TITUS
Biblia Mcxetica
Part No. 502
Previous part

Chapter: 18 
Verse: 1  Link to oskijerLink to sept   მიუგო ბალდად სავქელმან და ჰრქუა:

Verse: 2  Link to sept   ვიდრემდე არა დასცხრები? დადუმენ, რათა ჩუენცა ვიტყოდით:

Verse: 3  Link to oskijerLink to sept   რაჲსა ვითარცა პირუტყუნი დადუმებულ ვართ შენ წინაშე?

Verse: 4  Link to oskijerLink to sept   და გიჴმევიეს შენ რისხვაჲ! აწ რაჲ? უკუეთუ შენ მოჰკუდე, უშენი დაშთესა ცასა ქუეშე, ანუ დაიქცენ მთანი საფუძვლითურთ?

Verse: 5  Link to oskijerLink to sept   და ნათელი უღმრთოთა დაშრტეს, ანუ არა შეემთხჳოს მათ.

Verse: 6  Link to oskijerLink to sept   ნათელი მათი ბნელად გარდაიქცეს საყოფელსა მათსა, ხოლო ნათელი იმათი დაშრტეს მათ ზედა.

Verse: 7  Link to oskijerLink to sept   წარიღეთ უმწემესთა ნაყოფი მათი; ცთომილ იყუნედ ზრახვანი მათნი.

Verse: 8  Link to oskijerLink to sept   შევრდომილ არს ფერჴი მათი საბრჴესა და მახესა წარეგრაგნენ.

Verse: 9  Link to oskijerLink to sept   მოვიდენ საბრჴენი მის ზედა, განძლიერდედ მის ზედა წყურილნი; დარწყულ არს ქუეყანასა ზედა საბელი მისი ალაგთა ზედა.

Verse: 11  Link to oskijerLink to sept   გარემოადგედ მას სალმობანი მრავალნი, საბრჴე მოიწიოს მის ზედა.

Verse: 12  Link to oskijerLink to sept   მიეცეს იწროსა სიყმილსა, დაცემაჲ განმზადებულ არს მის ზედა განსაკჳრვებელი, შეიჭამოს ძალი ფერჴთა მისთა.

Verse: 13  Link to oskijerLink to sept   შეიჭამნედ წყჳლნი, განლიენ შუენიერებაჲ მისი სიკუდილმან.

Verse: 14  Link to oskijerLink to sept   განეშორენ საყოფელთა მისთა განკურნებაჲ, შეემთხჳენ მას ჭირი და ბრალი სამეუფოჲ.

Verse: 15  Link to oskijerLink to sept   დაიმკჳდროს საყოფელსა მისსა ღამემან, დაეთესნედ შუენიერნი წუნწუბით.

Verse: 16  Link to oskijerLink to sept   და ქუეშე კერძო ძირნი მისნი განჴმელ და ზედა კერძო ნაყოფი მისი დასცჳვეს.

Verse: 17  Link to oskijerLink to sept   * საჴსენებელი მისი წარწყმდინ ქუეყანით და არა იყოს სახელი მისი პირსა წინაშე სხუათაგან.

Verse: 18  Link to oskijerLink to sept   ეჭენენ მას სანთლისაგან ბნელად და არა იყოს საცნაურ ერსა შორის მისსა.

Verse: 19  Link to oskijerLink to sept   და არცა განრინებულ ცასა ქუეშე სახლი მისი, არამედ მისთა მათ შინა ცხონდებოდიან უცხონი.

Verse: 20  Link to oskijerLink to sept   მის ზედა სულთ-ითქუმიდეს უკანასკნელი, ხოლო პირველთა მათ უკჳრდა.

Verse: 21  Link to oskijerLink to sept   ესენი არიან სახლნი ცრუთანი და ესე არს ადგილი მათი, რომელთა არა იციან უფალი.

Section:  

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.