ ესე ჩემდა ნუგეშინის-ცემაჲ?

Verse: 3  Link to oskijerLink to sept   მაცადეთ მე და ვიტყოდი, უკუეთუ არა მეკიცხევდეთ მე.

Verse: 4  Link to sept   აწ რაჲ? კაცისა მიერ ნუ არსა მხილებაჲ ესე ჩემი? ანუ ვითარ არა განვრისხნე?

Verse: 5  Link to oskijerLink to sept   მხედევდით მე და გიკჳრდინ, ჴელნი დაისხენით პირსა

Verse: 6  Link to oskijerLink to sept   უკუეთუ მოვიჴსენენ, ვისწრაფო, ეგრე ჰქონან ჴორცნთა [?] ჩემთა სალმობანი.

Verse: 7  Link to oskijerLink to sept   ** აწ რასათჳს უღმრთონი ცხოველ არიან და დაძუელებულ არიან სიმდიდრესა ზედა?

Verse: 8  Link to oskijerLink to sept   თესლი მათი ნებისაებრ მათისა, შვილნი მათნი წინაშე თუალთა მათთა.

Verse: 9  Link to oskijerLink to sept   სახლნი მათნი სავსე არიან, შიში არავინაჲ არს მათა, ტანჯვაჲ უფლისა მიერ არა არს მათ შორის.

Verse: 10  Link to oskijerLink to sept   ფურმან მათმან არა მოაგდო, განერა მაკე იგი მათი და არა შეეცოდა.

Verse: 11  Link to oskijerLink to sept   ჰგიან იგინი ვითარცა ცხოვარნი საუკუნენი და ყრმანი მათნი იმღერიან.

Verse: 12  Link to oskijerLink to sept   აუღებიეს ებანი ღა ქნარი და იხარებენ ჴმითა სახიობისათა,

Verse: 13  Link to oskijerLink to sept   რათა აღასრულნენ კეთილსა შინა დღენი მათნი და განსასუენებელსა ჯოჯოხეთისასა დაიძინეს.

Verse: 14  Link to oskijerLink to sept   ჰრქჳს უფალსა: გარეიქეცი ჩემგან, გზათა შენთა ცნობადვე არა მნებავს.

Verse: 15  Link to oskijerLink to sept   * რაჲ სარგებელ, რამეთუ ვჰმონებდეთ მას? და ანუ რაჲ შესაძინელ, რამეთუ მივეგებვოდეთ მას?

Verse: 16  Link to oskijerLink to sept   რამეთუ ჴელთა მათთა შინა იყო კეთილი იგი მათი. და საქმეთა უღმრთოთა იგი არა ხედავს.

Verse: 17  Link to oskijerLink to sept   არა ხოლო ეგრე, არამედ უღმრთოთაცა სანთელი და-ვე-შრტეს და მოიწიოს მათ ზედა დაქცევაჲ და სალმობამან შეიპყრნეს იგინი რისხვისაგან.

Verse: 18  Link to oskijerLink to sept   და იყვნენ იგინი ვითარცა ბზენი წინაშე ქარსა, ანუ ვითარცა მტუერი, რომელი აღიღის ნიავქარმან.

Verse: 19  Link to oskijerLink to sept   მოაკლდეს ძეთა მისთა ნაყოფი მისი, მიაგოს მათ და ცნას.

Verse: 20  Link to oskijerLink to sept   იხილედ თუალთა მისთა კლვაჲ თჳსი და უფლისა მიერ ნუ განერებინ,

Verse: 21  Link to oskijerLink to sept   რამეთუ ნებაჲ მისი სახლსა შინა მისსა იყო მის თანა და რიცხუნი თუეთა მისთანი განიყუნეს,

Verse: 22  Link to oskijerLink to sept   ვითარ უკუე აწ არამე უფალი არს, რომელმან ასწავის გულისჴმისყოფაჲ და მეცნიერებაჲ? და იგი თავადი კაცისმკლველთა განიკითხავს.

Verse: 23  Link to oskijerLink to sept   ესე მოკუდეს სიმტკიცითა უგნურებისა მისისათა, რამეთუ ყოვლადვე ფუფუნეულ და წარმომართებულ იყო.

Verse: 24  Link to oskijerLink to sept   და ნაწლევნი მისნი სავსე იყვნეს ცრემლითა. ტჳნი მისი განფენილ იყო.

Verse: 25  Link to oskijerLink to sept   ხოლო ესე აღესრულა სიმწარითა სულისაჲთა. არარაჲ ჭამა არცა ერთ რაჲ კეთილ.

Verse: 26  Link to oskijerLink to sept   და ერთბამად მიწასა ზედა დაიძინეს და მყრალობამან იგინი დაფარნა

Verse: 27  Link to oskijerLink to sept   ვითარ-ესე გიცნი თქუენ, კადნიერად ზედამომივალთ მე,

Verse: 28  Link to oskijerLink to sept   ვითარმედ სთქუათ სამე, ვითარმედ: სადა არს სახლი იგი მთავრისა? და სადა არს საყოფელი იგი უღმრთოთა?

Verse: 29  Link to oskijerLink to sept   ჰკითხეთღა თანაწარმავალთ გზისათა და სასწაული იგი მათი არა უცხო იყოს,

Verse: 30  Link to oskijerLink to sept   რამეთუ დღედ წარწყმედისა მიეცემის უკეთური იგი, დღედ რისხვისა მისისა მიიყვანენ.

Verse: 31  Link to oskijerLink to sept   ვინმე უთხრას წინაშე პირსა მისსა გზაჲ მისი? და მან ქმნა და ვინმე კუალად მოაგოს მას?

Verse: 32  Link to oskijerLink to sept   და იგი თავადი საფლავად მიეცა და სამარესა შინა იღჳძებდა.

Verse: 33  Link to oskijerLink to sept   დასტკბნეს მას ღჳნჭანი ჴევისანი და შემდგომად მისა ყოველი კაცი მივიდეს და უწინარეს მისსა ურიცხუნი.

Verse: 334.  Link to sept   ვითარ ნუ გეშინის-მცემთ მე ცუდსა ნუგეშინის-ცემასა? ხოლო დაცხრომაჲ თქუენგან არა არს.

Section:  

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.